رجعوا الفندق وغرام كانت مستلقية على السرير تقلب جوالها وتضحك على ردود البنات بعد ما أرسلت لهم صور تجربتها في ركوب الخيل فجأة دخل نياف
قروبهم الكبير وارسل سنابتها :- غرام ما شاء الله صايرة فارسة! ركوب خيل ومدري وش الفعاليات القادمه شكله كسار مستلمش زين .
رفعت غرام البطانيه على وجهها والتفتت لها كسار كان يبدل ملابسه:- وشفيش !
غرام وهي تحت البطانية:- نياف ذا صاير قليل ادب ما عنده سالفة! يتعمد يحرجني مثل اختك وفوقها الحين أمي أكيد بتعلق براسها وبتكلمني !!
ضحك كسار :- وش كاتب؟
مدت له الجوال بسرعة بدون ما تطلع وجهها،أخذ الجوال يقرا ورفع حواجبه:آهااا يعني الحين صرت مستلمش؟
غرام وهي تحاول تاخذه منه:- كسار رجعه خلني ارد !
كسار وهو يرفعه لفوق :-ما يحتاج أنا بقول لهم اتركوني مع حرمتي شوي
غرام شهقت وهي تغطي فمها بيدها :- كساارر لا ترسلهاا!! بقوم عليك حرب والله !
كسار وهو يضحك:- تعالي خذيه إذا تقدرين
حاولت غرام تنط مرة ثانية لكنها فقدت توازنها فجأة سحبها كسار بسرعة قبل لا تطيح واختل توازنه لما طاحت بحضنه انتهى بهم المطاف على السرير وهي بين يدينه
كانت تتنفس بسرعة وهي تطالع فيه اما هو كان يناظرها بنظرة عميقة ابتسم بخفة وهمس:- نياف كان معه حق انا الحين مستلمش وتدرين إنش صايرة تتجرئين أكثر معي؟
لفت غرام وجهها عنه بدون ماتتكلم لكن كسار نفذ صبره قرب من وجهها وبدا يطبع قبلاته على خدها بكل مافيه بعد دقايق ادرك انها بينه اعتدل وهو يناظر لصدمتها واحمرار خدها كانت شبهه كانت راضيه انسدح جنبها وسحبها لحضنه يكمل قبلاته بكل انحاء وجهها ورقبتها 🌚...
~ هدت الاوضاع عند الاهل بعد ماتطمنو على غرام اللي كانت واضحه سعادتها وياها وكيف ارتاحو لبعض بسرعة ورجع كل واحد لحياته ، بدأ نياف يسترجع الايام اللي مرت وكان فكره كله حول غلا اللي كبرت وما عادت طفله يلعب وياها زمان وتذكر كيف اهتمت بغرام بعد سالفتها وكيف كان ينظر لها وباين حُبه هنا حس بشيء جديد بمشاعره شيء خلاه يفكر بجدية:- أنا وش صار فيني؟! معقوله احبها جد !!
دخل سعود مقاطع حبل افكاره :- قم اجهز بنروح نكشت مع سلطان قده رجع
نياف :- مالي نفس اذا روقت لحقتكم
سحبه سعود :- ماتفشلني وانا قلت له الكل جاي قدامي يلا
تافف نياف ودخل المطبخ ياخذ شنطة الكشته ودخلت فجاه عليه غلا :- صدتك لا تقول جوعان !
ابتسم نياف :- الحين لا بنروح نكشت يمكن هناك اجوع اي
غلا بحسن نيه :- وقتها ماكو غلا تطبخ لك ولسيف كلو تراب
ضحك نياف من عفويتها وقرب منها :- باكل تراب بس بعدها باكل حلو
ارتبكت غلا ومرت من بين يده بسرعه :- لا يجي سيف ويشوفني معك هنا اطلع
طلع نياف بعدها وهو يبتسم بدون ما يحس قلبه كان يدق بقوة وهو يتخيل بس كيف ممكن تكون هي بيوم "حرمته" كيف يصحى ويلقاها قدامه كل صباح اي ذي كانت افكار نياف
سعود ناظر فيه باستغراب وهم راكبين السيارة:- نياف؟ وينك؟
هز راسه نياف كأنه يطرد أفكاره:-مافيني شي.. بس أفكر
سيف:- أفكارك شكلها خطيرة من متى تسرح كذا؟
ضحك نياف وهو يطالع الطريق:- يمكن أفكر أخيراً أكون رجال مسؤول مو بس اخاويك
ضحك سعود:- قول والله بتعرّس؟
ابتسم نياف وما رد لكن نظرته كانت كافية عين فيها وعد وعين فيها غلا .
