مادريت أن اللي يحبني يبي حزني

للقانا كان مختلف

رجع وراء وهو خايف فسمع صوت جده جابر خاف وطالع في جود ويقول في نفسه-وش بيقول جدي لو شافنا في نص البستان؟
مسك جود وحط يده على فمها بسرعه ودخلوا تحت الجلسات كانت جود مستغربه منه بس سكتت جاء جابر وجلس على الجلسه اللي جود وسند تحتها دقات قلب سند ماوقفت من الخوف الا يسمع صوت جده يرحب ويقول
-هلا بنور البستان هلا بنور البيت هلا بنور الحاره كلها
نوره وهي مستحيه-الله يسعدك يا بو قاسم
-كملت جدتي بعد جات
جات نوره وجلست مع جابر وبدو يسولفون
وخرت جود يد سند وقالت بهمس-فشله نخليهم يلا نسلم عليهم
-الفشله لاشافونا تحت الجلسه
قال جابر بستغراب-وش ذي الأصوات تحت الجلسه
رجع سند وحط يده على فم جود وتوتره زاد
قالت نوره-يمكن يكونون بساس عاد خابر شتاء وتبي تدفئ
-يمكن
تنهد سند براحه فقال جابر وش رايك يا أم قاسم نمشي حول البستلن
-اي والله كم صارلي منه
قاموا ومشوا فمسك سند يد جود وبسرعه خرج من تحت الجلسه يبي يخرج راح يمشي بشويش يبي يروح للباب عشان مايسمعونه جده وجدته الا يدخل عز ابو 13 سنه وهو مبتسم ويقول-هلا بالجد والجده
بترحيب-هلا حياك الله
دخل سند بسرعه داخل اعشاب طويله خافت جود تدخل معه فقال وهو متوتر-لا حد يشوفك ادخلي
-وش يدريني أن مافيه عقارب او افاعي
-مافيه شيء انتِ بس ادخلي
تجاهلته جود وراحت لجدها وجدتها وعز شافتها جدتها وقالت بترحيب-هلا بجود هلا بالحلا كله متى دخلتي ياروحي؟
كانت بتقول دخلت مع سند بس تذكرت خوفه وقالت-لسه الحين دخلت
عز بضحك-على كيفك ماسمعت الباب انفتح
بدت تتوتر-لأنه مفتوح
-انا مسكره بنفسي
وراح يشوف اذا هو مفتوح الا يسمعون صراخ سند