ابتسمت ريوف :- فيه مجمع بداية مانطلع من الديره اتوقع تخبره
حرك هياف :- اي بس غرام بتذبحني اني دخلته بدونها
ريوف :- مايحتاج تدخله انت انا بدخل باخذ هدية لغرام لملكتها وبطلع ماني مطوله
هياف :- نازل معش حتى انا اخذ هديتها من الحين قبل لا انشغل
ريوف :- طيب اعجل علي بديت ادوخ انا
لف هياف عليها :- ليه ؟ تبين شي
ريوف:- انتبهه لطريقك بس مااحب المشاوير الطويله احس بغثيان
هياف عكس طريقه :- نرجع البيت وبكره مستعد اوديكم كلكم
ريوف :- قول تبي الفكه مني !
هياف :- لا لكن شوفي وجهش كيف اصفر
ريوف هزت راسها بالموافقه
رجعو للبيت ورسلت على كسار اللي صار وقررو يأجلون الموضوع لبعدين .
نسرع الاحداث لليوم الثاني وصل كسار الفجر وقت الصلاه اتجهه مباشرة لمسجد يصلي وبعد ماخلص الصلاه حط كراتين ماء بنية التوفيق بامور حياته القادمة وكمل طريقة لبيت جده وهو مرتاح صادف العيال والجد وهو داخلين للبيت ، الجد علي :- ها ياولدي اشوف وصلت
ابتسم كسار :- ايه طمني كيف صحتك
الجد علي :- الحمد لله وبشوفتك زانت مبروك ياولدي والله يتمم لكم على خير ان شاء الله الجمعه الملكة ولعلمك غرام ماتبي زواج بس عقد وتاخذها
كسار :- الله يبارك فيك بس ليه !
هياف :- ماتبي لويه على كلامها
كسار :- دام بيريحها نتوكل على الله
باركو باقي العيال لكسار وداهمهم سعود :- يالورع بتعرس قبلي !
ضحك كسار :- انت اللي تحسب نفسك من قدنا
سعود :- لا يغرك الشكل انا اصغر منك
سيف :- قول اصغر مني انا بعد !
سعود :- انت قدك
ضحك نياف :- خلف الله علي ياسعود
سيف :- اسكتت لين يدخل جدي لا يسمعك تقوله سعود بدون خالي بيمسكك تسفيل
سعود :- شكلك تعلمت الدرس
ضحك سيف :- والله توبه اعيدها عنده
سعود :- الهيبه حلوه طلعت
نياف :- خيبه ماهي هيبه
سعود رفع سبحته :- احترم نفسك قبل ماجلدك هنا
كسار :- معطيهم وجهه وتزعل اذا ماصارت لك هيبه
خالد :- ادخل بس واتركك عنهم بالمبارك ياكسار
كسار :- الله يبارك فيك يبه دعواتك لنا
خالد :- الله يوفقك ويفتحها بوجهك ويتتم لكم على خير
كسار :- امين يارب تامرني بشي ؟ بدخل لامي
خالد :- ادخل ولاحقينك كلنا
ابتسم كسار ودخل وانهلت عليه التباريك منهم كلهم قطعتهم ريوف كالعاده :- هاات البشارره لي انا اول ماعلمتك !
دخل يده بجيبه وطلع اللي فيه :- تستاهلينها ولو انها قليله !
حضنته ريوف :- مبرروك ياروح اختك الله يتمم لكم على خير
كسار وهو يتلفت حوليه :- الله يبارك فيك اميين يارب
همست له ريوف :- حبيية القلب حابسه نفسها بالغرفه طول منت موجود
ابتسم كسار وكمل طريقه للمجلس
صعدو البنات لغرام
غلا :-افتحي احنا
فتحت غرام الباب ورجعت جلست عند سريرها
لطيفة :- مب تنزلين ويانا للفطور ؟ راح سيف ونياف يجيبونه من برى اليوم نازل الوحي
غرام :- لا ماابي شي بس هاتو لي شي دافي
ريوف :- ترى كسار سال عنش
غرام التفتت عليها :- وش قلتي ؟
ريوف بدلع :- حبيبة القلب حابسه نفسها بالغرفه طول منت موجود
غرام بدون تفكير رمت عليها المخده :- انتِ ماتستحيين
ضحكت لطيفه :- تركيها بخبالها انتِ افطري لو هنا
غرام :- ماابي متوتره ونفسي ماهي مشتهيه
غلا :- سمعت الملكة يوم الجمعه
فزت غرام :- هاا!! مين قال ماعندي شي !
