مادريت أن اللي يحبني يبي حزني

تبادل الاسرار

(حمد)
بخطوه متردده وافكار متسائله دخل سند بيت عمه حمد لقى عمه حمد قدامه ببتسامه عريضه
-ياهلا ارحب ياسند
بتوتر
-هلا ياعم
-لا يكون تبي بهاج ترا خرج قبل شوي مدري فين راح
-لا ياعم ابيك انت
بستغراب ويأشر على نفسه
-انا؟
-اي انت
ببتسامه ونظرات استغراب
-حياك اجل
دخل سند وهو مكسور ويجر خطوته جلس مقابل حمد الي كان مبتسم ويقوله
-امرني وش بغيت؟
-مايامر عليك عدو ياعم
نزل راسه وصار يبلع ريقه ويرجع يطالع في عمه وينزل راسه استغرب حمد من تصرفاته قام قرب من سند حط يده على كتف سند وبنبره حنونه
-ياولدي انا عمك بحسبت ابوك علمني شفيك ولا تستحي
-ياعم الموضوع عن..
تنهد وضعف لكن صار كلام جود يردد بذهنه رفع راسه وحط عينه بعين حمد وقال بثقه
-الموضوع عن جود
بتفاجئ
-جود بنتي؟
-اي اي ياعم
-شفيها؟
-ياعم بقولك الي شفته بس ابيك تصدقني
بقلق
-اكيد بصدقك بس قول ايش فيه؟!
-ياعم شفت جود...
قطع كلامه طق الباب القوي والسريع قام حمد مفزوع تجاه الباب فتحه وهو يقول
-خير خير
لقى عز وفيصل قدامه عز عليه الخوف وفيصل عليه الاستغراب تفاجئ بعز يقول
-سند وش قال؟!
استغرب حمد وطالع بسند ورجع طالع فيهم
-ماقال شيء
-طيب ياعم عادي ادخل ابيه بشيء
-ماعليه يبيني بكلمة راس نخلص وحياكم الله
-لا ياعم ضروري تكفى
وهو يسكر الباب
-عز خلاص اجلس بالحوش ابي سند
سكر الباب على عز الي مسك راسه ويردد
-يارب مايتكلم
صارخ فيصل
-ولد فهموني وش قاعد يصير؟!
طالع عز فيه مسك يده
-فيصل تعرف مكان ندخل البيت منه؟
-الباب
صفقه على راسه
-دلخ انت ماشفته طردنا
-اجل كيف ندخل يعني؟
-مدري..اسمع نروح ورى البيت يمكن نلقى شباك مفتوح وندخل
-اي اي يلا
ركض مع فيصل لورى البيت وقفوا عند بهاج الي كان دمعه يغطي ملابسه طالعهم بعين مكسوره وقال بصدمه
-وش جابكم!؟
بوقت واحد
فيصل بستغراب
-بهاج شفيك؟
عز بتوتر
-بهاج فيه شباك؟
طالعو في بعض
بأنفعال
-بدال ماتواسي ولد عمك تسأله عن الشبابيك يالحرامي
بغضب
-اي حرامي واي خرابيط اقول انطم..بهاج تكلم فيه شبابيك؟
بتوتر واستغراب
-اي
-فين؟!
اشر على على شباك صغير وبعيد شوي حط عز يده على راسه وهو يقول
-ياراسي كيف بدخله؟!
وقف فيصل قدامه وهو يبتسم
-ماقالو لك ان النحاف نعمه؟
طالع عز فيه وكان فيصل نحيف جداً وطويل حط يده على كتف فيصل
-طلبتك ياخوي...قاطعه
-قبل الطلبات فهمني ليش تبي تدخل غصب للبيت مع ان عمي طاردك
بهاج بصدمه
-ابوي طردك! وش مهبب انت؟
في وقت واحد
-صه بعدين نقولك
-فيصل مافي وقت اني اعلمك
بضحك
-اي ليش
بقلة صبر
-ماهو وقته لازم تدخل
-فهمني طيب وش سالفتك مع سند وشدخله في انه يقول لعمي..
-اوششش..خلاص اسأله ادخل وتل سند من شعره
بمزح
-ليش غيران عشان شعره طويل وحل..بصراخ
-فيصل ادخل لا انا اسحبك بشعرك
بخوف
-طيب طيب
راح بتجاهه الشباك وطالع بعز
-بعيد
-خلاص انت اركب فوق ظهري وافتح الشباك وادخل يالسحليه
-ان السحليه هي الي فادتك
انحنى عز وفيصل صار يحاول يحط رجله على عز ويوصل لشباك وبهاج للحين يطالعهم بصدمه صرخ فيصل بفرح
-وصلت وصلت
عز وهو يمسك ظهره متوجع
-وش تنتظر ادخل يادلخ
فتح الشباك الي كان يدخل على غرفة صغيره ماعرف فيصل هذي لأيش لكن دخل لين ماوصل للغرفه وصار يتلفت بالمكان يحاول يستوعب وش هذا كانت غرفه صغيره مافيها اثاث او مكيف وفيها اوراق متنثره وصوره كبير على الجدار فيها بهاج وهو يطالع بأعجاب بأخوه عناد الي كان مكتوب باللون الاحمر
(القاتل النادم)
كان فيصل مصدوو لكن تذكر وش يبي ركض متجهه للباب الي كان مفتوح خرج من الغرفه بمشي بخطوات خفيفه في الدرج لين وصل لصاله الي كان حمد يعطي ظهره لفيصل وسند الي كان يقدر يشوف فيصل وهو يلوح بيده بعشوائيه كان يحاول يتجاهله لكن كان ينصدم من تصرفاته ويرجع يطالعه بستغراب تنهد وقام وقال
-وهذا الي صار ياعم واتمنى تلاقي حل للي يصير
خرج سند وفيصل انخش تحت الدرج ويسمع خطوات حمد الي كان يطلع الدرج ولما ماعاد سمع خطواته ركض للباب وخرج وراح ورى البيت وهو يقول
-عز خرج سند
سمعه عز وصار يركض بأتجاه الباب وقف وهو يتنفس بسرعه ويتلفت حوله لقى سند الي كان يمشي وهو يشوت حجاره قدامه ركض اتجاها وهو يقول
-ياحقير!
مسكه من كتفه وهو رافع يده يبي يصفقه كف تفاجئ بيد تمسك يده التفت لقاه بهاج وبحده
-وش تسوي ليش تمد يدك عليه!
كان عز معصب وخر يده من بهاج ومسك سند من كتفه وبغضب
-انا واخوي مالك دخل فينا فاهم!
صار يمشي بسند وهو ماسكه بلبسه
بستغراب وتوتر
-عز شفيك ماسكني وخر يدك
بشده وغضب
-انطم انت عارف وش مسوي
وقف عند باب بيتهم ومسكه من لبسه وبعيون حمراء يبان فيها الغضب وصوت غاضب
-انت ليش رحت تعلم عمي؟!
بخوف
-وش علمته بوش؟
بصراخ
-وتسأل بعد! عن جود وش قلت عنها؟!
بصدمه وهو يحاول يهرب
-ولا شيء موضوع بينا انا وعمي
-اها انت وعمي والموضوع شدخله بجود؟
انصدم وتوتر فك يده وراح يركض لكن بحركه سريعه مسكه عز ودفه عالجدار وبغضب
-انا عارف بكل شيء..تعرف وش يعني كل شيء عارف وش بينك وبين جود والوليد الي خرب عليك وبهواشك مع جود..وبالي قالته لك بالبستان
انصدم وجه سند وبلع ريقه
-سند قلت لعمي عن الي صار؟؟

