في بيت كسار وغرام كانت غرام جالسة في الصالة لابسة عبايتها للان ووجهها هادي لكن عيونها تحكي حزن سنين واليوم مرّ
فجأة انفتح الباب ودخلوا الجد وخالد ، مشاري، مها، أديم، شريفة
صوت مها سبقها :- وين البطله؟ وين قمرنا؟
قامت غرام بسرعة ودموعها بدت تلمع تركض باتجاههم أول وحدة ضمتها كانت أديم حضنتها بحيل ودموعهم تداخلت ، غرام :- يمه... انتهى كل شي ماعاد بخاف ماعاد أنكسر...!
اديم :- ياروحي انتِ خلاص كابوس وانتتهى
وتقدمت حضنت ريوف :- يا بعد قلبي انتي... فخر والله فخر يا ريوف بجلسه وحده انهيتي كلشي !
مشاري وقف عندهم وناظرها بعين فيها رهبة وفخر:-بنتي تعيش سعيده وحره وبنت اخوي افضل محاميه !
شريفة:-يا بنتي... اسمچ الحين يزين قلوبنا ويكسر كل شي يحاول يدمرنا
صفق خالد:- وش قاعدين نسوي؟ يا ناس رجعنا من العمرة وبنتي فازت بقضيتها الاولى اللي هي قضية بنتنا الثانيه ! لازم نحتفل قوموا سوو لنا جو!
كلهم تفرقوا بين اللي يجهز العشا واللي يزين الطاولات والجو صار يخلد بالذكرى عند كل زاوية...أما كسار؟ وقف على جنب يتأمل غرام وهي تضحك مع البنات وتكلم جدها بحماس...
اقترب منها وهمس بهدوء ما سمعه إلا قلبها:- كنتي تهبلين يوم فزتي... بس الحين؟ أنتي الحياة كلها
غرام بصوت مبحوح:-وأنت درعي اللي وقفت فيه بوجه الدنيا...
شد يدها وقبلها:- والله ما عاد بخلي شي يخوفش لا ماضي ولا مستقبل... أنتي بحفظي بعد الله
نياف اللي كان يناظر جمعتهم وقرر يكسر سكوته :-دام الكل متجمع ومافي وقت أحلى من هذا... أنا أبي أطلب يد غلا قدامكم كلكم
سكت المكان... وغلا على طول احمرت خدودها وطاحت عيونها بالأرض قامت بتطلع لكن سحبتها ريوف تجلسها مشاري وشريفه ابتسموا من خجلها فاهمين موافقتها
لكن لطيفة تسارعت:- كنتت عارفه وراك شيي من ماتلاحق فيها بالمطبخ
سيف ناظر نياف :- ذي وش تقصد !
نياف انفلت بعصبيه :- ماعمري فكرت بتفكير شين اتجاه غلا ولو ما اغليها كان سويت اللي هي تقوله بدل مااخطبها قدامكم كلكم
ضربت الجد عصاته بالارض :- غلا كلامه صح ؟
تلعثمت غلا :- جدي انت متوقع مني شي مثل كذا ؟ اذا متوقع مني ذا نياف اللي تربى تحت يدينك! اما لطيفه شافته بالمطبخ مره ياخذ اغراض وبلشتني !!
ابتسم مشاري :- انا ماعندي شك ببنتي وعندي ثقه بنياف نرجع الديره وتتم الامور
قبل لا ينتهي تفاعلهم جاء صوت هياف من الجهة الثانية بكل ثقة:بما إن نياف سبقني... أنا بعد أبي اخطب
انصدم الكل وخصوصًا ريوف اللي فتحت عيونها:- عشتو مدري مين اللي بتوافق عليك
ضحكت اديم :- شسالفة عيالي كلهم قرروو يتزوجون واختارو حريمهم وانا اخر من يدري !
نياف :- السمووحه يمه لو انها وحده غريبه قلت لش بس ذي بنت اخوش عندش شك فيها
هياف كمل كلامه :- خالي خالد وكسار ابي اطلب يد ريوف منكم
فزت ريوف:-؟؟!! أنت تهرج صدق ولا تمزح؟! اتمنى تمزح
هياف رفع حاجبه :-أمزح بعمري؟!