ضحكت ريوف :- ماعليك انا جهزت الجدول كله الساعه تسع نروح المجمع وعندي المحلات جاهزه
غرام :- يوتر تكفون احس بيغمى علي من التوتر
ضحكت غلا :- تكفين لا تخربين فرحتنا
غرام :- اطلعو عني خلوني شوي مع نفسي
لطيفة :- طردتنا ذي بسهوله مسرع تتغير !
غلا :- اتوقع اذا تزوجت بتجلس مع العجايز
ضحكت غرام :- لا والله بس ذي الملسونه تخليني اتوتر اكثر
ريوف :- احنا طالعين بس ياويلش تهربين مثل الافلام نجيبش من تحت الارض
سحبتها لطيفه :- انزلي لا تزودينها
ضحكت غرام عليهم ورجعت تفكر بتوترها وكيف بتخطي الخطوه ذي بدون خوف ، اما البنات تجمعو حول السفره
الجد علي :- باذن الله خطبتهم الجمعه ابدو تجهيزاتكم من اليوم
اديم :- ماتحس انك مستعجل ؟ مايمديهم يتجهزون
الجد علي :- خير البر عاجله ودامها بالبيت يمدي
مشاري :-انا اتفق مع ابوي انتو اخذو البنات وغرام للمجمعات واحنا نجهز امور البيت والمخيم
ريوف :- لا معليش امور مخيمكم كيفكم بس كوشتها انا اللي بجهزها
هياف :-خلاص انا بعد شوي اودي البنات المجمع وبعدها ارجع لكم للمخيم
خالد :- سبحان الله وش اللي تغير !
هياف :- اختي وحيدتي تستاهل
نياف :- واختي انا رايح وياكم
هياف :- ماتكفي السياره
نياف :-عادي اجلس بحجرك بس المهم معكم
غلا :- لا نبيك انت ولا اخوك اللي لولا الحاجه حدتنا عليه
هياف :- اشوف حتى ذي طلع لها لسان
سيف :- ذي لسانها اطول منك بس خوافه
غلا:- انا !! والله اني اكثر وحده هاديه بذا البيت بس منكم تطلعون جنوني
نياف :- ولا يهمش طلعي جنونش كل يوم عادي
اديم :- انت خذني انا وخالاتك سوق الذهب
نياف :- اببشرري بس وش المقابل ؟
اديم :- نشتري لك الدبله
ضحك سيف :- احسبوني معه يا تزوجونا مع بعض يا مافيه
نياف :- انا موافق
لطيفه :- اتركو هذرتكم على جنب انتو غرام متوتره شوي وتدفن نفسها تحت بطانياتها اطلعو هدوها شوي
ريوف وهي تناظر كسار :- كلها كم ليله وتوترها يروح
ابتسم كسار فاهم مقصدها :- استاذنكم انا اجل عندي كم شغله بخلصها
خالد :- حتى باسبوع ملكتك بتشتغل!
كسار :- ماهي شغله شغله بسيطه اخلصها وارجع مايجي المساء الا موجود
الجد علي :- تركد واليوم اخر يوم لك بعدها تفرغ لبيتك
ابتسم كسار :- ابشر
هياف :- يلا انا بشغل السياره اذا جهزتو طلعو
ريوف :- اقلل من نص ساعه واحنا عندك
هياف :- ربع ساعه ماتجهزون بروح الاسطبل ودورو لكم احد
ريوف :- كرييهه يعني الا تخالفني !
ابتسم هياف وهز راسه بمعنى اي :- طبعاً
ريوف :- مستفز الحمد لله اننا سرقنا غرام منك
هياف :- لا تخليني اقول لا واخرب عليكم
عاينته ولفت تكمل طريقها وهي تتحلطم عليه
~بغرفة غرام
غلا :- مااصدق اخيراً بنعيش الاجواء غرام عروس !!
لطيفه :- سكتي ترى للحين ماهي مستوعبه بعد يومين بتروح بيت ثاني
غرام :- نسيت اني بطلع من ذا البيت ! ماينفع ناخذ لنا غرفة هنا ؟
ضحكت ريوف :- تحلمين اخوي الرومنسي يبي المساحه كلها لش وله
انصدمت غرام من جراءتها:- اقضبي لسانش لاحد يسمع !
