المكان مهيب رغم بساطته ريحة العود معطرة الجلسة والفناجيل تدور بين الأيادي بهدوء متوتر سعود جالس جنب الجد وجهه هادي لكن عيونه تلاحق كل حركة تبين توتره
سلطان:– يا مرحبا فيكم ونورتوا المكان وشرف لنا طلب رجال مثل سعود لأختي
ابو خالد بابتسامة:– والشرف لنا إن الله كتب النصيب ونيتنا صافية نطلب يد بنتكم ملاذ لولدنا سعود ولدنا مثل ما تعرفون رجال يتحمل المسؤولية ودينه وخلقه يشهد له
أبو ملاذ يهز راسه بتقدير:– نعرف سعود وما سمعنا عنه إلا كل طيب وملاذ بنتنا وما نرضى لها إلا الرجل اللي يصونها ويخاف الله فيها
سعود يرفع راسه بثقة:– وأشهد قدامكم إني بخاف الله فيها وأصونها بعيني
صارت لحظة صمت مش متوقعه تبادل فيها النظرات... لين هز أبو ملاذ راسه بابتسامة:– بارك الله فيكم ونقول مبروك عليكم ونتشرف فيكم أهل
مشاري ابتسم وهو يمد يده:– الله يبارك فيكم ونقول على بركة الله
سعود يبتسم وهو يسلم عليهم وعيونه فيها لمعة ما اعتادوا يشوفونها عليه تشهد انتصار حُبه الصامت 🌚سلطان يصفق كفه بكف سعود :– دام الأمور تمت نبغى نسمع "قبلت" بصوتك يا سعود قبل ماسمعها من اختي
سعود وهو يطالع ابوه ويبتسم :-قبلت وربي يقدرني على العشرة الطيبة
الكل يصفق والفرحة أملت المجلس وأصوات التهاني ترتفع بينما سعود يرسل رسالة قصيرة:تمت يا ملاذ وابوك وافق وربي يجعلها فاتحة خير لنا
بمجلس الحريم
كان المجلس مليان بضحكات خفيفة وأحاديث عن الفساتين والملكيات بس في زاوية فيه وحده ساكته يدينها متشابكة بحضنها وعيونها ما تفارق الجوال واضح عليها التوتر ... ملاذ.
جت أمها وهي تبتسم بعيون فرحة ما قدرت تخبيها وجلست جنبها تمسك يدها:- قومي حبيبتي عند المجلس اذا سالوش موافقه لا تتوترين بس قولي قبلت والامور كلها بتتمم
رفعت ملاذ عيونها لأمها دموعها تنقط بخفة بس ملامحها واضحه
ملاذ بصوت مبحوح:- تعالي معي
أمها تهز راسها:- اعتمدي على نفسچ يلا
وقفت غرام :- يا خاله لا توترينها فوق توترها انا باخذش قومي
بعد دقايق من خروجهم وتمت خطبتهم رجعت تجلس بوسطهم وهم يصفقون ويباركون وخالاتها وبنات عمها يهجمون عليها بالأحضان
وقفت خالتها :-يا زينها يوم وافقت اوردت! يا حظ سعود فيش يا ملاذ
ملاذ كانت تبتسم وسط توترها
رن جوالها وكان سعود يطلع قدام عيونها فتحت الرسالة وقرأتها بصمت:
"تمت يا ملاذ وابوك وافق وربي يجعلها فاتحة خير لنا "
ابتسمت وهي ترفع نظرها لغرام واديم كتبت بسرعه :-
ربي كتبنا لبعض وإن شاء الله نكون خير لبعض طول العمر مبارك علينا .
ريوف اللي كانت بينهم همست لغرام:– أحسهم بيكونون نسخة ثانية منش انتِ وكسار
ضحكت غرام والبنات والجو كله تحول لفرحة وسوالف ملكة وبدأوا الحريم يتكلمون عن الزواج .
