في المخيم
نياف وسيف وصلوا
الجد علي ناظرهم وهو جالس: اخيراً وصلو العمال !
سيف تنهد وهو ينزل شماغه: ايه وش تامر فيه ؟
خالد :- روحو ضيفو الرجال ونمشي اليوم على خير
نياف بحسرة: طيب مثلاً لو سويت نفسي ضيف ؟
مشاري :- ابوي يضيفنا على لحمك
ضحك خالد :- تحرك قدامي وبدون تخيلات يخدمونك بعرسك
سيف :- ادعو لنا نتزوج والله ما تشوفونا
الجد علي :- ليش بتصير شنطة مرتك ؟
توسعت عيون سيف :- والله انها تعقب انا تربيتكم !
ضحك نياف :- جبت لنا كلام واحنا بغنى عنه
عند الحلاق
سعود جالس يتفرج على كسار بالكاد يستوعب الوضع :الحين ذا يتزوج قبلي !
كسار: رجعنا للموضوع اذكر ربك وخل ليلتي تتمم
هياف رفع حاجبه :- يعني خايف انت ؟
كسار بابتسامة :- مو خوف بس شعور غريب
سعود بمزح :- بتلقم وبتقول حياة العزوبية أحسن
هياف وهو يناظره :- وجهه يشرح الحال بيشيل هم من الحين
ضحك كسار: لا تحاولون تسحبون كلام مني
بالمخيم
سيف:- ما شاء الله العالم ذي كلها جايه لكسار !
مشاري :- لا تنسى زواج اول حفيد واول حفيده
نياف :- الله يعينه عاد مدلعينها احلى دلع والحين صارت مسووليته طول عمره
ضحكوا وكملوا شغلهم وكل واحد فيهم يكرف من جهة
—
بالمجلس
غرام كانت قاعدة مع البنات وعيونها تروح وتجي على جوالها
غلا لاحظتها :- هاه عروستنا تنتظر شي ؟
غمزت ريوف :- او اتصال مثلاً
غرام باحراج :- لا ماعندي رقمه ولا عنده رقمي
لطيفه :- صح اذكر اول ماسوه القروب عشان الديره مادخلها وقال ماعندي رقم لها
ريوف وهي تحط رجل على رجل :- استمتعي باخر ساعات يومش بدونه بعدها بتثبتين رقمه اول واحد
غرام بتنهيدة: الله يوتركم مثل ما توتروني الحين
غلا غمزت :- طيب تكلمي لنا عن شعورش يـ اول عروس
غرام ابتسمت :- سعاده خوف من القادم توتر
لطيفة :- اخيراً قدمت السعاده !
ريوف رفعت جوالها وأرسلت لكسار :- برسلك رقم عرام وكلمها
رد عليها كسار :- وش اقول ؟
ريوف :- اي شي نبي نشوف تعابيرها
كسار:- اتركيها بحالها وما ابيه منش اعرف كيف اجيبه
شهقت ريوف ولفت جوالها :- كسار تغير علي من الحين
ضحكت غرام :- اخيراً انقرصتي منه
غلا :- هذا وهو باقي ماخذها راح منش يا ريوف
كشرت ريوف :- اوريكم انتو الاثنين
فاطمة :- لا تكلمونها شوفو كيف تجنني وانا ازينها !
سارة :- وكل شوي تلف عليكم اخاف احرقها
ريوف :- شوفو شغلكم معاها وانا بجيب اغراضها من الغرفه
غلا وهي تقلب بين العطور :- الا بسالكم عطر ثقيل ولا هادي ؟
نور :- انا اشوف الحين عطر هادي و الليل ثقيل
لطيفه:- الا انتِ اي لون بتحطين لها ؟ لش ساعه بس تبردين
كشرت نور بوجهها :- سويت لها عنايه كامله واخترت لها الوردي الفاتح بيناسب فستانها وبالليل عشانه ابيض احمر
لطيفه :- ابهرتيني خلصيها بس مليت وانا انتظر
فاطمة :- شفتي كيف نضبطش بكلشي بس طيعينا واتركي سوالف البنات
ابتسمت غرام :- طيب ابشري بس سكتيهم او قلعيهم
ضحكو البنات وكملوا تجهيزهم وكل وحدة مستلمة شغلها وغرام في النص تضحك مره وتتوتر مره لكنها من داخلها متحمسه للقادم
اجتمعو حريم الديره والكل يهني اديم ومها
اديم :- حياكم الله
ام مطلق :- الله يحيكم
مها :- نردها لكم بالافراح يارب
شريفه :- ادخلو اقدعو
ام فهد :- ماقصرتو بيت عامر بهله
غمزت اديم لشريفه :- خلي البنات ينزلون يوجهون شوي
صعدت شريفه :- خلاص اتركو غرام ونزلو ضيفو الحريم
غلا :- لا يمه مانبي نترك غرام !
