توقف كسار عند بيت كبير حييل وقفت غرام عند الباب وعيونها تدور بالمكان كأنها تتأمل تحفه فنيه :- كسار يجنن اكثر من ماتخيلته !
دخلها كسار وقفل الباب وراها حضنها من وراها بخفه:- اكيد يجنن دامش صاحبته ! هذا بيتنا وكل شي فيه نختاره مع بعض حتى الذكرى اللي بنخزنها فيه بنبنيها سوا
التفتت غرام له ودمعها باقي بعيونها : كسار احبك تكفى لا تخلي احد يدخل بينا ولو امي ولا الخاله !
شهق كسار ومسك قلبه وسندته غرام بسرعه :- وشفيك كسار؟!!
ضحك كسار :- قلتي حبيبي لي
ضربته غرام بعصبيه :- جيت تطيح قلبي على كلمه !
شالها كسار وبدا يخطي لاقرب كنب :- الكلمه ذي بالنسبه لي حياه قوليها مره ثانيه لا تحرميني منها
ضحكت غرام ورددتت :- احبك بس لا..
قاطعها من قبل مبسمها :- ما راح اعيدها دامش تقولينها
احمرت خدود غرام وحاولت تبعد نفسها :- خلني اشوف البيت قبل !
غمز كسار :- نشوف غرفتنا اول شي ؟
غرام :- كنت اشوفك عاقل بس طلعت مجنون !
كسار رجع يقبلها :- هايم بالغرام حقتي
ابتسمت غرام وسلمت نفسها له بدون اي جدوى منه 🌚.
~هياف كان بالحوش جالس يتفرج على الجوال لما وصله مسج نياف رفع حواجبه باستغراب نياف مو من النوع اللي يرسل كذا فجأة إلا لو فيه شيء مهم ، نياف :- وينك فيه ؟
هياف :- بالسطح صاير شي ؟؟
ما مرت خمس دقايق إلا ونياف دخل عليه واضح من نظرته إنه متوتر:-ابي اتكلم بشي مشغلني ورايك فيه
هياف رمقه بنظرة :- خير؟ وش فيك كذا !
نياف تنهد للحظه :- طحت بالحفره
نزل هياف بيالته :- اي حفره مع مين مبتلي ؟؟
ابتسم نياف :- طحت بالحب وحيل وانت تعرف مين
رفع حاجبه نياف :- عييد ؟!
نياف :- ابي غلا على سنة الله و رسوله
ضحك هياف :- والله اني مصدوم مع اني حاس وشلونن
تنهد نياف وهو يحك رقبته:- مدري كيف لكن متاكد من القرار ذا
هياف :- انا معك والله اللي يقدم فيه الخير لكن اصبر مش الحين
نياف اعتدل :- متى يعني ؟
هياف :- لا تصير بزر وتحن فوق راسي وواهلك بيسافرون وفوقها الخسيس وولد اخوه طلع من السجن
شهق نياف :- نععمم شلونن ؟؟؟
هياف :- ذا الخبر اللي كنت بقوله لكن كنسلته وخلهم يعتمرون بدون خوف
نياف :- وغرام ؟؟
هياف :- قم ننام وغرام بحماية كسار وحمايتنا ماهو بعارف عنها شي
ضرب نياف راسه :- مستحيل كيف قدرو !!!
هياف :- الواسطات الله يلعنها
نياف :- مستحيل اللي جالس يصير
نزلو وشافو البيت هدوء يدل على الكل نايم ، نياف :- تعال ننام بغرفتها
ضحك هياف :- فكره ماهي بشينه
دخلو غرفتها وبدت تاخذهم السوالف لين غفت عينهم .
