تقدم نياف يسكر المجلس وراح لغرفة امه يطمنها
طق الباب ومافيه رد لكنه دخل وشافها نايمه على سجادتها :- يمّه
فزت اديم :- ابوي فيه شي !
نيّاف:- بسم الله عليك تطمني بخير طلعوه من العمليات كان منسد شريان وتحسن نامي الحين والصباح نزوره باذن الله
اديم اللي سجدت شكر لله :- الله يبشرك بالخير والحمدله لله غرام درت ؟
نيّاف:- لا ماعليك ماخذه منوم وشكلها باقي نايمه
اديم انتبهت لجرحه :- يمّه نياف وشفيه حاجبك !
نياف اللي نساه :- هوشه بسيطه مرت على خير واحنا اللي انتصرنا
اديم :- احنا ! انتوا مين؟لا تقول انت وهياف
نياف يحرك اصابعه :- عدي معي انا وهياف وسيف وخالي سعود وخالي مشاري وخالي خالد بعد مين صبري افكر
اديم شهقت :- بعد مين ! لك وجهه تعد قبالي وكانه انجاز !
نياف تقدم يحب راس امه :- المهم كلنا بخير وكلنا بنرقد وانتِ رقدي
تقدم يطلع بدون ماييسمع ردها
————-
عند مشاري اللي اول مادخل غرفته زفر براحه وحست له شريفه :- بشرني كيف عمي ؟
مشاري ابتسم لها :- الحمد لله بخير
شريفه :- متى جيت ؟
مشاري:توني داخل وجسمي كله متكسر
شريفه اللي زحت له وهو تقدم ينسدح جنبها :- تهاوشت مع واحد
شريفه فزت :- مين صار لك شي؟؟
سحبها مشاري جنبه :- ماقلت عشان تخافين بس لاني ماتعودت اخبي شي شوفيني مافيني الا العافيه
ابتسمت شريفه :- عشان كذا جسمك متكسر
هز راسه بمعنى اي ونطقت شريفه :- خلك منسدح بدور الزيت بالشنط ادهنك ترتاح شوي
ابتسم :- بالشنطه الصغيره تلاقينه
ردت نظرها له :- حافظ مكانه بعد؟ مجهز كلشي
ضحك مشاري :- اكيد حافظ كل تفاصيلك !
ابتسمت شريفه بخجل وتقدم يقبل راسها ...
________
عند خالد اللي اول مادخل غرفته شاف مها تنتظره
مها :- كيف عمي وش صار وليه متاخرين كذا
خالد :- منسد شريان بقلبه وسوو له عمليه
مها :- مسكين عشان كذا يقول لاحد يطلع من البيت حاس بتعبه
خالد :- اي وخلاص قررنا كلنا نتم هنا
مها :- احسن انتوا تتجمعون واحنا مانترك ادوم بروحها
ابتسم خالد وهو يشوف حبها لاخته :- الله لا يحرمني من وجودك
تقدمت مها تطلع له ملابسه :- ولا من وجودك
—————
عند هياف اللي كان وده يكمل لكماته بغرفته ( السريه )لكن النعاس غالبه وتقدم يطل على غرام فتح غرفتها شافها نايمه بعمق
سكر باب غرفتها وصادف ريوف اللي كانت لابسه بجامه حرير ورافعه شعرها صفن فيها وهي مب منتبهه ادرك نفسه ولف نفسه يتحمحم
ريوف :- بسم الله وش تسوي انت هنا !!!
هياف :- شايفه جني ؟
ريوف بتهجم :- انت الجن تخاف منك
ضحك عليها :- الحمد لله على نعمة الهيبه
ريوف ميلة شفايفها بستهزاء:- قال ايش هيبه انت خيبه اخلص وش صار على جدي ؟
تقدم يصعد لداره :- الخيبه تشوفينها مع الايام وجدي بخير
ريوف وقفت بصدمه من كلامه تشوفه يتقدم لدورهم لكن هي باقي متجمده في مكانها :- وش قصده اني بعرفه مع الايام ؟
~عند هياف تنهد يقلد صوتها " انت الجن تخاف منك ضحك وهو يفكر بكلامها :- يعني حتى هي تخاف مني بس قدامهم تهايط علي ؟
————
اذن الفجر وقاموا كلهم متجهيين لصلاه رغم التعب اللي مروا فيه مبارح
سعود :- يلا كل واحد على المسجد وبعدها ترجعون خلني اشوف واحد رايح هنا ولا هنا
كسار :-من امس حابسيني هنا ! انا بمعسكر ولا ايش !
