ضرب الجد عصاته :- مافيه بس ولا بس التقسيم كتالي الغرف الكبار لكم والدور الاول فيه غرفة غرام وغرف البنات والدور الثاني للاولاد وانتهينا
غرام اللي ارتعبت من صوته :- اعتذر عن مقاطعتك يبّه لكن تعبت وبصعد داري سفره دايمه
نطق بحده :-بوجودكم ومعذوره اصعدي
حاولت تقوم لكن جسدها نمل وناظرت اديم افتهمتها وقامت تسندها
انصدمت ام كسار :- عسى ماشر وشفيها
نطقت اديم وهي تبي تطلع عن السيره :- تعرفين بداية الشهر وهي فيها فقر دم
غص سيف من فهم وضرب كتفه كسار :- استح
ناظره سيف بهمس :- شدخلني هي اللي المفروض ماتقول
غرام اللي انخشت بطرحتها وبدت مشيتها تسرع
والكل يناظرها
ضرب الجد عصاته :- مافيه اي واحد منكم يطلع من البيت واللي ناوي يخلي احفادي عندي وهو يطس
وقف لكن طاح
تقدم كسار مرتاع وركض سعود يجيب جهاز الضغط والسكر
نياف :- جدي مايتنفس
بدا صراخ مشاري عليهم :- جهزو السياره ولا دقو على الاسعاف سريع تحركوا
تقدم هياف اللي كان مصدوم يحمل جده وهم يمنعونه لكن سرعان ماركض به ودخله السياره
سعود :- انطر بجيي معك ركب
وتحركوا مسرعين لأقرب مستشفى
ولحقوهم خالد ومشاري
نيّاف بحده:- لو اعرف احد مخبر غرام باللي صار مع جدي قسم بالله لاعكس دنيته فوق راسه سامعين؟؟ كلكم
غلا :- طيب هي ماسمعت ؟
نياف بعصبيه :- غرفتها عازله لصوت ولو سالتكم وين جدي قولوا لها كالعاده نام والباقي طلعوا
غلا اللي انصدمت من عصبيته هزت راسها بمعنى طيب وسكتت
كسار اللي كان باقي مصدوم تقدم يطلع
ام كسار :- كسار يمه وين رايح
كسار بهدوء :- بلحقهم
ام كسار اللي لحقته :- لاا ماتروح بروحك اعرف سواقتك
كان كسار يباعدها ويبي يروح غصب لكن وقف بوجهه سيف :- لا تكسر كلمة خالتي واجلس كلهم معه بيجينا الخبر
زفر بضيق :- طييب بس بطلع الحوش تمنعوني بعد !
ابتعد سيف :- لا بس مفتاح سيارتك
مد يده لجيبه يطلعه ورماه بالارض ومشى
بدو البنات يشيلون السفره بدون كلام
وكسرت الصمت ام سيف :- عمي فيه شي ؟
ام كسار :- يمكن هامل ادويته
اديم :- لا مستحيل انا وسعود نعطيه ادويته اول باول نزلت دمعتها ونطقت :- ماني مصدقه اللي صار
تقدمت لطوف تلمها :- عمه ذكري الله ان شاء الله مافيه شي
اديم : ان شاء الله
—
المستشفى
هياف :- لوو سمحتوا احد يساعدنا بسررعه
تقدموا بالكرسي لكن صرخ عليهم سعود :- ابوي طايح وش كرسيه جيبو سرير
تقدموا يحملوه وتراكضوا فيه لغرفة الطوارى وطلعوا عياله
سعود اللي كان يدور بين غرف الدكاترة يدور غرفة صديقه واخيرا وصل له :- فتح الباب بقوه
وانصدم من البنت اللي كانت جالسه تعدل طرحتها
ملاذ :- وجع ماتعرف تطق الباب ؟
سعود :- وين الدكتور سلطان ؟
ملاذ :- فوق دخلتك ذي اللي چنها هجوم تكمل كلامك بدون ماتعتذر وقح
لف بعصبيه :- اعتقد ذا مكتب الدكتور سلطان وليس مكتبك وانا وش دراني
ملاذ :- اولاً الدكتور سلطان بقسم الجرحه ثانياً
تقدم يطلع ولا عطاها وجهه :- عرفت مطلبي مااحتاج الثانياً
ملاذ صرخت :-وققح ماشفت واحد بالوقاحه ذي
رجع بيدخل المكتب لكن تذكر ابوه وركض لقسم الجراحه قابله سلطان بالطريق :- سعود وش جابك هنا
سعود :- ابوي بغرفة الطوارئ مارضوا يدخلوني بحجة انه ابوي
سلطان تسارعت خطواته :- عساه خير
سعود :- ماهو خير والله ماهو خير عصب وطاح علينا
سلطان تقدم بيدخل للقسم اللي فيه :- ان شاء الله تمر على خير انت روح مكتبي ارتاح ، يمكن اختي تنتظرني بس قول لها تمشي هي
انصدم سعود من عرف انها اخته :- طيب طمني اول مايصير شي نادني
تقدم سعود يمشي لمكتبه اول ماوصل دق الباب
ملاذ :- تفضل
سعود فتح الباب وهو عيوني بالارض
ملاذ وقفت بصدمه :- انت وش تبي جاي فوق شينك قوي عين !!!
سعود بتردد :- اعتذر مادريت انك اختك سلطان
تكتفت ملاذ :- وبعدين ؟
اكمل سعود كلامه :- اعتذر على سلوبي معك وسلطان يقول لك امشي لا تنتظريه
ملاذ بتهجم:- وش مسوي فيه انت ؟
انصدم سعود من تقدمها ناحيته وصد :- ماسويت له شي
ملاذ لفته عليها :- وينه اجل بتتكلم ولا انادي لك
قاطعها سعود ودرفت عينه :- اخوش ينعش ابوي وكنت بناديه هو بالتحديد لانه صديقي تطمنتي ؟
ملاذ :- اعتذر اجلس
تقدم يجلس ويمسح دموعه
ملاذ :- مب قصدي شي لكن سلطان مايخليني اسوق لوحدي بذا الليل
وقف سعود :- تبين اوصلك ؟
ملاذ :- وابوك !
سعود :- اخواني تحت اذا ودك تنتظري اخوش انتظريه لكن الظاهر مطولين
ملاذ ناظرت ساعتها :- بنتظر روح لاخوانك
سعود تقدم يطلع :- براحتك
تقدم سعود للقسم اللي فيه اخوانه وقابل مشاري اللي كان جالس بالارض وحاضن نفسه
سعود :- مشاري تكفى لا تعاند ابوي وتروح اجل شغلك ولا انقله هنا بالديره
مشاري تكلم والعبره بحلقه :-
مستحيل اكسر كلمته واتعبه لكن انا ماني قادر اجلس بالبيت ذا من بعد امي
تقدم خالد ويطبطب عليه :- بتعيش فيه عشان تقدر تكمل حياتك كلنا هنا بنكون سندك
مشاري :- تفكيري الان كله بابوي خايف يروح من يدينا
هياف :- خالي هد ولا تقول الا الخير جدي يتعب بين فتره وفتره ويتحسن يرجع لنا افضل من قبل
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
