بشروني عنك ما يدرون عني مادروا باللي شغل فكري وظني

Part 53

- بالديره فبيت ابو خالد -
جلس أبو خالد على صدر المجلس بيده مسباحه وعيونه تتابع الأولاد وهم متفرقين هذا ماسك جواله والثاني يتهاوش مع ذا
أبو خالد :- سبحان اللّٰه البيت صار هادي بعد ماراحو وكلكم تفرقتوا كذا تركوا جوالاتكم وتكلموا عن علومك مشاري يسند ظهره:- يا يبه هالبيت بدون غرام يخنق الكل مب بس انت سيف يلطف جو :- خلوها عند زوجها واحنا هاجدين كذا
سعود رفع حاجبه:- إيه بس تالي الليل كل واحد يدور الحنان عند زوجته ما غيرك يجي ينام هنا ضحكوا كلهم إلا سيف اللي كان مطنش ويلعب بجواله أبو خالد ناظره:- سيف وش عندك ساكت مسحور ولا وش !
سيف ضحك : - لا بس أفكر انام واداوم
مشاري ضربه على كتفه: - لا تصدقونه هذا يفكر بالزواج قبل جيبه ، ما عليك كم شهر وانا اللي ادورها لك وازفك اول واحد
نياف نزل فنجاله: - لا والله يا خال إذا سيف يتزوج أول واحد أزفه أنا حتى لو انه ولدك هياف: - لا يا حبيبي، انت بتغار من مرته ضحكت غلا :- خوش منافسه بيصير
بدو يتناقرون وأبو خالد هز راسه مبتسم:- لو تحطون طاقتكم بدل التنيقر ذا كل واحد صار شيخ قبيله
أديم : - يبه، خلهم دامهم يتهاوشون ترى يعني الدنيا بخير خاف من الساكت ولا تخاف من اللي يتكلم سعود: - صدقتي بس ودي أعرف نياف وشلون متحمل غلا؟ كل يوم سوالفها بالبيت ما تخلص مشاري على طول رد: - غلا بنتي وأعرفها زين وسوالفها عسل على قلبه غصبن عنه وإذا حبت أحد تعطيه راس مالها كله يعني تراها بتغرق ولدش بالحب لين يقول بس
نياف ابتسم وهو يشيح وجهه: - اللّٰه يخليها لي ياخال وما أقول إلا الحمد لله على نعمتها بحياتي احسن من قردك ذا ضربه سيف بعلبة الماي وهو يشتم فيه التفت هياف على ريوف اللي كانت داخلة معهم بالصالة تساعد شريفة:
- وإحنا بعد نحمد اللّه على رزقنا
ضحكت ريوف: - كثر من الحمد والشكر عليه ولا يبه وش تقول ؟ خالد ضحك :- عاد انت محاميتي بالدنيا والاخره اذا ماحطش بعيونه اشلعها له تركت ريوف اللى بيدها وراحت تجلس جنبه :- اللّٰه لاا يحرمنيى
ابو خالد :- الله يديمكم لبعض ويحفظكم لنا وسيف ان شاء الله نبلغ فيه ونشوف عياله بس ابيكم بموضوع سعود:- اللهم امين يارب بس امر عساه خير
أبو خالد :- أبيكم كلكم تشيلون الحمل وتوقفون على رجولكم وتسندون بعض والبنات كتف للبنات ونتو كتف ليعضك وسند للبنات انا اليوم معكم بكره لا ما ابي قلوبكم تشيل على بعض فاهمين ؟ سيف قاطع كلامه: - بعيد الشر عن قلبك يبه
ابتسم ابو خالد :- وعلى قلبك سيف وقبل لا انام بقول كلمه كلكم حطوها باذنكم المحل صاحبه سيف رسمياً نزل سيف فنجاله :- لا والله حشى ! تعبت فيه سنين وكبرنا فيه معك ما ينكتب باسم احد فينا ابو خالد :- الكلام وقلته والمفتاح صار عندك لف سيف على مشاري :- يبه انطق بكلما
مشاري :- يبه سيف توه على سوالف المحلات وهو زين منه يعرف اقمشه البشوت عشان تعطيه اياه ضحك سيف :- صحيح غلط علي بس واللّه صادق
ابو خالد استند على عكازته :- يتم باسمه وانا وياه نديره مالكم شغل انتو نياف يمازحه :- وانا وش لي ؟ ضربته اديم :- استح
نياف :- يمه والله امزح !