~ نسرع الاحداث لليوم الثاني
جلست غرام تجهز لصلاة وجتها اشعارات ورى بعض خذت جوالها متوقعه وحده من البنات لكن كان رقم غريب يهددها ! بدت تقرا الرساله وعيونها تدمع " تحسبين بتركش تستمتعين بحياتش؟ تخسين اذا ما وصلت لش اوصل لاهلش وبدل ما تيتمتي مره على يد "ابوش" اخليش تعيشين شعور اليتيمه مره ثانيه من اللي تسمينها امش واخوانش اللي ماهم باخوانش حتى انتِ وحييده ومحد وراش انتظري انتقامي يشهد علي الله لاخليش تبكين ليل ونهار دم مش دموع يا غرام ."
رجعت تقراها مره ومرتين لحد ما استوعبتها وبدت ترجف دخلت الغرفه تحاول تصحي كسار لكن نومه ثقيل اتجهت لمرايتها وكسرتها فز كسار وشافها تبكي وبيدها قزازه :- غراام!!! اتركييها من يدش
غرام وهي تضغط عليها بكل قوتها :- طلع كسار طلعو
كسار قرب منها :- غررام يدش تنزفف اتركييها
غرام وهي تبعد القزاز يدخل فيها:- بعدد عني صحيتك ماصحييت ماصحيت حاولت فييك بس انت ماصحييت
رفعها كسار من خصرها بخفه :- صحيت غرام صحيت اتركييها من يدش
تمتمت غرام :- متعب وعمار طلعو كسار مابي ارجع الديره مابي ارجع لهمم
فك كسار يدها بخفه ورمى القزاز منها :- غرام انا معش لا تخافين يخسون يلمسون شعره منش
غرام بتقطع :- هددننيي بامي واخواني كسار يقول انا وحييده ماعندي لا ام ولا اخوان
حضنها كسار بكل قوته لكنها طاحت بين حضنه مغمي عليها خاف كسار عليها وسحب طرحه يلفها على يدها يوقف النزيف ونزل حاملها لسياره حاول يصحيها لكن محاولات بدون اي نجاح منها لحد وصل المستشفى
كسار وهو شايلها :- ساعدونيي عندها نزييف بيدها ورجلها حاولت اوقفه لكن ماوقفف
تسارعو فيها لغرفة الطوارى يحاولون يوقفون النزيف وكسار يحاول يتصل على احد فيهم لكن محد يرد وكانت اخر محاولاته هياف واخيراً رفع جواله :- كسار ! فيكم شي؟
كسار وهو يصرخ :- الخسيس طلع
اعتدل هياف :- وش دراك ؟
كسار :- يعني كنت تعرف وساكت ؟؟؟ انت تدري وش صار ؟؟
هياف :- هدد نفسك توه امس طالع وش صار !
كسار بعصبيه :- غرام الحين بالمستشفى بعد ماهددها والله لو اطيح عليه غير اشربها من دممه
فز هياف :- ايي مستشفى ؟؟
كسار :- ماعلييك من اي مستشفى انت شف حلل للخسيس متعب وعمار قبل ماتصحى غرام
فز هياف وراح عند غرفة ريوف يطق الباب بكل قوتها ، طلعت ريوف معصبه :- خييرر ؟؟ احسب القيامه قامت!
سحبها هياف للغرفه وسكر الباب :- اسكتي واسمعني
ابتعدت ريوف :- اطللع من الغرفه لا احد يشوفك عندي !
هياف :- متعب وعمار طلعو من السجن
شهقت ريوف :- شلون ؟؟
هياف :- واحد منهم هدد غرام والحين هي بالمستشفى لازم نشوف حل قبل ماتطلع
جلست ريوف بجنب السرير وراسها بين يدينها :-بفكرر اهدا
هياف :- مافيه وقت تفكرين فيه ارفععيي القضيه
ريوف :- انت تحسب رفع القضيه بذي السهوله ؟؟؟
هياف :- وش مطلوب منيي يعني ؟
ريوف :- لازم غرام توافق ولازم توريني كلشي ونطلع كل الادله عليهم
هياف :- عنديي نسخه من ملفهاا بالمستشفى يتكلم عن نوباتها وكلشي جاها بطفولتها لكن التهديد مقدر اجيبه
ريوف سحبت لابتوبها :- ينفع روح جيبه على ما اكلم احد انا
طلع هياف من غرفتها بسرعه متجهه لغرفته يطلعه وهي كلها توتر اول قضيه بتمسكها فعلاً !! .