ريوف ابتسمت:- شفيها يعني حلاله
غرام :- طلععو عني المستفزه ذي
ريوف :- خلاص خلاص خلونا ننزل لهياف قبل لا ينفس علينا
ركبوا السيارات واتجهوا للسوق وبدأت رحلة البحث عن فستان الملكة وكل الأشياء اللي تحتاجها طبعاً ريوف كانت أكثر وحدة متحمسة اكثر من غرام بذاتها
ريوف وهي ترفع فستان ازرق:- شوفي ذا والله بيطلع عليك تحفهه
غرام :- هو حلو بس مادري محتاره
رفعت لطيفه فستان ماسك على الجسم :- شوفي ذا بيطلع يجنن عليك
غرام :- مستحيل !
ضحكت ريوف :- طيب شوفي ذا ابيض وناعم وحلو
غرام :- اول مره تعجبيني ذا باخذه
ابتسمت ريوف :- ماخلصتي من لساني ترى
لطيفه :- سكتي عنها لو الحين بس اذا رجعنا امسكيها على كيفش
غرام :- اول ماارجع ذكروني اقفل باب الغرفة علي
ضحكت ريوف وطلعو متوجهين للاكسسوارات
هياف :- اخيراً خلصتو ! ساعه على فستان
ريوف :- من قال خلصنا ؟ باقي اكسسوارات وكعب وشنط وعطور وايش بعد
لطيفه :- ولاشي سكتي وامشي قدامي لا تجيبين العيد
هياف :- يعني افهم انكم مطولين ؟
غلا :- عليك نور انت اجلس هنا واحنا نفتر المجمع ونرجع لك
هياف :- لا والله رجلي على رجلكم
غرام :- لا تشيل هم نعرف ندبر نفسنا
هياف :- امشو بدون هرج معكم معكم
ريوف :- نشبه نشبه
وقفت غلا عند محل عطور :- تعالي لازم ناخذ لك عطر خاص لكسار
احمرت غرام :- بنات عاد خلاص ماهي لذي الدرجه
ريوف :- تعالي ناخذ عطور وانتِ ساكته
ابتسم هياف :- روحي معهم روحي خلاص انا بجلس هنا اذا احتجتي شي دقي علي واجيش بسرعة البرق
ابتسمت غرام وهزت راسها له بالموافقه :- يعني لازم تفشلوني عنده !
غمزت ريوف :- اجل كيف المحلات الثانيه ؟
غرام شهقت :- يالوصخه تخسين عاد !
ضحكت لطيفه عليها :- خلاص امشو الحين خلونا نخلص بسرعه
رفعت غلا عطر :- ييووهه ذا يجنن كسار ماراح ينسى ريحته عمره كله !
ريوف :- اشوف ، ايي بالله يجنن خلاص ناخذه ، غمزت لغلا ، وجيبي لها ذاك العطر الطقم
غلا فهمتها وابتسمت :- تم بس اشوفه
حطو كل العطور بالساله عند المحاسبه :- مين فيكم العروس ؟
ريوف اشرت على غرام :- ذي عروستنا
ابتسمت المحاسبه :- عندكم علم عن العطر ذا ؟
ريوف اشرت لها بمعنى اي اما غرام ناظرتها بستغراب :- شفيكم تناظرون بعض كذا !
ماقدرت غلا تكتم ضحكتها :- ذا العطر لا نشوفش جايتنا فيه بس عند كسار وفهمي انتِ
توسعت عيون غرام :- وصخين !! ميف امنوكم علي شيليه ماابيه
ريوف :- لا والله تاخذينه
غرام :- ريووف !