                                           (بهاج)
وقف بهاج مصدوم من عز لكن قال فيصل بمزاح
-شكله يبي يصفقه وش تتوقع قايل لعمي عشان كذا معصب؟
التفت له بهاج وبستغراب
-انا اول مره اشوف عز هالقد معصب
-والله حتى انا وانا اخوه بس شوف هو الموضوع كله عند عمي
-ابوي؟
-اي ماشفت كيف كان يحاول يمنع سند
-الا
-طيب روح شوف ابوك واسأله عز اعرفه ماراح ناخذ منه لا حق ولا باطل وسند بيتهرب ويعاند هههه تصدق لما يعاند يذكرني بعناد نفس حركاته
امتلت عيونه دموع وهو يقول
-عناد
لاحظ فيصل دموع بهاج توتر
-بهاج شفيك اسف اذا زعلتك
حرك راسه بلاء ومسح دموعه
-لالا عادي يلا بروح لأبوي
راح بأتجاه بيتهم وراسه ينهشه من الافكار دخل البيت لكن مالقى ابوه بلع ريقه بخوف وطلع الدرج وراح لعند غرفة ابوه تنهد بخوف ودق الباب سمع صوت ابوه
-مين؟
-انا بهاج
-ادخل
فتح الباب وهو يطالع ابوه بتوتر ابتسم حمد
-ياهلا وين رحت؟
-خرجت و..وجيت
بنظره مستغربه
-طيب شفيك متوتر ومرتبك كذا فيه شيء؟
-لا انت فيك شيء؟
-لا انا مافيني شيء
حرك راسه بالموافقه قرب من ابوه وجلس بجمبه استغرب حمد من تصرفات بهاج مسح على راسه وببتسامته الطيفه
-شفيك متوتر ياولدي علمني
طالع بعيون ابوه
-يبه سند وش كان يبي فيك
-سند..قالي بس انه شاف جود تطلع في اوقات الحجر مع ريماس وفيه شرطه تمر وبس عشان اقولها هي وريماس
ضحك بصدمه
-بس هذا الي كان مخوفني
-ليش مخوفك بينكم شيء
-لا بس كان فيه تحدي بين سند واخوانه انه يقولك سر عنهم وكان عز خايف يقولك بروح اطمنه
-ههههههههه
خرج من البيت وراح لعند فيصل وعلمه ضحك وقال بحماس
-يلا نروح نقول لعز قبل يدعس سند
-يلا ههههههههههه

                                     (عز)
جلس براحه بعد ماقاله سند عن الي قاله لعمه ويردد
-نشفت الدم بعروقي وهذي اخرتك
جلس بجانبه وببتسامه
-بالله عليك اعلم عن حب حياتي انا مجنون
-مدري عنك
-المهم عز دامك خلاص تعرف بالموضوع وش اسوي معاها
-بس انت ماتعرف عن موضوعها مع الوليد
بحزن
-الا اعرف
-لا ماتعرف
بضحك
-ولا تعرف حتى عن الي لابس اسود ويخوف
-الي يمشي بالحاره اخر الليل؟
التفت عليه بصدمه وحرك راسه بالموافقه
-هذا تحس انه ..انصدمو بصوت بهاج
-يعرف كل شيء عنا
التفتو على بهاج وقالو بصوت واحد
-وش اعطاك؟
فيصل بستغراب
-وقفوا من هذا؟