مادريت أن اللي يحبني يبي حزني

موافقة إياد

(الساعه 7 في الليل)

في الصاله في بيت قاسم صوت ثلاثه اخوان كل واحد يقول خطه من عنده صرخ فيصل
-خلاص زي ماقلت ياعيال نروح لإياد ونقوله ان حن محتاجين فلوس
قال نايف بضحك
-والله؟ انت من فين جايب ذكائك ياخي؟ واذا سألنا ليش وش نقوله؟ نعلمه باحن نبي نطيح ابوه ؟!
قال بتملل
-يوووههه عاد راحت من بالي تصدق مدري وش نقول له
قال عز بقلق
-انا عندي خطه
طالعوه مع بعض بلهفه قال نايف
-وش؟
قال فيصل
-هاه؟
-الخطه كالأتي....
فيصل بضحك
-يلعن بليسك على هالوجه البريء ماتوقعتك كذا
قام نايف وقال بحماس
-والله ياعيال تحمست يلا نروح فيصل دق عليه
دق فيصل وقد صارت الساعه 8 رد إياد
-الو هلا فيصل
كان حاط فيصل سبيكر
-اي هلا إياد نجيك؟
-فين راح تروحو؟
قال عز بصوت يكاد يسمع
-اي مكان تبيه
-اي مكان تبيه
بغرور
-لهدرجه تبوني
نزل فيصل الجوال وقال بنرفزه
-ياعيال ماعاد اقدر بصفقه
قال نايف
-يابن الحلال هد ومعليك منه انت ماتبيه حب تبيه لخطه تحمل
تنفس قال عز وهو يهوي فيصل بكرتون
-اي شهيق شفيق
صمخه نايف وقال
-اسمها زفير ياثور
وهو ماسك راسه
-وشدراني عاد خايف اخوك يورطنا
تربع نايف وقال
-فيصل لا تخليه عالخط وماترد
-طيب طيب
رفع السماعه وبتصنع للحب
-اكيد ياولد عمتي مانخرج مكان الا وانت معنا
-لهدرجه حب فيا شكرًا ولد خالو
بعد الجوال وهو يحاول يمسك اعصابه
-تخلخلت عظامك
قام نايف وهو معصب وهو يتلفت قال عز بستغراب
-لأيش تدور؟
بصوت عالي
-اصمخ ذا الدلخ
الا يسمعون صوت إياد وهو يقول
-مين الدلخ؟ انا! انا يانايف؟!
خذ الجوال من يد فيصل وقال بلطف
-محشوم اخوي الدلخ اما انت ذكي وعاقل ومحبوب
بخجل
-شكرًا كتير يقولو زيك
طالع بستغراب في السماعه حرك فيصل يده ويقول
-وتلومني؟
تنهد وقال
-خلاص قل فين تبي تروح؟
بتفكر
-مممم افكر شويا مم شرايك كوفي ؟
-تم الحين جايينك
بهلع
-لالا لسه لازم اشوف وش اللبس الاحسن ليا
-يارجال ثوب وامش
بغرور
-هههه ثوب؟ صدق قديم مره يانايف لازم تيشريت وبنطلون
بنرفزه
-طيب متى بتخلص؟!
-ساعه ساعه ونص
بصدمه
-يهووهه لو انه زواجك ماجلست ساعه ونص
-لا تخليني اهون
-خلاص يلا اخلص الساعه 9:30 وانا عندك
-طيب طيب
قفل نايف وعروق رقبته طلعت ووجهه حمر وقال بصراخ
-ياعيال شرايكم نقطه مع ابوه
قام عز وهو يهديه
-يابن الحلال هد ماعليك من المدلع هذا
ضحك فيصل ويقول
-ولسه مستغربين مني
جلس نايف وهو يحك وجهه بعصبيه وقال
-خلاص بنروح له 9:30 وبنقول زي ماقال عز وانتهى
قام فيصل وقال
-خلاص اجل انا بنام لين تروحو له
انسدح نايف عالكنبه وغطىى عيونه بيده وعز ومسك جواله ينتظر 9:30 هذي تجي

9:30
................
