كسار انصدم للحظة : وش تقصدين؟
ريوف ضربت يدينها ببعض :-لا تحاول تلف وتدور أنا ريوف اعرفك أكثر من نفس أنت تحبها من سنين ليه تنكر؟؟
كسار ببرود :- انتِ فاهمه غلط انا بس...
ريوف قاطعته :- لا تكمل انت تحبها وانا ادري تذكر ايام زمان ؟ ذا اكبر دليل على حبك لها ولا تنسى بالسياره واحنا جايين هنا اول ماذكرت اسمها انقلب وجهك انت خايف تعترف بمشاعرك صح ؟ خايف تضعف وخايف من الرد وحطيت موضوع ابوها حجه عشان تاخذها والكل راضي
كسار وهو يشيح بوجهه: الموضوع مو بهالبساطة لو يسمعك احد تقولين كذا بتحرم علي وخصوصاً هياف بيفكر بينا شي زمان انتبهي
ريوف بصوت هادي: أنا ما أقول إنه سهل لكن اللي أصعب إنك تخسرها غرام تستاهل وجال نفسك يوقف بظهرها يسندها غرام ماحد انقذها من بين يدين ابوها غيرك وذا اعظم دليل على حبك لها وهي تحبك، حتى لو ما قالتها انا شفت هالشي بعيني قبل شوي
كسار ما قدر يخفي انفعاله: غرام؟ تحبني
ريوف بابتسامة: اي وأنت آخر من يعلم
كسار بعد لحظة صمت: وإذا كنت مو كفو لها وقسيت عليها ؟ تعرفيني مااقدر اتحكم باعصابي دايم ، انا قلت بس كتب كتاب بدون شي ثاني
ريوف: كسار... إذا كان في أحد كفو لغرام فهو أنت وهي تعرف هالشي أكثر مني ومنك
كسار: ما أدري إذا أقدر اقول لها اني احبها صدق او اكمل قصتي على كتب الكتاب بس
ريوف باندفاع: لازم تواجهها اليوم قبل بكرة واعترف بحبك لها
كسار: دايم تعرفين كيف تخليني أتحرك
ريوف بتباهي : لأن هذا شغلي وأنا اخت كسار الحين قوم وغرام تستناك.
كسار أخذ نفس عميق :- اتركي كلشي بوقته لا تجبريني الحين
ريوف :- خلال ذا الاسبووع
كسار وهو يطلع :- نشببه
ركضت معه ريوف :- بعلم البنات بكل حرف قلته
كسار وهو ساحبها من شعرها :- ريوف صبرت كثير لا تلعبين باعصابي
ريوف بالم :- خلاص فكننيي مالت عليكم انتو الاثنين زين كذا ؟؟
ابتسم كسار :- ايه خليش بنتي العاقله
ريوف وهي تدخل المطبخ :- يع قال ايش بنتي توكلل
ضحك كسار عليها ورجع عند العيال
—-
بغرفة غرام كانت غارقة بين افكارها وبين حيره وبداخلها ندمانه انها تكلمت سمعت طق باب غرفتها ولفت وجهها
اديم :- نايمه ؟
لفت غرام عليها :- ماقدرت
اديم :- ازحمي شوي وانا اعرف كيف تنامي
غرام وهي تستوطن حضن امها :- يمه اقري علي
اديم تمسح على راسها :- علميني وش اللي يدور براسچ
غرام :- ولاشي بس انتِ اقري علي
اديم كانت عارفه بموضوع كسار :-انا امش واستمع لش متى ماتبين بس الحين غمضي وارتاحي
هزت راسها غرام بكل هدوء واديم تتلي عليها قران .
