راحت اديم تصحي هايف وتطرشه للمجلس الثاني بعد ماقام توجهت هي للمطبخ وهو للمجلس
عند غرام اللي كانت تعدل كشختها ناظرت الستريك واستوعبت انهم وصلوا وبدت تركض لهم نزلت المجلس وفتحت الباب تقدمت لريوف تحضنها وصدوا العيال فز هايف من مكانه وبعيونه شراره من ماشاف طرحتها عليها سحبها من حضن ريوف وهو يحط شماغه عليها: غطي شعرش
غرام ارتجفت واستوعبت :- اسفه ماكنت ادري انهم موجودين
سحبها هياف لخارج المجلس وسكر الباب :- اصعدي الحين غرفتش والبسي الطرحه و...
قاطعهم نياف اللي كان يعرف هياف بهاوشها ووقفها ورى ظهره بصوت خفيف :- ماكنت تدري هد اعصابك
غرام ونبرة صوتها كانت خافته :- ماتوقعت انهم معانا بالمجلس والله فكرت بس احنا البنات ماراح اعيدها
هياف:- المفروض الطرحه ماتنزل عن راسچ مادام بالبيت عيال خوالش
قاطعه نياف لما حس بحرارة دموعها تنزل على ظهره :- امسحها بوجهي وهي ماتعودت على البيت يكون فيه رجال غيرنا انت روح وانا اتفاهم معاها
زفر هياف وتقدم بيدخل بعد ماصعدت غرام غرفتها ووراها نياف
بالمجلس اللي كان الكل منصدم من ردة فعل هياف وتقدمت ريوف تطلع وقابلته:- وين غرامي ؟
هياف :- فوق بغرفتها شويات وتنزل
ريوف :- متاكد ماسويت لها شي تحت مسمى غيرتك؟؟ انت تدري الان مارح تنزل لانها خايفه منك
قال هياف بحّده:- ماسويت لها شي وبتنزل
ريوف :- انت بتصرفك ذا خوفتها ماتفهم ماشفت رعشتها ؟
هياف وهو يفتح باب المجلس :- اختي بالاخير اختي وحافظتني زيين لا حد يتدخل !
عقد كسار حاجبه من كلامه واستوعب بعد ماشاف ريوف وراه
ريوف :- انت مارح تفهم ماتفهم انها بنييه وشدتك على يدها عورتها !
هياف يتصنع البرود ويجلس جنب خواله :- مافيها الا العافيه الحين تنزل وفحصيها
لاحظ كسار غضبها وناداها جنبه وسكتها .
____
دخلت اديم واول مافتحت الباب تقدمت ريوف وهي تقول :- ياعمه ولدش الهمجي ذا -اشرت عليه -شد على يد غرامي بقوه وانا شفت رجفتها اكيد توجعت!
انصدمت اديم وتقدمت له :- وش سويت انت ؟؟
هياف :- يمّه بس جت بدون طرحتها وانا حطيت شماغي عليها وطلعتها ماسويت شي!
ريوف :- قصدك عورتها وسفلت فيها عند الباب وجاي مسوي نفسك بريء
وقف خالد :- ريوف خلاص هو اخوها اجلسي مكانش ولا لش شغل فيهم
ريوف :- بس
كسار بحده :- ريوف
هزت راسها وقالت ان شاء الله ورجعت تجلس عند البنات .
———
بغرفتها جلست تبكي غرام وتقدم نياف يحضنها :- ياامي هو مب بقصده يعصب عليش بس تعرفين غيرته تعميه
غرام بصوت متقطع :- ماهمني عصبيته علي بس الان هو زعلان مني
ابتسم نياف كيف تفكر فيه ولا تفكر بعصبيته عليها :- ماهو زعلان منش ويدري بالغلط البسي الطرحه وامسحي عيونك وتعالي
ابتسمت غرام :بطول شوي انت انزل تحت لا يجيك الدور
ضحك وانسدح على سريرها :- ماراح انزل الا معش وانا مستند عليش بعد ليه بتطولين ؟
ابتسمت :- الله لا يحرمني بمسح اللي حاطته لا الثور يهيج
ضحك وتقدم يقبل راسها :-حاطه روج احمر صدق الثور بيقوم القيامه احمدي الله ماانتبهه
ضحكت وبدت تخفف ميكبها :- تحس فستاني زين او اغيره ؟
تراجع نياف خطوتين :- يجنن علييك لا تغيرينه
غرام تقدمت لحضنه :- ليييت كلهم نفس نيوفيي
ضربها بخفه :- لا حد يسمعك تناديني نيوفي ياويلك غرام ابتعدت عن حضنه تمثل الزعل ولبست طرحتها نياف :- الان انتِ زعلتي؟ فدااش كلي ناديني على كيفش وقدام امة محمد
ضحكت وتقدمت تحضنه : الله لا يحرمنني منك
نياف:- ياضي عيني انتتي
نزلوا الاثنين ولا كان شي صار
_____
عند الجد اللي تقدم بيدخل البيت وشاف سيارات عياله فرح قلبه وتاكد كلهم جايين ولا واحد اعتذر او تاخر دخل البيت وسكر الباب وطلعوا كلهم يركضون يسلمون عليه هنا ابتسم وقال :-
احسب عمار الدار ياسعود جدران
واثر عمار الدار ياسعود اهلها .
البنات وهم يصفقون صح لسانك جدي
تقدم كسار : طلبتني طلبه وياصغرها من طلبه لبيتها لك بنص يوم ولو تبي العين عطيتك هي وقبل راسه
دمعت عين الجد ورد عليه : والنعم ماخيبت ظني فيك!
لمح الجد غرام اللي كانت عند فتحت باب مدخل البيت عقد حاجبه :- وشفيها دلوعتي من مزعلها
توها بتنطق ريوف الا ناظرتها امها وسكتت تقدمت له :- انا ازعل بيوم مثل ذا ؟ لا والله
نطق مشاري :- بس عاد دخلو لا تتعبون ابوي من الوقفه
ضحك علي وقال :- لا والله اني ماتعبت ولا ادري كم لي واقف شوفتكم حولي تقويني ماتتعبني تقدم مشاري يقبل راسه وسنده عليه ودخلوا المجلس
أنت تقرأ
بشروني عنك ما يدرون عني مادروا باللي شغل فكري وظني
Поэзияاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