بعد الساعه 11 رجعو للبيت وكلهم جلسو بالصاله مع بعض
لطيفه :- ملاذ طالعه تجنن اليوم بشككلل
ريوف :- صدق طلعت ذوييقه مهتمه بكل تفاصيلها
غلا :- تركت كلشي ودخت بعطرها
ضحكت غرام :- ياليل ام العطور ذي
سعود قاطعهم :- انتو مدركين اللي تتكلمون عنها حرمتي
صفق سيف :- عاااشش العم المتزوج
سعود :- قهر انا ماشفتها وهم يتمنظرون!!
ضرب كتفه مشاري :- اثقل مب كذا
سعود :- حمدو ربكم ماطبيت عليهم الصاله وش يصبرني شهرين !!!
خالد ضرب كتفه :- يبه كنسل زواجه للحين ماعقل
سيف وهو يمد رجلينه بالصالة:– والله ياعمي حتى انا اشوف كذا عرسوني قبله
سعود :- شف من يتكلم اللي لو انغزه نط مليون نطه
ضحك سيف :- لو سمحت ذي اثيوبيا
سعود :- اسمها فوبيا
سيف رفع يده على راسه :- ياليل كبر وشيب الحين مايعرف ذباتي!
ضحك نياف :- بترجع لي ورجولك فوق راسك
سيف :- الظاهر كذا اسحب على غلا وتعال نهج
هياف وهو يمد فنجال لسعود:– أهم شي اصمل مب أول أسبوع ورد ووناسة وبعدها تنقلب عليها
سعود وهو يشرب الفنجال:– وعد إن تغيرت عن أول أسبوع فهو سحر او عين
ريوف تناظرهم مستغربة:–احاول استوعبكم انتو نفس الاشخاص اللي اول مارجعنا ولا تغيرتو وين العصبيه وين الهوشات والتكسير ؟!!
ابو خالد :- ذا كله اختفى بعد ماتزوجوكم يخافون تتركونهم
غرام وهي تضحك وتاشر على كسار:– ذا وهياف اول ناس تكافخو وسببو رعب للبيت كله والحين متناسبين
ضحكو البنات وكملو سوالفهم بسترجاع ذكرياتهم وعن خطبة سعود اللي محد مصدقها للان .
~ نسرع الأحداث لـ ليلة الزواج المنتظر من الكل ❤️!
كانت غرام واقفة مع ريوف وسط التجهيزات الاخيره تعبانه وجهها شاحب تمسك بطنها وتتنفس بثقل
ريوف التفتت لها:– غرام!!! وجهش مصفر وش يصير؟
غرام حطت يدها على صدرها:–ما أتنفس زين ... يمكن من الوقفة
ريوف بسرعة سحبت جوالها وتمشيها لسياره:– لا مستحيل اخاف تولدين علي
غرام وهم تستند نص على ريوف ونص على البوابه:– ريوف شكلها بتصير بطني مقدر اتحمل
وقفت ريوف تشوفها تنزف :- غرام دم !!!
مسكت غرام بطنها تبكي:-تكفين ريوف سوي شي بنتي لا تموت واغمى عليها صرخت ريوف على الموجودين يرفعونها لسياره وياها وصارت تسوق بسرعه غريبه لاول مره رغم تهورها كانت بقيادتها تمشي على النظام لكن من خوفها قطعت اشارات وتجاوزت السرعه كان يتردد ببالها كلام غرام رفعت جوالها بدون شعور تدور على رقم كسار اللي رد عليها من اول رنه لحسن الحظ !
كسار :- ناقصكم شي ؟
بكت ريوف :- لاا بس غرام غرام تنزف شفت الدم نزل منهاا بتولد
رمى كسار اغراضه من يده :- وينكم فيه ؟؟
ريوف وهي تاخذ نفس:- مدري بوقف عند اقرب مستشفى اشوفه
كسار :- رييوف اصححي وركزي بالطرييق المستشفى قريب منكم !
