مادريت أن اللي يحبني يبي حزني

خطة فيصل

عند فيصل وبهاج
باين على فيصل الصدمه وهو يقول
-تطرده!
بحقد
-ايه بطرده
-بهاج تكفى لا فكر اكث..قطع كلامه بهاج بصراخ
-خلاص خذيت قراري
تنهد وقال بحزن
-بهاج لا تضيع اخوك وتندم
قال بعصبيه
-تكفى بهاج خلاص خلنا نرجع البيت
-طيب
ساعده ودخل السياره وطول الطريق الصمت كان سيد الوقت وقف عند بيت حمد التفت فيصل وهو يقول
-فكر اكثر بقرارك يابهاج
طلع فيصل من السيارة عشان يساعد بهاج يطلع الا يشوف عز وسند وهم طالعين من بيت حمد قرب فيصل بسرعه من عز وقال بنبره خايفه
-وش صار على جود؟
بحزن
-لازم يسوون لها عمليه وعمي حمد قال بيجحز لها في العاصمه
التفت على بهاج الي فاتح باب السياره ويطالعهم بستغراب قرب منه فيصل وابتسم وهو يمد يده ويقول
-هات يدك اساعدك
مد يده وقال
-وش فيكم وش قالك عز؟
-لا بس طمني ان جود بخير
مارتاح بهاج بس سكت وطلع من السياره مشى وسلم على عز وسلم على سند مسك سند وقال ببتسامه
-مشتاق لسواليفك ياسند تعال معي
توترو فيصل وعز لأن سند بخور السوق قال عز بتوتر
-لا لا بجيبه لكم بكره
ببرود
-لا ابيه الحين
دخله معه وكان في الصاله عناد وابوه سلم بهاج وقال
-فين امي وجود؟
رد حمد
-راس جود شوي يعورها وراحت امك تعطيها بندول
-اها طيب
-ليش ماسك سند؟
-لا بس اشتقت لسوالفه
-مهو وقته شوف كيف عيونه باين عليه نعسان
-ماعليه بس شوي وبيروح
مسكه بهاج ودخله المجلس جلس على الكنبه وسند واقف قال بهاج ببتسامه
-انت رحت مع عز ولا لا؟
-اي رحت معه
-طيب وش صار معكم؟
بحزن
-كانت تبي مهيتو وجبت لها بس عز جابلها مويه وماعاد شربت المهيتو الي جبته
-وغيره؟
-وش؟
-ايش صار بعد قالكم شيء الدكتور عن جود؟
بحزن
-اي
بخوف
-وش قال؟
-قال ان الورم بدا ينتشر ولازم يستأصلونه بأسرع وقت ولا بتموت
-تموت!
توتر سند من ردة فعل بهاج وقال
-هو قال مالي دخل
صدع بهاج وقال
-خلاص روح
خرج سند وهو خايف لقى فيصل وعز في وجهه مسكه عز من لبسه وقال
-وش قلت لبهاج
بخوف
-ماقلت شيء
مسك فيصل اذنه وقال
-اخوي واعرفك كذوب قل وش قلت لبهاح
بخوف وتوتر
-كل شيء
انصدم عز وقال
-وش الي كلشيء؟
-علمته عن جود ووش قال الدكتور وعن المهيتو
مسك عز راسه وهو يقول
-انا وش الله بلاني ببخور السوق
صارخ فيصل وقال
-ياثور ليش تقول؟!
