Chapter 55
June 01, 2024
👻Chapter 55
- ချားရဟတ် (5)
သရဲမကြီးပဲ......
ချူဟွိုက်မြင်ကွင်းထဲ ပထမဆုံး ဝင်လာသည့်အရာက သွေးလွှမ်းနေသည့် ပုံရိပ်ကြီးပင်။
သရဲမ၏ နာဖူးပြင်တွင် သွေးထွက်နေသော အပေါက်ကြီးတစ်ခု ရှိနေသည်။ သူမ၏ မျက်နှာက သံအိမ်၏ ပြတင်းပေါက်ကို ဖိလာ၍ ပြတင်းပေါက်တွင် စေးကပ်ကပ်သွေးများ ဖုံးလွှမ်းလာပြီး ဖြေးဖြေးချင်း စီးကျလာသည်။
သရဲမ၏ အရေပြားက ခြောက်ကပ်ကာ ကျိုးပဲ့နေ၍ ပြုပြင်ရန်လိုအပ်သည့် နံရံဖြူကြီးနှင့် တူနေပြီး မျက်နှာတွင်လည်း အပြာစက်များ ရှိနေသည်။ မျက်လုံးထောင့်များကလည်း အက်ကွဲနေပြီး ကြက်သွေးရောင် မျက်လုံး မည်းနက်နေသော မျက်ဆံများနှင့် ချူဟွိုက်ကို စိုက်ကြည့်နေ၏။
ထိုအချိန် သူမ၏ သွေးစွန်းနေသည့် ဆံနွယ်ရှည်များက ပြတင်းပေါက်တစ်ခုလုံးကို ပိတ်ဆို့ထားပြီဖြစ်ကာ မြွေတစ်ကောင်လို ဆံပင်များ ဖြန့်ထုတ်လာပြီး သံအိမ်လေးအား နည်းနည်းချင်းစီ ဝါးမြိုလာသည်။
ချူဟွိုက်က ရုတ်တရက် လန့်သွား၍ အလိုလိုနောက်ဆုတ်မိသော်လည်း ညာဘက်တံခါးက ပွင့်နေပြီး ကျင်းထျန်းယိကလည်း သူဘေးကင်းအောင် ထိန်းပေးနေရမှန်း အမှတ်ရသွားသည်။
သောက်ကျိုးနည်း.....သူက တိတ်တိတ်လေး ကျိန်ဆဲလိုက်ရင်း ကျင်းထျန်းယိ ဖိအားမများစေရန်အတွက် ပြတင်းပေါက်လက်ကိုင်ကို တင်းတင်းကိုင်ထားရင်း နောက်မဆုတ်မိအောင် ထိန်းထားရသည်။
ကျိုးပဲ့လွယ်သော ပြတင်းပေါက်ပါးပါးလေးကို ကျော်၍ သရဲမနှင့် သူက မျက်နှာချင်း နီးကပ်နေပြီ ဖြစ်သည်။
"တံခါးပိတ်လို့ မရဘူး...."ကျင်းထျန်းယိက ကျောပေးထားရင်း ချူဟွိုက်ကို ပြောလာသည်။
ချူဟွိုက်က ရှက်ကိုးရှက်ကန်းပြုံးလိုက်ရင်း သရဲမဆီ လက်ယမ်းပြကာ စိတ်ငြိမ်အောင်လုပ်လိုက်ပြီး အေးအေးဆေးဆေး ပြောလိုက်သည်
" ရတယ်....အခုတော့ လွတ်လမ်းအတွက် စဥ်းစားကြတာပေါ့...."
ယခုအချိန်တွင် သူက ကျင်းထျန်းယိကို ဒုက္ခထပ်မပေးချင်ပေ။
YOU ARE READING
စူပါနထရယ်ဝေါ့စ်မှာ မင်းနဲ့ flirt ကြမယ်
TerrorTITLE - I'm Flirting with a Man in the Supernatural World Supernatural world မှာ မင်းနဲ့ flirt ကြမယ် ချူဟွိုက် + ကျင်းထျန်းယိ Description 💥 ချူဟွိုက်သည် ဝိဥာဥ်တစ်ခု ပူးကပ်ခံရပြီးနောက် အားနည်း ပျက်စီးလာပြီး မကြာမီ သေသွားခဲ့သည်။ သူသည် ထိတ်လန့်ဖွယ်...