فز مشاري :- البنات فيهم شي ؟
ريوف قاطعته :- وصلت كسار الله يخليك بسرعه تعال قلبي بيوقف معرف اتصرفف
كسار :- بالطريق اناا اهدي وخليش وياهاا لا تسكريين الجوال
التفتت كسار لمشاري :- غرام تنزف بس اكيد ماهو وقت ولادتها
سمعتهم اديم وطاحت الصحون من يدها :- يمه بنتتي
مشاري :- اديم ذكري الله
اديم فزت تصعد الدرج :- انتظرني بجيب عباتي واجييك
كسار طلع من البيت:- عميي انت تفاهم وياها لا تجيبهاا
طلع كسار والخوف باين عليه وصعد مشاري يهدي اديم
-
بعد لحظات بالمستشفى...
كسار كان يركض بالممر وهو يشوف الممرضات بالقسم يتكلمون عنها جمد للحظه بمكانه خاف يسمع خبر يقضي على قلبه
طلع الدكتور:– الحمد لله استقرت حالتها ضغطها كان منخفض بسبب الإرهاق والتعب النفسي والجسدي وجاها نزيف بس الحمد لله
لمحت كسار واقف عند الممر :- كساار هناا ركض لعندها وارتمت بحضنه لثواني ، سحبت كسار :- هذا زوجها ابتسم الدكتور وكمل :- اسعفتها بالوقت المناسب قبل مايكون حاد والطفله سليمه الاغماء اللي جاها خوف من الدم تقريباً بس نفضل تتم تحت المراقبه تجنب اي خطوره
ريوف فزت من على الارض :- يعطيك العافية دكتور نقدر ندخل لها ؟
الدكتور :- ايه بس نفس ماقلت تحتاج تكون تحت الملاحظة
سحبت ريوف كسار وياها دخل عليها وشاف السرير كله كان ممتلي وجنبها اكياس دم قرب منها وهمس بهدوء:– تكفين لا تخوفيني عليكم كذا كم مره اقول مايحتاج كل مشوار تروحينه!!
ريوف واقفه بالزاويه تدمع:– حمدي ربش ماولدتش انا غصب خرشتي ام امي ! والله اخر مره تطلعين معي و ذي ببطنك
التفتت كسار لها وسحبها لحضنه :- اهدي انتِ بعد لا تنسدحين جنبها
ابتسمت ريوف :- انت سمعت الدكتور قال طفله ؟
شهقت غرام :- حلفي
ضحك كسار من ردة فعلها :- ايه يا ام نوره
درفت غرام دموعها :- متى نطلع نقضي لنورتنا ؟
كشر وجهه كسار :- انتِ سامعه وش تقولين ؟ قلت ممنوع
ريوف :- بتمي هنا تحت الملاحظه لين الدكتور يخرجش وروحي مع ريلش انا ماني متحمله المسووليه مره ثانيه
شهقت غرام :- والعرس ؟؟
كسار حط صبعه على فمها:- بتتنيمي مافيه نقاش
غرام اعطته الوجهه البريء:- لا تكفى طلعني بس احضر الزواج وبنصه نرجع والله
ريوف :- عذرش معش محد بيزعل وصحتش اهم
غرام :- اذا ماطلعتوني انتو بكلم هياف يطلعني !
فهم كسار انها مستحيل تتخلى :- بطلعش بس من 11 انتِ راجعه هنا
غرام وهي تمثل الزعل :- مابي زود اكثر
ريوف :- 12 ترجعين ولا تمي هنا
كسار :- خلاص نطلع سندريلا ونرجعها 12 بكره
ابتسمت غرام :- موافقه
قبل راسها وتركها مع ريوف وراح يتكلم مع الدكتور يخلص أمورها موقت وهو بالممررتذكر اديم ورفع جواله يتصل عليها :- يمه
ردت اديم وهي تبكي :- وش صار ؟؟؟
كسار :- يمه ذكري الله شوي وراجعين البيت غرام والجنين مافيهم شي
سجدت اديم شكر لله :- الحمد لله مشاري سمعته يقول مافيهم شي
ابتسم كسار وسكره متجهه لدكتورها .
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
