بالمستشفى:-
مشاري اللي بدا صوته يعلى :- ابوي طول ليه ماحد يطلع يقول لنا شي
خالد :- اذكر الله وهد الحين يطلع واحد يعلمنا وش
تقدم مشاري يضرب بسعود :- ويين خويك اللي مستفزع فيه لييه ماعطاك خبر عن ابوي بشي !!
كان يحاول سعود يتحمل الضرب لكن بالنهايه حضنه بكل قوته :- تكفى لا تسوي كذا بنفسه وتزيد علينا
مشاري :- كييف اهدي كييف وهو له ساعتين الان وعليها ومااحد جانا !!! قد خسرنا امي تبينا نخسر ابوي بعد !
هياف تقدم يجلسه ويشد عليه حتى جلس وهدت اعصابه :- يا خالي اكيد لو فيه شي شفتهم يتسارعون هنا ولا واحد يطلع لنا بس هد انت
سعود طلع من القسم وعيونه مليانه دموع يمشي حتى وصل لمكتب سلطان طق الباب وفتحته :- تسمحين لي اجلس هنا شوي ؟
اندهشت من عيونه اللي صارت حمرا وفتحت الباب اكثر عشان يدخل :- صار شي لعمي ؟؟
هز راسه بمعنى لا
ملاذ :- اجل وشفيك كانه ميت عليك احد !
درفت دموعه وهي تقدمت تتاسف مب قصدي اقولها لكن انصدمت ناظرها سعود :- لا عادي لكن له ساعتين عليها وماحد عطانا خبر ومشاري اخوي انهار وخلاني انهار وراه
وقفت بدون ماتتكلم واتصلت على القسم :-السلام عليكم معك الدكتوره ملاذ ابي اتطمن على حالة عند الدكتور سلطان
الممرض :- ياهلا بالدكتور ملاذ اخبارك ؟
ملاذ عرفت صاحب الصوت :- مالك دخل باخباري ذا اولاً ثانياً انا سالتك عن حالة مو عشان اسولف معك
كشر وجهه سعود وتقدم ياخذه من يدها :- انت تدري لو اعرف اسمك بس قسم بالله لافصلك من ذا المستشفى!
رد عليه بستهزاء:- حضرتك مين عشان تقدر تفصل واحد زيي ؟
استفزه وسكر بوجهه وتقدم بيطلع والغضب مالي عينه شاف لابكوت سلطان وسحبه معه وهي تركض وراه :- هد اعصابك ذا واحد مختل
سعود بعصبيه :- اذا هو مختل انا متخلف بعد وش اسمه ؟؟
سكتت بدون ماترد عليه توقف ولف لها :- ليكون عاجبك اخت ملاذ؟؟
عصبتها الكلمه :- اسمه احمد ومدير القسم ارتحت كذا ؟
ضحك بوجهها :- ايه ارتحت والحين اوريه انا مين
شافوه نياف وسيف وتقدموا يركضون له
نياف :- جدي فيه شي ؟؟
سعود :- للحين لا باقي بالغرفه ومدري ايش
سيف :- اجل وشفيك كذا ؟
سعود :- بروح اربي ثور هايج داخل
انتبهوا لملاذ اللي كانت تركض خلفه وتقدمت لهم :- الحقو ذا قبل مايسوي جريمه هنا
نياف :- وش السالفه !
ملاذ :- سمع واحد يكلمني بطريقه شينه وطارت اعصابه
فهمها نياف :- والله دام السالفه كذا حتى انا مع خالي يخسي ليله يعدي على خير وتسارعت خطواته يلحق سعود
صرخت ملاذ :- يالله انا وش طيحني بين متخلفين كذا !!
سيف ضحك من كلمتها وصرخ :-باقي ماشفتي التخلف زين
وصل سعود للقسم وصرخ عليها تفتح الباب بالبطاقه اللي عندها
وقف مشاري :- وش صاير ابوي فيه شي !
سيف وهو يحاول يستجمع نفسه :- لا تخافون داخل بيتهاوش مع واحد وبيجي
تقدم سعود :- وين قليل التربيه احمد ؟؟
اشرت له الممرضه على واحد كان يشرف عليهم
تقدم يسحبه :- اجل تقول لي منو انت ؟
احمد :- وش دخلك انت هنا اطلع بره لا اتصل عليهم يطلعونك مثل الكلب
سعود والشرار بعيونه :- انت الكلب انا بطلع بس انت معي سحبه بكل قوته وطلعه بره
احمد :- انت شكلك ناوي على الشر تبيني احطك مكان ابوك الحين
تقدم هياف من وراه وعطاه ضربه :- لا تجيب طاري جدي على لسانك
ملاذ اللي كانت تصارخ تستنجد بالموجودين يفككونهم
نياف تقدم :- اخوي يضرب وانا لا ! ويعطيه لكمه على خشمه نزف دم
احمد :- الظاهر انتوا تربية شوارع تبون الضرب تقدم يرفس نايف اللي طاح على حافة الكراسي وجرح حاجبه
سعود اللي سحبه من جنب نياف ويلكمه على عينه ومشاري اللي داس عليه وخالد كان يفاكك بينهم لكن بدون استحاله كل ماحاول يفك نياف يدخل الساحه سيف يفك سيف يتقدم هياف اخر شي جت الشرطه تسحبهم للقسم سعود قبل مايسحبه تقدم لملاذ اللي كانت تبكي :- خذي جوالي اذا طلع ابوي بخير او صار شي دقي على واحد اسمه كسار وخبريه تراه بدون رمز فهمتي ؟
هزت راسمها بمعنى اي وانتظرت يطلع سلطان
—————
بالتوقيف سعود :- كفو عليكم ياولاد اختي واخواني
خالد :- وش اللي كفو وانتوا دخلتونا هنا اخر عمري انحبس !!
ضحك سيف :- عادي تجربه
مشاري اللي كان باله عند ابوه :- الله ياخذه مابقى الا الوقت ذا
سعود :-الكلب يستغل الفرص
هياف :- الحين انا فزعت لكن وش السالفه !
ضحك سيف :- والله كلنا مافهمنا بس هو والدكتوره
سعود :- اللي صار بعد ماانهار مشاري رحت لدكتوره ملاذ ذي تصير اخت سلطان صاحبي وهي دقت على مدير القسم عشان تعطيني العلم واجي اطمنكم هو الكلب جلس بيتغزل فيها
هياف ضرب الحديد :- صدق كلب يستغل الفرص
مشاري :- ليتك علمتنا من البدايه عشان افض راسه بالارض
تقدم العسكري يصرخ عليهم :- هدوء وين جالسين فيه لعلمكم لو ماتنازل عنكم كلكم بتتحاسبون ضاربينه ضرب مبرح سبب له كسر بالانف كيف الرضوض
هياف تقدم يقبل راس اخوه :- كفو عليك بلكمه كسرت خشمه !
ضحك نياف :- تربيتك
العسكري وقفت مصدوم :- ماودكم اجيب لكم حلى احتفال !
خالد تقدم يسكتهم :- احنا بنرفع عليه قضيه قبل مايرفع علينا
العسكري :- قضية وش !
خالد :- تحرش
بدا يسرد له اللي صار وطلب منه الادله وتواصلوه مع ملاذ تحضر وياهم لكن طلبت منهم مهله .
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
