مادريت أن اللي يحبني يبي حزني

الشال والخاتم

دخل الرجال الي شال جود وشاف بهاج الي منسدح والجوال في يده وبس تنزل منه دموع وصوت الصراخ يخرج من الجوال سمع الرجال صوت من الجوال
-الو بهاج تسمعني
خذ الرجال الجوال من يد بهاج
-الو معاك نادر صديق حمد
كان اللي رد علي
-وش في حمد
خفض صوته بحزن
-ماراح اكذب عليك كل اللي في السياره ماعاد بهاج في العنايه المركزه بين الحياة والموت
-إن لله وإن اليه لراجعون
-بس تكفى طلبتك اذا يبي يجي قاسم انت اللي سوق اعرفه اذا خاف ماعاد يشوف وانا خايف انه يسوي حادث
-ابشر ولا يهمك
__قبل نص ساعه_
تعرف سند على خالته لطيفه اللي خذت من اسمها نصيب كانت لطيفه مره خذت سند من يده وودته غرفة امه في بيت جده كانت غرفة باين أن محد لمسها او قرب منها بعد موت ضي دخل سند وفي الغرفه ريحه حلوه مايعرف وشهي قالت لطيفه وهي تمسح دموعها
-حتى الغرفه ماستغنت عن ريحتك ياختي
طالع فيها سند
-هذي ريحة امي
حركة راسها ب أي وعيونها ممتليه بالدموع جلس على السرير الخشبي القديم وكان فيه صوره لوحده تشبهه شاله طفل في يدها مسك الصوره وقال
-هذي مين؟
استغربت لطيفه انه ماعرف هذي من بس جلست جمبه وقالت
-هذي امك لما ولدت فيك
طالع فيها ومصدوم وقال
-امي ماماتت اول ماولدت
-لا امك ماتت بعد ماولدت فيك بشهرين الله يرحمها
استغرب فنوف قالت له انه اول ماولدت فيه ماتت وهي آلي رضعته من اول يوم له بس قاطعت تفكيره لطيفه وهي تقول
-غريبه ابوك ماقالك عنها او مارواك صوره لها؟
-ابوي من لما ماتت امي اخفى كل صورها وكل مره اجي اتكلم معه عنها بس تخنقه العبره ويروح غرفته ومايرد علي واخواني كل واحد فيهم يقولي ذكرى معها وانا اتمنى بس لو اذكر شكلها عشان يكون فيه ذكرى في قلبي لها
استغربت لطيفه من تصرف قاسم بس وواست سند
-خلاص خذ هذي الصوره معاك
وقامت وفتحت الدرج وطلعت شال ابيض وقربت من سند تقول ببتسامه
-هذا شال امك كانت تلبسه لما تصلي خذه فيها ريحتها
مسك سند الشال وقربه من وجهه فشم ريحه زي الي يوصفونها خوانه له ريحة اجمل من عطورات العالم بنسبه لسند نزلت عينه بالدموع وهو مشتاق لشخص ماعرفه الا بأسمه مسحت لطيفه دمعته وهي تبتسم ودموعها شلالات فتحت الدرج اللي جمب السرير وخرجت صندوق صغير فتحته وكان خاتم ذهب وعليه عقيق احمر وقالت وهي تبتسم
-الحمد لله اني مامات الا وانفذ وصية اختي هذا خاتم امك لما تزوجت ابوك ويوم جاها المرض وحست انها بتموت اعطتني الخاتم وقالت لي هذا عطيه سند اذا كبر فكل عيالي معهم ذكريات معي وعشت معهم وعرفوا مين انا وحبوني وعشقتهم بس سند ماعرف من انا وابي الخاتم ذكرى يتذكرني فيها اذا شافها حتى لو ماعرفني المهم انك تعلمينه بشيء بس انهارت لطيفه من البكاء مسكها سند
-خاله يكفي ابوي وخالتي نوف ماتكلموا عن امي قوليلي
جمعت قواها وقالت
-للحين كلامها بالحرف في بالي يوم كانت تناظر فيك وهي مره تعبانه والمرض تغلب عليها تقول تدرين  ليش سميته سند سألتها ليش قالت عشان كل ماتعب واشوف عيونه او اسمع صوته احس تجيني قوه احسه هو السند لي بس انا بخذله وروح قلت لها بسم الله عليك الله يطول بعمرك تجاهلت كلامي وقالت كانت اسهل ولاده مرت علي كأنه عرف بمرضي وماحب يتعبني هادي مايبكي كثير كأنه حاس بتعبي اذا شلته ابتسم كأنه فاهم أن ابتسامته تنسيني وجعي احبه من اول ماشفته حبيته حب غير عن باقي عيالي سند غير عن الباقي وان شاء الله ان احد يعوضه عن حبي الي بيخسره ويحبه مثل ما أنا احبه
نزلت دموع سند بس كان يبي يسأل وشهو مرض امه لكن قاطعه قبل مايبداء عز ووجهه مخطوف ويقول
-سند قم بنروح لعمي قاسم وهله في المستشفى صارلهم حادث.