ريوف وهي واقفة ومتنرفزة:- لا لا يعني ما لقيت إلا أنا؟ وفوقها قدام الكل قبل ماادري انا وخر مناك عني
غرام انسدحت من الضحك عليها :- اخيراً هياف انتقم لي منش
التفتت ريوف لها :- سكتي لا تخليني اطلع حرتي فيش وامسح بشعرش
قاطعها كسار :- حشمي نفسچ لا تنسين انها حرمتي!
وغلا تحاول تهدي ريوف
الجد قاطع هواشهم بكلمته :- اذا هي مب موافقه انا موافق ياهياف
ريوف فتحت الباب بتطلع :- ليش انا سبحته عشان اناسب ولا لا !!
وفي وسط عصبيتهم وقفت غرام وكانت ماسكة بطنها بخفة :- بما إن الكل صاير على اعصابه... أنا بعد عندي خبر...
الكل سكت وطالع فيها اما ريوف كانت عند الباب
غرام:-أنا حامل
صرخت ريوف بدون شعور ورجعت تحضنها وتدور فيها:-لاااا!!! حلففيي انا بصيير عمهه !! بيصير عندنا حفييدد
فجاه سحبها كسار :- بعدي عن مرتي توش غالطه عليها الحين عرفتي انها مرتي !
ضحكت غرام اما اديم فزت تاخذ غرام بالاحضان وتبكي :- مبروكك يمه الله يتمم لش على خير
وكسار طاح عليه الضحك ومسك خد غرام:أخييييراً يا أم بنتي... تكلمتي وفرحتي عمتي
غلا دمعت عيونها من الفرح ونياف ناظرها :- ذا يقول بنتي ! يعني بنت
كسار:- أكيد بنت انا حسيت وبتطلع مثل أمها مجننتني من أولها
وضج المكان ضحك وضجيج ليلة ما تتنسى من الحُب والفرح والوناسة وكلهم نسو موضوع الخطبه وبس يفكرون بغرام واللي فبطنها
~نسرع الاحداث شوي بعد شهر تقريباً وبعد موافقة ريوف وغلا جاء وقت زواجهم !!
كل شيء تغيّر وجوه مرتاحة وقلوب متطمنه وبعد ما استقرت الأمور جاء اليوم اللي ينزفون فيه على بعض
بيت الجد المزين ومليان ورد وأضواء الكل يشتغل على موضوعهم
هياف واقف عند المخيم يضبط شماغه ونياف جنبه يضبط عقاله
هياف :-ما توقعت يصير يوم وأوقف أنا وإنت نعرس مع بعض!
ضحك نياف:- الناس يقولون احنا توأم وداخلين القفص سوا
جاهم مشاري وعيونه تلمع من الفرح:- أهم شي خلوكم رجال الليله ولا تنسون تحطونهم بعيونكم
~ بغرفة البنات~
غلا واقفة قدام المراية تمسك فستانها الابيض بيد وريوف جنبها فستانها الاحمر
دخلت عليهم غرام ومبين عليها تعب الحمل :- ما أتخيل إنكم حريم اخواني!!!
غمزت ريوف :- وأنا ما أتخيل إني بصير زوجة أخوش الغثيث! بس جالسه اسوي لي فعاليه
ضحكت لطيفه وكملت تطقطق عليهم
فجاه بدت تنزل دموع غرام:- لو تعرفون وش كثر قلبي طاير فيكم... ما في يوم تمنيت فيه شي زي ما تمنيت لكم هالفرحة
لطيفة رمت عليها منديل :- يلا يلا لا تبكون وتخربون المكياج ترى زهقتيني ونفسية الحوامل ذي كل شوي ضبطت مكياجش العيال بيوصلون وانا اعدل فيش !
بعد ساعتين من سوالفهم ومزحهم
دخلت شريفه :- يلا بنات العيال جاو الحين الزفه
غلا :- يمه تكفين امزح ماابي
لطيفه حضنت امها :- روحي لحضن نيافوه وانا امي لي بروحي
ضربتها شريفه بخفه :- عيب لا تتكلمون كذا
ضحكت لطيفه :- ذا الصدق يمه !
مثلت غلا الزعل :- بخليه ينام هنا مانبي لا بيت ولا شقه غرفه تكفينا ! سمعتي غرام قولي له
ضحكت غرام وهي تناظر ريوف اول مره تشوفها متوتره :- بعدين تصيحين فوق راسله طلعني من هنا ... وانتِ شفيش خايفه كذا !
