دخلت اديم قبلهم وشافتها :- يازينش ياغرام استودعتش الله صرتي عروسه مثل القمر احصنش بالله نوره كانت توصيني عليش دايم ليتها معانا تشوفش عروس
حاولت غرام ماتبكي وارتمت تقبل راسها وحضنتها
دقايق الا دخلو العيال وشافوها بالفستان الابيض الناعم معطيتهم ظهرها تقدمو لنص المجلس
الصوره :- غرام لفي
لفت غرام و عيونهم توسعت وكل واحد منهم كانت ردة فعله مختلفة
سعود بعد لحظة صمت: يا ساتر...
نياف بابتسامة كبيرة: من ذي؟ وين أختي غرام !
هياف ابتسم بخفة :- لا يا شيخ! هذي غرام
غرام ابتسمت بخجل ومشاري توجهه لها تأملها لحظة مسك خدها :- الله يتمم لش على خير ياغرومه كبرتش بيدي والليلة ذي ليلة اسلم مسووليتش كسار!
خالد أخذ نفس عميق ثم اقترب منها رفع يده ومسح على رأسها بخفة :- تدرين إني دايم كنت أقول إنش بتبقين الصغيرة بعيوني ومستحيل تتزوجين بس اليوم شفت إنش كبرتي وصرتي أجمل عروس ولولدي انا !
قاطعهم الجد :- اشوفكم استحليتو عني الاضواء وخرو خلوني اشوف دلوعتي !
قبلت راسه غرام :- الله يحفظك لدلوعتك يبه
تقدم هياف وحضنها وقبل راسها :- بنيتي الحلوه صارت عروس !
نياف داهمهم :- كم مره اقول لكم حضن بدوني مافيه
ضحكو كل الموجودين
وطلع الجد من مخباه خاتم وسلسلة ودمعت عيونه :- هذا الخاتم حق امش نوره والسلسله حقت جدتش الله يرحمها وصتني البسچ اياها بعرسچ عشان تحسين انهم معانا
ما قدرت تتحكم بدموعها نزلت دمعة وهي تبتسم وبدون تردد ارتمت بحضن جدها تحاول تاخذ من أمانه قبل لا تودع مرحلة وتبدأ مرحلة جديدة
سعود وهو يحاول يكتم تأثره :- بس بس لا نبكي العروس لازم تفرح الليلة !
نياف ضحك وهو يسحب جواله: لحظة خلوني أوثق ردات فعلنا ما تتكرر
التقط صورة لهم وكانت من اللحظات اللي بتنحفر في ذاكرتهم طول العمر ، المصوره همست لغرام :- المقطع طلع عفوي وحييلل حلو اخذت لها صور بعد معهم كلميني ارسلهم لش وتالي اعدل عليهم
هزت راسها ريوف بالموافقه وهي تدمع
طلعو العيال وصورو البنات مع غرام
لطيفه :- ماتخييلت انش تعرشين بيوم يا غرام !
غرام ابتسمت :- ولا انا تخيلت
دخلت مها عليهم وبيدها علبه:- يا ما شاء الله ياحظ ولدي بالقمر ذي ما شاء الله عندي لش هدية بسيطه تعبر عن غلاتش عندي ، طلعت عقد ولبستها ، حضنتها وقالت اعتبريني امش يا غرام دايم بكون مستمعه لش
ابتسمت غرام وقبلت راسها :- ماتقصير يا خالتي وعساني ما اخيب املش فيني
مها :- انا متاكده انش غاليه وكيف بعد ما اخذتي كسار ؟
ضحكت غرام وقبلت يدها
تقدمت لها شريفه وحضنتها تبارك لها :- مبروك يا غرام طالعه قمر !
ابتسمت غرام :- طالعه على الطف خاله شروف
ضحكت شريفه وخذتها بحضنها تلبسها بناجر
المصوره :- الله يديم افراحكم بس اذا ماعليكم امر شوفو لي كسار اذا جاهز
ريوف :- اكيد جاهز اصبري اكلم واحد من العيال يجيبه
المصوره :- لا تعجلينه فيه وقت
ريوف :- طيب بس هدي غرام خليها تجلس شوي على ما يجي هو كان كسار واقف عند مرايه بغرفته يضبط غترته مليون مره
دخل هياف بابتسامة عريضة وجلس على سريره :- ياهوه انت بتقدم على وظيفة! لك ساعه ترتب شماغك !