سعود :- ابوي مافيه الا كل خير كلمتهم وبعد الفطور نروح كلنا
هياف :- غرام للحين ماعرفت لا نروح كلنا دفعه وحده
نياف :- بتعرف مستحيل اخبي عليها شي نفس كذا لا تنسى انها بتدرك الوضع هي متعوده على دلعه من فجر الله ! وش تبينا نقول اذا سالت ؟؟
سيف :- ذي مهما تكبر تظل بزر عند جدي !!
هياف ناظره بحده :- ثمن كلامك
سيف رفع يدينه :- ماقلت شي استسلم بس اعرفو اذا ناظرتني وعيونها فيها دموع بكب العفش مااقدر اتحمل
هياف ضربه بسبحته :- من وانت صغير فضيحه بس تمثل عليك تكب العفش لها ! ياويلك تتكلم
نياف :- اسكت عنه ويلا قدامي اطلع
بدوا يمشون بديرتهم متوجهين للمسجد
———-
بالمطبخ ~شريفه ام سيف ، اديم ، مها ام كسار~
شريفه :- ولا وحده من البنات تقوم تساعدنا مافيه بقلوبهم رحمة
مها :- وانا جايه حاولت اجلسهم بس محد يقدر عليهم الا ربي واديمي !
اديم ضحكت :- الاان اصحيهم لكم وحده ورى الثانيه بس صبي لي ماي بارد وهاتيه
شريفه :- حرام لاحد فيهم يرتاع ويجيه ضرر !
اديم :- لو حرام ماتحلطمتي من البدايه خلصوا اللي بيدينكم وطلعوا الباقي البنات يكملونه
مها :- انا معك قلباً وقالباً سنعي لي ريوف متعبتني !
شريفه :- دام قلتي قدام اديم بتخليها تشيل البيت على ظهرها
اديم :- والله لو تسمحون لي خليتهم كلهم
شريفه :- انا سامحه لك تسوين اللي تسوينه بس غلاوي بترفع ضغطك من فهاوتها
مها :- وريوف بترفع سكرك من عنادها
اديم :- ماعرفتوني زين انتِ وهي
ضحكوا وكملوا اشغالهم بينما اديم اتجهت لغرف البنات .
___
ملاذ :- بداوم حتى اليوم
سلطان :- ليه ترهقين نفسك ارتاحي اليوم بس !
ملاذ :- اذا انت مب تداوم انا بداوم مالي دخل فيك
سلطان :- علامك رافعه خشمك علي !
ملاذ :- مانمت زين وبروح اشغل نفسي عشان مااطلع كل الحره اللي فيني فيك
سلطان تقدم يطلع :- بشتكي لامي على جنونك !
ملاذ :- فييك خير سوها والله ماغير تندم
سلطان اللي كان يعرف تهديداتها :- والله ماغير تندم محد بيمسك المرضى عنك ومحد بيضبط امورك اذا طلعت وبروح بالسياره بروحي ولو اصدم باسمك
ملاذ ماقدرت تخفي ضحكتها :- حافظ تهديداتي كلها يلا بتوصلني ولا كيف ؟
سلطان :- امر القوي على الضعيف خليني اجهز واجيك
ملاذ :- انتظرك بسوي قهوه على ماتخلص
_
سيف :- مب ادخل وياكم عشان اكتم السالفه جيبوا فطوري الملقط
نياف :- ياليل البزر ذا احد يكتمه
هياف :- لو تتركوني عليه بدفنه بمكانه من ماجلس وهو بسيرتها
سيف :- لا تشدهاا شايل هم كييف اخبي وهي لو تبي تعرف شي معصيين تعلمونها ناظرتني بس !
كسار قاطع سكوته:- خلونا نروح العزبه وناخذهم
هياف :- وجدي !
كسار :- اختك بتنسى او بتتناسى عشان ماتنكد على الباقي كذا نطلع جدي للبيت وبعدها يصير خير
نياف :- انا معه بفكرته
سيف :- لا تقولون ود نصهم مستعد اخذ عمامي ولا هم
كسار :- انا بوديهم وانتوا جهزوا الأغراض
هياف :- انتوا خططتوا كذا بدون ماتسالون خوالي !
سعود :- وش عندهم ذي المره ؟
سيف فز من مكانه :- المره ذي مالي دخل انا هم اللي مخططين كلشي
نياف :- الخواف الجحود بذي السرعه بعتنا !
مشاري :- انطقوا وش عندكم
كسار :- ودنا نودي البنات العزبه
سيف :- لا تجمعنا انت اللي ودك
كسار ضربه بسبحته :- عشان بنت عمتي وباقي البنات للان مايدرون بالتفاصيل وخصوصاً بنت عمتي ماعرفت شي للحين !
خالد :- ماهي فكره شينه انتوا خذوهم ومشاري يروح عند ابوي
أنت تقرأ
بشروني عنك ما يدرون عني مادروا باللي شغل فكري وظني
Puisiاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