ريوف :- انا ؟ مستحيل
ضحكت غرام :- اي انتِ اجل انا ؟
دخلت مها عليهم معصبه :- يلاا انزلو الزفه بدت
نزلت ريوف قبل وبيدها مسكة ورد ابيض ناظرها هياف لاول مره بدون قيود حتى مارمش عينه ، تقدمو يباركون لها واولهم كسار اللي كان شايل طقم ذهب قدمه لها وهو يقبل راسها :- كبرتي قدام عيوني واليوم انتِ عروس لسيد الرجال هالله هالله فيه ولا تفعلين شخصية المحاميه عليه تراه زوجش
ابتسمت ريوف ولاول مره تحضنه ودموعها تنزل :- ماني مصدقه للحين اللي يصير اخطفني الرياض
ضحك كسار من طبطب عليها وابتعد :- روحي جلسي عنده شوفي كيف عيونه احمرت وبتستوعبين
ابتسمت من قبلت راسه وكملت زفتها له
وغرام كانت كل شوي تبكي وكلهم يتذمرون منها طلع هياف وريوف وجاء دور نياف اللي اساساً استقبل غلا من الدرج ودخلو مع بعض بكل فرحته وفخره كانها اعظم انجازاته
بعد نص ساعه تقريباً طلعو هم بعد متوجهين للفندق والكل يحتفل وضحكتهم تملي المكان
غرام همست لكسار:- وش شعورك دام أخواني تزوجوا بنفس الليله؟
ابتسم كسار:-أشوفك تبتسمين بهالطريق وأقول الدنيا ما ظلمتنا بعد كل اللي صار واقول ياحظي افتكيت من النشبات
ضحكت غرام بخفه وبدو الضيوف ينسحبون يعلنون انتهاء الليله
نياف مسك يد غلا وهم بالسياره :- جاهزة للحياة اللي كلها دلع ومسؤوليات؟
غمزت غلا :- إذا أنت المسؤول عن دلعي أتحملها كلها وانا ابتسم
اما عند ريوف اللي وصلو الفندق وهياف يناظر فيها ومبتسم كسرت السكوت ريوف :-لا تفكر تدخل عليّ وانت تتبسم كذا أخاف تكون ناوي علي!!
هياف نزل شماغه :- أنا ناوي فعلاً بس على رضاك لا تتغلين علي الليله وماعليك
انصدمت ريوف من جرائته وحاولت تثبت نفسها له الليله🌚.
~
غرام اللي صعدت غرفتها هي وكسار ورمت نفسها على سريرها وكسار يحط يده على بطنها :- تدرين؟ تمنيتش دايم حولي... بس بهاللحظة ما أبي شي غيرش انتي وبنتنا
غرام عضت شفايفها بخجل :- لا تقول بنتنا ترا يمكن ولد!
كسار دفن وجهه عند عنقها :- بنت ولد أهم شي منش و شبهش
غمضت غرام عيونها وتحط راسها على كتفه والدنيا كلها تهدأ حولهم
~صباح اليوم الثاني
نزلت غرام الصاله مالقت فيها احد الكل نايم بعد التعب صعدت مره ثانيه غرفتها تصحي كسار :- كسار قوم
كسار غالبه النعس :- روحي كلي انتِ مابي
بكت غرام :- هو ابييك تقول عشاني جوعانه انا وبنتك !!
رفع كسار نفسه مبتسم :- يخسى الجوع !! وش تبون بس
لفت غرام عنه :- قوم المخبز جب لي كلشي عنده الا الكبده
ضحك من وحامها :- طيب اذا انا مشتهيهها شسوي !
التفتت عليه ورفعت صبعها تهدده :- والله ياكساروه لو تسويها غير تنام بالملحق ولا تفكر تجي الغرفه يومها
كسار انصدم من انفعالها ونزل صبعها بخفه :- ثاني مره ترفعين صبعش علي !
تنحنت غرام :- اسفه مااقصد بس انت
سحبها كسار يقبل ثغرها :- مابي بس وابشري بالذ فطور
انسحبت غرام تعدل شعرها :- لا تنسى الباقي
كسار :- على خشمي اي اوامر ثانيه ؟
غرام :- لا ماتقصر سلامتك
أنت تقرأ
بشروني عنك ما يدرون عني مادروا باللي شغل فكري وظني
شِعراهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
