ريوف :- عم سعود سمعنا شي بصوتك
غرام :- اييه تكفى ابتدي بمفضلتيي
سعود :- ماطلببتي شي ، بدا يغني شيلتها اللي رافقتها من معرفة حقيقة وفاة امها
" قمت أتذكر وأدري الوقت غلاب
لين الهموم فجوف قلبي توارت
حكم القدر مكتوب ما عنه مجناب
وجروح بعده داخل القلب ثارت
صديت والدمعة على أطراف الأهداب
لو لا الضلوع ترد الأرواح طارت"
تنهدت غرام وهي تناظر النجوم :- ايه والله حكم القدر مكتوب ما عنه جناب ...
التفت عليها الكل ودموعها بانت بعيونها وهي ادركت الكلام ماكان بعقلها بس والكل سمعه ناظرتهم وهي ساكته واستمرت السوالف بينهم وصوت سعود متغلب على الكل بينما كسار يناظر غرام ويشوف توترها وقفت غرام :- كملوا سهرتكم انا نعست
غلا :- وين تنامين الحين حتى ١١ ماجت !
سيف :- متعوده على نظام جدي ومن فجر الله صاحيه تكرف مب نفسكم يارفلات
غلا وقفت تهدد سيف :- اذا ماسكتت عني بخلي خويك اللي جنبك ذا واشرت على -نياف- يجلدك
انصدم الكل من انفعالها هي الهاديه كيف انفعلت من كلمه وتقدم نياف يحضن سيف:- ذا سيوفي مستحيل اضربه
كشرت غلا بوجهه:- يع قدر وشاف غطاه استفزعت بالشخص الغلط
فز نياف :- والله غير تبشرين بالفزعه اشري بصبعك بس واجلده لش
سيف ضرب رجله :-يانذل بذي السرعه تتخلى عني !
نياف :- استفزعت فيني!
ضحكت لطوف :- اشعلتي فتنه بين عصافير الحُب
وانسدحوا البنات يضحكون عليهم واستمرت مناجرة سيف ونياف وهياف يفكك بينهم
سعود :- بس خلاص رجعوا العود مكانه وخلونا نشوف خبالتكم
كسار :- هاته انا باخذه الجلسه الجايه بدون هلبنات خربوا جونا
كشرت ريوف بوجهه :- بتلاقيني بوجهك وين ماتروح
طنشها وتقدم يمشي وهي باقي تتحلطم وكسار انتبهه لجوال غرام والاشعارات اللي ماتوقف سحبه بدون مااحد ينتبهه له وكمل طريقه كان شاك فيها للحظه من السياره وكيف طفته ورجعته بشنطتها ولحسن حظه كان بدون رمز ودخل على اول محادثه بالواتس وكانت من رقم غريب وشك اكثر لعن الشيطان وتقدم لخيمة البنات :- غرام
ارتعبت غرام من صوته :- نعم
كسار :- جوالك نسيتيه
طلعت غرام وخذته من يده :- شكراً
كسار :- العفو ردي على اللي يرسل لش ماوقف من ساعه
غرام باستغراب :- مين ؟
كسار :- افتحي وشوفي وراح لمخيمهم وعقله معاها هل احد بحياتها ولا للان تحبه وهل مشاعره ذي حب ولا ذكريات فقط
فتحت غرام جوالها شافت تهديدات من رقم غريب ارتجفت وكتبت :- مين معي ؟
عمار :-تبين تعرفين مين انا ؟
غرام :- اي
عمار :- تعالي عند الجبل اللي كنتي تتسابقين فيه مع اهلك
بدت تتلفت غرام حوليها لكن كل الموجودين جوالاتهم مش معهم
عمار :- لا تتلفتين عندك نص ساعه فقط وتعالي انتظرك او صورك وانتِ مع ولد خالك بالسياره بوحدكم وانتِ تركضين كلها تنشهر تراني قريب منك كثر ومن اهلك كمان😉...