~ بعد نص ساعه طلع الدكتور :- وقفنا النزيف لكن ماصحت يسوون لها فحوصات ويردون لك خبر
كسار :- بدخل اشوفهاا
الدكتور :- ماتقدر تدخل الغرفه لحد ماننقلها غرفة التنويم
كسار :- تنوييم ؟ ليش فيها شي !!
الدكتور :- لا لكن واضحه الجروح عميقه ونحتاج نخليها تحت المراقبه ويجون الشرطه يفتحون تحقيق
كسار :- انا اعرف السبب وانا عسكري نادهم لي هنا الحين
الدكتور :- نفس الشي بيكونون محتاجين يسمعون منها
كسار :- انا اقول اللي عندي والباقي بس تصحى
طلعت الممرضه :- المريضه صحت لكن تكرر باسمك
كسار :- يا ادخل لها يا انكم تصعدونها غرفه الحين
الممرضه :- ادخل لعل تسمح لنا بالفحوصات
دخل كسار وتقدم لغرام يمسح على راسها :- انا معش هنا ماتركتش
تمتمت غرام :- لا تروح عني
جلس كسار بالقرب منها :- هذاني جلست ماراح اتحرك بس خليهم يسحبون منش
سلمت غرام نفسها لهم وكسار عند راسها يقرا عليها
الممرضه :- خلاص كذا بنصعدها غرفه وتقدر تجيب لها مرافق
كسار :- ابي احجز خاصه وانا بنام معاها
الممرضه :- على راحتك اجيب لك الاوراق الحين
~ عند هياف بعد مانزل لريوف وبيده الملف :- اللي تشوفينه ما تتكلمين فيه حتى لو امش وابوش فهمتي؟
ريوف :- هاته مش وقتته الكلام الحين
هياف :- اوعديني ريوف
ريوف:- اوعدك بس جيبهه لا تضيع وقت
خذت الملف ريوف تتصفح فيه :- كل ذا غرام مرت فيه !
هز راسه هياف بمعنى اي :- واكثر
ريوف شهقت بعد ما شافت صور لضرب لها :- مستحييل !! ماهو انسان ذا وحش كييف يسوي ببنته كذا !
هياف :- يخسي تكون غرام بنته
ريوف :- خلاص برفعها الحين بس جيب لي صور التهديد
طلع هياف وصادف نياف :- ابيك بموضوع
نياف :- صار شي ؟؟
هياف :- للاسف اي هددوها بس مقدر اجيب التهديد لانهم بالمستشفى ماراح يرد
شهق نياف :- الكلب ذا لو ادل مكانه قسم نحرته
هياف :- ريوف قدها ترفع القضيه بس شلون اوصل للمحادثه
نياف :- رقم غرام الواتس برقمي الثاني اذا ماغيرته انت
صفق هياف :- ماغيرتته جيب الشريحه بسرعه
دخل نياف غرفته ورجع بجواله الثاني :- احتاج جهاز مافيه واتس
دق هياف باب ريوف وطلعت :- الرقم عندنا بس نبي واتس
ريوف :- المحادثات تنمسح من جهاز لجهاز
ضرب هياف يده بالجدار :- والحلل ؟
ريوف :- انا الحين اطالب بتسريع القضيه واقدر اخليها حتى ذا الاسبوع
نياف :- خليها بعد مايروحون العمره ولا بيمنعنا جدي
هياف :- مافكرت فيها
ريوف :- امي قالت انهم ماشين اليوم
نياف :- حللوو عز الطلب لا تبينين لهم شيي بس ارفعيها
ريوف :- رفعتها وكلمت واحد يسرع بالموضوع
هياف :- واحد ؟؟؟ وانا قبل شوي وش اقول ! لاحد يعرف
