مادريت أن اللي يحبني يبي حزني

حزن فيصل

قام فيصل وهو مستغرب من صراخ بهاج
-هد هد بسم لله عليك وش فيك
وهو يبكي
-عناد السبب عناد
-وش سوي عناد؟
-هو اللي طيح جود وهو الي صدم بالناقه
انلخم من كلام بهاح
-وش ذا الكلام
راح جابله مويه وقال
-اشرب الحين شكلك تعبان
دف الدبه وقال
-انا ماني تعبان ولا مجنون بقولك الي صار
علمه بالي صار من لما صحى عناد ورفضت جود تعطيه اكلها الين لما علم قاسم جلس فيصل يطالع بهاج منصدم من الي يسمعه وقال
-مدري وش اقول
-لا تقول شيء بس ابي اخرج هذا الكلام من قلبي وامانه ماتطلع هذا الكلام لأحد
-ابشر محد بعارف انت الحين استريح
سدح بهاج وقراء عليه وهو لسه يشهق من البكي الين نام خرج فيصل عند باب الغرفه ويفكر بالي قاله له بهاج تنهد بحزن شاف ممرضه باين انها عربيه تمشي طالعت في فيصل وقالت ببتسامه
-امر اخدمك بشيء؟
طالع فيها فيصل وكان باين انها في العشرين وجهها مريح جداً رد وهو يبتسم
-لا بس ابي اتنفس هواء مخنوق شوي
-اجيبلك بخار؟
-لا مشكوره
وقفت شوي وهي تطالع في فيصل وفي الغرفه وقالت
-انت اخو سند؟
توتر ويحسب أن سند مسوي شيء قال وهو مستحي
-اي اخوي وش سوى؟
-ماسوى شيء الله يحفظه
-من فين تعرفينه؟
-انا اللي سحبت منه الدم
-اهاا هلا فيك
-يلا سلام واي شيء تحتاجه نادني اسمي أبرار
راحت وفيصل ارتاحلها مره رجع عند بهاج اللي نايم ويشهق في نومه مسك اللحاف ونام على الكنبه
الساعه 6 الصبح
قام فيصل على صراخ بهاج اللي كان يصارخ في نومه قرب منه وهو يهزه
-بهاج قم بهاج بهاج
قام بهاج وهو متشنج يطالع في فيصل مسك يده وقال
-ماني مسامحه والله ماسامحه
-يالليل خلاص هد هد
خرج ومسك في ممرضه وقال
-فين ابرار؟
وهي مستغربه ليش يبيها بالأسم
-انتهت مناوبتها وراحت
-يوهه وقتها طيب انتي تعالي الولد اللي هناك يصارخ
ركضت الممرضه بسرعه عند بهاج اللي كان منهار يبكي صارت تهديه وطلعت ابره ودقته فيها فخف صوته ونام قال فيصل منصدم
-وش عطيتيه؟
-عطيته مهدئ انت وش تقرب له؟
-انا ولد عمه
-بقولك شيء انا بس ماخلصت من دراستي في التمريض دخلت علم نفس من باب التسليه ولما لقيت وظيفه ماعاد رحت فأنا بما ان عندي خبره في علم النفس ولد عمك عنده نوبات هلع وخوف ويحتاج علاج نفسي اتمنى انكم تودونه بسرعه يتعالج لأن الي مثل حالته حاولوا الانتحار
بصدمه
-انتحار!
-اي واتمنى انك تعالجه
طلعت وخلت فيصل في حيرته وحس انه مسؤول عن كل شيء.