مادريت أن اللي يحبني يبي حزني

تهاني في الديره

نط نايف كأنه بزر على الدريشه وقال لرجال
-انت زوج عمتي تهاني؟
وهو يوخر من نايف قال
-ايه
رجع نايف لفيصل وقال بضحك
-عمتي تهاني جات
-يوهه ولدها اياد معها؟
فتحت الباب الي وراء ونزل منها ولد باين ان عمره 17 ابيض نحيف عيونه عسليه شعره بني لابس تيشريت وبنطلون قال وهو يطالع في فيصل
-انتو اولاد مين؟
طالع نايف في فيصل بضحكه بعدين قال له
-حِينا اولاد خالو قاسم
-يوه انتَ ايش اسمك؟
رد نايف وهو مصدوم
-مسرع نسيتني يا أياد
-ياشيخ صارلي منكم سنين كثيره
ببتسامه
-انا نايف
ضحك وقال
-انتَ نايف طيب ليش شكلك كدا مبهذل مره؟
طالع في فيصل بحزن فتقدم فيصل ومد يده لأياد وقال
-انا فيصل
حط يده على فمه بصدمه وقال
-انتَ فيصل
بستغراب
-ايه
-او مي قاد مره كبرت كتيير
ارتفعت ضحكت نايف وهو يبعد منهم قال فيصل بصدمه
-ورع خير؟ ارفع علومك
-هههه خلاص عاد فصولي انتَ تزعل مره كتير
التفت فيصل على نايف الي طاح بالأرض من ضحك نزل الرجال وهو رافع جواله يزبط شماغه ويقول
-خلاص حبيبي أياد اتركهم بعد شوي بنروح لرجال قل السلام عليكم طيب؟
-حاضر بابا
جلس نايف وهو يمسح دموعه من الضحك قال أياد بتقرف
-نايف من يومك كدا توسخ يو كلوذس
رجع نايف على الارض يضحك وفيصل صدع من كلامه قال لأبوه
-تفضل ياعم حياك
مسك ابوه بيد اياد ويبي يدخله راح وخر يده اياد ويقول بعصبيه
-داد انا كبرت خلاص
-ياولدي...رد عليه بأنه تركه وراح يبي يدخل
ولع فيصل وماقدر يمسك للسانه وقال
-ياكلب كذا تعامل ابوك؟!
رد ابوه وهو يصارخ على فيصل
-وانت شدخلك؟
انصدم وقال
-ذا جزاي بعد
راح وتركه وهو يقول لنايف اللي جالس ويضحك
-قم قم انت بعد منسدحلي تضحك
قام وهو ينفض ثوبه فضحك ابو اياد وهو يقول
-مو كذا تنضفه بالهمجي روح غسل ثوبك
فقال أياد
-دادي لا كذا تسببلو عقده
-لا معليك الي تموت امه تجيه قوه
طالع نايف في عينه اللي كلها خبث ومارد بس كانت نظاراته تتكلم عنه
تجاهله ودخل مع ولده عند الرجال قال فيصل لنايف بعصبيه
-ولد ليش مالعنت والديه على هذا الكلام
وهو يبي يرجع البيت
-اتركه الكلب عمره ما طهر
راح بسرعه فيصل ومسك بيده ويقول
-فين رايح
-بغير ثوبي واجي
بضحكه
-اثر فيك بذي السرعه؟
وهو يحرك راسه بلاء وقال بغصه
-لا وين مابقى الا هو يأثر فيني بس صدق شوف ثوبي وشكلي كيف
حرك راسه فيصل وهو عارف انه كذاب وقال ببتسامه وهو يطبطب على كتفه
-تكفى ياخوي مهو هو اللي  يهزمك
تنهد وراح وهو يمشي حس بمويه على خده طلعت دموعه نزلت وقف وهو يسمح دموعه ويشاهق
-لا لا مهو انا الي يبكيني واحد زيه
حس بيده على كتفه التفت بخوف فلقاها هي نفسها ببتسامتها الحنونه قربت منه وهي تمسح دموعه زي ماتمسح امه دموعه وكأنه يشوف امه في عيونها وتقول
-تبكي وانا راسي يشم الهواء ياروح عمتك
ضحك وهو ينكر
-لا بس غبار دخل في عيني
قرب منها وسلم على راسها فقالت وهي مستغربه
-نايف شفيك هالاتك سود وثوبك متوسخ وعيونك حزينه
-لا بس تعرفين بدت الاجازه وانا صرت اسهر وماني متعود على السهر ياعمه
-تكذب علي انا يانايف
-لا ياعمه...قاطعته وهي تقول
-انا شفت حسين يوم ضايقك كنت في السياره ومعليك والله لا اربيه واخليه يجي ويعتذرلك ولو ودك يبوس راسك بعد
فرح في داخله بس قال