كسار التفت له بضحكة دخلت ريوف فجأة وهي تحمل علبة صغيرة مغلفة التفتت اها هياف وتراجعت تطلع عدلت طرحتها ورجعت :- معليش داهمت كذا بس وش الوضع هنا؟ المصوره وغرام ينتظرونك وأنت للحين تعدل شماغك؟
كسار :- الموضوع مو بسيط زي ما تتخيلين
ريوف وهي تفتح العلبة وتطلع منها كبك :- خذ البس ذا بيعجب غرام
ابتسم كسار واخذه يناظره قاطعته ريوف :- لا تروح بالاحلام الورديه اخلص علي
كسار تنهد :- اصبري اعدل شماغي واجي
لفت ريوف على هياف اللي كان منزل نظره على جواله :- انت عدل شماغه ذا الموسوس وجيبه حدكم خمس دقايق ولا بدخل غرام عند الحريم
هياف وقف وربت على كتفه :- الاوامر جتنا منها اخاف اقول لها لا ترفع علي قضيه
ضحك كسار :- صدقني صرت حافظ متى تقول برفع قضيه وبرفع انت تدري تقول بتفتح لها مكتب هنا لانها اكثر ديره تحتاج لرفع القضايا
ضحك هياف وهو يعدل شماغه:- اذا كذا تروح بيوت الديره وتشيشهم على رجالهم
~ لحظة دخول كسار
المصوره وهي تاشر عليه :- وقف انت هنا وبعد دقايق بتلف عليك غرام واحنا بنصوركم
كسار :- فهمت
ثبتت المصوره الاضاءه عليهم وقف كسار بالنص وغرام لفت عليه بخطوات هادية وفستانها الأبيض يلامس الأرض بخفة وعيونها صادفت عيونه لثواني و نزلتها بخجل
كسار وقف بدون نفس وبدون رمشة ابتسم للحظات
وتقدم يقبلها :- عرفت الحين ليش يقولون غرام ملكة الليله
غرام احمرّت وغمضت عيونها اما هو رفع شعرها يلبسها عقد ارتعشت غرام بشكل واضح وقبلها بخفه
كسار :- احلى من العقد لباسه
ريوف ابتسمت :- انا اطلع بس لا اوصيش عليهم
المصوره :- ابشري توصلش النتايج قبلهم
مشت ريوف وناظرتها غرام لكن قاطعتها المصوره :- غرام قربي وناظري عيون كسار ولا ترمشين
وقفت بمكانها فهم كسار توترها وتقدم هو مميل راسه لها وهمس :- لا تتوترين ما اكل ملاك انا
ابتسمت غرام والتقطتت لهم صور
فجاه كسار حمل غرام ويدور فيها بدون شعور غرام تمسكت برقبته وتسحبه لعندها شم كسار ريحة عطرها وداخ منه :- ريحتش حلوه
ابتسمت غرام بخجل :- نزلني
نزلها كسار والمصوره صفقت :- المقطع رهييب كاني اصور فلم
ابتسمت غرام ، المصوره :- الحين كسار صير ورى غرام وانتِ استندي على صدره
وقف كسار خلفها وميت نفسها عليها وهو بدون شعور حضنها ببشته ، غرام حست بحرارة تنفسه وتوترت اكثر
بعد ساعة خلصو تصوير وكانت كلها حركات جريئه من كسار وغرام كل مالها وتخجل
المصوره وهي تصفق :- احلى عروسين بحياتي
ابتسمت غرام :- تسلمين
دخلت ريوف :- بنسرق حرمتك منك جاء دورنا يلا اطلع
كسار ابتسم :- ماينفع انا اخطفها الحين ؟
ريوف :- لا لاحق عليها الليله كلها
غرام شهقت ولفت وجهها عنهم ، ريوف :- هذي شفيها قلت الصدق
تقدم كسار يقبل راسها وهو طالع :- لا تجنني مرتي ولا لي تفاهم ثاني معش
كشرت ريوف :- مسسرع تغير ذا
المصوره :- انتِ لو تشوفين الصور بتنصدمين
غرام :- انتِ وهي !! لا تتعاونون علي
ضحكت ريوف :- ماعليش اجلسي وببجون البنات بعدها بندخل الحريم
جلست غرام وهي متوتره
في المخيم، كانت الأجواء رهيبه اصوات ضحكات الرجال والتبريكات بكل المكان وكسار واقف بينهم يحاول يرد على كل واحد يبارك له بس مو قادر يستوعب كل الرجال ذي تبارك له
سعود وهو يضرب كتفه:- يا معرسنا وش شعورك
ضحك كسار :- مفجوع من الناس ذي كلها
هياف :- بتنفجع اكثر لو زعلت غرام
سيف :- اقول لكم تعالو نرقص
نياف مصدوم :- نرقص !
ضحك هياف :- قدام بس ذا مايعرف يتكلم
سيف :- كلها نفس المعنى قدامي بس
دخل نياف وسيف بنصهم يلعبون سامري
كسار :- هات لي حتى انا ما اقدر افوت
سحبها هياف :- اهجد معرس وتبي تقوم !
كسار ناظر جده :- تكفى عشان خاطري
الجد علي :- مابيد حيله قم قم
وقف كسار بنصهم وبيده السيف يلعب به ومعه هياف
همس خالد لمشاري :- انتبه لا احد منهم يغدر
مشاري بنفس الهمس :- كسار لعبها صح نص الموجودين ترى من ربعه واسلحتهم بجيوبهم
ابتسم خالد:- ماهو بسهل ذا
وقف مشاري :- خلاص يلا امشو عشان الزفه
حطو عشاء الرجال وتمو شباب الحاره يضيفون وهم
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
