وصلوا المطار وغرام إلى الآن ما تعرف وجهتهم
غرام :- بديت افقد الشغف ترى
كسار:- شوي وتعرفين لا تستعجلين
غرام وهي تتأفف بخفة:- مو كذا أنا أبي أكون مستعدة نفسياً فهمت !
كسار ببرود:- استعدي لأي شيء أهم شيء لا تفقدين الشغف وتنفسين علي
غرام :- تختبر صبرري اكثر من نياف انت !
بعد كم دقيقة سلمهم الموظف التذاكر
كسار :- اخذت التذاكر ويلا مشينا
سحبت غرام التذاكر من يده وسارعت بخطواتها
كسار :- وقفيي لا تركضين
وقفت غرام وحطت التذاكر ورى ظهرها :-خلاص بعرف بطريقتي
كسار سحب التذاكر من وراها وتكلم بجديه :- غرام امشي زين ولا تركضين قدام العالم كذا مره ثانيه
ناظرته غرام للحظة واستوعبت :- طيب اسفه بس
قاطعها كسار :- ارجع واقول مافيه خلاف بينا اخذي تذكرتش وتعالي نركب الطياره
سحبتها وشافت التذكرة لـ إطاليا:- كسار !! إيطاليا؟؟؟
غمز كسار :- اي إيطاليا المكان المناسب للعشاق
ضحكت غرام بخفه واتجهوا يدخلون الطيارة
كسار :- تبين عند النافذه ؟
غرام جلست عندها :- اكيد اذا ماعندك مانع
ضحك كسار :- حتى لو عندي مانع جلستي وخلصتي
————-
كان الكل مجتمع على السفرة والجو مليان حماس وضحك الجد علي كان جالس بوسطهم يراقب العيال وهو يمسك كوب الشاي أما غلا وريوف فكانوا يتهاوشون على صحن الرز
غلا :- انا غسلت اخر شي يعني انتِ تجيبين الاكل
صرخت ريوف :- لا والله ماني جايبه شي
غلا :- وانا ماني موديته
طلعت ريوف :- انا بصعد اسبح وانتوا خلكم بدون اكل
دخل سيف واخذت الصحن وحط لقمه بفمه :- والله اذا انتو مب تشيلونه انا اشيله
غلا :- خلاص اللبطيني يشيله
طلع سيف الحوش وحط الصحن بوسطهم :- عاد نصه اكلته بالطريق مالي دخل
الجد علي :- ابلع اللي بفمك وتكلم بعدها
ضحك نياف ومد له كاس ماء :- ابلع قبل ماتنطرد
مشاري ضرب ظهره :- مستحيل يتسنع
سيف وهو يمثل الوجع :- ما شاء الله يدك مضراب
الجد علي :- نجرب العصا ؟
وقف سيف :- خلاص شبعت انا
شريفه :- اجلس مكانك ترى محد بيدخل المطبخ لك
سيف :- ما عليكم مني انتو كلو
نياف مصدوم :- سيوف فيه نفس الظاهر !
ضحك سيف :- لا باقي صحن بالمطبخ باكله بروحي
نياف :- انتظرنني معك بالمره والحلوه
سحبه هياف :- اهجد لا تصير بزر وراه
لطيفه وهي تمد يدها للسلطة:- المشكلة لو يهجمون على المطبخ بنفس الحماس ذا كان خلصنا الطبخ بنص ساعة
سيف وهو راجع من المطبخ ومعه الصحن :- إيه بس لو طبختوا بنفس السرعة بعد كان ما صار فيه مشاكل وتاخير الحين ذا لي وذاك لكم واذا ماشبعتو شربو ماي
ضحك نياف :- لا تاكله كله اعزمني معك ولا ترى ماراح تدخل من الباب
غلا :- انتقلت العدوه منك له قم لا تلوع كبدنا انت وهو
هياف وهو يراقبهم:- ناقصتنا بس غرام مارسلت لكم شي ؟
غلا :- لا مافتحت جوالها للحين
الجد علي :- والله اني فاقدتها بالحيل
مها وهي تناظر اديم :- سكروا الموضوع لا تبكي اديم
كشرت اديم :- متطمنه عليها عند كسار
نزلت ريوف :- غير هو اللي بيوديها بداهيه والمره الثانيه انتوا لا تدخلون قبلنا وتخلصون الماي الحار واحنا نكرف بالمطبخ عشان كرشتكم !!!
الكل انفجر ضحك وكملوا غداهم وريوف كلها حقد على الاولاد
____
بعد ساعات من الطيران أخيراً وصلوا وجهتهم إيطاليا! أول ما نزلوا كان الجو بارد شوي كسار لمح غرام تضم يدها على نفسها وتحاول تدفّى بدون ما يتكلم نزل جاكيته وحطه عليها
غرام رفعت عيونها له:- كسار... لا انت اللي بتبرد كذا
كسار:- ما عليش الرجال ما يبرد
غرام وهي تضحك بخفة:- يمه عليك لا تصير درامي واجد وتذكرني بهياف ونياف !
