Chapter 15
May 24, 2024
👻Chapter 15:
ဝိဥာဥ်လက်ထပ်ပွဲ (14) အဆုံးသတ်
လွန်ခဲ့သော နှစ်ရက်က ညနေခင်းတွင် ဝမ်ရွှယ်က သူမအခန်းသို့ ပြန်လာခဲ့သည်။ သူမက အေးစိမ့်စိမ့် ခံစားရ၍ နှလုံးက ထုံကျင်လာသည်။
အပြင်တွင် ရပ်စောင့်နေသည့် လီပင်းက ဝင်မလာရဲချေ။
သူမခန္ဓာကိုယ်က ညစ်ပတ်ပြီး စေးကပ်ကပ်ဖြစ်နေ၍ ဝမ်ရွှယ်က ရေချိုးလိုက်ချင်သော်လည်း သူမက ကြောက်နေ၍ သူမကိုယ်သူမ အသုံးမဝင်သလို ခံစားရသည်။
ဝမ်ရွှယ်က အမြဲတမ်း ဤအတိုင်းပင်။ သူမ ကိုယ်ပိုင်အားနှင့် ဘာမှမလုပ်နိုင်ပဲ သူမ၏ တုံးအမှုကြောင့် အခြားသူများက ဒုက္ခရောက်ကြရ၍ သူမက တန်ဖိုးမရှိသလို ဖြစ်သွားရသည်။
သူမက လီပင်းက အခြားမိန်းမနှင့် ထွက်ပြေးသွားသည် ဆိုသည့် အိပ်မက်များလည်း မကြာခဏ မက်လေ့ရှိသည်။ ထို့ကြောင့် ဝမ်ရွှယ်က လီပင်း၏ နှလုံးသားထဲ အရေးပါသည့် နေရာရန် မျှော်လင့်ချက်နှင့် အလုပ်ကြိုးစားခဲ့သည်။
အမှန်တွင်ဖြင့် ဝမ်ရွှယ်က သိမ်နုပ်နိမ့်ပါးသည့် ဘဝမျိုးတွင် လုံးဝ မနေချင်သော်လည်း သူမတွင် အခြားရွေးစရာ မရှိချေ။ သူမဘဝကြီး ပြောင်းလဲသွားမှာကို စိုးရိမ်နေခဲ့ရသည်။
နောက်ထပ်လည်း သူမက အပျိုမဟုတ်တော့ကာ သူမ၏ ဖြူစင်မှုကို လီပင်းဆီ ပေးခဲ့ပြီးပြီဖြစ်၍ သူမှလွဲပြီး အခြားသူများကလည်း သူမကို လိုချင်တော့မည် မဟုတ်ပေ။
သူမ၏ မိဘများကလည်း သူမ လက်ထပ်နိုင်ပြီး သူမအစ်ကိုအတွက် အိမ်တစ်လုံးဝယ်ပေးနိုင်မည်ဟု မှန်းထားကြ၍ သူမကို မကျေမနပ်ဖြစ်နေကြသည့် ပုံပင်။
မျက်ရည်ပူများက သူမ၏ လက်ခုံပေါ်သို့ တစက်စက်ကျလာသည်။
သူမသာ မစ်ရှင်ကို အပြီးလုပ်နိုင်ခဲ့ပြီး အစစ်အမှန်ကမ္ဘာကို ပြန်သွားရလျှင် သူမ ဘာလုပ်သင့်လဲ။
အဆုံးတွင် ဝမ်ရွှယ်က ရေချိုးလိုက်သည်။
သူမသာ ယခု သန့်ရှင်းရေးမလုပ်လိုက်လျှင် လူတိုင်းက သူမကို ရွံရှာသွားကြပေမည်။ သူမက အရိပ်အကဲသိ၍ လီပင်း၏ မျက်လုံးထဲက စိတ်ညစ်နေမှုတို့ကို ဘယ်လိုလုပ် သတိမထားမိပဲ နေမည်နည်း။
YOU ARE READING
စူပါနထရယ်ဝေါ့စ်မှာ မင်းနဲ့ flirt ကြမယ်
HorrorTITLE - I'm Flirting with a Man in the Supernatural World Supernatural world မှာ မင်းနဲ့ flirt ကြမယ် ချူဟွိုက် + ကျင်းထျန်းယိ Description 💥 ချူဟွိုက်သည် ဝိဥာဥ်တစ်ခု ပူးကပ်ခံရပြီးနောက် အားနည်း ပျက်စီးလာပြီး မကြာမီ သေသွားခဲ့သည်။ သူသည် ထိတ်လန့်ဖွယ်...