-
اول مادخلت ريوف المطبخ صرخت :- عندديي لكم خبر مايخليكم تناممون
غلا تخصرت :- اكيد مصيبه جايبتها انا ؟؟
لطوف :- او بترفعين قضيه على هياف
ريوف :- الله يقلعه ذا ويقلعكم اذا ماسكتوو ، الموضوع يخص غراام وكسار
غلا :- وششو !! اخلصي تكلمي
لطوف :- لا تقوليين شكوك غرام صح
ريوف نطت على الطاوله متربعه بكل حماس :- كسار يحب غرام
لطوف :- مستحييل ! هو اعترف او انتِ محلله ؟
ريوف بانتصار :- عرفت اتحايل عليه كلمه هنا وكلمه هناك لين اعترف بحبه بس للحين ماقال لها ومهددني بس مااقدر انام وانا كاتمه
غلا :- لازم نخلييه يعترف لها اليوم قبل بكره
لطوف :- سمعتهم مخططين الصبح على البر اذا ماخاب ظني سيوف عالقه براسه
ريوف :- هم يروحون البر وانا اسحب كسار يودينا البحر وهناك يعترفون
غلا تصفق :- حممااس اقنعععيه واحنا نقنع غرام
ريوف :- ازهللوننيي
————
دخل مشاري الغرفة وكانت مها نايمه من اليوم الطويل اللي مرو فيه تقدم جنبها وشال راسها حطه على صدره ،
فزت مها : فيك شي ؟
مشاري :- فيني كل شي
مها جلست :- تكلم لي وش فيك ؟ انا هنا عشان اسمعك
مشاري وهو ماسك دقنه :- فيني اشياء مثلاً أحبش واعشقش واموت باليوم اللي جمعنا واعشق انش حرمتي
شريفه ضحكت من الصدمة :- الله يخرش عدوك احسب صاير معك شي !
مشاري سحبها لصدره :- الحيين بيصير معي شي
ابتسمت شريفه بخجل :- ماهو وقته مشاري نام
مشاري :- اذا بنام بتنامي بحضني وبلعب بشعرش الحلو ذا
شريفه نثرت شعرها على صدره بغرور🌚.
___
عند العيال
سيف :- خويك طول ماجاء ! ترى وصلني النوم
سعود :- وانت ليه حاشر نفسك ويانا !
سيف :- بغير جو شوي ولا حرام علي
نياف :- حياة الفهد لا تبدأ السناريو اللي كل مره خلاص احنا غلطانين يحق لك كلشي
سعود :- ياخبل انت وهو اذا بتنقعلون تنامون نامو ارسل يعتذر بكره على خير
ضحك هياف :- انشهد انهم اثنينهم مخبل واجتمعو
سعود :- تذكر جلد ابوي لهم الاثنين ايام المدارس ؟
كسار :- اووهه ياكثر ما انجلدو دايم هاربين او مسوين مشكله
سعود :- تقول شنغل ومنغل
نياف رمى عليهم علبة المناديل :- اشوف اخذتونا رايح جاي !
كسار : لا تزعل ترى سوالفكم بالمدرسة كانت فعاليات لنا احنا نجلس ننتظر الظهر عشانكم
سيف :- اي فعاليات كانت جلد بجلد !
نياف :- انتو دايم تشوفون الجانب المضحك وتنسون الجانب المبكي ظهري للحين معلم من عصاة جدي
سيف :- والله عصاة جدي ضربنا فيها اكثر من مايمشي عليها كان ينتظر الظهر عشان يستقبلنا فيها
سعود يحاول يكتم ضحكته :- اذكر كنت تغفله وتهرب من وراه
كسار يتمسخر عليه:- اذكر ذي الحركه جلدته على نوبتين وماكلمه عصريه كامله
سيف رفع راسه :- بس والله كنت شُجاع الحين تركت ذي الحركات
هياف رمى علبة ماي عليه :-شجاع وانت هارب ؟ والجنون للحين فيكم انتو الاثنين
سيف :- على الاقل مادخلت عسكريه عناد والحين لاقم كل شوي اتصال مفاجئ داوم اسبوع شهر واحتمال تصير سنوات
كسار :- الله الحين يالخسيس تعايرني ! مين اللي اول ماتوظفت كان يلاحقني اتوسط له
سيف :- مااذكر شي كذا
سعود لاحظ اندماج كسار معهم لاول مره :- الا كسار كلنا سمعنا اللي قلته للحين ناوي ؟
سكت الكل للحظه وقطع السكوت كسار :- وش اللي قلته ؟
نياف بخبث:- لا تحاول تسوي فيها انك مب فاهم موضوع غرام
هياف يشمر اكمامه :- نسيت او تتناسى ؟ اذا كنت ندمان على كلامك ترى ليلة سعدي
سيف :- قلت الكلام قدام الكل ونسيته الحين !