كسار بمزح :- ياليل الهياف والنياف ذول وراي وراي
ضربته غرام بخفه :- ما ارضى على اخواني ترى
ضحك كسار و تحركوا للفندق كان قريب من بحيرة كومو الاطلاله بالضبط مثل اللي نشوفه بالأفلام .
غرام وهي تفتح الستارة وتطالع المنظر برا:- المكان خياااال... كسار ماتوقعتك كذا
كسار وهو يفك أزرار كمّه:- كيف شفتيني ؟
غرام وهي تستدير له بابتسامة:- مره رهيب بس نكون واقعيين خططتت له بنفسك ولا مع ريوف ؟
كسار وهو يقترب منها بخطوات بطيئة:- انا اخترت وانا جهزت وهي ماتدري عن شي للحين بس فكينا من ريوف
غرام وهي تحاول تشتت نفسها عن قربه:- طيب... متى نطلع
كسار وهو يهمس لها:- بكرا، بس اليوم بيكون لنا وبس
خجلت غرام وانسحبت بسرعة :- بكلم البنات بعد بعيد
ضحك كسار وكان يستمتع بردات فعلها اللي كل مرة تذوبه فيها اكثر ، اتصلت بقروبهم السناب ولا احد رد
كسار :- يمكنهم مشغولين اتركيهم عنش وتعالي
غرام :- اصبر شوي اخر محاوله ، لحظات ودخلو القروب
ريوف :- شعندش تتصلين كذا
فتحت غرام الكام ولفت على اطلالة غرفتها:- بوريكم انا فين
صرخت غلا :- ذي البحيرة !!! ايطاليا؟؟
ضحكت غرام :- صح عليش جبتيها
ريوف :- ماعرفت كسار وهو رومنسي كذا !
همست غرام :- سكتي تراه يسمع
صرخت ريوف عناد فيها :-الا ماعلمتينا كيف كانت ليلتكم
ضحك كسار وعصبت غرام :- بزره تسنعي
دخلت لطيفه المكالمه :- غراام وحشتينيي
غرام :- ياعيونني انتِ يا لطوف صدقيني مب قدي اشتقت لش اكثر من ذي ريوفوه
ضحكت لطيفه :- وش كانت تقول ؟
غرام :- وخرو عني مع السلامه قبل تجيبون العيد فيني سلمو على خالاتي وامي
غلا :- اي تبي تروح لحبيب....
سكرت غرام قبل ماتسمع والتفتت على كسار اللي كان يتاملها ويبتسم
كسار :- بسوي قهوة تبين ؟
غرام :- واضح بتسويها وانت تناظر فيني وتتسمع علي
رفع حاجبه كسار :- يعني انتِ مكذبتني الحين ؟
غرام :- لا بس محد يسويها وهو منسدح على السرير ويناظر كذا
ضحكت كسار وقام سواها على السريع وغرام سحبت الكوب منه تصور سنابه كتبت فيها ( قهوة صُنعت بكُل حُب من أجمل مكان بالعالم ) ونزلتها
ونياف كان جالس بالحوش مع العيال جواله بيده يتابع السنابات فجأة طاحت عينه على شعار غرام وهي مصورة كوب القهوه والإطلالة الفخمة. رفع حاجبه باستغراب وقرأ التعليق بصوت مسموع :- قهوة صُنعت بكُل حُب من أجمل مكان بالعالم!!
سيف ناظر مع نياف :- أقسم بالله هذا كسار مو بسيط! هذا وهو ساكت ما قال لنا وين رايح سحب على الكل وصدم الكل !!
نياف وهو يرسل لها فويس:- يا بنت وش الاطلاله ذي!! ولا بعد صرتي تنزلين سنابات!
قاطعه سعود :- عاد هي بصوب والسنابات بصوب بس كسار لعب باعداداتها كلها
هياف :- لا تحسدون اختي على سفره مابعد تكمل
غرام فتحت الفويس وهي تضحك وتسمع كسار وياها ويعلقون عليهم
قاطعها كسار :- الا تعالي هاتي سنابش
غرام :- لازم يعني ؟
هز راسه بمعنى اي :- وكل حساباتش بعد
غرام مدت يدها :- هات جوالك ويفضل تعلمني الرمز
ضحك كسار وفتحه قدام عينها بعد ثواني شهقت غرام وهي تحط يدها على فمها:- ياوييلليييي
كسار نزل كوبه:- وش فيش تصارخين؟!