ريوف :- لازم تنعرض الأدلة على القاضي وهو منهم وفيهم
نياف :- المهم نخلص غرام من الموضوع
~ عند غرام وكسار بعد ماصعدوهم الغرفه ابتعد عنها شوي وقاطعه صوت غرام :- لا تتركني
كسار :- ماراح اتركش بصلي هنا جنبش
غرام تحاول ترفع نفسها :- انا ماصليت بعد
رجع كسار :- ارتاحيي لو تبين اصلي عنش اصليي
ابتسمت غرام :- اسفه
جلس كسار :- اسفه على ايش ؟
غرام :- اللي سويته
كسار اعتدل :- انا قلت لش مرتين مابينا اي خلاف بس انش تاذين نفسچ كذا بينا مليون خلاف
غرام :- ماحسيت نفسي
قبل راسها :- مايهم اللي صار الحين المهم انش بخير والصلاه بعدين تقضينها ارتاحي بس عشان نرجع البيت
غرام رجعت توترت :- ما ابي ارجع الديره خلهم يجون عندنا
كسار مسك يدها بخفه :- ابشري اللي تبينه بيصير
غرام :- حتى العيال خلهم يجون نحطهم بالمجلس عادي
كسار :- على خشممي مع انهم نشبه بس ابشري
ابتسمت غرام :- اخواني ما ارضى عليها وسيف حليل بدون نياف
كسار :- حليل اجل ؟
ابتسمت غرام :- اخوي الثالث لا تفكر بعيد
رجع كسار يقبل غرام بخفه بكل وجهها وكان بيكمل لولا دخول الممرضه :- طلعت نتيجة التحاليل
اعتدل كسار :- بشري ؟
الممرضه :- كل امورها تمام يمكن تحتاج مهدئات عن الوجع بس لا تكثر منها عشان صحة النونو
شهقت غرام :- ايش ؟؟؟
الممرضه :- ما كنتِ تعرفين ؟ انتِ حامل
ضحك كسار بدون شعور :- متاكده انتِ ؟ غرام حامل حامل ؟
ابتسمت الممرضه :- اي حامل اذا عندكم شك نعيد التحاليل
ضحكت غرام بصدمه :- بس مافيني اي اعراض !
ابتسمت الممرضه :- يقولون الطفل اللي بدون تخطيط مسبق هدية من الله
بدون شعور كسار حضن غرام وهي باقي مصدومه :- شفتيي قلت لش اللي الله كاتبه بيصيير بالوقت المناسب
غرام مسكت بطنها بخفه :- ابي أشوف بالسونار
ضحكت الممرضه :- ابشري بس يمكن مايبين بشكل واضح
غرام :- عادي
سجد كسار شكر وغرام كانت تضحك بدون شعور بعد دقايق دخلت الممرضه بجهاز السونار :- ارفعي عن بطنش
رفع كسار تيشرتها :- لا تحركين يدش انتِ انا ارفعه
ابتسمت الممرضه :- ذي غرز وكان بيكسر المستشفى علينا كيف بعد ماعرف انش حامل ؟
ابتسمت غرام وهي تحاول تمسك يده لكن الالم يتفوقها
غرام :- امسك يدي بس لا تضغط علي تعورني
ابتسم كسار بخفه هاتي كفش بين كفيني وماعليش
ابتسمت الممرضه وبدت تحرك السونار على بطنها :- شفت الجنين بس اكيد ماهو بواضح بنت ولا ولد
غرام :- متى يبين ؟
الممرضه :- بعد مايكبر شوي ويبدا يتكون زين يعني بعد ثلاث اربع شهور انتِ توش
كسار وهو مركز بالشاشه:- وين الحين انا ماشوف شي ؟!
