بعد وفاة الجده فاطمه بدا يحس علي (الجد) بالوحده وقرر اخيراً يجمع عائلته كلها تحت سقف واحد لكن ماعرف كيف يتوصل لهم فـ قرر يتصل على حفيده كسار :- هلا بوليدي
كسار:- حي الله ذا الصوت يابوي كيف احوالك وش علومك عسى مانك محتاج شي
ابو خالد : الله يحييك وانا مااتصلت عليك الا عشان اقول لك اخباري
انصدم كسار من نبرة صوته الحزينه:- عسى ماشر ياجدي
الجد:- انا تدهورت حالتي قاطعه كسار :- بسم الله عليك جدي تبيني اجيك؟
ابتسم :- وعلى قلبك ارسل خبر للكل اني انتظرهم العصريه ولا تنسى احد فيهم يلا فمان الله
سكر قبل مايسمع رد كسار اللي وقف بحيره وسوه قروب دخل فيه الكل الا غرام ماكانت تكلم احد وكتب فيه " السلام عليكم وصباح الخير على الجميع ... جدي تعبان وكلمني يبينا حوله كلنا ليت كل واحد يكون موجود ومايكسر كلمة جدي ويتعبه فوق تعبه واللي عنده اشغال يجيب اهله ويمشي لشغله بس كلمة جدي لا تنكسر ."
الكل انصدم من الرساله ومن غير تفكير تجهزوا يتوجهون لبيت الجد
———
هياف ونياف كانوا جالسين ينتظرون بالحوش
سعود طلع من المجلس وجلس عندهم بينما كان السكوت غالب عليهم بادر بالكلام :- انتوا مصدقين اننا بنتجمع تحت سقف واحد من بعد امي الله يرحمها
هياف ونياف:- الله يرحمها
سعود كمل كلامه والغصه واضحه بصوته :- يعني بترجع ايامنا الحلوه ؟ بشوف اخواني حولي اخيراً
هياف :- تظنون كلهم بيوافقون يسكنون ويانا ؟ احس خالي مشاري مستحيل يقبل
تنهد سعود :- مستحيل يكسر كلمة ابوي بيقسى على قلبه وبيتم
نياف شاف الجو بدا يتعكر وقال :- تصدقون متحمس اننا نسهر من ورى جدي ولو انقفطنا يجلد فيها ضحك وكمل صح جلده يعور وللحين ظهري علاماته واضحه بس والله وحشني
ضحكوا كلهم وكملوا ذكرياتهم اللي تتراوح بين ماقبل وفاة الجده فاطمة
اما عند اديم وغرام بالمطبخ :-
غرام :- يمه خلاص جهز كلشي استاذنك بروح اجهز
ابتسمت لها اديم :- اذنك معك ياعيوني روحي يوم سعدك ذا اخيراً اهتميتي للبنات
ضحكت غرام وهي ترسل لها قبلات بالهوا .
____
بالسياره عند ريوف اللي كانت تفكر بصوت عالي :- اشتقت لكسار اللي يتهاوش مع غرامي وتقوم الدنيا
واذا تهاوشت معاها استفزعت بذا -اشرت على كسار-كسار ابتسم وهو يذكر الماضي معاها وقال بحّده:- ريوفوه ترانا كبرنا ماعدنا ورعان اشتياقك ذا بيطول
تنهدت وخذت جوالها تشوف البنات وش يرسلون .
———
بالسياره الثانيه عند لطيفه اللي لفت وشافت غلا نايمه ضحكت وصورتها ستريك وكتبت " الفاهيه نايمه ماهي مستوعبه وانا من الحماس اننا بنتجمع من جديد ماغفت عيني " ارسلتها لقروبهم وبدت تستمع لقصايدها .
———
غرام اول ماشافت الستريك انسدحت ضحك بوسط المجلس دخل عليها نياف :- وش وراك انتِ انهبلتي !
