مادريت أن اللي يحبني يبي حزني

حور

دخلو المجلس وبدو يجلسون ويسولفون الا اصيل الي صامل بنظرات الحقد لنايف لاحظ قاسم واستغرب قرر انه يتكلم
-اصيل شفيك كأنك شايفلك عدو؟
طالعه اصيل ولا غير نظرة الحقد
-والله ياعم السارق حتى لو كان اخوك فهو غدر فيك
بضحكة استهزاء
-وش سرق منك؟
-شيء كبير ياعم
استغرب من كلام اصيل وطالع نايف بشك وتساؤل لكن ماهتم كثير ورجع يسولف كان الكل مستغرب ان نايف متجاهل اصيل ونظراته عدى الوقت ونسو مع السوالف ان الوقت مر طالع محسن بساعته وقال بصدمه
-الساعه 1 الليل كيف ماحسيت
ضحك قاسم
-معليه اليوم نامو عندنا وانتو بين اهلكم
وبعد اللحاح طويل وافق محسن
-يلا نايف وعز روحو للبيت وجهزو فراش لعمكم واصيل
نقز فيصل
-لا يبه انا الي بروح مع نايف
استغرب قاسم لكن ابتسم
-كلكم واحد
خرجو فيصل ونايف ولما حس انه بيقربون من البيت وقف قدام نايف
-نايف لا تقول عادك تحبها
وهو يدفه
-سمعت ابوي وش قال لنا امش نجهز قبل يجون
رجع قدامه وبنبره حازمه
-لا تتجاهلني تكلم معي انت تحبها ولا خلاص
-مدري وش تتكلم عنه
-ماتدري اجل انا اذكرك حبيبتك الي اخذها اصي..طاح فيصل من كف نايف وبنبره حاده وعيون تملع من الدموع
-استح على وجهك تتكلم عن زوجته كذا!
دخل يركض وفيصل الي ماسك خده منصدم من نايف قام وعدل ثوبه ودخل البيت وهو متضايق من نايف جلس بصاله وماكان له خلق يجهز اي شيء او حتى يشوف نايف صار يسمع صوت بكاء استغرب وقام يلحق مصدر الصوت طلع الدرج ووصل لمصدر الصوت الي انصدم منه كان نايف جالس ومتكي عالجدار وثاني ركبته ويبكي بحرقه انصدم فيصل ونسى انه زعلان اصلاً منه ركض له والخوف باين من صوته
-نايف تكفى انا اسف وربي اسف اذا خليتك تبكي كذا
رفع نايف وجهه الي امتلى بالدموع وهو يقول
-مانسيتها بيوم يافيصل ولا يوم نسيتها
مسح فيصل ادموعه وهو يحاول يهديه
-خلاص هد وانا اخوك
لكن نايف كان منهار وصار يقول كلام ملخبط
-انا اليوم كله مسوي ماني مهتم بأصيل وانا نفسي اضربه كنتو تنتظروني اجي وانا ماقدرت اشوفها تنزل من السياره معاه ولا قدرت اجلس وماشوفها كنت اشوفها من بعيد كنت بموت من القهر يافيصل حتى السواره الي عطيتها مالبستها نستني وتزوجت ولا اهتمت فيني وانا الي مانسيتها يافيصل ليش كل ماحبيت احد تركني اولها امي بعدها حور ويقولي اني سرقتها منه لا والله هو الي سرقها مني
ماتحمل فيصل كلامه حضنه وصارت دموعه تبلل ثوبه وقلبه محروق عليه وصار يفكر وش يسوي بأصيل عشان ينتقم منه والي سواه بأخوه
بعد 7 دقايق
وقف فيصل نايف وصار يمسح دموعه ويحط عينه بعين نايف
-اسمعني ترا لازم تهدي نفسك لا تخليه يشوفك كذا ادخل الغرفه وانا بجهز كل شيء
حرك نايف راسه بضعف ودخل الغرفه وسكر الباب وفيصل الي صار يجهز الفراش والحقد ياكله وفكره تجيه وفكره تروح

بعد 10 دقايق
دخل قاسم  وعز ومحسن واصيل البيت وفيصل الي يرحب فيهم بنظرات الحقد لأصيل بادله اصيل بنظرة نفسها دخلهم قاسم للغرفه الي بينامون فيها وكان معاهم عز وفيصل قام اصيل وكان بمكر
-الا ياعم زوجتي حور فين بتنام انا اخاف عليها
-معليه بتنام عند تهاني اختي وبوصيها عليها
-تمام
ورجع بنظرة الحقد لفيصل كان فيصل بينفجر غضب خرج وصار يتحلطم ويسب طلع بسرعه ودخل لغرفة نايف لقاه هدى جلس جمبه وصار يسولف له سوالف عامه