-لا ياعمه حسين بحسبة ابوي ولو
-معليش خليه يتربي وبعد في الليل بجيكم وتقولي وشصار عشان الهلات ذي والثوب انت تعرف يانايف انكم ياعيال اخوي نفس ولدي أياد
تنهد بحزن فماعاد قدرت الا انها تقول
-الله يلعن كل من نزل منك دمعه
خاف وقال
-لا ياعمه لا تعلنين
-ايهه اجل تعلمني في الليل لما راحوا الضيوف والله يانايف حركاتك الي تهرب عشان ماتعلمني ياويلك
-لالا ماعليك
-بتشوف المهم فين الحريم
اشر على بيت حمد وهو يقول
-هناك في بيت عمي حمد
طالعت فيه وهي تقول بتقرف
-نوف هناك؟
-ايه
مسكت راسها وهي تقول
-يالوعة الكبد الي بتجي
ضحك وباس راسها وراح لبيتهم
في حين تهاني الي دخلت عند الحريم وقامت غاليه وهي تعر وترحب ب تهاني
-ياهلا حي الله تهاني
-الله يحييك
طالعت في رجلها وتقول
-ياعمري جعلها في اليهوديه نوف ولا فيك
ضحكت وهي تقول
-استغفر الله لا تقولين كذا
دخلت عند الحريم والكل قام يرحم ويهلي فيها سلمت علهيم لين وصلت عند نوف اللي كان جمبها سند سلمت والاستغراب واضح على وجهها مسكت يده وقالت
-سند؟ وش جابك مع الحريم
وخرت نوف يد تهاني وهي تقول
-انا ناديته
طالعت نوف فيها وقالت
-والله
-ايه فيه شيء؟
-اي فيها خلي الولد يطلع يلعب مع العيال برا الحاره مليانه بزران
قالت بخبثها المعتاد
-والله اخاف عليه ابيه يجلس عندي
-ماعليك مهو صايرله شيء خليه يستانس
جلست وقالت لسند
-اجلس ياحبيبي لا تروح
ولعت تهاني وماعاد قدرت تتحمل مسكت يد سند وقومته فقامت نوف وقالت بصراخ
-هااي انتِ خلي ولدي
-مهو ولدك هذا ولد اخوي
-والله ومين مرضعه لا يكون انتِ؟
-محد اضربك على يدك وقال رضعيه يابقره
-انا بقره؟!
مسكت سند ومشت معه متاجهله صوت نوف اللي تهاوش لين وصلت للحاره طالعت في سند الي باين عليه الخوف وقالت ببتسامه لطيفه
-حبيبي سند انت رجال وعيب عاد تجلس مع الحريم وتسمع سوالفهم روح العب مع العيال
-ايه انا كنت ابي العب معهم بس خرجت امي نوف ودخلتني
استغربت تهاني وقالت
-اسمع روح العب معهم واذا جاتك قل لا عمتي تهاني قالت مادخل مع الحريم
-بس انا خايف ازعلها
رفعت راسها وهي تحاول تمسك اعصابها وتقول
-الله حسيبك
وطالعت فيه وابتسمت
-معليك هذا الشيء مايزعل
-والله؟
-اييه مايزعل يلا روح العب بسرعه
راح يركض يلعب وهي رجعت تدخل فكانت نرف في انتظارها وغاليه تحاول تهديها قالت تهاني وهي تناظر نوف من فوق لتحت
-وخري سديتي الباب
وهي تفحمت من العصبيه
-سديته اجل شعندك ماخذه ولدي؟
-والله وحده ماسكه ولد في مجلس حريم ل
-وانتِ شدخلك؟
-اوههه كلام جديد شدخلني والله ولد اخوي زي ماهو ولد اختك
خرجت عشان ترجعه فمسكتها تهاني وقالت بصوت خفيف
-إن رحتي تجيبيه يانوف والله لا أوريك الويل
بستهزاء
-الويل اجل اقول وخري
وهي تبي تروح قالت
-نوف من اعذر فقد انذر وانا تهاني ماني اي احد اعرف كيف اربيك وابي عشره منك
التفت نوف وقالت بصراخ
-ايش انتِ تربيني مين انتِ؟
-نوف اهجدي ترا المكان فيه حريم وخلي صراخك وهواشك لبعدين واكسري الشر وادخلي
-لا وش بتسوين؟ يلا ربيني اشوف
-قد انذرت والله الشاهد ياويلك وياسواد لليلك هين انا اوريك
دخلت ودخلت غاليه معاها قالت غاليه بخوف
-تهاني هدي وصلي عالنبي هذي نوف والله لا تطيحك في مشاكل مالها اول من تالي
وقفت وقالت
-وانا تهاني اقطها ورى الشمس.