Chapter 26
May 26, 2024
👻Chapter 26
သွေးနီလရဲ့ သမန်းဝံပုလွေ သတ်ဖြတ်ခြင်း (4)
သွေးစာတန်းကြီးက ပျောက်ကွယ်သွားပြီး တဖန်ပြန်ပေါ်လာသည်။
[ပြိုင်ပွဲဝင် ချူဟွိုက် -နတ်ဘုရားအဖွဲ့]
ဒီနတ်ဘုရားအဖွဲ့က ဘာလုပ်ရတာလဲ။
သူက 'နတ်ဘုရား'အဖွဲ့နှင့် ပတ်သတ်ပြီး ရှင်းချက်ကို စောင့်နေစဥ် သွေးစာတန်းကြီးက ပျောက်သွားပြီ ဖြစ်သည်။
ချူဟွိုက်၏ မျက်နှာက အနည်းငယ် ပျင်းရိလာသည့် ပုံစံပင်။
သူက သမန်းဝံပုလွေ သတ်ဖြတ်ခြင်း ဂိမ်းကို တစ်ကြိမ် ကစားဖူးသည်။ မည်သို့ဆိုစေ ဤ 'သွေးနီလရဲ့ သမန်းဝံပုလွေ သတ်ဖြတ်ခြင်း' က မူလဗားရှင်းနှင့် ကွဲပြားနိုင်သော်လည်း တူတာ တစ်ခု ရှိသည်။
မူလ သမန်းဝံပုလွေ သတ်ဖြတ်ခြင်း ဂိမ်းက အဖွဲ့သုံးဖွဲ့ ခွဲထားသည်။ သာမန်လူ၊ နတ်ဘုရား၊ သမန်းဝံပုလွေ...ဟူ၍ပင်။
သာမန်လူနှင့် နတ်ဘုရားက လူကောင်းအဖွဲ့တွင် ပါဝင်သည်။
နတ်ဘုရားက သာမန်လူများကို ကာကွယ်ရန်အတွက် သူတို့ကြားထဲ ပုန်းနေလေ့ရှိသည်။
သမန်းဝံပုလွေ၏ ပန်းတိုင်က သာမန်လူများ သို့မဟုတ် နတ်ဘုရားကို သတ်ရန် ဖြစ်သည်။
သွေးနီလ၏ သမန်းဝံပုလွေ သတ်ဖြတ်ခြင်းတွင်မူ သရဲအဖွဲ့က သမန်းဝံပုလွေအဖွဲ့နှင့် အတူတူ ဖြစ်ပြီး ပြိုင်ပွဲဝင်များက လူကောင်းအဖွဲ့နှင့် ဆက်စပ်နေသည်။
ထို့ကြောင့် 'လူတွေကြား ပုန်းနေသည့် သရဲကို ရှာရန်' ဆိုသည့် မစ်ရှင်က အစကတည်းက 'သွေးနီလရဲ့ သမန်းဝံပုလွေ သတ်ဖြတ်ခြင်း' ဆိုသည့် ဖြစ်ရပ်၏ သဲလွန်စ ဖြစ်နေသည်။
သွေးနီလရဲ့ သမန်းဝံပုလွေ သတ်ဖြတ်ခြင်း။
သူ နားမလည်သေးတာ တစ်ခု ရှိတယ်။ သွေးစာတန်းကြီး ပြောသွားတဲ့ အခြေအနေက အစပျိုးနေပြီ ဆိုတာ ဘာကိုပြောတာလဲ။
သွေးနီလကြီးက အနောက်ဘက်သို့ တရွေ့ရွေ့ သွားနေသည်။
မျက်လွှာချထားသည့် လော်မင်၏ မျက်လုံးထက် လက်ခနဲ ဖြစ်သွားသည်။ အင်္ကျီအောက်က လက်များကလည်း အလိုလို လက်သီးတင်းတင်း ဆုပ်မိလာသည်။
YOU ARE READING
စူပါနထရယ်ဝေါ့စ်မှာ မင်းနဲ့ flirt ကြမယ်
HorrorTITLE - I'm Flirting with a Man in the Supernatural World Supernatural world မှာ မင်းနဲ့ flirt ကြမယ် ချူဟွိုက် + ကျင်းထျန်းယိ Description 💥 ချူဟွိုက်သည် ဝိဥာဥ်တစ်ခု ပူးကပ်ခံရပြီးနောက် အားနည်း ပျက်စီးလာပြီး မကြာမီ သေသွားခဲ့သည်။ သူသည် ထိတ်လန့်ဖွယ်...