اتجهت داخل المخيم بجسد مثقل من الافكار حست روحها بتبكي وجلست تصبر نفسها في لحظة حست انها بتنهار سمعت صوت البنات يقتربون هربت لورى مخيم العيال وبدت تبكي : لييه يصير معي كذا انا لييه ليه انا بالذات كييف انا اخبرهم والله يذبحوني ويدفنوني هنا وكيف اروح الكل بيفهمني غلط نفس ماشكك كسار فيني ! الحقير ذا حالف يدمر حياتي يعرف كل شي ! مستحيل مقلب مستحيل
كان موجود كسار وسمع كل شي قالته حاول يتجاهل يحسب فيه احد من البنات وياها لكن ماستوعب الموضوع للان وبعد مابدت تغفي عينه صرخت صوت باقوى ماعندها هو فز وقام بيهاوشهم :- انتوا ماتخلون الواحد يرتاح شوي ! لكن تفاجىء من المنظر اللي شافه غرام بدون طرحتها لامه جسدها النحيل وتشاهق وترجف بدون اي حركه هو انصدم لما شاف حيه تدور حولها وبدون اي سابق إنذار حاول يقرب شوي شوي منها عشان ماياذيها واول ماقرب حملها وزاد بكاها وخاف الحيه عضتها راح بيدخلها خيمة الرجال يتطمن عيلها هي نفت راسها بلاء وجوالها كان جنبها شاله بسرعه وبدا يركض فيها قريب سيارته ويحاول يصحيها اخر حل عنده كان المستشفى رغم انها تحركت لكن هو حلف يوديها :-اصحي اصحي ماهي عاضتش كشفت عليش بكل مكان مافيه عض لييه تبكين زاد صياحها لما ادركت انه كشف عليها وهي باقي ماتخطت ماضيها وبدت تضرب بالسياره :- ليه تلمسني لييه
هو وقف مصدوم انا مالمست لسوء كان قصدي اتطمن اهدي والله اقص يدي قبل ماامدها لغرض وانتِ بنت عمتي ومثابة اختي هي تبعدت بدون ماتتكلم ودموعها تنزل على الساكت وهو يناظرها ويرجع يكمل سواقته بدون تفكير
غرام :-طلبتك قبل ماتكمل
كسار :- ولش مطلبش ابشري على خشمي
ابتسمت غرام :- ماابي اروح المستشفى مااقدر ادخل من ماشفت امي بذاك الوضع بين الممرات وانا مااقدر ادخله تكفى لا توديني انا مافيني شي
تذكر كسار :- الله يرحمها...لكن ممكن تهدين مستعد اي مستشفى بس اتطمن
غرام :- لا رجعني الخيم وبكون بخير
عند البنات بعد ماجت الساعه ١١:٣٠ بدوا ينامون الا ادركت لطوف عدم وجود غرام صرخت :- بنات غرام ماهي موجوده!