كسار:- ماندمت ولاشي وقريب نكتب عقدنا اذا الكل راضي
هياف ينزل اكمامه :- دام كذا انا مب راضي
كسار :- الا انت رضيت مارضيت غرام بعقد عليها
سعود بغمزه :- متى ؟ نبي نعرف نتجهز
كسار :- لا تحشرون خشومكم او بقوم
سيف بخبث :- لا لا خلاص اقعد محلك محنا متكلمين
الجلسة استمرت بضحك ومزاح، والعيال كانوا يستغلون كل فرصة لإحراج كسار، لكنه رغم محاولته إخفاء مشاعره كانت واضحه عليه
___
نسرع الاحداث شوي لوقت الفجر تعودت غرام اول ماتصحى تستحم وتصلي وبعدها تنزل تجلس في الحوش من ورى
غرام حست باحد يقترب من مكانها تراجعت لورى بخوف
كسار :- هذا انا
غرام بتوتر :- وش تسوي هنا ؟ ليش مارحت المسجد معهم
كسار جلس مقابلها :- محتاج اكلمش بشي ضروري
غرام تحاول تخفي توترها :- تفضل وش عندك ؟
كسار صمت للحظة يجمع افكاره :- غرام ... انا مااحب الف وادور
غرام رفعت حاجبها :- ممكن تتكلم بسرعه ماعندي صبر ولا ابي احد يشوفنا هنا ! اذا كنت ندمان على كلامك
قاطعها كسار :- السالفة انش انتِ السالفه
غرام :- وش قصدك ؟
كسار يناظر بعيونها :- قصدي انش كنتِ حولي دايم واجحد حبي لك
غرام بصدمه :- تحبني !
كسار ابتسم بخفه :- ايه احبش من وانتِ صغيره وتتحامين فيني من نياف وسيف ، بس ماكنت ابي شي بالحرام ولا كنت بقبل الرفض لكن دام صارت السالفه كذا انا اعترف لش
غرام منصدمه :- والحين باقي مشاعرك نفس قبل ولا قلتها عشان تاخذني بالاسم نفس ماقلت ؟
كسار اقترب منها شوي :- الحين ماابي اهرب من الواقع اللي انحطينا فيه هم يحسبون بالاسم وانا احسبه حياتي كلها الحين ماابي اعيش حياتي بدونش
غرام تحاول تبعد عنه :-بس ...انا
كسار قاطعها :- ماابي جواب منش الحين
ركضت غرام لدورها وتوجهت للمجلس شافت البنات جالسين بشكل حلقه :- بسم الله وش تسون هنا
غلا ببتسامه خبيثه :- احنا جايين نتابع هنا انتِ وينش ماكنتِ لا بالمطبخ ولا بغرفتش ؟
غرام رفعت حاجبها :- وش يدور براسچ ؟
لطوف سحبتها جنبها :- يعني ماصار شي جديد بحياتش ؟
غرام بعصبيه :- لا وش فيكم انتو !!
ريوف تتحايل عليها :- يعني ولا كسار كلمش شي هنا ولا هنا ؟
غرام توسعت عيونها :- ها ... ماصاار شي بينا ترى
غلا تمثل الصدمه :- يعني اجتمعتوا وصار بينكم شي ؟
غرام هزت راسها :- ماشفته ولا شافني
لطوف مسكت يد غرام :- غروم لا تخبيين علينا ترى ندري !
غلا تخفي توترها :- شلون تدرون ؟؟
ريوف بتباهي :- انا اللي شجعت كسار يعترف لش ومتاكده ماراح يطول
غرام غطت وجهها :- خلاص بنات ! انا للحين ماستوعبت
غلا :- خلوني اتوقع وش قال لها ... احبش غرامي وبعدها مقدر اعيش بدونش
غرام بدون شعور رمت عليها شمعتها :- سكتي خلاص
غلا :- وجع الحين صرتي تكتمين علينا ؟ ولا عشان الموضوع فيه حبيب القلب كسار
غرام بهدوء :- مب كذا لكن انا للحين ماستوعبت كلماته حسيتها من قلبه صدق كلام حقيقي طمن خوفي وسكت تفكيري !
ريوف :- ماعررفت كساروه طلع حنون
ابتسمت غرام :- واكثر من كذا
غلا :- خربو علينا خطط البحر والاعترف !
ريوف :- صدقيني ذا اعظم من البحر
لطوف :- عششتووو يالرومنسيه اللي طلعت فجأة
غلا شبكت يدينها ببعض :- اي والله ياحظش بكسار رجال بمعنى الكلمة
ريوف تقدمت تحضن غرام :- عروستي الحلوه تجهزي لان بيقول لك ملكتك ذا الاسبوع
غرام تتهرب :- خلاص عاد نزلو نساعدهم بالمطبخ
غلا :- الحين تصنع الفطور بكُل حُب عشان حبيب القلب
غرام طلعت من المجلس :- لاحد يسمعش ونروح فيها كلنا
نط نياف بوجهها :- وش من مصيبه مسوين ؟
غرام رجعت لوره :- وجع نيوف خرشتني !