ريوف :- ضروري من دبشچ محد بيعرف سالفته غيرش ولا احد بيشوفه
غرام :- حسبي الله انا بطلع وانتو حاسبو
لطيفه :- اصبري نطلع كلنا مع بعض خلاص محد فيهم بيكلمش
غرام :- سكتيهم تكفين لطوف ذي الفاهيه طلعت ملعونه زيها
ضحكت غلا :- لاجل عينش
بعد جولة طويلة ورجال الأمن صاروا يعرفونهم من كثرة تنقلهم بين المحلات خلصوا كل شي ، غرام :- بسم كذا انتهينا من كلشي
غمزت ريوف :- باقي محل
غرام دقت على هياف :- مستحييل لو تموتين مكانش مادخلته معش
ضحكت ريوف :- ودو الاغراض السياره ولاحقتكم
لطيفه :- لا تتاخرين خلصينا
غرام :- احسن ولا انها تخجلني كل شوي روحي وين ماتبين
ابتسمت ريوف وتوجهت لمحل استوقفها فيه فساتين قصيره :- عز الطلب ! ذا اللي ابيه
دخلت واخذت كل واحد بالوان مختلفه ودستهم عن انظار غرام :- جيت
غلا :- وش شريتي ؟
ريوف :- كعب وكم شي لي
غرام :- والكعب اللي اخذتيه !
ريوف ابتسمت :- لشوطين
هياف :- اخلصو علي يلا اركبو
ريوف تحاول تغير الموضوع:- نفس الاخ علينا
ابتسمت غرام :- كم يوم ويفتك مني
لف هياف عليها :- من قال ؟ انتِ بتبتلشين بعدها فيني كل يوم مرسبن عندش انا ونياف
ريوف :- عزتي لاخوي ماهو ماخذ راحته
ضربت لطيفة ريوف :- استحي
لف عنهم هياف وشغله السياره
غرام :- والله بذبحش اصبري
ضحكت ريوف :- توبه والله
خلصوا كل شي ورجعوا للبيت متحمسات، ورمين الأكياس بكل مكان
الجد علي:- تقولون مايمدي وهم باقي يجيبون المحاسب
ريوف :- خلصنا اي بس باقي البروڤه
غرام بانفعال :- ماابي ذي معي مره ثانيه لو يصير اللي يصير
شريفة :- ريوف اعترفي وش مهبله بالبنت ؟
ريوف :- بس اخليها تطلع على مستقبلها اللي بيصير بعد يومين
مها :- ماتستحي ذي مدري على ميين طالعه
الجد علي :- على ابوها وهو كبرها ملسون زيها
خالد :- انا نفسها ؟ كذب اذا عندك دليل جيبه
ضحك مشاري :- خل القدر مغطه لا تفتح باب على نفسك
اديم :- اي والله اسمع كلمة مشاري لا يطلع فضايحك كلها
خالد يحاول يغير الموضوع:- ايه ورونا وش شريتو
غرام لفت على البنات:- مستحييل ماراح تشوفون شي الا بوقته
ضحكت اديم :- تعالي معي شوي ابيش بكلمة راس
غرام :- ان شاء الله بس اصعد الاغراض
ريوف :- روحي انتِ واحنا نصعدهم
غرام :- طيب
~دخلت غرام واديم المجلس الثاني
اديم :- يمه خففي توتر بيتعبش كذا لا تبينين ارتباكش
غرام :- غصب عني ماني قادره اوقف التوتر وريوف كل شوي تزيد علي !
اديم :- ريوف تمزح معش عشان انتِ تعطين ردة فعل قويه وهي تستغل الفرص انتِ اهدي
غرام :- يمه فيني خوف وتوتر ماني مستوعبه باقي يوم وبعدها ملكتي ! وبروح معه حياه جديده
اديم :- كل بنت عرست حست بمشاعرش الحين بس تاكدي اننا كلنا حولش وانتِ ماخذه خير الرجال
غرام :- ماعندي شك فيكم ولا بكسار اعرفه زين لكن انا فيني توتر وقلق ماانام زين واخاف مااكون قد المسووليه ذي واخاف تجيني نوبات وهو مايعرف عنها شي مليون فكرة براسي يمه
ادبم :- احنا نشرح له كلشي لكن انتِ هدي من نفسچ وصدقيني انتِ قدها وقدود !
