مادريت أن اللي يحبني يبي حزني

الإجازه

مرت الأيام وجات الاجازه الكبيره كان سند متحمس متى بيسافرون تعافى من اصابته وأول يوم في الاجازاه راح عند ابوه
-يبه يلا متى نسافر
بضحك-هد ياولدي لسه مابدت الاجازه
-خير البر عجله
-وش عجله؟
-مدري وش يقولون المهم مثل قريب منه
ضحك قاسم-خير البر عاجله؟
-اي هذا هو
قال فيصل بطقطقه-حتى مثل ماطاعك تقوله وعادك تقول تبي تسافر لحالك
-اي اني اذا كبرت بسافر لحالي
قال قاسم -لا بسم الله ابيكم حولي ومحد منكم يبعد مني
جاء عز وهو جايب صينية-ماعليك يبه حتى اذا تزوجنا عشنا في هذا البيت
بضحك-والله ودي بس وش ذي الصينيه؟
-هذي صينيه من خالتي غاليه
-الله يعطيها العافيه من لما ماتت امكم الله يرحمها وهي ماتسوي وجبه لبيتها الا وتجيب لنا منه
عز وهو يفتح الصينيه-اي والله يبه الله يعطيها العافيه
كان في الصينيه رز ودجاج
-يلا ياعيالي واحد يجيب السفره وواحد يجيب صحن رز وبقو لنايف
فيصل وهو منزعج-لا يبه اللي نايم راحت عليه الوجبه
-لا هذا اخوكم
جابوا السفره وصحن الرز وبدو ياكلون وبقو لنايف شوي في الصينيه
عند حمد اللي كان مجهز مع هله أن بكره بيسافرون للديار اللي حولهم بعدها لدوله ثانيه يتمشون فيها جود وهي متحمسه
-اخيرا بروح جورجيا والسويد وماليزيا
عناد بضحك-احه كل هذي تبين تروحين لها على كذا خلصت الميزانيه
حمد بضحك-امكم اللي بتختار من ذي الدول وين بنروح
قام بهاج وقال-والله انك يايمه محظوظه بأبوي
-الحمد لله وودي بعد تصيرون زيه
قالت جود وهي تطالع في اخوانها-ابوي ماله مثيل وماراح يتكرر
كلوا وخلصو طلعت جود للحاره فلقت سند اللي يلعب بسيكله قالت-عادي اركبه؟
دقات قلبه تزايدت ولا هو عارف وش الي يصيرله نزل من السيكل واعطاه اياها انصدم من نفسه فهو يرفض احد يركب سيكله
لفت في الحاره شوي ورجعت له السيكل وقالت-سند وين بتروحون في الاجازه؟
-بنروح للديار الثانيه
-الله مثلنا بس حنا بعدها بنروح برا نتمشى
-فين يعني بتروحون؟
-مدري لسه امي وابوي ماقررو السويد أو جورجيا او ماليزيا
-الله يهنيكم
-ابتسمت ورجعت لبيتهم