👻Chapter 3
ဝိဥာဥ်လက်ထပ်ပွဲ (2)
ချူဟွိုက်က ကျင်းထျန်းယိဘက်သို့ လျှောက်သွားချိန် အစေခံက NPCတစ်ခုလို ဇာတ်လမ်းကို ရှင်းပြလာသည်။(Non Player Character)
" ကျွန်တော်တို့ သခင်မကြီးဘဝက ခက်ခဲခဲ့တယ်။ သားဖြစ်သူကို တစ်ယောက်တည်း စောင့်ရှောက်ဖို့ ရင်ဆိုင်ခဲ့ရတဲ့ ဖိအားတွေ ဘယ်လောက်များလိုက်လဲ။ ဒါပေမယ့် အဆုံးမှာ သူက ဒီလိုမျိုး ထွက်သွားခဲ့တယ်။ အိုက်ယား သခင်လေးက ဇနီးတစ်ယောက်ကိုတောင် မယူရသေးဘူး။ ဘယ်လိုလုပ်ပြီး သခင်မကြီးက မြေအောက်ကမ္ဘာမှာ သူ့သားတစ်ယောက်တည်း ဖြစ်နေမှာကို သည်းခံနိုင်မှာလဲ"
ချူဟွိုက်က ကြားဝင်ပြောလိုက်သည် " ဒီသခင်မလေးက ဘယ်မိသားစုက လာတာလဲ"
ကျင်းထျန်းယိက ခေါင်းစောင်းပြီး သူ့ကို ကြည့်လိုက်သည်။
“ဘာသခင်မလေးလဲ။ သူမသာ သခင်မလေး အစစ်ဆိုရင် ကျွန်တော်တို့ သခင်မကြီးက စိတ်ဓါတ်ကျနေမှာ မဟုတ်ဘူး။ လွန်ခဲ့တဲ့ ရက်အနည်းငယ်က သခင်မကြီးက နတ်ဝင်သည်တစ်ယောက်ကို တွေ့ပြီး သခင်လေးအတွက် တွဲဖက်ကောင်းကောင်း ရှာပေးဖို့ ဆုံးဖြတ်ခဲ့ပေမယ့် ရလဒ်က ဘာမှမထူးတာတောင် သခင်မကြီးက ရှာဖို့ စိတ်အားထက်သန်နေတုန်းပဲ"
နောက်စကားတစ်ခွန်း ဆိုမည့်အချိန် သူက တားမြစ်ခံထားရသလို ရုတ်တရက် အသံတိုးသွားသည်
" အိမ်နီးနားချင်းတွေနဲ့ အနီးနားက မိသားစုတွေဆီကို စုံစမ်းခဲ့ပေမယ့် သခင်လေးနဲ့ တစ်ချိန်တည်းမှာ သေသွားတဲ့ မိန်းမပျိုက တစ်ယောက်မှ မရှိဘူးတဲ့။ မင်းတို့ကို ပြောတဲ့အတိုင်း သခင်မကြီးက အရမ်း စိုးရိမ်နေတာ။ ဒါ တော်တော်လေး မထူးဆန်းဘူးလား"
ချူဟွိုက်:" ဒါဖြင့် အခေါင်းထဲက လူက...."
“ယင်းရှောင်ဖုန်း...အိမ်တော်ရဲ့ အလှဆုံးအစေခံမလေး..."
အစေခံက ထိုစကား ပြောလာသည့်အချိန် သူက ယင်းရှောင်ဖုန်း၏ အလှကို တမ်းတနေဟန်ရှိသည်။ ချူဟွိုက်က ထိုနာမည်ကြားသောအခါ အံ့သြသွားရသည်။
ချောင်ရုန်၏ မျိုးရိုးနာမည်က ချောင်ဖြစ်ပြီး ယင်းရှောင်ဖုန်း၏ မျိုးရိုးနာမည်က ယင်းဖြစ်သည်။ နာမည်နှစ်ခု ပေါင်းစပ်လိုက်လျှင်....
YOU ARE READING
စူပါနထရယ်ဝေါ့စ်မှာ မင်းနဲ့ flirt ကြမယ်
TerrorTITLE - I'm Flirting with a Man in the Supernatural World Supernatural world မှာ မင်းနဲ့ flirt ကြမယ် ချူဟွိုက် + ကျင်းထျန်းယိ Description 💥 ချူဟွိုက်သည် ဝိဥာဥ်တစ်ခု ပူးကပ်ခံရပြီးနောက် အားနည်း ပျက်စီးလာပြီး မကြာမီ သေသွားခဲ့သည်။ သူသည် ထိတ်လန့်ဖွယ်...
