ريوف غطت وجهها بكوبها وهي تضحك:-قامت قيامتنا... جهزو نفسكم للتحقيق
كسار كان عيونه بس على غرام توجه لها ومسك طرف الكرسي اللي تجلس عليه بصوت منخفض لكنه واضح:-حلوة السحبة يا أم القهوة !
غرام ابتلعت ريقها:- كسار.. والله بس...
هياف :- عجيب والله.. جيتو الرياض وصرتو تسون حركات ! تلعبونها علينا الكوفي لكم واحنا نقول بنسوي كشته ونجهز لو ماشفناكم بالاشاره ما درينا عن حركاتكم !!
نياف جلس على جنب وهو يحك ذقنه:- اشهد انها خطة محكمة
غلا كانت تحاول تمسك ضحكتها:- ترى عادي يعني.. غيرنا جو
أما كسار غيران بطريقة فاضحه انحنى عند غرام وهمس:- لو انها قايله كنت سكت.. بس طلعة بدون علمي؟!
غرام فتحت عيونها بريئة:اقسم بالله ما طولنا!
لطيفة همست لريوف:-والله انها غيرة مولعة
ريوف غمزت لها:- حسيتي؟
ضحكوا البنات بخفه وجلسوا كلهم مع بعض بكافي والشباب يسوون أنفسهم زعلانين لكن بداخلهم مبسوطين أنهم صادوهم بذا الموقف
غرام كانت بالعه عافيتها وكل شوي كسار يطالعها بطرف عينه وكأنه يقول:خليش قدامي وخلش تروحين مره ثانية مكان بدون علمي!
اعتدل بجلسته وتكلم بصوت واضح:-شباب... وخروا البنات للبيت. أنا برجع مع غرام لحالنا
هياف رفع حاجبه متفهم قصده:-نروح مع بعض افضل
كسار حرك راسه:-لا أبيها معي لحالنا... وسكروا الموضوع
وافق هياف والمعروف لا يعرف يعجبه ذا التصرف ومتطمن عليها منها ، سيف :- چنه جنيتو على صاحبتكم ؟
ريوف :- والله هي رفضت احنا سحبناها غصب
هياف :- اركبو السياره وانتو ساكتين لا اسمع همس وحده منكم، ركبوا البنات بسيارة هياف وكل شوي يطالعون من الدريشة على غرام وكأنهم يودعونها وداع اللي ما يدري بيرجع ولا لا ، وغرام كانت حاسة قلبها يدق بقوه تحس كسار معصب بس ساكت، غرام ركبت جنب كسار بهدوء ربطت الحزام بخوف وبدت تحرك أصابعها بتوتر كسار مشى وهو ساكت بس ماسك الدراكسون وعروقه طالعة من يده من قوة الشد
غرام همست:- كسار... والله ماكنت راضيه بس ريوف اصرت علي وانت تعرفها ، كسار ما رد عليها كان يتنفس بصوت خفيف كأنه يكتم غضبه
غرام عضت شفتها بخوف:- تضايقت مره ؟
التفت عليها فجأة نظراته حادة وعينه مليانه خوف أكثر من الزعل:-تدرين شكثر خفت عليك وعلى اللي فبطنش؟! لو لا سمح الله صار لكم شي وانتم طالعين ولا دريت عنكم؟! انتِ تامنيين نفسچ بشوارع هنا وفوقها ريوف اللي تسوق!!
غرام :- والله مافكرت فيها ريوف والبنات حمسوني
كسار :- المفروض انتِ اللي تعقلينهمم بس انا اخذت وحده قدهمم واخبل منهم!! انتِ الحيين فبطنش روح افهممي
غرام طالعته بنظرة ندم، وهمست:-أنا آسفه كسار.. وعد مني ما أعيدها بدون ما أقول لك ولا اقولكم ماني طالعه الا معك !
حط يده على بطنها ومسح عليها بخفة:- أنا مابي تعتذرين... ابيش بس تفهمين قلبي قبل عقلش تفهمين خوفي عليش قبل عصبيتي
ابتسمت غرام بخفه ومدت يدها تغطي يده:- فهمت يحبيبي... والله فهمت درس مب انساه طول عمري ! بس هدي نفسك
كسار خفف سرعته وكل ملامحه رجعت دافيه وحنونه:-
احبش ياغرام لا تخوفيني عليش مره ثانيه لا تعيدينها
غرام ضحكت وهي تمسح دمعتها اللي نزلت بخفه من تأنيب ضميرها:- احبك أكثر.. والله ما ازعلك مرة ثانية واخر مره
كملوا طريقهم على هدوء وكأن الدنيا صارت كلها لهم وكل اللي صار صار دافع أقوى يقرب قلوبهم لبعض أكثر .
~ بالحرم بمكة
كانت مها ماسكة يد شريفة يطوفون بهدوء بين الزحمة وأديم تمشي خلفهم مع مشاري وخالد والجد علي، كلهم تعابيرهم مليانة خشوع قاطعتهم اديم :- ادعو لغرام الله يحنن قلبها وتجيب لنا حفيد
ابتسم مشاري :- الله يرزقهم بالذرية الصالحه يارب
مها بصوت خافت لشريفة:-حاسة بدعوة قلبي اليوم بتطير للسماء
شريفة ابتسمت وهي تدعي :- قولي آمين.. الله يحقق لش كل شي تتمنينه هنا
الجد كان يدعي بحرقة تحت لسانه دعوات للجده فاطمة كانت اول عمره له بعد وفاتها ودعوات للعيال للبنات وللغرام خصيصاً والحب اللي جمع العيلة كلها
مشاري مشى جمب أبوه وهمس له:-دعيت لكل عيالنا وبناتنا ربي يحفظهم لا تنسانا احنا بعد عيالك !
ابتسم الجد علي ورفع يدينه يدعي لهم بالتوفيق بامور حياتهم
خالد رفع يده بدعوة سرية قلبه كله خوف وحب على ريوف خاصة كان يدعي لها بالحماية والهداية
أديم دمعتها خانتها وهي تدعي:- يا رب.. لا تورينا فيهم يوم حزين.. وارزقهم أيام بيضا مثل قلوبهم وارزق غرام وكسار ولد ولا بنت يشيلون اسمهم فيه
وبين الدعوات والدموع اللي ما تحس فيها إلا وانت بمكة خلصوا طوافهم وجلسوا يرتاحون بالمسعى يتنفسون الإيمان ويشربون من زمزم
الجد قاطع سكوتهم وهو يبتسم:-الحمدلله.. شفت الدعوات وهي ترتفع للسماء.. حسيت ان ربي سمعني
كلهم قالوا:- آمين يا رب ...
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