احد يضحك كذا
حاولت تقول له ليه تضحك بس انفاسها تتقطع نياف :-الله لا يبلانا شربي ماي لا تموتين علينا
ابتسمت وشربته :- غلاوي من اول ماركبت السياره نايمه ولطوف صورتها ستريك عشان كذا اضحك
ضحك وقال :- وريني اشوف
ناظرته ورفعت حواجبها :- وش قلت تبيني اعلم امي عليك ؟؟
نايف يبي يستفزها اكثر :- ابي اضحك معك فيها شي ؟
غرام ركضت تصارخ لامها وهو وراها مسكها يقنع فيها انه يمزح وصادفهم سعود :- انتوا خبلان تصارخون كذا !! انا بالحوش وسمعت صراخكم !
غمزت غرام لنياف بمعنى افتن عليك ؟ وهو عطاها وجهه البريء صرخ عليهم سعود :- اخلصو وش وراكم بلا تغمز ولا تبرطم
شافت غرام وجهه نياف اللي انقلب احمر وردت :- انا انا سرقت منه المبخره وهو يبي يبخر ثوبه
زفر نياف براحه وابتسم
سعود :- ادري ماهو ذا موضوعكم بس بمشيها ويلا كل واحد يجهز نفسه .
ركضت غرام تجيب المبخر وتبخر البيت ونياف وسعود اللي كانوا يرتبون المجالس دخل هياف باغراض كانت موصيته عليهم غرام تقدم وهو ينادي :- تعالوا شيلوهم انا تعبت خلاص
اديم :- جزاك الله خير باقي ماحد جاء ادخل ارتاح بالمجلس ولا اصعد دارك تقدم يحب راسها وقال بنسدح بالمجلس الصغير اذا وصلو ارسلي غرام تصحيني
———
لحظة اللقاء 💞
تلاقى خالد ومشاري عند البيت سلم مشاري على خالد وياخذون علوم بعض
خالد :- اخيراً حصلت لنا طله نشوفك اشتقنا لك
ابتسم مشاري :- الظروف حكمت علينا بالفرقه والان جمعتنا
سعود سمع صوتهم وطلع :- لا تقول إنّ الليالي فرّقتنا... لا تقول ظروفنا عيّت علينا يوم ودّك كل شيٍء في يدينا
ريوف نطت تصفق : صح لساننك شاعرناا
سعود وهو يضحك عليها :- صح بدنك ادخلي لا يقولون الجيران جابو هبله عندنا
كشرت بوجهه ورجعت جنب البنات
ابتسم مشاري وتقدم كسار يسلم عليه ويحب راسه :- ما شاء الله عليك يا كسار اذكرك كنت تركض بالحوش متى صرت رجال كذا !
ابتسم كسار وقال : كبرني الزمن وشيب بي بعد
لف عليه خالد وضربه على كتفه :- اقول انطم وانا ابوك لا تصدق نفسك الحين وتهايط فوق روسنا
ضحك كسار : خلنا ندخل اكيد ينتظرونا
لف مشاري على بناته اللي شافهم سابقينه عند الباب وابتسم وهو يتقدم لهم وعند خالد اللي نفس الشي كانت ريوف سابقتهم
استقبلتهم اديم ترحب وتهلي فيهم :-
ياهلاا بخواني وعزوتي ياهلا اخيراً جاء اليوم اللي اشوفكم فيه كلكم حوليني
تقدم لها مشاري وعيونه تدمع لانه يشوف فيها امه:- عسانا مانفقد حسچ يالغاليه
وتقدم لها خالد :- ياهلا فييش يام هياف والله شوفتش لنا دواء
ابتسمت وبدت تمسح دموعها وتقدموا لها العيال يسلمون عليها :- ما شاء الله عليكم كيف كبرتوا كذا ! امس كنت اضرب فيكم واليوم انتوا رجال قدامي !
سيف :- يعني احنا قبل كم سنة محنا رجال !
حبس ضحكته لكن هم ضحكوا وضحك معهم واللي يحب راسها واللي يبي يذكرها كيف كانوا بالماضي ، ناظرت ريوف حولها ونطقت :- وين غرامي؟ مااشوفها
اديم:- دخلو المجلس وتلاقونها نازله الحين
أنت تقرأ
بشروني عنك ما يدرون عني مادروا باللي شغل فكري وظني
شِعراهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
