خلال لحظات وصلو المستشفى...
كانت بالطوارى وصوت الاجهزة والمرضى حولها غرام على السرير بتوترها كانت لطيفه واقفة جنبها :- غرام لا تفكرين بشي شين اعرف تفكيرش !
غرام :- لطوف خايفه ترى مو اول مره تصير بس ذي المره التعب اقوى
لطيفه :- اذكري الله ودام احنا هنا تطمني ماراح يصير شي عليها بتشوفينها بين يديش بس اتركي التفكير
غرام :- كان المفروض مااضغط على نفسي واعاند
لطيفه :- لا تلومي نفسچ وخليني امسح ميكبش شوفي وضعنا !
ابتسمت غرام :- خربت عليش السهره
لطيفه :- بالعكس تعرفيني ماحب اطول
دخلت الممرضه :- السلام عليكم غرام ؟
اعتدلت غرام :- وعليكم السلام اي
الممرضه :- تحتاجين دم بنخليك عندنا فتره بس يرتفع وتخرجين
غرام بتوتر :- ياثر على الجنين ؟
ابتسمت الممرضه :- يبدو انها اول حمله ؟
حطت غرام يدها على بطنها :- اي
الممرضه :- اتفهم خوفك بس بالعاده لا يمكن الدكتور يصرف لك ادويه وتهتمي بأكلك
—
بالقاعه بعد ماطلعو سعود وملاذ لاحظت اديم اختفاء غرام ولطيفه ، اديم :- ريوف غرام وين ؟؟
ريوف :- لا تخافين رجعوها المستشفى قبل ماتتعب
شكت اديم :- متاكده مافيها شي ؟
ريوف :- سالي عمي مشاري بعد اذا ماتصدقيني
قاطعتها حرمه :- ما شاء الله ذي حرمة هياف ؟
ابتسمت اديم :- أي
الحرمه :- مب نشوف عيال هياف ؟ صغيره يمديش تجيبين عشر مب واحد
كشرت وجهها ريوف :- من قال بتشوفينهم اصلاً ؟
قرصتها اديم :- تحب تمزح اذا الله راد لهم الضنه بيجي بس ريوف توها صغيره
ابتسمت الحرمه بستهزاء :- وغرام بتقولون صغيره بعد ؟
ريوف :- اتوقع ماعندش سالفه غيرنا خليني انا افتح سالفه كم حبوبة ضغط تاخذين باليوم ؟
كشرت الحرمه :- قليلة حيا شايفتني امشي على عصا انتِ تعالجي وحملي
رفعت يدها اديم :- اسمحي لي لا تتكلمين عن شي ماتعرفينه
ادركت ريوف كلامها وقاطعت اديم:- لحظه... قليل الحيا اللي يتدخل بامور الاوادم ويتركون امور بيتهم وفعلاً انتِ تجيبين الضغط للاوادم بس مايجيش ومالش شغل اذا اتعالج ولا لا اذا حملت كيفي هياف زوجي انا يعني انا وهو اللي نقرر مب انتِ فاهمه ؟
انصدمت من انفعالها ومشت وهي تتحلطم
لفت ريوف على اديم :- ذي عجوز النار مين ؟ وليه تتكلم كذا وعاديي ؟!!!
اديم جلستها :-ام ناصر ذي لا تهتمين لكلامها
تاففتت ريوف :- لا هي ولا زوجها ينبلعون شدخلها فينا !
صادفت ام ناصر مها :- ربي بنتش زين
انصدمت مها ولا قدرت ترد عليها علطول اتجهت عند ريوف واديم :- ام ناصر شفيها ؟
ريوف انفلتت:- تتكلم عني بكل بجاحه وتبيني اسكت !
اديم :-شربي وهدي ماعليش منها توكم عارسين لاحقين على الشقى
مها فهمت عصبيتها :- بس خلاص روحي عند اختش المعازيم بدو يطلعون جهزو اغراضكم
ريوف اللي ماقدرت تتحمل تصبر اكثر :- سابقتكم قابلو العجايز بروحكم
اديم همست لمها :- ريوف عيبها عصبيتها الليله لا تنام الا وشاربه مره عن الضروره
شريفه جت يمهم :- شفيها ريوف بتمشي دخلت الغرفه معصبه على غلا وتدق على هياف وش قايلين لها ؟
مها :- ام ناصر تحاول تعايرها ليه ماحملت للحين وتعرفين عصبيتها
شريفه :- كدينا خير اليوم لاحد يتناقش وياها ولا يكلمها
اديم :- انتِ ماشفتيها كيف انفعلت ومسحت فيها الارض حتى مشت قبل ماتكلمني بس تحلطمت وراحت
ضحكت شريفة :- خليها يمكن تفشل
عند ريوف اول مارفع هياف جواله :- سلامات ماترد وينك فيه ؟؟؟
هياف انصدم من نبرتها :- شفيش انتِ الحين !
