مادريت أن اللي يحبني يبي حزني

اسطبل الخيل

نزلوا الباقي من السيارة وسلموا على خالهم وهو يرحب فيهم قرب قاسم منه طالع فيه سلطان وببتسامه
-هلا بالنسيب
قال سند ببرأه
-وش يعني نسيب
قرب نايف منه
-بعدين اقولك
ضحك سلطان
-يوه لسه على طبعك يانايف تعالي ياسند اقولك
قرب منه سند
-النسب هو زوج الاخت
-بس انا امي ميته
سكتو كلهم وقال نايف يحاول يخفي دمعته اللي ماسكها بالقوه
-امي ماتت عند الناس بس ماتت في قلوبنا
ابتسم سلطان اللي كان حافظ نايف وفاهمه وقال
-صح يانايف إن مات الشخص مامات في قلوب اللي يعزونه
المهم شكلنا طولنا هنا حياكم الله تفضلوا
دخلهم في بيت صغير كان فيه اربع غرف وصاله ومطبخ وحمامين(الله يكرم القارئ) سند كان مثل الطير لا خرجته من قفصه يدخل البيت شوي يروح للمزرعه شوي يرجع عندهم بعدها يروح للخيل ويرجع عدهم كان بيطير من الفرحه
قاسم وهو يسولف مع سلطان
-الا وين الاهل
-ماقلت لهم انكم جايين ابيهم يتفاجئوون
ضحك قاسم
خرجوا فيصل وعز مع سند اللي كان ينطط وهو يمشي
-هناك فيه خيل كثير مرره حلوه
مسك عز يد سند
-اي نعرف انها هناك تعال معي نشوف اذا رعد لسه موجود
-مين رعد
ناظرو فيصل وعز في بعض وأبتسمو دخلو الاسبطل اللي كان فيه رجال عريض وكبير معطيهم ظهره همس فيصل في اذن عز
-ذا مين؟
-مدري
قال الرجال وهو يلبس الفرس سرج
-أصيل تعال اركب الفرس
طالعوا فيصل وعز في بعضهم ضحك عز وهو يقول
-خالي علي
هز راسه فيصل ومتشقق من الفرحه قرب فيصل منه وحط يده على كتف علي وقال
-طيب وانا عادي لو ركبته
لف علي بسرعه وطالع في فيصل بستغراب
-مين انت؟
-افا ياخال نسيتني
-وجهك مهو غريب
-ماني خارج من هنا لين تقول مين انا
طالع في عز اللي ماسك سند قرب علي من سند وقال بنبره حزينه
-انتو عيال اختي ضي صح
ابتسم عز وهز راسه نط علي كأنه بزر وحضن عز وهو يقول
-كم صارلي منكم ليش ماعاد تبونا
ضحك عز
-والله نحبكم ياخال بس الظروف ماخلتنا نجي
بعد عنه وهو يطالع فيه
-كبرت ياعز وصرت رجال
التفت وقال
-انت فيصل صح؟
-اي
جاء عنده وضربه على راسه
-اهح شفيك ياخال؟
ابتسم
-حتى انت كبرت خايف اشوف نايف وانفجع من كبره اذا هذي اشكالكم
راح يبي يشوف نايف بس مسك سند وقال
-تدري انك تشبهه امك كثير ياسند