ضحكت الممرضه :- اطبعها واحط لكم علامه عليه دقيقه
طلعت الدكتوره الصوره وعطتها اياهم :- اللي بالدائره هو
كسار :- او هي بس وش ذا نقططه مايبين
بدت غرام تدرف دموعها :- يعني انا بصير ام!
ضحك كسار :- ليكون ذي هي هرمونات الحمل بدت ؟؟
الممرضه ابتسمت بخفه :- الدلال عليك الحين اهتم اها زين ولا تشيل شي ثقيل لين يثبت حملها زين وكلشي تشتهيه تجيبه لها لا تخلي شي بخاطرها
كسار :- ما يحتاج توصيني على حبيبة قلبيي حريص
ابتسمت غرام :- ماني مصدقه
الممرضه :- تحبين تتمين هنا نتطمن عليش اكثر او بتطلعين ؟
غرام :- بطلع
كسار :- تحلميين بعد مادرينا تبين ترجعين ؟؟ خلش
غرام ناظرته وهي تغلص عيونها:- برتاح اكثر بالبيت
تنهد كسار :- امرنا لله بالبيت بالبيت
ابتسمت الممرضه وطلعت عنها
كسار :- الحين اكلم البنات يجون لش عشان ماتشيلين نتفة شي شغليهم عندش
ضحكت غرام :- ياويلك كسار تقول لاحد ياويلك ولا تخلي احد ينتبهه
كسار :- يارب اقدر امسك نفسي
غرام :- والله ازعل !
رفع يدينه كسار باستسلام :- لا تكفين مقدر اراضي اثنين الحين
ابتسمت غرام :- تبي بنت ولا ولد ؟
مد يده كسار على بطنها :- اللي يجي من الله حياه الله
غرام حطت يدها على يده :- وانا اقول كذا
بعد ساعه طلعو من المستشفى متجهين لبيتهم وبالطريق كسار يكلم ريوف:- تجون عندنا بدل لا نجيكم ؟
فهمت ريوف مقصده وهمست :- دقيقه بس بصعد الغرفه اخذ راحتي
نزلت ريوف جوالها :- بصعد داري شوي عندي مكالمه مهمه
ناظرها هياف لكنها ماعطته اي ردة فعل وصعدت :- جيتك... قبل ماتتكلم رفعنا قضيه وبتصير خلال ذا الاسبوع على خير خل غرام تستعدد
كسار ضرب يده :- ذا الشغل الصح كفو ياراخت كيار
فزت غرام :- خرعتني !!
ضحك كسار وحط يده على بطنها :- اسف اسف بس لحظه
ضحكت ريوف :- كفوك الطيب وانا اشوف تكلم جدي عشان الجيه ماراح يرد لك طلب
كسار :- طيبب سكري وبتصل عليه استعدي يـ محاميتنا
ابتسمت ريوف من محاميتنا وسكرت اما غرام للحين مش فاهمه ايش يصير
كسار :- ريوف رفعت عليهم قضيه
وسعت غرام عيونها :- ايشش؟!!!
مسك يدها :- لا تخافين كلنا معش انا واخوانش وريوف تشككين فيها ؟
استندت غرام :- لا لكن ماراح يتركنا بعدهاا ليش ماسالتونيي
كسار :- هذا اذا تركوهم الحكومه يخسون لا تشيلين هم والفوز من صالحنا
غرام مسكت بطنها :- مابي اعرف شي عنهم ومابي اتوتر عشان اللي فبطني فكر فينا
ابتسم كسار :- ابيها بنت لان جالس اشوف اخذ اهتمام اكثر مني لو ولد بموت غيره
ضحكت غرام وهي تداعب بطنها اما كسار اختار السكوت لين يوصلون بيتهم .
أنت تقرأ
بشروني عنك ما يدرون عني مادروا باللي شغل فكري وظني
Poesíaاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