بتوتر
-هو قالي اقول
التفت عز وقال
-ومن قالك طب في النار طبيت امسك للسانك لو شوي
-اسف
مسك لبسه فيصل وهو يقول
-بنروح انا وعز بسياره وانت روح البيت مشي وفكر بالي سويته
دخلو السياره وخلوه واقف مصدوم وخايف المكان ظلام ومن الخوف ماقدر يقوم جلس ونزل راسه وصار يبكي
بعد 5دقايق
رجع عز بعد نقاش حاد مع فيصل عشانه خاف على سند ركبه معه وهو يبوسه ويحضنه ويعاتبه دخلو البيت فكان نايف في الصاله على جواله قال بضحك
-رجع يبكي ابو دميعه
عصب سند وهو يقول
-والله لا اعلم ابوي يوريكم شغلكم
وراح يركض فوق وهو يبكي وعز يقول بعصبيه
-طيب ليش زعلته؟
-وش قلت المهم سمعت جود اغمي عليها وش صار؟
جلسو فيصل وعز علمه عز بالي صار تنهد نايف بحزن وقال
-ياعيال والله خايف يصيرلها زي الي صار بأمي الله يرحمها
قال عز
-تفائل خير ولا انطم
قال فيصل وهو يدق كتف عز
-الا ياوحش كفو الي سويته في حسين
ابتسم عز وقال
-علمك بهاج؟
-اي
نط نايف وقال
-هاي علموني وش صار؟
علمه عز بالي سووه في حسين ضحك نايف وعلمهم بالي صار في المستشفى قال فيصل
-يوهه يالفشيله
نايف بضحك
-عاد لو تشوفونه يوم قال والله يتهاني لا أخلي دمعتك ماتجف يان كان نفسي  اصمخه
قال عز بتذكر
-الا فين ابوي؟
-مع جدي مرافق
قال فيصل
-يعني السهره صباحي
ضحك نايف وهو يقول
-هه جاك البزر وش جدولك؟
-اسمعوني انتوا كارهين حسين صح؟
ونايف متنرفز
-اي والله كارهه ودي اعجن وجهه
-وانت ياعز؟
ببتسامه
-اذا يبي يعجن وجهه انا ابي اشوي وجهه
-بس حلو كذا تبونه يطلع من حياتنا ومن حياة عمتي تهاني؟
قال عز بستغراب
-وحنا وش دخلنا فيهم هي وزوجها
-انت انطم هاه نايف وش قلت؟
-تبي الصدق اي والله مايستاهلها ذا الحمار
-عز بتصمل ولا رح انخمد مع سند
-لا بقعد معكم ابي اعرف وش تبي تسوي
طلع جواله ووراهم المقطع بس ماعلمهم من هذا
نايف بستغراب
-وش مورينا واحد يبيع ذهب وش اسوي فيه؟
-قرب لوجهه وشوف منهو
صارو يسوون زوم نايف وعز الا قال عز بصدمه
-هذا حسين!
-اي والله حسين
قال فيصل
-وتعرفون من ذهبه الي يبيعه
قال عز بضحك
-اكيد عمتي تهاني بكاء عندها شوي وهي عطته يبيع الذهب
-ياليت السالفه كذا
صارو يطالعون نايف وعز في بعض وقال نايف
-سارقه؟
بضحك
-اييه كفو عليك اي سارقه
بقهر
-الخصيص
تربع عالأرض وقال
-اسمعوني انا في بالي خطه
ضحك نايف وقال
-يلا سمعنا
-شوفو اول شيء مع السالفه الي صارت بينه هو وعمتي تهاني طبعًا بيرجع ويراضيها فالي بنسويه هو ان حنا نخليهم يتراضون صرخ نايف
-وش يتزاضون ذي خطتك!
-اصبر ماخلصت
بنرفزه
-كمل يلا
-المهم بنخليه يراضيها ويصيرون زي السمن عالعسل بعدها كل واحد ببستلم مهمته انت يانايف اشتر رقم جديد وسوو نفسك انك من الشركه الي عمتي مديره فيها وارسله الفيديو وهدده وقل عطني فلوس وهو بيخاف وبيعيطك ولازم تصور كل حواله تجيك منه وانت ياعز مهتمك انك تشتري حساب بالتيك يكون موثق وعنده متابعين كثير والي لازم تسويه انك تحط الفيد وتكتب عليه (رجل يسرق ذهب زوجته)هذا في الظهور لك لحالك المهم رح عند حسين متفاجئ وقل في فيديو واحد يشبهك وروه طبعًا هو يبان عليه اذا قمط وعلطول بتعرف قمطته انت روه الحساب انه موثق وعنده متابعين كثير طبعًا هو بيسوي مطنوخ ويقول عطني حسابه ابلغ عليه انت ذكره بتهاني ولو درت وخوفه زياده فقل انا اعرفه هذا الشخص عندي رقمه وطبعًا الرقم راح يكون رقم جديد وانت راح تكون صاحب الرقم ولازم انك انك تهدده وانك عارف كل شيء عن حياته وقل عطني فلوس وكذا وهو بيخاف وبيعطيك وانت صور المحادثات اول بأول وصور الحواله الي بتجيك وانا راح اكون فيصل
طالعو نايف وعز فيه بستغراب وقالو
-كيف يعني؟
-يعني بعد ماتخلصون من هذا كله انا بواجهه بالموضوع وبصوره بدون مايدري واسحب منه كلام واخليه يعترف بالي سواه وقتها بروح الشرطه وبرويهم اعترافه والفيديو الي وهو يبيع وبيمسكونه وطبعًا عمتي تهاني بترحمه وبتحاول تطلعه من السجن فالي عليكم هو انكم ترونها كل الي صوروتوه وهي تميل مع الكلام عبو راسها عليه وبس
عم الصمت بينهم لين قال عز بستغراب
-وانت من فين لك الفيديو؟
-من إياد
بصدمه
-اما كيف؟!
علمهم بالي صار
قال نايف
-طيب من فين لنا فلوس نشتري ارقام وحساب؟
-هههههه سهله انا فيصل ماتعرفوني
-هه وكيف بتجيبها يافيصل؟
-من ولده
-كيف من ولده؟
.......................