غلا:- انا شفتها داخله اكيد راحت مكان وترجع خوافه مستحيل تبعد
ريوف:- بذي صادقه عينوا من الله خير وناموا لا عمتي اديم تصلبنا بجدع النخله ههههههههه
تعالت الضحك عند البنات وكلهم انسدحوا وناموا من تعب اليوم
~ عند الاولاد جالسين حول شبت النار
سيف:- وين كسار ؟؟
نياف : جاه اتصال مهم والظاهر ضايق صدره وراح لمكانه اكيد
سعود- الوحيد اللي حزنه فرحه غضبه مايبينه الا بالموت
سيف :- الله يستر عساه خير وكملوا سوالفهم
~نرجع عند غرام وكسار وقف بين منطقه فاضيه تقريباً
كسار :- وصلنا انزلي ابتسمت بهدوء ونزلت تحاول تجلس على كبوت السياره بس كان رفيع عليها
كسار:- اقدر اساعد
غرام:- لا تلمسني انا اقدر
صد عنها بعد ماادرك انه شالها بدون الطرحه خذي شماغي وفروتي من السياره وتغطي بهم
غرام جتها لحظة ادراك:- اسفه والله مب بقصدي لا تعلم جدي ولا اخواني حتى امي
ابتسم كسار:- اعتبري ماصار شي
غرام خذت الشماغ حقه ولفته عليها :- خلاص لف وانا استسلم
ابتسم كسار :- ابشري بي قرب منها بيشيلها الا لاحظ رجفتها مسكها من كتوفها وجلسها ابتعد بسرعه شفتي ماسويت شي ولا اكلتش ورفع يدينه هي بدون شعور ضحكت وابتسم لضحكتها وطرى على باله بيذبحوني جلس وتنهد :- ممكن تفتحين لي قلبش وتتكلمين بالموضوع اللي وصلش لذي الحاله
غرام:- اي موضوع؟
كسار :- الحقير اي واحد فينا ؟ ومع مين كنتِ تحشين فينا ماشفت وحده من البنات معش ؟
تنهدت غرام و بدت تنهل دموعها على الساكت
كسار من الصدمه نزل :- لا تخافين مني والله محد يدري ومحد يقدر يمد يده وانا موجود تلعثم بعد كلامه حاول يرقعها انتِ اختي ولا ارضى يصيبش شي هي حست براحه ومدت صبعها الخنصر :- توعدني ماتعلم احد
ضحك على حركتها الطفوليه ومد لها :- وعد
تنهدت :- خايفه تعلم جدي واخواني والله مايتركوني حيه بيوم
كسار :- تكلمي بدون مقدمات
غرام :- طيب ، تعرف لو اعطيك رقم تطلع لي صاحبه ؟
كسار رفع حاجبه باستنكار :- ايه ؟
غرام :- فيه رقم يهددني
هو شد على اسنانه وقال :- كييفف؟؟
سكت وناظرها :تكلمي
غرام : هد شوي واجلس لا توترني
لكن بدت اعصاب كسار تثور :- كملي كلامك نفس مابديتيه
زادت دموع غرام :- يهددني بصور
ضرب الارض بكل قوته والسياره ارتعبت غرام من ردة فعله سكرت اذانها ولمت نفسها بدت ترجف هو انتبهه لها وحاول يهدي من عصبيته
كسار :- خلاص خلاص كملي
زادت دموعها وهزت راسها بالنفي قرب منها وهي تباعدت وكانت بتطيح ومسكها من خصرها وثبتها زاد توترها ودموعها تصلبت مكانها وتحمحم هو وابتعد كسار:- الرقم موجود للان ؟ هزت راسها بـ اي ، عطيني جوالك وانا اتصرف
غرام:- حركت راسها بمعنى لا
كسار :- لييه حبيتي التهديد ؟ انا الحين اقول بتصرف وانتِ تقولين لا وناظر يدها شاف مافيها جوال تقدم بنفسه لسياره ياخذه هي اختنقت وبدت تضرب السياره نزل لها مسرع شافها بحاله يرثى لها
وهنا ادرك انه ضغط عليها وحاول يهديها
لكن كل مالها وتزيد سوء بين يديه واتجهه المره ذي مسرع للمستشفى وصل وبدا صراخ كسار يزداد :- تعالوا ساعدونني بسرعه وهو يركل كلشي قدامه ويحاول يشرح لهم وش صار لكن ركضوا فيها بدون مايسمعون له
وهو ينتظر مرت ربع ساعه بدا يلوم نفسه :- ليه ضغطت عليها ليه تعصب عليها وانت عارف انها حساسه قاطعه ممرض :- انت كسار ؟ هز راسه بمعنى اي
الممرض :- ادخل شوفها تحسنت وتقدر تاخذها لكن قبل كل ذا هي حاولت تنتحر قبل مره ؟
كسار ناظره بصدمه :- كيف يعني ؟
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