ريوف :- انا عند الباب اترك اللي عندنك ومشينا خلاص
هياف :- الحين متاكده ؟؟
ريوف :- اي قلت الحين
هياف:- طيب انتظري شوي وطلعي
سكرت ريوف بدون ماترد عليه وانصدم اكثر من تصرفها
راح هياف للعيال :- استاذنكم بس باخذ الاغراض من البنات للبيت بالمره ريوف تبي تمشي
سمعه خالد :- غريبه ريوف!
سيف :- تركه تلاقيه هو داق عليها
ضحك هياف :- واذا كيفي خلك انت بحالك يالعزوبي
صرخ سيف :- ياعرربب زوجونيي !
ضحك نياف :- استحح مب كذا
سيف :- اجل امسك اخوك عني المستفز
رفع هياف يده يلوح له :- بااي بروح لمرتي انت نام بالسطح الليله
خالد :- امش انت وانتو قومو كملو جميلكم
اما هياف اتجه لريوف اللي كانت تنتظره عند الباب واول ماركبت سكرت الباب بكل قوتها :- صار لي ساعه انتظر !
التف عليها هياف :- صاير شي ؟
صرخت ريوف :- لاا بس ودني البيت بدون اي كلمه
لاول مره حس هياف انه معصب منها :- لا تصارخين كذا وتكلمي زين معي
سكتت ريوف وعينها امتلت :- خايفه على غرام
هياف :- تحسبينها بتمر علي ؟
ريوف :- بنت اخوي يعني تحسبني مب خايفه عليهم!!!
هياف :- رجعتي تعلين صوتش واللي تتكلمين عنها اختي قبل ماتصير مرت اخوش
بكت ريوف وضمت نفسها ادرك هياف الموضوع شايد وقف على جنب :- ريوف فيش شي احد مضايقش؟؟
ريوف :- كلامهم كلامهم مستفز
مسك هياف يدها :- ريوف تهتم لكلام احد !
سحبت ريوف يدها بنفور :- اهتم ليه مااهتم شايفيني بدون قلب يعني ؟
هياف :- ريوف لا تعصبيني الحين انا قلت كذا !
ريوف :- انت السبب اساساً فاسكتت عنّي ووصلني عند غرام بشوفها مابي البيت
عصب هياف :- ريوف تكلمي زين قبل ماتشوفين شي مايعجبش !
ريوف مسحت دموعها:- مافيني شي بس تعب الليله
هياف مر على كوفي على الطريق :- تبين قهوة ؟
هزت راسها بلا لكن هياف اول ماوصل :- أثنين كولمبي واحد كوكيز
ناظرته ريوف للحظه :- خلهم ثلاثه لانك بتوديني للبنات
هياف نطق بهدوء:- معليش زيد ثلاثه قهوة وثلاثه كوكيز
لحظات واخذ الطلب :- اخذش البيت تغيري ؟
ريوف :- لا بعطيهم نتطمن عليها ونمشي
ابتسم هياف :- اللي تبينه تم
فتحت ريوف جوالها ودخلت على غلا :- عصبت على هياف مدري كيف انفعلت
غلا :- وش سويتي !!
ريوف :- مدري قلت كلام بعصبيه ماعرف وش قلت
غلا :- خلش ساكته طول الطريق
لحظه واتصلت اديم :- ريوف جنبك ؟
هياف :- اي
رمت ريوف جوالها :- اي عمتي خلاص مافيه شي
اديم :- متاكده ؟
قاطعهم هياف :- ماودكم تفهموني ؟؟ بديت اعصب
اديم فهمت سكوت ريوف:- مافيه شي مروا على غرام وطمنوني عليها
ريوف :- احنا بالطريق لها
اديم :- زين اجل انا اسكر
ناظرها هياف بستغراب وعدوها على خير
اديم التفت على مها :- ماقالت شي
عند ملاذ وسعود اول ماوصلو الفندق دخلو جناحهم وسعود مو شايلته الارض :- ملااذ لي ماصدق !
