Chapter 80
စုန့်ကျင်း (13)
______
စုန့်ချင်း၏ မျက်လုံးနက်နက်များက ချူဟွိုက်ကို နတ်ဆိုးဆန်ဆန် စိုက်ကြည့်နေသည်။
လျိုဟန်က လမ်းပျောက်သွားသလို ဖြစ်သွားရင်း အလိုလို နောက်ပြန်ဆုတ်မိသည် " ချူဟွိုက်...ဘာဖြစ်တာ...."
ချူဟွိုက်က လက်မလွှတ်သေးပဲ အသံနက်နက်နှင့် ပြောလာသည် " ကျွန်တော့်ကို လာကူဦး...."
လျိုဟန်က တုန်တုန်ယင်ယင်နှင့် အသိစိတ်ပြန်ဝင်လာပြီး စမ်းတဝါးဝါးနှင့် ညပုလဲကို နှိုက်ထုတ်လိုက်သည်။ ထိုသို့လုပ်နေချိန်အတွင်း လျိုဟန်က စုန့်ချင်း၏ သွားစွယ်များ ရုတ်တရက် ထွက်ပြူလာပြီး သူ့လက်ကို ကိုက်လာမှာ စိုးရိမ်မိသေးသည်။
ညပုလဲက စုန့်ချင်းပါးစပ်မှ ထွက်လာသည့်အချိန် အလင်းရောင်က ချက်ချင်း မှိန်ကျသွားလေသည်။
စုန့်ချင်းက ရုတ်တရက် မျက်လုံးပိတ်သွားလေသည်။
" သူမက...."လျိုဟန်က တွန့်ဆုတ်တွန့်ဆုတ် မေးလာသည်
" သူမ အသက်ရှိနေသေးလား...."
တောအုပ်ထဲ ရောက်နေသည့် စောစောပိုင်းက စုန့်ချင်း တစ်ခုခုဖြစ်နေမှန်း သူခံစားမိသည်။ ယခုကဲ့သို့ ညပုလဲကြီးတစ်ခုနှင့်အတူ သူမကို တွေ့လိုက်ရသည့်အချိန် သူ့ကျောရိုးတစ်လျှောက် ချမ်းစိမ့်စိမ့် ဖြစ်လာရသည်။
ချူဟွိုက်က မျက်မှောင်ကြုတ်လိုက်ပြီး စုန့်ချင်းမျက်နှာပေါ်က မှေးမှိန်သွားသော စွဲမက်ဖွယ် ရုပ်ရည်ကို ကြည့်လိုက်ရင်း မသေချာသလို ပြောလာသည် " သူမက လူဖြစ်နိုင်သေးတယ်...."
“ စုန့်ချင်းက ကျောက်စိမ်းရုပ် မိန်းကလေးကို လွယ်ထားရတဲ့အတွက် မကောင်းဆိုးဝါး ဝိဥာဥ်တွေရဲ့ သက်ရောက်မှုကို ခံရတာ ဖြစ်နိုင်တယ်....သူမစိတ်ကို လွှမ်းမိုးချုပ်ကိုင်ခံလိုက်ရတာ...."
သူစကားပြောနေရင်း စုန့်ချင်းက နိုးထလာသည်။ သူမက ထထိုင်လိုက်ရင်း အသက်လုရှူနေရကာ ချူဟွိုက်အင်္ကျီလက်ကို တင်းတင်းဆွဲလာပြီး ပြောလာသည်
YOU ARE READING
စူပါနထရယ်ဝေါ့စ်မှာ မင်းနဲ့ flirt ကြမယ်
HorrorTITLE - I'm Flirting with a Man in the Supernatural World Supernatural world မှာ မင်းနဲ့ flirt ကြမယ် ချူဟွိုက် + ကျင်းထျန်းယိ Description 💥 ချူဟွိုက်သည် ဝိဥာဥ်တစ်ခု ပူးကပ်ခံရပြီးနောက် အားနည်း ပျက်စီးလာပြီး မကြာမီ သေသွားခဲ့သည်။ သူသည် ထိတ်လန့်ဖွယ်...