دخلت غلا لمجلس غرام تفكر بعيد عن ازعاج البنات لحظات ودخلو عليها ريوف ولطيفه
ريوف:- خير ان شاء الله تجلسين هنا بدون ماتعزمينا
ناظرتها بدون ماترد وكملت ريوف كلامها :- فوقها ماتردين !
لطيفة :- غلا لا تقولين مسويه مصيبه !
تلعثمت غلا :- كانت بتصير
جلست لطيفه قدامها :- ناظريني وش صار ؟
غلا :- شي ماني متاكده منه
ريوف :- بتتكلمين ولا اطلع لسانش من فمش الحين ؟؟؟
غلا تكلمت بسرعه:- نياف يحبني
ريوف :- ها ! وش تقولين ؟
غلا :- نياف كان بالمطبخ تحت
صفقت لطيفه وجهها :- لا تقولينها !
ضربت غلا لطيفه :- ما صار شي بس يرمي نغزات
ضحكت ريوف :-قولي وش قال
تكلمت غلا عنه واستمروا البنات بتحليل كلامه
لطيفة بجديه :- انسي الكلام كله توش بزر حتى الجامعه ماخلصتيها
غلا :- ماقلت شي انا
ريوف :- ماعليچ منها لو يحبش صدق بيتزوجش الحين وفوقها بيخليش تكملين
لطيفه وقفت بتطلع :-لو اشوفش مسويه شي من وراي قسم بالله اعلم امي وابوي واولهم سيف !
لحقتها غلا :- لا تكفين لا تخربين صداقتهم بسبب كلام احنا فسرناه
لطيفه :- العلم جاش
سحبت ريوف غلا :- اتركيها تروح خايفه عليش شوي وتروق
~ اما بالمجلس الكبير
اديم :- ناويه اروح المدينة ارتاح شوي عن ضجيج الناس
تنهدت مها :- والله حتى انا مشتاقه لراحه هناك
الجد علي :- نعزم ؟
اديم :- لا والبنات من لهم
شريفه :- يروح معانا مشاري والباقي يجلس
الجد علي :- كلنا نروح والبنات يتمون بالبيت
اديم :- يبه مايصير البنات يتمون بالبيت مع العيال !
سكت الجد :- يروحون عند غرام بس ترجع واذا رجعنا خذناهم
شريفه :- فشله توهم متزوجين
الجد علي :- ماراح تعييّ وكسار عندي
مها :- والعيال يتمون هنا عزت الله حرقوا البيت
ضحك الجد :- ماعليهم خوف وعندهم هياف وسعود
اديم :- هياف يمكن يهجدهم بس سعود هو السبب الاول لمصايبهم
الجد علي :- قومو نامو وبكره نخطط على خير
ضحكوا الكل براحه وكيف ماخلاها بخاطرهم
———-
~ عند العيال اللي كانو جالسين حولين النار
سلطان :- نياف شفيه كذا اول مره اشوفه راكد !
ضحك سعود :- يبي يعرس
سلطان مصدوم :- بذمتك !
ناظر هياف سعود :- هو قالها ؟
سيف :- متاثر بزواج كسار يبي يقلد
سعود :- لا واضح انه جدي
هياف :- انا من ماجيت وهو ما اكل معقوله !
ضحك سعود ومسك عوده وبدا يغني بصوته الجهور :- ترى راعي الهوا مفضوح ..
التفتت له نياف بصدمه وضحك :- تجدول علي الحين !
سلطان :- يعني تعترف فيه وحده !
نياف :- اعوذ بالله لا !
استمرت سهرتهم بالتحقيق مع نياف لحد مازعل وتركهم يرقد .
عند غرام وكسار
صحيت غرام تحاول تستوعب اللي صار بينهم رفعت نظرها لعند كسار وهو ضامها لصدره بعدت بخفه لكن وقفها
كسار :- وين بتقومين عني
غرام التزمت الصمت وكمل :- بعد ماجننتيني امس تقومين ببرود ؟
اندهشت غرام من اسلوبه لاول مره :- كسار صحصح
سحبها يقبل مبسمها :- الحين صحيت
احمرت خدودها وضربت صدره بخفه :- استغلالي
وقف بيسحبها لكنها ركضت ومشى وراها :- اوريش الاستغلال الصح
سكرت غرام عليها :- كسار مستحيل خلاص صحصح
ضحك كسار من فهم توترها :- اجهزي بنطلع
فتحت غرام الباب :- من الحين لين نرجع بينا مسافه عن شخصين
غمز لها كسار :- واذا رجعنا ؟
لفت غرام بدون ماترد وكمل كلامه :-السكوت علامة الرضا
دخلت غرام تجهز ودخل وراها بدون مايتكلمون بس نظراتهم كانت كافييه ، قرروا يتمشون شوي في السوق اللي كان قريب من الفندق ، كسار كان يمشي جنبها بهدوء اما هي تتأمل المحلات وتفكر في الهدايا اللي بتاخذها للبنات
بدت تتكلم غرام بحماس :- عقاب لك بخسرك اليوم
همس كسار :- وعقابي يكون اول مانرجع
شهقت غرام :- وجع ! صاير وصخ نفس ريوف هو وراثه ولا وش!