قام عز بصراخ وقال
-قومو قومو يلا بسرعه
قام نايف وهو مخروش ويقول
-الله يلعن بليسكم ماتصحوني انت واخوك الا بصراخ!
-خلاص ياخي يلا قم صارت 9:30
قام نايف وبسرعه وقف عند فيصل وقال
-قم يابو الخطط يلا قم
جلس وهو يقول بصوت مليان نوم
-وش تبون؟
-وش نبي الساعه 9:30!!
-يعني وش ساعة استجابه؟
-اقل قم إياد ينتظر
انفتحت عيونه بقوه وهو يقول
-إياد! صح تذكرت يلا يلا بسرعه
قام وراح غسل وجهه ركب السياره وهو يهوجس لين جاء فيصل وهو متوتر ويقول
-نايف عز تتوقعون تزبط؟!
بصوت مهموم من نايف
-والله مدري وانا اخوك
قال عز
-خلاص توكلو عالله ونروح يلا
مشى نايف متوتر لين وقف قدام بيت جده طلع جواله ودق على إياد رد إياد وهو باين انه يمشي بسرعه ويقول
-انتَ صرت برا؟
-اي اي يلا اخرج
-طيب انا بلبس جزمتي وبجي
قفل نايف وقال لعز الي كان جمبه
-يلا نط ارجع ورى
-ليش؟
-ياغبي عشان يحس ان حن نشوفه شيء كبير
فتح عز باب السيارة وهو يضحك عليه رجع ورى مع فيصل الي بدو يتخيلون كيف بيتكلم إياد الا يقول نايف وهو يصقع فيهم
-اسكتو جاء جاء
فتح إياد الباب الا صراخ وترحيب من عز ونايف وفيصل بعد وهو خايف ويقول
-اشبكم؟ فيه حاجه؟
نايف بضحك
-لا يارجال نرحب فيك
وهو راكب
-كدا ترحبو تخرشو الواحد الله يسامحكم
صار نايف يضحك وهو يمشي بالسيارة الا قال إياد
-فين قررتو تروحو؟
قال فيصل بستغراب
-مو انت قلت نروح كوفي؟
-طيب خلاص في كوفي قريب مره حلو
-خلاص تم
راحو عند كوفي من اختيار إياد مكانه فخم وحلو ومحد منهم شافه او اعرفه الا إياد دخل إياد وجلس على وحده من الكراسي ونايف وعز وفيصل منصدمين من جمال المكان قال فيصل بتعجب
-تصدقون كانو اخوياي يبوني اجي هنا بس رفضت عشانها قطه وانا وقتها ابوي سحب مني المصروف
نايف بضحك
-والله لو يعطيك ابوي مصروفين في الشهر ماجبت سعره ظنتي ان المكان غالي
سحب عليهم عز وراح وجلس مع إياد وبداء يسولف معه عن المكان ويقول
-ايه قد جيت هنا من واحد من اصدقائي هنا
قال اياد بفرح
-والله طيب وش طلبتو؟
حمر وجه عز وهو يطالع في نايف وفيصل الي يضحكون عليه لكن رد بكل حزم
-شاورما
بستغراب
-وي ايش شاورما انت في البوفيه تقول شاورما! شكلك كزاب
بضحك وتوتر
-لا لا يعني شاورمر قصدي
صوت ضحك فيصل عم في المطعم وهو يضحك ونايف يحاول يسكته ويقول بضحك
-يقولك شاورمر قلك فاهم
امسكه نايف بقوه وجلسه على الطاولة مع عز وإياد صار إياد يعطي نظرات سخريه لعز وفتح المنيو وصار يختار اكل له اختار واعطى نايف المنيو وقال
-اختار انا بدفع عنكم
بفرح وخجل
-الله بسعدك يا إياد طول عمرك راعي واجب
-طيب يلا اختار
اختارو نايف وفيصل وعز اكل وهم ينتظرون الأكل كانو يطالعون بعض بتوتر وإياد لاحظ توترهم قال بستغراب
-وي اشبكم كدا تطالعو في بعض في حاجه؟
ضحك نايف وقال
-لا لا مافي حاجه بس..