ضحكت غلا :- عزت الله صدق راحت فيها
نياف حضن غرام :- غرام ماتروح فيها بس انتو وحده ورى الثانيه
غرام ابتعدت :- مافيه سالفه بس اهددهم كذا لان سوالفهم ماصخه
نياف ببتسامة خبث :- سوالف حُب وغرام ؟
غرام :- لا لا اكيد مب كذا فاهم غلط !
غلا وهي تضرب كف بكف :- نيوف اختك عاشقه وهايمه بالحُب
نياف رفع حاجبه :- غرام ! وش ذا اللي اسمعه ؟
غرام بتوتر :- تكذب مافيه شي كذا
ريوف :- فيه مع كسار
نياف :- كييف ؟ وش تقولون انتو !
توترت غرام وهربت من بينهم لغرفتها
نياف :- انتو اتركو غرام بحالها ولا تتكلمون مع احد بذا الموضوع لو اعرف وحده منكم متكلمه ياويلها خصوصاً جنب جدي والعيال
ادركت لطيفه العيد اللي جابوه :- لا تشيل هم كانو يمزحو وياها بس
نياف :- علمي اختش السنع اللي فيش شوي
كشرت غلا بوجهه :- وخر عني خل اسوي الفطور لكرشتك انت وسيف
ابتسم نياف واتجهه لغرفة غرام :- غرامي عادي ادخل ؟
ماردت عليه غرام وفتح الباب شافها تحاول تفتح حبوب تهديها
ركضت نياف عندها :- اتركيها من يدش وضمي يدي بين يدينش
تركت غرام الادويه بهدوء :- مالي دخل باللي صار والله
حتى مالي نيه لشي
نياف :- اللي يقولونه كان صدق ابي العلم منش
غرام :- ماكنت ابي الموضوع يوصل لكذا
نياف :- تكلمي وماعليك صار اللي صار
غرام :- لما كسار قال الكلمة قدام الكل انا ماكنت مدركه من توتري لكن بعد مااخذني للمستشفى جاء وقال لي ملكتنا لازم تصير وانا كنت بخوف ماتجاوبت معه بس لما وصلنا قلت له سو اللي تبيه عشان اريح بس راسي من التتفكير لكن ماارتحت وانا سهرانه مع البناتت فضحت فكره جت براسي وريوف فضحتني عنده
نياف :-كل ذا صار وماقلتي لي شي؟
غرام :- خلني اكمل قبل شوي قابلت كسار واعترف لي
نياف :- نعم ؟ قابلتيه ! وكييف ؟؟
غرام سكتت للحظة:- جاني بالحوش من ورى لما كنتوا بالمسجد
نياف :- الخبيث خططهاا زين سوا لش شي ؟؟
غرام :- قال انه يحبني ويبي نستعجل لكن انا ماكنت مخططه لشي كذا وخايفه من هياف لو درى باللي صار
نياف ضم غرام :- لا تخافي انا اتفاهم مع كسار
غرام :- ماابيك تتهاوش معه ويكبر الموضوع ويوصل لهياف
نياف :- اهدي وانا احل الموضوع بيني وبينه بدون مايحس احد
غرام :- اتمنى لان لو يعرف هياف انا اللي بروح فيها مب انت
ابتسم نياف :- تطمني بس يلا امسحي الدموع وانزلي تحت
——-
فتح نايف الباب وشاف البنات ملتمين عنده :- اعوذ بالله !
غلا :- كنا بنناديكم
نياف :- أتحدى اذا نزلتو اصلاً طبع اللقافه فيكم مليون
لطيفه :- قلت لهم بس ماسمعوني
نياف :- وانتِ انجريتي وياهم
ريوف :- لو طولت صوتك شوي احسن ماسمعنا زين
نياف :- بعدي عن طريقي انتِ بعد ترى انا نياف مب هياف
غلا :- يحسب نفسه يخوف كذا
نياف عند الدرج :- ياغلا ترى سمعتك ان جيتك هربتي
ضحكت غلا ونزلت قبله :- فيك خير صيدني الحين
نياف :- الحمد لله والشكر يارب صبرني على هل بنات كانت وحده والحين اربع
أنت تقرأ
بشروني عنك ما يدرون عني مادروا باللي شغل فكري وظني
Poesíaاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