ابتسم كسار :- حلالي وباخذ راحتي
لمحت غرام محلات حلوه :- اسكت وخلنا ندخل هنا
كسار :- طيب وش تبين بالضبط ؟
غرام وهي تفكر:-غلا تحب العطور والميك أب والروايات بس ودي أجيب لها شيء غير متوقع يمكن شنطة أنيقة تحل الحيره
كسار وهو يهز رأسه:- ممتاز طيب ريوف ولطيفه ؟
غرام وهي تضحك بخبث:- اختك لازم ارد لها النذاله عشان ترجع تتوب عني يمكن بيجامة لونها وردي وطفوليه وأحط معها دفتر يوميات عليه صور أميرات واستمتع بردة فعلها
كسار انفجر ضحك:- قسم بالله بتسوي فيش مصيبة لو سويتيها
غرام ابتسمت :- خلها تستاهل بس بعد اكيد باخذ لها اشياء ثانيه
كسار وهو يهز رأسه:- الله يعينني عليكم أنتم الثنتين
غرام وهي تكمل تفكيرها:- لطيفة تحب الاشياء الأنيقة بروح أدور لها مجموعة كتب أنيقة تناسب ركنها وبجيب لكل وحده شنطة وبوكس ميكب وعطر
كسار بمزح :- بعدها نجلس عند بحيرة كومو نغني ويعطونا كم قرش عشان نرجع الديره
ضحكت غرام بقوه :- اتخيل
ناظرها كسار :- الكل سمع الضحكه
ابتسمت غرام ومشت بهدوء معه :- بجيب لامي وخالاتي مجوهرات
كسار :- الحين صدق بطبقها !
غرام :- امزح معك حتى هم باخذ لهم عطور بس وانت عليك العيال
كسار :- اما حتى هم !
غرام :- اي كلهم حتى جدي
كسار :- اخذ لهم سبحات بعدين انتِ خلصي امورش قبل ماتققل المحلات الظاهر مطولين كذا
غرام :- بس ذا السيد وخلاص باخذ كلشي من هنا
كسار :- ولا تنسين تاخذين لي انا بعد
غمزت له غرام :- انت هديتك بعدين
كسار بمكر:- تمام يلا سريع لأن هديتي أبيها مميزة وباخذها هنا
ضحكت غرام وهي تكمل جولتها وسط المحلات اما كسار كان مستمتع وهو يناظر لها كيف تختار بعناية وكأنه يكتشف فيها جانب جديد كل يوم طلعت غرام وبيدها اكياس كثيره ونفس الشي عند كسار
كسار :- احنا جاين شهر عسل ولا نفتح متجر ؟
ضحكت غرام :- هي مره اشكرهم على وقفتهم معي
مشوا شوي لين وصلوا لمقهى على البحر جلسوا على طاولة قريبه منه غرام طلعت جوالها بسرعة وصوّرت المنظر لكن ذي المره احتفطت فيه لنفسها
كسار بعد رد على اتصال :- غرام احنا لازم نرجع الديره الليله قومي نجهز اغراضنا
غرام نزلت كوب قهوتها:- ليش صاير شي ؟؟ فيه احد صاير معه شي ؟
كسار :- لا بس ذي اقرب رحله ترجعنا ومنها عندي شغل
غرام :- طيب تمنيت نطول بس على راحتك
مسك كسار يدها :- اوعدش اعوضش بمكان ثاني واحلى
رجعوا الفندق وبدأوا يحزمون أغراضهم غرام رتبت الهدايا وحاولت تخليها كلها داخل الشنط عشان ما تتكسر اما كسار قده طلع الجوازات وحطهم بشنطته
كسار وهو يربط شنطته:-خلصتي؟
غرام وهي تحاول تقفل شنطتها:-بعد شوي.. هذي الشنطة تحاربني ما تبي تتقفل
ضحك كسار وقرب يساعدها ضغط على الشنطة وقفلتها بسهولة
كسار:- تتوقعين أول ما نشوفهم وش بيسوون؟
غرام وهي تضحك:-ريوف أول وحدة بتتفلسف وأكيد البنات بيسوون محكمة تحقيق!
كسار بمزح:-أهم شيء نمشي قبل لا يطلعون قرار إعدام بحقي
غرام :- مستحيل بننام عندهم ليله على الاقل
كسار يداعب خشمها :- والله المستحيل بعدك ماكو
بعدت غرام يده :- اذا خليتني انام عندهم بسمح لك تدخل غرفتي وتنام معي
ضحك كسار :- بفكر
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