غرام :- خليهم تكفين صح رفعو ضغطي بس ابيهم بيشغلني تفكيري
لطيفه:- انا انزل معش وخليهم
شريفه :- امر عمتكم تنزلون كلكم يلا قدامي
سحبت ريوف شنطة صغيره من الدبش ترجعها الغرفه :- يعني غصب ! تخربون متعتي ؟
شريفه :- كيفكم اذا تبون اديم تصعد لكم هي بنفسها
فزت غلا :- بنزل بنزل
ضحكت فاطمة :- خالتي طلعت لها هيبه
ضحكت غرام :- شايفه كيف
ابتسمت ساره :- لا تشيلين هم احنا معش
شريفه وهي نازله :- ليش رجعتي شنطة غرام دارش ؟
بلعت ريقها ريوف :- كل اغراضها بالغرفه عندي
شريفه :- طيب جهزيهم وكلمي كسار ياخذهم الحين قبل الليل
هزت راسها ريوف :- ابشري
نزلو البنات يضيفون الحريم وقاطعتهم حرمه :- الا معرستكم وين ؟ ليكون هجت
لفت عليها ريوف :- نعم ؟ عيدي كلامش قدامي اشوف !
سحبتها لطيفه :- اتركيها كبيره ماتشرهين عليها
ريوف :- الا بشرهه عليها ونص بس خليني اعرف من ذي و اوريش فيها
لمحت اديم ريوف معصبه :- وشفيش انتِ تقابلين الناس بوجهه مكشر !
اشرت ريوف :- ذيك الحرمه مين ؟
تلعثمت اديم :- من اهل غرام
ريوف :- وجع ! فوق شرهم قوات عينهم اتركيني عليها
سحبتها اديم :- اذا تبين تخربين فرحة غرام تكلمي
ريوف :- وليش مدخلينها !
اديم :- دخلت بدون ما انتبهه لها ولو اطردها الحين نصير بحلچ اللي يسوى واللي ما يسوى
ريوف :- طيب طيب اتركيني
لطيفه :- تعالي نكمل ضيافتهم لا احد يحس بشي
ابتسمت ريوف :- طيب انا بكمل عنش القهوه و انتِ الحلى
لطيفه :- زين بس انتبهي
غمزت ريوف :- لعبتي
جتهم غلا :- تركتوني بروحي جتني ام اركب بسرعه تعالو
تقدمت ريوف تضيفهم القهوة واول ماوصلت للحرمة فتحت دلة القهوة كلها :- يا جده تبين قهوة ؟
الحرمه :- انا جده ! تشوفيني جده ؟
ابتسمت ريوف ونزلت عندها وانصبت القهوة عليها
صرخت الحرمه :- وجع حرقتيني ماتعرفين تضيفين ليش متباهيه محد بياخذش لولده ترى وانتِ ماتعرفين تصبين حتى قهوه
مثلت ريوف الحزن:- احترقتي ؟ مادري كيف انكبت عليش
وقفت لطيفة منصدمه منها :- ريوف !! شسويتي
لفت ريوف عليها :- حرقت الجده بالغلط
لطيفة :- نعتذر منش ياخاله تعالي داخل معي
ريوف :- ما يحتاج شوي وتجف ماهي شي نجس
جلست الحرمه مكانها ونزلت ريوف تهمس لها :- لا تفكرين تخربين يوم غرام جلسي بكرامتش هذا ولا شي من اللي بسويه لش لو فكرتي تعفسين يوم غرام
رجعت وقفت وابتسمت :- بعدين انا مخطوبه ماتشوفين الخاتم بصبعي ماتوقعت انش ماتشوفين بعد !
سمعتها مها :- ريوووف !! تعالي بسرعه
لفت ريوف تتمايل وهي تمشي :- سمي يمه
مها :- وش اللي سويتيه الحين !
ريوف :- سويت الصح اللي انتو ماتقدرون عليه
مها :- لو تدري اديم والله تقوم قيامتش اطلعي بره شوي وادخلي
ابتسمت ريوف وطلعت الحوش :- العجوز الشمطاء تحسب نفسها تقدر علي
بالملقط كان موجود هياف ياخذ عود سمعها وابتسم طلع وهو يفتح العلب :- منهي العجوز الشمطاء ؟
فزت ريوف :- وجع !