ابتسمت غرام :- احبش يمه ماودي ابعد عنكم
حضنتها اديم :- وانا اموت فيش كلنا حوليش منتي بوحدش حتى لو بعدتي عني
غرام :- الله لا يحرمني منش ولا من اخواني
قامت اديم من جنبها فتحت كيس :- ولا منش ياعيوني هذا طقم ذهب هديتي لش واعتبرني حولش دايم
نزلت دموع غرام :- يااميي انتِ ماتقصرينن طول العمر ربيتني وشلتي مسووليتي
اديم :- عيوني انتِ ! لا تصيحين انتِ غالية علي وبنت غاليةً انتِ كب بس بنتي قطعة من قلبي بس لا تبكين امسحي دموعش واطلعي فوق للبنات
ابتسمت غرام :- ان شاء الله
دخلت غرام غرفتها وشافتها معفوسه من البنات :- بسم الله ! الحين احنا شرينا كل ذا
ريوف :- اي غير الاكياس اللي انا اخذتها بجهز كلشي بالدبش انا بالشنط اذا فيه شي ضروري تبينه هاتيه غرفتي
غرام حضنت ريوف :- ماتقصريين
ريوف مسجت على ظهرها :- انا مااقول ياحظ اخوي كل شوي بجيه حضن
ضربت غرام راسها :- وخري عني انا الغلطانه
ضحكت لطيفه :- غرام الحين صدق وش شعورش ؟
تنهدت غرام :- الحمد الله مرتاحه حيل
غلا :- الحمد لله خلونا نسهر اخر سهرة عزابيه لغرام ونخطط على الكوشه
ريوف :- اييي انتظرو دقايق اجيب ايبادي فيه مليون فكره براسي
غرام :- خلونا ننزل تحت عندهم عشان بكره محد فيكم بيشوفني
ضحكت لطوف :- يلا قدامنا انتِ
ريوف :- احسن عشان امسك اخوانكم اكرفهم
غرام :- وهياف يرفع ضغطش
ريوف كشرت :- المستفز ذا
بعد ما قضوا وقتهم بالضحك نزلت غرام مع البنات للصالة وشريفة كانت توصلي العيال على طلبات ، مها شافت غرام وابتسمت :-ما شاء الله بنتنا العروس نزلت !
ابتسمت غرام وقبلت راسها
هياف وهو يغمز لريوف :- جننتي اختي ولا باقي ؟
ريوف :- لا اكرمني بسكوتك
نزل هياف يهمس لغرام :- الله يعينش عندش اثنين واحد اسمه كسار والثانيه ريوف
ضحكت غرام :- بذي صلدق والله
ريوف فهمت :- ترى سمعت حشكم فيني !
ضحك نياف :- بيكمل الفريق كسار جاء
فزت غرام وهربت لغرفتها اما البنات تسدحو ضحك عليها ، نياف :- شفيها ذي هجت مثل النعامه !
غلا :- ماتبي كسار يشوفها قبل اللوك النهائي
ضحكت مها :- الله يحفظها قومو عندها لا تتركونها بوحده
سمعهم كسار ودخل معه سعود :- السلام عليكم
اديم :- سعود وينك مختفي اليوم !
مثل سعود الزعل :- انتظر اللي تفقدني بس الظاهر انشطيتو مع غرام ونسيتوني
الجد علي :- اعقل واعرس وخلها هي تفقدك
ضحكو عليه ورد سعود :- ابشر راحت وردة البيت اللي تفهم جوي بعقل خلاص
نزلت ريوف وبيدها ايبادها :- اكتملت الشله حلوين بيجيكم ملف فيه كل المطلوب منكم بتسوونه
سيف :- ملف مره وحده !
هزت راسها :- اي ملف واكيد بتطبقون كل حرف فيه
هياف :- يعني يا اننا نطبق او ننجلد منش
ريوف بتباهي :- اكيد لأن ذوقكم معدوم وأخاف تحطون لنا كوشة بألوان اعلام الدول
سيف :- بيطلع رهيب كوشه بـ الافتخار الوطني
ريوف :- خالتي شوفي ولدش سكتيه
شريفه:- مستحيل يسكت تكلمي انتِ نشوف
ريوف رفعت يدها تهدده :- تقول حرف زايد بخليك انت والباب اللي جنبك تفرشون الارض ورد بيدينكم
هياف :- شدخلني انا ! شفتي كيف تدورين الحرش
ريوف :- قلتها احتياط لاني اعرف بتتكلم
نياف ضحك :- الحمد لله ماجاني الدور للحين
طنشتهم ريوف وفتحت ايبادها :- شوفو الكوشه ابيها كذا ناعمه والوانها حلوه ابيض وازرق او اصفر والالوان فاتحه اهم شي !
مشاري :- انتِ خططتيها عدل اثنينهم يحبون نفس الالوان
ابتسم كسار :- انا ماتكلمت كلشي هي سوته
أنت تقرأ
بشروني عنك ما يدرون عني مادروا باللي شغل فكري وظني
Puisiاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
