مادريت أن اللي يحبني يبي حزني

التقاء نايف بـ ابراهيم

11:00 الليل
وصل نايف للجنوب طالع يمينه وشماله وهو مو عارف فين يروح وقف سيارته وقال
-والله مالي الا اني انام في السيارة
سدح المرتبة ووحط راسه ويفكر هل يفتح جواله؟ لكن كان النوم اقوى منه ونام بعد تعب السفر

1:00 الظهر

فيصل يطالع من الدريشة وملامحه مليانة حزن ينتظر نايف ويفكر فيه دخل سند الغرفة وهو يقول
-فيصل فين الشاحن؟
لكن ماكان له اي صوت قرب منه وهو يدق كتفه
-هاي تسمعني؟
التفت
-نعم شتبي؟
-اوف معصب اليوم
-سند ترا ماني رايق لك
-طيب فين الشاحن؟
-ماعرف واطلع برا
بتتأفف
-طيب بطلع
طلع وسكر الباب وفيصل ماسك راسه ويتذكر لما نايف بكاء عشان حور وقتها قال في نفسه
-لا يكون هو اصيل قاله شيء ازعجة؟ اي اكيد بيسويها النذل وخلاه يروح والله لا اندمه
صار يدور زي المجنون في الغرفة ويفكر وش يسوي في اصيل انتقاماً لنايف

2:00 الظهر
صحى على ضرب على قزاز السيارة قام مخروش وهو يطالع لمصدر الصوت وكان ولد باين ان عمره 24سنه نحيف اسمر شوي  عنده لحيه خفيفة وباين علية الاستغراب وهو يطالع في نايف فتح نايف الدريشة وهى يقول
-هلا ؟
-سلام عليكم
-عليكم السلام
-مين انت؟
-انت الي مين انت جاي مصحيني من نومي عشان تسألني مين انا؟
-ياخوي واقف قدام بيتنا وماتبي اسألك
التفت نايف بسرعة وكان واقف صدق قدام بيت انحرج وهوو يقول
-والله ماكنت ادري جيت وانا نعسان وماشفت البيت خلاص بروح
-وين تروح دامك جيت قدام بيتنا لازم تتغدى عندنا
-لا الله يعطيك العافية مشغول
-بعد الغداء روح لشغلك يلا بدخل واقولهم يحضرون الغداء
-دخل وترك نايف الي للحين منخرش خرج من سيارتة يطالع ثوبه الي كان معطف وانتثر علية قهوة فتح شنطته ودور لثوب كان في ثوب طلعه كان قصير انصدم كيف وقتها تذكر ان سند حط ثوبه في درجه رجعه وهو يسب سند ويدور لثوب لكن ولا ثوب اخذه كان له وقف وقال بعصبيه
-ايش فيه كلهم حاطين ثيابهم في درجي
خرج الولد وهو يقول
-حياك الله غداك شوي ويجهز
ونايف يطالعه وشعر طاير وعيونه حمراء وقال
-تكفى شوف شكلي كيف خله يوم ثاني
-معليك مابه غريب انا اخوك  الا ماعرفتني وش اسمك؟
-اسمي نايف
-ونعم انا ابراهيم
-ماعليك زود بس لازم اروح
-مسك نايف وهو يجره
-والله ماقولهم انك منت بجاي ادخل تكفى
وبعد محاولات من ابراهيم دخل نايف وهو متفشل ويقول
-صح مافي حد؟
-لا مافي الا اخوانك
-وش الي بس اخوان....وقف لقى اكثر من 7رجال جالسين يطالعون فيه  طالع في ابراهيم وهو يقول
-متى جاوا ذول انت من عازم!
-ههه لا ذول اخواني وابوي
-اخوانك وابوك من جدك انت
صارو يرحبون فيه ومسكو وحطوه في صدر المجلس وهو يحاول يدس بقعة القهوه الي على ثوبه ومتفشل قام شايب يسأله من وين انت
-انا من الشمال
-يامرحبا بأهل الشمال طيب وش عندك في الجنوب ؟
تفاجئ من السؤال وصار يفكر وش يقول
الا يجي ابراهيم
-يلا الغداء جاهز
قام نايف وهو مرتاح وراحو يتغدون ومازال متفشل من لبسه وحالته بعد الغداء
-بروح الحين
كلهم
-وين تروح اجلس معنا تونا ماتعرفنا عليك
-لا لازم اروح والله
وقتها قام ابراهيم
-يلا بروح معك
لحق نايف وركب معاه في سيارته وقال
-فيه هناك مغسله غسل ثوبك فيها
طالع فيه
-طيب دامك عارف اني متفشل من ثوبي ليش تدخلني غصب
-هههههه لو يعرف ابوي اني ماقدرت ادخلك بيلعن شكلي وامي بتقول لمن طبخت ان شاء الله وبتهاوشني
-الله يعطيها العافية هي لحالها مسويه الغداء كامل؟
-لا وين حريم اخواني معها
استغرب وكان بيسأله ان ماعندك خوات لكن استحى وماسأله
طالع فيه ابراهيم وهو يضحك
-عارف انك بتسأل ان ماعندي خوات بس اي انا ماعندي خوات
بضحك
-ههه والله نفس حالتي حتى انا ماعندي خوات
-حلو طيب عندك خوان؟
-اي عندي ثلاث اصغر مني
-يعني انت اكبر واحد
-اي
-طيب وش شغلك؟
-والله ماقدر اقول الحين
-اوف من بدايتها اسرار
-ههه والله حتى هلي مايدرون اني هنا
-الحين بتشوف الوالده مفجره الجوال مكالمات
بضحكه حزينه
-هههه الله يرحمها
انصدم ابراهيم وصار يقول
-اسف والله ماكان قصدي
-شفيك عادي..المهم فين المغسلة؟
-قريب قريب
-راح وغسل ثوبه وانتظر في السيارة ويسولف مع ابراهيم خلص ثوبه البسه ورجع ابراهيم لبيته وقبل ماينزل طالع فيه ابراهيم
-اسمع شفتك وانت تدور فلوس للمغسلة  وغصب لقيت انت عندك احد تعرفه هنا؟
-والله ياخوي لا
-طيب اسمع في الليل تعال ونام عندنا والبيت بيتك
-الله يسعدك مابي ازعجكم والله
-مابه ازعاج وهذا رقمي كل اذا بغيت حاجه دق علي
طلع ونايف يمدحه وحبه من اسلوبه وتعامله راح وهوويفكر ويقول
-طيب الحين فين بيت خالة حور يعني؟ يالله ياغبائي ماسألت حور حتى

                                   فيصل
وقف وهو يقول بفرح
-لقيتها والله لا اندمك يا أصيل