ملاذ :- زوجوه وش وراكم
ابو خالد :- ايه يصير خير بعد سنه
غرام :- خلها سنتين عشان كرشتي تختفي
غلا :- انتِ مصدقه كرشتش ؟
ملاذ :- غرام من قبل نحيفه والحين تلاحظ اي تغير
غرام :- الحمد لله ياربي جتنا وحده فاهمه بذا البيت
ابو خالد :- هي فاهمه وعاقله بس معكم بتجن
ابتسمت ملاذ :- الصاحب ساحب
ابو خالد ضحك :- سحبيهم انتِ وهجديهم
ريوف رفعت عينها من جوالها :-جدي شرايك تقوم تلحق عيالك واحفادك مجدول علينا ليه
ابو خالد :- والله ياريوف ماتستحين على وجهش
باعت ريقها ريوف :- امزح وياك العين والقلب كلها لك
ابو خالد :- ترقعين الثوب بخرجه !
ابتسمت ريوف :- واضح يعني ؟
غلا :- مره
ريوف قامت :- استودعكم الله اجل
ضحكت غرام :- بتهرب
ريوف :- ماني هاربه بجيب غرض وبنزل
ابو خالد :- انا طالع للمحل شوي جهزو العشاء مع امهاتكم لا تدلعون عليهم
رجعت ريوف :- هونت اجل مب اجيب شي
ضحك ابو خالد :- استودعتكم الله ومافيه طلعه الا بعد العشا سامعه غرام ؟
هزت راسها :- بحفظ الله ابشر
التمو البنات بالمطبخ يقضون اخر ليله لهم مع بعض من غير شر
غرام وهي تخلط السلطه :- احس اني خايفه
غلا :- من ايش ؟
غرام تنهدت :- خايفه على نوره وخايفه اني اقصر معه هناك من ماتزوجنا واحنا هنا انتو اللي قايمين بكلشي بس هناك كلشي بيكون علي وخايفه اتعب وهو بدوامه ومعرف اتصرف
ملاذ ربتت على كتفها:- ذكري الله وكلشي بيكون ماشي تمام اذا ماخفتي كذا روحي وسكني احلى لحظاتكم فبيتش هو اللي بيسند لش كل الذكريات وان حسيتي بتعب رسلي علي وباقل من ثانيه الجواب يوصلش
ريوف :- ماعليكم منهاا انا اعرف كساروه حتى التنفس هو بيتنفس عنها عشان " ماتتعبب "
ضحكت غرام :- ليتش تتعلمين الكلام العسول من ملاذ
ريوف :- كلامي العسول تركته لزوجي
شهقت لطيفه :- بجيحه تراش وقليلة ادب صايره
ضحكت ريوف :- اللي يطق الباب يلقى الجواب
دخلت اديم عليهم :- عسى ماحرقتو شي ؟
غرام :- افاا يحرقون شي وانا فيه !
ابتسمت اديم :- اكيد لا
صرخت غلا :- الباشميل احترقتت
لطيفه :- بلعي كلمتش غروم
لفت اديم عليها :- طلعيهاا وش تسنين!!!
ضحكت غلا وهي توريها :- يعني ماني رفله لذي الدرجه بتاكلون اصابعكم وراها
ضحكت ملاذ :- كيف زوجتوها ذي
ضحكت اديم :- نياف نفس جنونها ومحد يتمقلب منهم غيري !
قربت غلا تبوسها :- من حُبنا لش يمه
غرام :- سلامات تقولين يمه !!
غلا :- نفس ماتقولين لابوي يبه
ضحكت غرام :- بتموت غيره
غلا :- انتِ روحي الرياض مع كسار وانا بتم هنا بشوفها وبشوف ابوي كل يوم
اختفت ضحكتها بالتدريج :- لا تزيدينها علي
لاحظت اديم عيونها :- ياويلش تبكين محنا طايرين عنش وكلنا هنا عشانش معليش منها
غلا تركت اللي بيدها ولمتها :- اسفه غروم امزح والله
ابتسمت غرام :- مازعلت فيه نونو ببطني تحسسني دايم انها موجوده
ابتسمت ملاذ :- مشاعر الام بدت
ناظرتهم ريوف ببتسامه :- خلصت انا بصعد اخذ شاور وبنزل
ابتسمت اديم :- خذي راحتش ابوي مطول بالمحل
هزت راسها :- ماعليك مب اتاخر
غرام بعد ماطلعت :- احس ودي اكتم نفسي اذا تكلمت عن نوره وهي تناظرني كذا
اديم :- كلشي بيد الله انتو ادعو الله ييسرها لها
ملاذ:- اسفه على السؤال بس دامها تبي ليه ماحملت ؟
اديم :- منا وفينا مايحتاج تتاسفين لكن لا تفتحون يمها سيره ولا تسالون فيها تصرفو طبيعي وكلشي بيصير الله كاتبه
ملاذ :- ان شاء الله تحمل قريب وتفرحنا فيها
اديم :- ان شاء الله
كسار نزل شنطهم بالصاله :- يلا سرينا
ضحكت مها :- ماسمعت جدك وش قال ؟
كسار :- لا وش ؟
مها :- نتعشى ونتقهوى وتروحون
كسار :- وبس يجي يقول لا الوقت متاخر
ابتسمت مها :- لا ترادده واسكت
جلس كسار :- امري لله الا هي وينها فيه ؟
مها :- بالمطبخ مع البنات
كسار :- روحي سحبيها لا تتعب
مها :- اديم جنبها وانت تعرفها
كسار :- زين العيال وين ؟
سيف :- جينا
كسار :- لو طاري مليون ماجاني
نياف :- ليت عندنا المليون شان زوجت سيوف
ضحك كسار :- لو بتتزوج شيل هم مصاريفكم ولا الزواج اعتمد علينا
تنهد سيف :- لو عمك ومرته يقتنعون ويقنعون جدك
مها :- سيف ابلع لسانك لا يسمعونك
سيف :- ها سكتت توبه اتكلم
ابتسمت مها :- خلك كذا بس كل
سيف :- متى يجي الوقت اللي اكل من مرتي مب منكم
اديم طلعت بالسفره :- بالاسبوع اللي مافيه جمعه انتظره وكل
فز سيف :- امزح عمتي والله طبخش مايتطوف !
ضحكت اديم :- رح المحل بس ناد ابوي وهياف
نياف :- وهياف مسرع راح وراه
اديم :- انت تعرف اخوك زين
نياف :- اعرف بدق عليه مايحتاج نروح ويمسكنا شايب منهم
ابتسمت اديم :- مردكم كابرين زيهم
ضحك نياف وهو يدور اسمه بيدق عليه بس سبقه اتصاله :- احنا عند لفة البيت خلهم يحطون عشاهم
نياف :- اللي اعرفه انا ابو كرش بس انتو تشمون الريحه بالوقت المناسب شلون
ضحك هياف :- سكر سكر
سكر نياف وهو يضحك :- وصلو جيبو عشاكم
طلعو البنات يصفون السفره والعيال جلسو حولينها الا هياف صعد غرفته
أنت تقرأ
بشروني عنك ما يدرون عني مادروا باللي شغل فكري وظني
شِعراهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
