Chapter 8
May 24, 2024
👻Chapter 8:
ဝိဥာဥ်လက်ထပ်ပွဲ (7)
ချူဟွိုက်က ချက်ချင်း လန့်နိုးလာပြီး ဝမ်ရွှယ်နှင့်ကျောက်ရှင်းတို့၏ အခန်းရှိရာဘက်ကို ပြေးထွက်သွားလိုက်သည်။ သူရောက်သွားသောအခါ ချူဟွိုက်က ရှေ့ကမြင်ကွင်းကြောင့် တစ်ခဏမျှ အသက်ရှူရပ်သွားရသလိုပင်။
ကျောက်ရှင်း၏ ခန္ဓာကိုယ်က မြေပေါ်တွင် ဆန့်ဆန့်ကြီးလှဲနေပြီး သူမလည်ပင်းနှင့် မျက်နှာက ကြက်သွန်နီရောင်ကဲ့သို့ ဖြူဖျော့နေသည်။ သူမ၏မျက်နှာထက် သွေးနက်ကြီးများ လွှမ်းနေပြီး ပါးစပ်ပေါက်က အကျယ်ကြီး ဟနေကာ မျက်လုံးများကလည်း ထိတ်လန့်တုန်လှုပ်နေသည်။
လီပင်းက အခုမှ အပြေးအလွှား ရောက်လာပြီး မြေပြင်ပေါ်ကို အာရုံမစိုက်မိချေ။ ထို့ကြောင့် သူ့ခြေထောက်က အရာတစ်ခုပေါ် နင်းလိုက်မိ၍ ခြေချော်ပြီး မြေပြင်ပေါ် ပစ်လှဲသွားသည်။ လီပင်း၏ မျက်လုံးများက မျက်ဖြူဆိုက်သွားရသည်။
တစ်ချိန်တည်းမှာပင် လီပင်းအနင်းခံရသည့် လျှာကြီးက တွန့်လိမ်တွန့်လိမ်နှင့် မသေသေးသည့် တောက်တဲ့တစ်ကောင်လို လှုပ်ယမ်းနေသည်။ လျှာကြီးက ကြည့်ရသည်က မသတီစရာကောင်းလှသည်။
“အား...." လီပင်း၏ မျက်နှာက ဖြူဖျော့သွားကာ ကြောက်ကြောက်လန့်လန့်နှင့် မြေပြင်မှ ထရပ်လိုက်ပြီး သူ့ခြေထောက်နှင့် ကန်လိုက်ရင်း ယခုတင် ရောက်လာသည့် ကျင်းထျန်းယိနောက် ဝင်ပုန်းနေလိုက်သည်။
ဝမ်ရွှယ်က ကြောက်လွန်း၍ ပျော့ခွေနေသည်။ သူမက နံရံကပ်နေရင်း ပါးပြင်ထက် မျက်ရည်များ တသွင်သွင် စီးကျနေသည်။ သူမ နှုတ်ခမ်းများက တုန်ယင်နေရင်း အကြိမ်အနည်းငယ်ခန့် အန်မိသွားရသည်။
ချူဟွိုက်က ပျို့အန်ချင်စိတ်ကို တောင့်ခံလိုက်ရင်း ကျောက်ရှင်း အသက်ရှူသေးလား စစ်ဆေးရန် သူမခန္ဓာကိုယ်ဆီ သွားလိုက်သည်။ တစ်ခဏကြာ သူ့တစ်ကိုယ်လုံး တောင့်တင်းအေးစက်သွားရသည်။
ကျောက်ရှင်းက သေနေပြီဖြစ်ကာ သေပြီးနေသည်က အချိန်တစ်ခု ရှိပြီ ဖြစ်သည်။
YOU ARE READING
စူပါနထရယ်ဝေါ့စ်မှာ မင်းနဲ့ flirt ကြမယ်
HorrorTITLE - I'm Flirting with a Man in the Supernatural World Supernatural world မှာ မင်းနဲ့ flirt ကြမယ် ချူဟွိုက် + ကျင်းထျန်းယိ Description 💥 ချူဟွိုက်သည် ဝိဥာဥ်တစ်ခု ပူးကပ်ခံရပြီးနောက် အားနည်း ပျက်စီးလာပြီး မကြာမီ သေသွားခဲ့သည်။ သူသည် ထိတ်လန့်ဖွယ်...
