غلا كانت جالسه شايله هم ريوف وعارفه كتمانها وغضبها اللي يطلع بدون شعور منها لفت على نياف :- بسألك سؤال جاوبني زين بدون مزح
نياف :- كلي اجوبة لش
ابتسمت غلا :- هياف تحسه يبي عيال الحين ؟
ضحك نياف :- وش جاب الطاري !
غلا :- جاوبني بسرعه ريوف مضايقتها وحده بالكلام
اختفت ضحكة نياف تدريجي:- مدري اصلاً متى فضينا احنا عشان نتكلم بشي من ذي الامور من زواجنا لملكة سعود وانشغلنا كلنا تجهيزات زواجه محد حك راسه
غلا :- خايفه يصير تحسس بينها وبين غرام
نياف :- لا مستحيل لا تفكرين فيها كذا وصدقيني هياف اهم ماعليه ريوف
ابتسمت غلا بتسليك وقاطعها :- ماودك احنا يكون عندنا ؟
شهقت غلا :- لا والف لا قلتت لكم بعد الجامعه
ضحك نياف وسحبها بحضنه:- متوقع الرد انا يكفي عندي غلوي وسعود لاحقين عليه
ابتسمت غلا :-بعد عني اليوم شبر بيني وبينك
ضغط عليها بحضنه اكثر :- لا تخافين مب اغدر فيش
ابتسمت غلا وضربته على صدره بخفه :- غمض عيونك خلاص
ابتسم نياف يشوف خجلها معلن انتهاء ليلتهم
اما ريوف اللي اول مادخلت غرفتهم انسدحت وغفت من البكاء كان هياف بحيرة من وضعها رفع جواله يفكر يتصل على اديم بس تراجع باخر لحظه وانسدح جنبها ساحبها بخفه عنده وبدا يرتل عليها ويحصنها راح بالنوم بصعوبه من تفكيره وخوفه عليها .
عند كسار اللي كان خايف يفقد احد فيهم ومانام الليل كله وهو بالملحق يدعي لمحه مشاري :- كسار وش جلسك هنا ؟
كسار :- ماقدرت انام قلت اجي هنا بصلي ركعتين وراجع
مشاري :- وشفيك كذا !
تنحنح كسار :- ماقدرت انام وغرام بالمستشفى وماشفتها
ابتسم مشاري :-العاشق الولهان انتظر الصبح بس يجلسون البنات ونروح وتطمن لطوف كل شوي تطمني عليها امورها زينه
كسار :- ماتقصر تعبناها
مشاري :- اختها ولها حق عليها مافيه تعب انا اقول اغفى شوي ونروح كلنا لها
هز كسار راسه وقام متجهه للغرفة اول مادخلها شاف سجادتها بالزاويه توضى وصلى عليها مسك قرانها وبدا يقرا فيه
الفجر
ابو خالد كان يصرخ بنص الصاله :- صلاة لمتى نايمين بتطلع الشمس
فز سيف :- جدي وشفيك ! شايف متى نمنا احنا
ضربه بعصاته :- وقت تقابل ربك قول له ابي انام
صحصح سيف :- كنت نايم اناا نااييمم
طلع متقدم :- خمس دقايق مااشوفكم بالمسجد غير اجلدكم
سيف تمتم وهو يتوضى بالحوش:- ياحظ سعود متسلي واحنا اكلناها
صادفه نياف :- شفيك تتكلم مع نفسك
سيف وهو يتثبت :- خالك ذا لو يجي اليوم غير اهابده شفت احد ياكل جلده من فجر الله !
ضحك نياف :- عجل واترك الحلطمه
سيف :- وانت متونس بعد ومع مين غليو اكثر وحده تخمد
ضربه نياف على كتفه :- لا تتكلم عن مرتي كلام كذب !
سيف :- تراها اختي قبل ماتصير حرمتك امش بس
ضحك نياف واتجهو للمسجد واول ماوصلو شافو هياف موجود ، سيف :- سلامات ذا هنا !
ضحك نياف :- عادته يجي قبل الصلاه بدقايق يقرا جزء يومه هنا
سيف :- عرفت الحين ليش جدي حاطه فوق روسنا
بعد الصلاه تجمعو كلهم بالمجلس على السفره بس محد فيهم اكل شي بالهم مع غرام ، نياف :- الاكل يشهي بس ناقصين الافراد
سيف :- قول بيزيدون بتجي بنت اختك تسحب الخبزه من يدك
ضحك خالد :- خلها تجي والله حتى حصتك لها
ابتسمت ريوف تسمع كلام ابوها وكيف متشوق لبنت كسار لاحظت غلا سكوتها :- ريووف ابيش بشغله
ريوف :- قدني شبعت قومي
ناظر هياف صحنها :- وين اللي اكلتي ؟ كم زيتونه تحسبينها فطور !