ابتسمت ملاذ :- لا تصرخ كذا
صارخ سعود اكثر :- يحق لي خلي الناس كلها تدري مُلاذي لي
ضحكت ملاذ بخجل تشوف حُبه لها كيف صادق ونقيي ماكلمها الا مرتين وعشق كل مافيها
سعود تنحنح :- خذي راحتش بطلع شوي وراجع
انصدمت ملاذ لكن سكتت :- طيب
تركها سعود وهو يقرا شكوك عيونها نزل سيارته واخذ هداياه لها رجع وهو يتامل جناحهم :-جناح بس واحسني بقصر كيف بيتنا ؟
ابتسمت ملاذ وهي تسمع صوته لكن كتمت ابتسامتها :- رجعت ؟
سعود :-يعني انا قلت شوي وراجع مب مختفي
بعدين ياملاذ وش البرود ذا ؟ تراني زوجش ولش الحق تساليني وين بتروح
ابتسمت ملاذ :- وين كنت ؟
سعود اشر على الصاله :- روحي هناك
مشت ملاذ ووراه سعود شافت بوكيه ورد وذهب وظرف على جنب ، ضمها سعود من خلفها :- كنت اجيب كل ذا لاميرتي
ابتسمت ملاذ ولفت عليه :- وجودك معي بيكفي
سعود :- ذا ماعندي شك فيه بس تستاهلين ذا القليل
توترت ملاذ من قربها وابتعدت تفتح الظرف:-تشوف ذا قليل ؟ سكتت للحظه وكملت سعود!!!
سحبها سعود لحضنه وطبع قبله عند مبسمها :- اقل من القليل بحقك ومن اليوم ورايح برجع اداوم وبنفس قسمك عشان ماابعد ثانيه عنش
ابتسمت ملاذ برضى واعلنو بداية حياتهم ...
سلطان بعد ماوصل البيت استوحش اول ليله بدون ملاذ قرر يطلع ويكمل دوامه بالمستشفى مثل اي يوم يمر بحياته ويكنسل موضوع الاجازه كلها وصل المستشفى وصادف سيارة هياف بالمواقف دق يتاكد منه :- هياف وينك فيه ؟
رد عليه هياف :- ياهلا باخو العروس شكلك مانمت ؟
ضحك سلطان :- ماتوقعت بستوحش البيت بدونها
هياف :- فاهمك فاهمك المهم انا بالمستشفى امر محتاج شي ؟
سلطان :- ما يامر عليك عدو ابد شفت سيارتك عسى ماشر ؟
هياف :- الظاهر كرهت البيت مب بس استوحشته... غرام تعبت وجابوها تنويم
سلطان :- دقايق وانا عندكم
ابتسم هياف :- ماتقصر
اما ريوف استغلت اتصال سلطان وطلعة هياف وعلمت البنات كلشي قالته ودموعها تصب اربع اربع :- تخيلو بكلل بجاحه وتروح لامي بعد !!!
لطيفه :- ياروحيي ياريووف لا تسوين بنفسچ كذا اللي الله كاتبه بيصير
ريوف :- ماني زعلانه اني ماحملت ولا يهمني دامني مرتاحه معه بس قهرتني لطوف !!
غرام مسكت يدها تحاول تلطف جو :- خليني اولد وبرميها عليكم طلعت عيوني
ضحكت ريوف بدون شعور :- كسار بيعلقها برقبته
دخل هياف وشاف دموعها :- بنت !
لفت ريوف عنه :- هلا
هياف :- وش الدموع الزايده ذي ماتوقعت انش صياحه كذا !
اشرت له غرام بعيونها يسكت :- ماتصيح الخبله شرقت بالقهوه كله من طمعها بتاخذ حقتي بعد !