رفع راسه هياف و شافها بالفستان الاحمر المخصر على جسمها تحمحم ولف وجهه ، ريوف :- شتسوي انت هنا !
هياف :- كنت باخذ عود انتِ ادخلي
ريوف :- انت اللي اطلع وبعدين تكلمني ومعطيني ظهرك ليه تبي اطلع حرة العجوز الشمطاء فيك ؟؟
هياف :- منتي لابسه عبايه عادي عندش الف ؟
استوعبت ريوف وركضت لداخل سمع صوت كعبها وضحك :- ذي غريبه عصبيتها تتنافس معي
دخلت ريوف بسرعة وهي تحاول تسيطر على ضربات قلبها وقفت عند الباب تحاول تلتقط أنفاسها ودخلت عليها غلا تضحك :- وشفيش كذا ؟
ريوف تتهرب :- شفت حشره تطير بره
غلا رفعت حاجبها بشك: حشرة؟ طيب ليش وجهش مقلوب خبري ماتخافين !
ريوف غيرت الموضوع:- أقول لا تخليني أصكش
تعالي نكمل ضيافة الحريم قبل ما تدور مشاكل ثانية ذي وادفنها هنا
ضحكت غلا :- مجننوننه وش اللي سويتيه فيها خليتي الكل يسكت وهناك يتكلمون منهو خطيبش واذا جت خالتي مها سكتو
ضربت راسها ريوف :- انا قلت اني مخطوبه !
ابتسمت غلا :- اي اي بس كملي
اول مادخلت المجلس سمعتها تتكلم :- ما أدري وين تربو جيل بلا سناعه
ريوف بابتسامة مزيفة وهي تشيل الحلى :- احترام الجدات واجب بس بعد هم يحترمون نفسهم وما يجيبون كلام ما له داعي
لطيفة لمحت أديم جايه باتجاههم وغمزت لريوف تسكت بس ريوف كانت مصرة تكمل هواشها
الحرمة :- أنا ما غلطت عليكم بس كنت أسأل عن معرستكم اشوفها اللي خافينها عنا
ريوف بنفس الابتسامة المستفزة: غرام فوق إذا تبين تشوفينها روحي لها بنفسچ بس لا تقولين إنها هربت مدري عنش اذا تعرفين نظام المحكمة بس في شي اسمه تشويه سمعة تعرفينه وتعرفين كم تتحاسبين عليه ولا اعلمش ؟
القانون مربي واجد من اهلش تبين اشرح لش ولا تحتفظين بالباقي لروحش ؟
الحرمة حست بالإحراج ونظرات النسوان اللي حولهم كانت كافية تخليها تسكت
وقفت اديم بفتحت الباب :- رييووف كملي الضيافه او اصعدي عند غرام
ريوف :- بصعد عند غرام بحصنها الواضح فيه حاسدين واجد هنا
سحبتها شريفة من معصمها وهمست:- خلاص سكتي انا تمنين الارض تبلعني كيف هي
ضحكت ريوف :- سويت اللي محد قادر يسويه الحين روقت
شريفه:- روحي عند غرام وياويلش تخبرينها
ريوف :- بروح غرفتي اكمل اغراضها ماني داخله عندها
دخلت ريوف غرفتها وطلعت جوالها تتصل على كسار :- رد ماهو وقتك تطنش الحين حاولت توصل له بس ماقدرت ،
اخر محاوله مالي الا هياف الثور دقت عليه ورد عليها مباشره
هياف :-من معي ؟
ريوف :- انا ريوف
هياف بصدمه:- نازل الوحي ولا ايش !
ريوف :- ماني فاضيه لك ابي كسار
هياف :- كسار جنب جدي وخوالي مستحيل بيرد
ريوف :- افف طيب انت اسمعني
هياف :- سمي
ابتسمت ريوف :- العجوز الشمطاء وحده من اهل غرام حاولت ترمي كلام وعرفت كيف اكتمها بس اكيد احد من طرفها عندكم انتبهوا زين
ضحك هياف من طريقة كلامها :- ابشري اوامر ثانيه ؟
تلعثمت ريوف :- لا بس عجلو علينا بتجي الساعه عشر ولا جيتو
هياف :-شوي وجاين ماعليش
سكرت ريوف وابتسمت كيف تغير اسلوبهم مع بعض باقل من اسبوع
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