ريوف :- اكل امس للحين ثقله ببطني
فهمت مها انها للان متضايقه :- ريوف عاد اكلها كذا تعود عليه
هياف :- ذا عندكم عندي خلها تاكل
ابتسمت مها :- اذا تقدر عليها بكون ممنونه
طلعت ريوف ورى غلا بدون ماترد
دخلتها غلا المجلس الصغير وسكرت الباب :- شفيش !
ريوف :- مافيني شي بس شبعانه
غلا :- لان ماعرفش انا المفروض اصدق ؟
فتحت ريوف الباب وطلعت :- عشان تصدقين راجعه اكل
صرخت غلا :- ماقصد الاكل
طنشتها ريوف ورجعت تجلس جنب هياف اللي رجع صحنها :- رجعت صحني ؟ هات صحنك
ابتسم هياف للحظه وهي تاكل منه :- ازيده ولا يهمش
ريوف تركته صحنه :- خايف اخلصه عليك خذه ، قامت ريوف ووقفت عند سيف :- ممكن تبعد عن ابوي انا بجلس هنا
ابتسم سيف :- ريوف تقول ممكن وفوقها تترك هياف لا الظاهر فيه شي
ضربه خالد :- شيل صحنك وقوم مشتاق لبنتي
ابتسمت ريوف وجلست عند خالد :- بتوكلني ولا بعد ؟
سحب لها خبزه :- بوكلش
ابتسمت ريوف وهياف اللي كان يناظر تصرفاتها منصدم منها :- الحين انا وش قلت !
سيف تربع جنبه :- ابد اسال نفسك المهم رجعت عزابي ترى
اديم كانت تراقب بصمت وودها تتكلم بس تركت الموضوع خوفاً من انها تتحسس :- البنت تشتاق لابوها بعد ماتطلع من بيته طبيعي جداً
غلا :- صحح عشان كذا بنسوي انقلاب عليكم
سحبها نياف :- انا شدخلني ! وخالي مشاري ابوي قبل مايصير ابوش يعني حتى فيه مناشب
ضحك مشاري :- اتركو عنكم الهرج كسار وينه ؟
اديم :- شفته صلى ونام شلت فطوره
مشاري :- قايم اشوف وضعه
ضحك سيف :- ابوي سحب عليكم الاثنين الحمد لله
ابو خالد قاطعه :- انت يابو التضحك ماودك تدور لك شغله عدله وتتزوج ؟
سيف تافف :- جدي ! انا اقدس شي اسمه عزوبيه
ابو خالد :- اوزن كلامك وبعطيك ثلاث شهور تسنع وضعك فيهم ونعرسك
لف سيف عليهم :- احد يطلق ونرجعه لمرته المهم مايلف علي
ضحكو وهم يجلدون سيف بالكلام
الجو في المستشفى كان هادي ولطيفه تراقب وضع غرام ومتاكده الكل بيجي بعد شوي وهي مانامت للحين فتحت الجوال ودخلت قروبهم :- بنات احد بيجي ؟ عيوني تغمض من نفسها وغرام نايمه للحين ماودي انام ومااحس لها
فتح كسار رسالتها :- انا مانمت مسافة الطريق
فتح مشاري باب الغرفه :- صاحي ؟
كسار سحب ثوبه :- انا متى نمت عشان اجلس
مشاري :- عمتك قالت
كسار :- يمكني عاطي ظهري الباب ولا دخلت هي المهم لطيفه رسلت وبروح لهم
مشاري :- انتظرني لاحقك ماتنترك لروحك
كسار :- طيب على ما اشغل السياره انت قول لهم
دخل مشاري المجلس :- بعد ماتخلصون فطوركم بتلحقونا لغرام ولا بتنتظرون سعود اللي ودكم
ابو خالد :- كلنا جاين حتى سعود ضار عنده علم
اديم :- يبه سعود كلمك !
ابتسم ابو خالد :- اي انا دقيت عليه بعد الصلاه وعطيته العلم بيلحقنا
سيف تمتم :- كنت احسد سعود ومتحلف اجلده بس رحمته حتى هو ماسلم
ضحك نياف :- لا يسمعك ولا بتروح فيها
أنت تقرأ
بشروني عنك ما يدرون عني مادروا باللي شغل فكري وظني
شِعراهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