فهمها هياف وقرب منها :- بسم الله عليش
ابتسمت ريوف :- وعلى قلبك بس الحين وش نسوي بقهوتها خذها ويانا ولا بتشربها
كشرت غرام :- درينا انها بفلوسكم لا تذلونا
ضحكت لطيفه :- خلوها لي ولا بخليها تجيسها الظاهر الليله سهاري انا
بعدها هياف عن غرام :- بالعافيه عليش يلا ريوف مشينا اما انتو اي شي يصير وياكم اتصلو
غرام :- ماعليك الامور تمام لا تشيل هم بس شرهانه على نيافوه وكسار وصلو الكلام لهم
ضحك هياف :- لا تشرهين والله جدي كارفهم مع سيف اتوقع الحين يعزلون الاغراض
ابتسمت غرام :- امزح لا تجيبهم اصلاً انا بنام وخلو لطوف تاخذ رحتها
التفتت ريوف على غرام :- تعالي انتِ متى غيرتي ؟
غرام :- كنت حاسه بتعب اخذت احتياطي بس ذي المسكينه ابتلشت
لطيفه :- امري لله مب اقوم من ذا الكنب
ضحكت ريوف والتفتت لهياف:- حبيبي شنطتي فيها ملابس نزلها للطوف وانا لاحقتك
ابتسم هياف وطلع يجيبها اما البنات طقطقو عليها كيف تتدلع عنده بس وعندهم تطلع شخصية المحاميه القويه
صادف سلطان هياف :- ماشين ؟
هياف :- اي والله بنت خالي مشاري مع غرام وطمنتني عليها الممرضه الصبح ان شاء الله راجع لها
سلطان :- توكل على الله ولا تشيل همها انا بمسك حالتها
ابتسم هياف وربت على كتفه :- ماتقصر والله
اما سلطان مسك ملف غرام وجاء يدخل عندها طق الباب :- ادخل ؟
غرام اعتدلت :- اي تفضل
سلطان:- أهلاً غرام... سمعت من اهلش كلشي بس الحين ابي اسمع منش وش اللي تحسين فيه من بداية السالفه للحين
تكلمت غرام بخفوت :- الصراحه مب اول مره يصير معي النزيف لكن كان مره خفيف حتى ما شلت همه مرتين كان يجيني والمره الثالثه ذي ، كملت لطيفة عنها:- غرام تكتم تعبها لكن يوضح عليها دايم
كمل سلطان اسئلته :- كيف نفسيتش ؟
سكتت غرام للحظه :- الحين تمام بس خوف شوي
لطيفه :- هي ضغطت على نفسها بتجهيزات زواج ولقمت
سلطان وهو يكتب ملاحظاته رفع نظره للحظة وانصدم بنظرتها وكيف تتكلم لطيفة حسّت لنظراته سحبت عيونها بسرعة وطالعت الأرض
سلطان بهدوء:- أنتِ المرافقة؟
لطيفة:-ايه...
هزّ راسه وكمل الفحص لمح كوب القهوه :- لا يا غرام الظاهر ماخذه راحتش ممنوع القهوه
كشرت غرام وججها وهي تناظر لطيفه :- لو تعطيني اياها شربتها
ابتسم سلطان :- زين شغلش وياها المهم انا سلطان صديق سعود اذا محتاجين اي شي طلبوني بالاسم
ابتسمت غرام :- ماتقصر
طلع سلطان ، لطيفه :- فشله شاف القهوه
غرام :- وانتِ كذا ولا كذا مب تشربينها وديها له
لطيفه :- جبتيها حرام تنكب
غمزت غرام :- حرام ؟
فلصتها بخفه :- ريوف اعدتش !
غرام :- امزح امزح
خذت لطيفه قهوة وكوكيز :- دكتور سلطان ؟
لف سلطان عليها :- سمي
ابتسمت لطيفه بخفه :- سلمت .. تفضل
ضحك سلطان :- ماتقصرين مشكوره خليها لش الليله طويل
لطيفه :- عندي اخذه واعتبره رد لتعبك معانا
ابتسم سلطان وهو ياخذه من يدينها :-ماسويت شي واجبتي ومشكوره
ابتسمت لطيفه :- بالعافيه
سلطان :- الله يعافيش و وجودش طمّنها استمري معها.. واضح إنش شخص ماينخاف معه غرام مرتاحه معش لا تتركينها
ابتسمت غرام ونزلت راسها راجعه للغرفه فهم سلطان خجلها وكمل طريقه لمكتبه يتكلم بين نفسه:- البنت ذي من بنات ابو خالد ! مستحيل كيف مختلفه عنهم
اما غرام اول مادخلت لطيفه وهي مبتسمه غمزت :- ماصارت قهوه وش تكلمتو عنه ؟
ضحكت لطيفه :- وش نتكلم عنه !
غرام :- مدري شي منا ولا مناك
لطيفه :- غراام
ضحكت غرام :- امزح وياش دام جيتي طيفي ذا زعجني بنام
لطيفه :- ايه خلش كذا وذا بالموت اخذهم استحيت ارجع وهم بيدي بالغصب عطيتهم اياه
ابتسمت غرام :- صديق سعود وش متوقعه منه
لطيفه :- بذي صدقتي المهم داخله اغير انا وانتِ نامي انا هنا
ابتسمت غرام واول ماطلعت لطيفه شافتها رايحه بالنوم من التعب
—————
نزلت لكم بارتين طوال عوضاً عن الايام اللي فاتت
عطوني توقعاتكم بالبارت الجاي🌚؟
أنت تقرأ
بشروني عنك ما يدرون عني مادروا باللي شغل فكري وظني
شِعراهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