غرام :- كلهم دخلو القروب وامي تسجل فويس
كسار :- شفيها واحد ومرته مسافرين عادي ! بعدين انتِ متى دخلوش القروب ؟
غرام :- بعد ماسرقت ريوف جوالي
كسار :- ضيفيني بس وعدلي اسمش بالسناب
غرام :- حتى ذي انا اسويها ؟
ضحك كسار وسحب جوال غرام من يدها يقرا رسايل نياف وكتب له :- ما شفت شي للحين جهز نفسك بعد بكرة بصورلكم تغطيه .
غرام حاولت تاخذ الجوال:- كسار مب كذا !! ذا ماهو بس قروبنا خوالي وجدي وكلهم فيه !
كسار انسدح:- وهذا المطلوب خليهم يشوفون
ما مرّت لحظات إلا اديم سجلت فويس بمزح :- ايطاليا وما تعلمونا افا بس !
غرام طفت جوالها وكسار بس كان يضحك عليها سجل فويس :- السلام عليكم ترى غرام بالع لسانها قطو ما تقدر تتكلم بس نقول لكم من إيطاليا مساء الخير .
غرام وهي تضرب كتفه:- كسااار!! يا فضيحتي!
~أما في عند البنات ريوف كانت تتحلطم بوسط الكل :- شفيها لو اخذوني وياهم !
هياف :- چان اختي رجعت مبطوطه مرارتها
اديم :- لا تخجلون غرام ولا تزعجونهم خلوهم ماخذين راحتهم
ريوف :- كلها كم ساعه ويطفون جوالاتهم
فلصتها لطيفه :- استحي خلاص مازهقتي
ضحكت ريوف :- قصدي يعني يطلعون يتمشون
سيف :- والله ماتترقع لا تحاولين
~ عند كسار وغرام ...
كسار :- نامي وبكرة من الصبح بنطلع نتمشى
غرام :- وانت ماراح تنام ؟
كسار :- شوي بس وبنام بس اخلص كم شغله
انسدحت غرام ودخل عليها كسار بعد دبع ساعه شافها متعمقه بالنوم وشعرها على وجهها تقدم يسحب شعرها لورى اذنها وفزت ، كسار :- بسم الله عليش
غرام :- خرشتني وش تسوي !
كسار بمكر :- العب بشعر حرمتي
غرام :- ماهو بوقتك كنت مرتاحه بالنومه !
سحبها كسار بين يدينه وميل راسها عندها :- ارتاحي الحين اكثر
ابتسمت غرام بخفه :- تستغل الفرص من اقل شي
~ نسرع الوقت لليوم الثاني
جلست غرام على صوت جوال كسار :- كم الساعه ؟
كسار :- جت تسع قومي ورانا مشوار طويل
فزت غرام :- تسع ! ماصليت ليه ماصحيتني !
ضحك كسار :- صليتي وانتِ نايمه ورجعتي
غرام وهي تتثاوب :- كذا زين بس وين بنروح ؟
كسار ببرود :- لا تحاولين نفس امس مستحيل لبسي شي ثقيل وماعليچ من الباقي
بعد نص ساعه تقريباً جهزت غرام وأخذت كوب قهوتها من يد كسار وهم نازلين ، غرام وهي تطالع الطريق:- كسار على الأقل تلميح؟
كسار وهو يركز بالشارع:- كل اللي بقول إنه شي أول مرة بتجربينه
قطعت الامل وجلست تتامل بالطريق الا وقفو عند مزرعة كبيرة ،نزلت غرام من السيارة وهي تلف حول نفسها :- المكان رهييبب هنا !!
ضحك كسار :- باقيي ماشفتي شي
غرام :- وش بنسوي هنا ؟
ما لحقت تكمل سؤالها إلا وشافت شخص يتقدم لهم يلبس ملابس خاصة بـركوب الخيل فتحت عيونها على وسعها والتفتت على كسار :- مستحييل !!!
كسار وهو يضحك :- اي بتركبين خيل ونتسابق
تقدمت غرام تحضنه :- كسار حييل شكراً على اللحظات ذي
كسار بادلها الحضن للحظات وتنحنح يبعد بعد ماشاف الانظار عليهم
وجاهم المدرب اللي بدأ يشرح لهم كيف يتعاملون مع الخيل غرام كانت متوترة بالبداية لكنها مع الوقت بدأت تستمتع بالتجربة وكسار كان مركز عليها اكثر من اي شي ثاني كسار وهو يراقبها تضحك بحماس :- قلت لش بيعجبش
بعد ما خلصوا التجربة رجعوا للسيارة غرام كانت متعبة بس مبسوطة حاطة راسها على الكرسي وعندها كوب هوت شوكلت
غرام وهي تتنهد:-اليوم كان رهيب ما توقعت إني بجرب اركب خيل بمكان مكشوف كذا
كسار مسك يدها :- عشان كذا قلت لش لا تخافين
غرام غمزت له:- طيب أعترف تعجبني بالمغامرات اول مره اسوي شي بدون خوف !
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