ضحك أبو خالد: - ما أقول إلا اللّٰه يثبتكم...كلكم عندكم مصدر فلوسكم ومتزوجين اما سيف مصدره صار المحل وأن راد الله بنعرسه قريب خلكم يد وحده ولا تغركم الدنيا عن بعضر فز سيف يقبل راسه :- اللّه لا يحرمني منك يبه
ابتسم خالد: - يبه لا تخاف ترى لو اختلفنا على كل شي... نتفق على شي واحد أديم: - وشهو؟ اللّٰه لا يقولها ان شاء اللّٰه دايم متفقين مشاري ضحك:- إن غلا أحلى وحدة بالبيت
كل المجلس انفجر ضحك، حتى أبو خالد ابتسم وهو يهز مسباحه: - اللّه يصلحكم يا عيالي احسب بتبدا حربكم وغلاوي بعيونا!
ابتسمت غلا :- الله يخليكم لنا نياف سحبها عنده: - خير انت وهو تتغزل غلا فلصته بسرعه:- اصص ولا كلما
ريوف ضحكت :- مادريت ان الفاهيه بعد ماتتزوج تفهم على السريع
ابو خالد طلع متجهه لغرفته :- انا اقول كل واحد يقوم داره بس خلاص نياف ابتسم: - عز الطلب ابشر
غلا :- يمه ادري انش اشتقتي لاخر العنقود بنام عندش ضحكت شريفه :- اشتقت اشوف حفيدي
شهقت غلا :- يمه روحي ورى ابوي احسن اما انا وحشتني النومه عند لطوف ريوف :- لطوف بسابع نومه وملاذ بعد بدارها يعني لا تفكرين تنامين عند احد يلا ورى زوجش هياف همس لها :- وانت ؟
ابتسمت ريوف :- او اقول ننام احنا الثنتين مع بعض نحكت غلا :- والله تم نتركهم بالحوش اثنينهم اديم طفت الانوار:- كثرتوا هذره يلا طسو هياف :- طرده محترمه يام هياف ابتسمت اديم :- بذا الوقت بذات اي
لفو على سيف لقوه منسدح ومغمض عيونه همست غلا:- ذا مايوفر !
سيف :- سمعتش على الاقل وراي دوام مب زيش عاطله ضحكت غلا :- عاش الدور بسرعه !
اديم :- يلا قدامي اشوف كل واحد بداره
اتجهو كلهم لغرفهم اما سعود سبقهم يشوف ملاذ اللي كانت ترتب الغرفه وتصف اغراضها عند الدواليب جنب اغراضه لفت تشوفه يناظرها :- جيت؟ ابتسم سعود :-اي تركي اللي بيدش وتعالي ريحي ملاذ :-ما احب انام والغرفه حوسه سعود رفع حاجبه :- متاكده عشان كذا ؟ كشرت ملاذ لما فهمت قصده :- ايه اجل ليه !
قرب منها وهي ابتعدت ابتسم بخفه وشال الاغراض اللي جنبها يصفهم وياها :- خلينا نخلص بسرعه رمت ملاذ اللي بيدها :- كمل انت انا تعبت ضحك سعود وهو يرتب وهي دخلت تاخذ شاور
عند غلا اللي من اول مادخلت لفت عليه :- بتنام بالارض

ابتسم بخبث :- ليه متزوج عشان انام بالارض ؟ غلا رفعت صبعها تهدده :- والله
نياف نزل صبعها قبل ماتكمل وقرب منها:- اللي ابيه بيصير ابتعدت غلا خطوه بس مسكها وقبل نحرها بخفه :- لا تخافين
غلا دخل قلبها الخوف وماتكلمت اما هو كان يبعد عنها عبايتها ويفتح شعرها بلطف :- خليش عاقله كذا بلعت غلا ريقها :- نياف نتفاهم ؟ ابتسم نياف :- وش بتقولين ؟ غلا ابتعدت :- ما ابي نياف :- بس احنا نبي
غلا حست نفسها بتصيح :- نياف !
