فـ بيت الجد
ريوف وهي تتململ:- ياخي متى توصل! بطفش صار لي دهر أفكر وشلون أحرجها أول ما ترجع
غلا بمكر:- اكيد بتسالينها كيف كانت لياليها
لطيفة وهي تضربها بمخدّة:- لا يسمعكم احد سكتو !
غمزت ريوف :- طلعتي منتي هينه يا غلا
خزتهم شريفه :- اعرف اللي يدور براسكم البنت بتكون مستحيه وانتو استحو على وجيهكم تدخلون بينهم حطو حدود
ريوف وهي تضحك:- ياخالتي انتِ ليش تفهمينا كذا إحنا ربعها لازم نعطيها صدمات
ضحكت شريفة :- يمكني للحين ماكبرت نفس مها واديم
ضحكو البنات وبدو بجهزون خططهم
بالحوش هياف:- ليلة امس كانت رهيبه ما كان ودي تنتهي سيف :- خربها علينا كسار ذا
نياف بسخرية:- إيه عاد الحين وبتشوفونه يوزع قلوب بدل التحية
سيف وهو يهز رأسه:- ياخي مو مستوعب إنهم تزوجو من جد إحنا كبرنا؟
مشاري بمزح: أنت اللي للحين تحس عمرك مراهق ترى حتى أنت قربت تلحقه
رسلت غرام على اديم :- يمه قدنا صرنا بالطياره على الليل نكون وصلنا لكم
صرخت أديم وهي تدخل على البنات:- قوموااا نظّفوا الدنيا العرسان بالطريق!
ريوف بحماس:-أخيييرررًاااا! يا ويلها منّي!"
البيت كله صار منشغل ومسلمين المهام على بعضهم
~ نسرع الاحداث
وصلت سيارة كسار وغرام عند البيت وكان واضح إنهم لسا ما استوعبوا رجعتهم قبل لا تنزل غرام التفتت على كسار :-كسار لا تفكر تخجلنيي قدامهم حبيبي لو ريوف تتكلم تطنش فاهمني ؟
انصدم كسار منها :- عيدي الكلمه !
غرام :- اي كلمة ؟
كسار ميل راسه لعندها :- (حبيبي) عيديها
ضحكت غرام :- اذا سمعت كلامي بتسمعها كثير
ضحك كسار من شاف العيال طلعو :- خلاص نزلي
غرام وهي تتنهد:- يا رب لطفك
أول ما نزلوا، استقبلوهم بحماس، البنات كانوا متهجمات على غرام اما العيال كانوا صافين يناظرون كسار بـ تحليل عميق
لطيفة وهي تحضنها:- يا بنت يلعن أم القطيعة صورتي مليون صورة وما فكرتي تتصلين الا مره !
غلا بضحكة:- مانبي حسچ وين الهدايا؟
غرام :- افا بس ! انتِ بعذي خليني اشوف قبل امي وخالاتي
أما العيال تقدمو بكل همجيه على كسار
سعود وهو يضرب كتف كسار:- الله الله كيف الزواج يا عريس؟
سيف بمزح:- علمنا الحب قبل الزواج ولا بعده؟
نياف يغمز له:- دامه رجع سالم معناته الوضع مشي تمام
ضحك كسار وهو يرفع كيس:-سكتم بكتم! والهدايا اللي يتكلم كثير ماله نصيب فيها
انتقلوا كلهم للمجلس وغرام جلست مابين امها اديم والجد علي
غرام :- يايببه ماتعرف قد ايش وحشتنيي
الجد قبل راسها:- يابعد روحي يا غرام طمنيني عنچ ذا مازعلش؟
ناظرت غرام لكسار لثواني :- خلني افكر شوي اذكر زعلني مره بس ايش السبب
خلال ثواني كسار صار بين نياف وهياف :- ياهوه انا بدوامي ماتحاصرت كذا حتى اللي معي بينا شبر وفوقه نص!
ضحكت غرام :- امزح وياكم بس اشوف ردكم اذا تخليتو عني من الحين
مشاري سحبها يحضنها :- فيه احد يتخلى عن سعادته بيده ؟
غرام :- ياببعد كل طوايفي يلوموني فيك ؟
اديم :- اتركي مجال لنا احنا طيب
ضحكت شريفه :- منسيين من ذي العايله احنا
ركضت غرام لها :- افا ياخلتي شروفه انا انساش وانساكم !مستحيل
ضحكت شريفه وتوسعت لها تجلس جنبها
ريوف :- شوفو كيف صارت تجلس بينهم تحسب نفسها كبرت صج ضحكت غرام وبلحظة غير متوقعه مسكت اسفل بطنها انتبهت لها اديم :- غرام فيش شي ؟
ريوف تمازحها:- تسلينها ذا السوال وهي جايه من كومو مافيها الا العافيه ضحكت غرام وبدت تسولف معهم بكل راحتها وكسار كان يناظرها بصمت ، قاطعه هياف بعد ماضربه على راسه :- خل لنا فرصه نناظرها حنا
ضحك كسار :- لا بس ماذكرها كانت كذا تسولف بكل حماسها
مشاري :- كانت كذا والحين رجعت لو اشوفك مرجعها لهدوءها لا تلوم الا نفسك
خالد :- وانا معك يامشاري غير اتبره منك لو تفكر تزعلها
كسار :- اعوذ بالله الحين ايقنت دلوعتكم عندي !