والحيره واضحه عليه
-بس ايش؟
صار يطالع في فيصل وبداء فيصل يهمس ويقول
-لا لا مالي دخل
وهو يقرص فخذه
-وش الي مالك دخل انت الي جبت الفكره
-لا مهو انا اخوك عز الي جابها
صارو يطالعون في بعض بعدين طالعو في عز وابتسمو بخبث وقال نايف بصوت جهوري
-الا يابو العز هذا هو إياد قدامك تكلم معه وهو اخونا
بانت عليه الصدمه وحمر وجهه وهو يشوف نظرات الاستغراب على إياد حط يده على الطاوله وصار يفرك يده وبداء يحس بحراره في وجهه وراسه ينبض وبتلعثم
-فيصل يبي يسج...صرخ فيصل وقال
-هااي عز وش الي..قاطعه إياد وقال
-يابويا خل الراجل يتكلم
حاوطت عز نظرات الخوف والحده من نايف وفيصل نرل راسه وهو خايف ويسمع إياد وهو يناديه تنهد وبداء يشجع نفسه في داخله
-عز انت تقدر معليك هدا سبك كلمتين وبيصدقك
رفع راسه وقال بثقه
-والله يا إياد انا واخواني صارت لنا مشكله ونحتاج فزعتك
-اي بساعدكم بس شغل المضاربات مالي فيها هه قلت لكم
-لالا ياخوي وش الي مضاربات ماعاد حنا بزران الموضوع ومافيه إن نايف يبي يصلح اشياء في سيارته وأبوي غارق في الديون وو...صار يبكي عز وهو يشكي. لإياد قرب نايف من فيصل وقال
-شكل هذا كذب الكذبه وصدقها
-اي والله يبكي وش هالتمثيل البطل
قام إياد وهو يهديه ويقول
-خلاص مابتكي ياعز انا بعطي لنايف فلوس لسيارتو وخالو بخلي امي تعطيه فلوس
قال بصوت عالي بخوف
-لا
خاف إياد وقال
-وي اشبك ليش؟
صار يطالع اخوانه وهو مهو عارف وش يقول قال نايف
-عشان نبيها مفاجأة له حنا نعرف الي طالبينه الدين وبنعطيهم الفلوس وابوي بنقوله واكيد بنقول انها منك
جلس وهو مستغرب وقال
-انا ماكنت اعرف ان خالي عندو ديون
قال نايف بحزن
-اي وش نقول بعد الدنيا وهذي حالها
-خلاص بقول لماما تسحب لي فلوس زياده و
قام فيصل وقال
-لالا وش الي تقولها خلها بينا وبينك
-وكيف بجيب الفلوس؟
-م.مدري
-وش الي ماتدري خلاص بقول لماما وماتعلم خالو قاسم عشان السبرايز مايخرب
جلس فيصل وهو يقول لعز بهمس
-كله منك ومن افكارك الغبيه
قام نايف وجلس جمب إياد وقال ببتسامه
-اسمعني انت الحين كم معاك؟
-معايا الحين الفين
-طيب عندك مصروف؟
-لا بس ماما تعطيني كل يوم الفين ﷼
بصدمه
-الفين؟!
-اي كم تاخذو يعني انتو؟
-والله وانا اخوك خلها على الله المهم شرايك كل يوم تعطينا 1500 كل يوم وبكذا بقدر اصلح سيارتي واسدد ديون ابوي
كانت الحيره وتردد واضحه عليه
قام عز وعيونه تلمع وقال
-عشان خالك وأولاده بس فتره بسيطه تكفى يا إياد
صار يطالع فيهم وبعد تردد وخوف وقلق طويل قال
-موافق.