ضحك نياف :- امزح معش
غلا ضربت كتفه :- كريه
انسدح نياف وهو يناظر تعابير وجهها :- الكريه تموتين فيه وتتمنين يجيش طفل يشبها غلا صدت عنه :- نياف لا تختبر صبري ابتسم نياف يقبل كتفها :- امزح والله امزح غلا سحبت كتفها :- ابعد بنام لفها نياف جهته :- ليكون زعلتي !
غلا:- انت وش تشوف ؟
حبها بحضنه :- اسف كنت امزح والله غلا :- ابي اتوظف
نياف :- بتتوظفين وبشوفش بأفضل مكان وبعدين بنتي بتقول ماما احلى موظفه بالدنيا كلها ابتسمت غلا:- يارب بس بعد ابعد
ضحك نياف وهو يضمها لصدره اكثر :- خلينا ننام اليوم كذا ابتسمت غلا بصمت تعلن رضاها عنه ...
————
عند كسار وغرام
غرام كانت سانده رقبتها على كتفه ونايمه
كسار :- ام نوره قومي وصلذ
ابتسمت غرام واستوعبت اصابته وفزت :- ليه تخليني اطول عليك كسار :- ماحسيت بشي لا تخافين غرام ناظرت مكان الجرح :- متاكد ؟؟
كسار :- اييه والله بس نزلي بيتنا قبالنا واحنا نهذر هنا !
غرام :- اشتقتت ليه شريناه واحنا ماجلسنا فيه الا شهر مدري شهرين !
كسار :- بنعيش فيه سنين مديده مع عيالنا باذن اللّٰه ابتسمت غرام :-يارب
نزل كسار يفتح الباب لها :- تفضلي يا امييرة هالبيت ضحكت غرام :- الرومانسيه بكج مع بيتنا ؟ قبلها كسار :- لا ذي جتني بعد مادخلتي حياتي شهقت غرام :- متاكد ماشربت شي منا ولا مناك خير هنا !
ضحك كسار :- وننا اسسوو الخجول مافيه احد حولينا كشرت غرام :- ولو شافو بكميراتهم !
كسار :- زوج وزوجته شفيها ! نزلي بس ضحكت غرام :- رجع الاسلوب الاولي كسار :- ماعرفت لش تبين الغزل ولا الجد الحين
مسكت غرام الصور :- لا ذا ولا ذا شيلهم عني وخلني اقوم بنتك نايمه بكل قوتها كسار سندها :- تركي قوتش علي
ابتسمت غرام :- يدييممك سند لنا
مشاها كسار لعند الباب وهو يتغزل فيها فتحه :- ادخلي على نوب ما انزل الاغراض واجيش غرام سكرت الباب وراها :- اترك الاغراض بعدين ميته نعس
ابتسم كسار :- قولي انش اشتقتي
غرام فهمت مقصده :- كسار
كسار :- عيونه وقلبه
ضحكت غرام :- انفديهم بس اهجد
كسار حملها يصعد لغرفتهم :- الليله احسب ثوانيها قبل دقايقها
ميلت غرام راسها عليه :- اشتقت لك
نزلها كسار والتهم ثغرها يعلن شوفه وحنينه ...
____
اما ريوف اللي من اول ماصعدت جهزت لهم جلسة خفيفه
ريوف :- خلنا نتابع فيلم شوي بعدها ننام هياف :- وش جاب الطاري
ريوف :- ابي اعيش لحظات حلوه معاك
ابتسم هياف يتوسط الكنب وياشر لها تجلس عنده :- ايامي ولحظاتي كلها حلوه بفضل وجودش من بعد الله !
ابتسمت ريوف :- وأنا بعد ابي اصنع ذكريات حلوه ما انساها بحياتي كلها ولو ابتعدنا كشر هياف :- بعيد الشر عنا ! وش جاب السيره ذي اللّٰه يبعد الفراق عنا ريوف :- انت تعرف مقصدي زين
اعتدل هياف :- متى بتفهمين اني ما ابي عيال من غيرش وما ابي عيال مره وحده اذا بفقدش !!! افهمي انا ما اشوف بذي الدنيا غيرش ومحد جاب راسي غيرش لا تصعبين علي وعليش الموضوع اذا ربي كتب لنا الذرية بيرزقنا اياها ريوف:- هياف الموضوع حقك
قاطعها هياف وهو يسحبها لحضنه يقبلها بعنف :- ريوف سكتي وخليني راضي عليش سكتت ريوف تعلن انها مستسلمه لكلامه بس بداخلها تنفي الوضع...