ضحك نياف :- كل شي تسويه فكر فيه
بعد ما استمرت الجلسه بالضحك والسوالف جاء وقت فتح الهدايا
غرام وقفت بتسحب الشنطه لكن كسار انتبهه :- الدلوعه ما عادت دلوعه بتسحب شنطة اكبر منها واثقل منها
ضحكت ريوف :- عشانك بدون احساس ماجبتها لها
فز كسار يسحبها وهو يناظر بعيونها :- كسر لعينش
ضحكت ريوف ورجع كسار يجلس مكانه اما غرام رمتها قدام البنات:-هذي لكم بس ترا مو كثير لأن كسار كل شوي يقول :- بنصير هوملس بشوارعهم
اديم :- وش تقولين انتِ ؟
ضحكت غلا :- يعني طرارين
ضحكت غرام :- قصدي اللي مايقدرون يوفرون لهم مكان
اديم :- اتركي الكلام الشين ومعش رجال يحتويش
اعتدلت غرام :- يمه بدينا ؟
ضحكو كلهم وريوف سحبت الشنطه وخرو خلوني اشوف:- أنا ما طلبت تحليل اقتصادي أنا أبي هديتي
بدأوا يفتحون الهدايا وحدة وحدة غلا طاحت لها بشنطة ناعمه صرخت باخذها اما لطيفة خذت مجموعة عطور وريوف سحبت كعب عالي واسود واخيراً طلعت لها البحامه بس لونها وردي فاتح
صرخت ريوف بصدمة:- ورديييي؟! حاممللل !!!!!!
انقلب وجهه غرام الوان :- غبيه انتِ بحمل الحين وفوقها بعرف الجنين وش ! ذي لش انتِ
انفجرت ريوف :- أنتِ تحاولين تغيّرين هويتي ولا ايش ؟
غرام وهي تضحك:- اعرف تكرهينه بس حسيتش تحتاجين تغيير!
أما العيال فكان جوهم عليل
كسار وهو يوزع عليهم علب مغلفة:- ترى تعبت وأنا أفكر وش أجيب لكم دخلت محل واحد بس وسحبت كل مافيه فلا أحد ينتقد
سيف فتح علبه كان فيها ساعة وهياف طلع له سوار فضة أنيق مشاري حصل كبك أما نياف فتح علبته ولقا فيها مشط شعر
نياف وهو يطالع فيها بصدمة:- إيييش !
كسار بمزح:-عشان تعدّل أفكارك قبل لا تتكلم
ضحك هياف:- صراحةً تستاهلها اليومين ذي
رفع نياف المشط :- يا غرام لهدرجه طفرتيه !
ضحكوا البنات وقام عندهم :- امسكوه عليكم بالعافيه فيه
غلا :- الهديه لا تهدى ولا ترد
نياف :- اجل خليها عندش
كسار :- قومو رجعوه فشلنا مايدري اني امزح والهدايا غير
سحبه هياف يرجع مكانه :- لا تخليني امشط مخيخك فيها
ضحكوا كلهم وبدأت السوالف عن السفر غرام كانت تحاول تتجنب الأسئلة الجريئة وكسار كان يحاول يتهرب من مزح العيال الثقيل لكن بالنهاية كانت الجلسة دافية ومليانة محبة... وأخيرًا رجعت غرام اللي كانو يتمنونها رجعت بينهم وهي متزوجة وكسار !...
قاطعهم الجد علي :- اقول لكم انا وامهاتكم وابهاتكم بنروح المدينه ومنها عمره
غلا رفعة حاجبها:- واحنا !
الجد علي :- انتوا والعيال بتمون هنا بالبيت وكسار وغرام معكم
ريوف :- مستحيل والله ترجعون تلاقون البيت مكسر ان جلست مع ذا
هياف :- ذا له اسم بعدين انا بهج مره وحده
ضحكو عليها اما كسار قاطعهم:- ياجدي انا للحين ماوريت غرام بيتها علطول جينا هنا
غرام اللي كانت تحاول تطول الجلسه هنا :- بعدين نشوفه لا تشغل بال ابوي عليهم
ناظرها كسار وشافها قلصت عيونها :- امرنا لله تم لا تشيل هم
ضحك نياف :- كانت الحركه ذي لغة التواصل بينا الحين ذا سرقها !
هياف :- يا توأمي غرام بكبرها انسرقت
تخصرت غرام :- خير توامي!!! اقول بس لا تتكلمون قدامي كذا بديت انبط
سعود :- اسمعو اذا ماشي بعد بكره خلونا نروح العزبه الليله
كسار :- حي عينك على الفكره انا اخذ غرام اوريها البيت ونرجع لكم
سيف بمزح :- يا ذا البيت ترى والله ماهو بطاير
غمز نياف لسيف :- يخاف يطير البيت اللي بالجوال
ضحكت غرام من فهمته :- تسنع عشان مااقوم عليك
شمر يدينه نياف :- اتحداش يلا تعالي
وقفت للحظه والتفتت على كسار وجلست :- بسجلها عليك
ابتسم هياف من شافها تتعامل كذا وتطمن عليها رسمياً
نياف :- وانا بسجل عليش انچ جلستي من نظره وحده منه
رفعت غرام يدها واشرت على الخاتم وانفجرو ضحك
أنت تقرأ
بشروني عنك ما يدرون عني مادروا باللي شغل فكري وظني
Poesíaاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
