نزلت ريوف وجلست بوسطهم :- كانت وحده من صحباتي
خالد :- وصاحبتش تتصل ذي الحزه؟؟
ريوف :- يُبه!! ذي ليان انت تعرفها ماتفكر
مها :- كم مره قلت بعدي عنها وللحين تتواصلين معاها؟؟
ريوف :-اول صحباتي بالجامعه ماراح اتركهاا
خالد :- وش تبي منش ؟
تاففتت ريوف :- هو تحقيق ؟!
ضربتها مها بخفه :- لا تطولين صوتش على ابوش وردي
ريوف مسكتت كتفها:- تسالني اذا بطبق هناك ولا هنا
خالد وهو يرفع فنجاله :- هنا ولا تفكرين ترجعين هناك
ريوف :- طيب ماقلت شي اني برجع اناا
اديم :- شفيكم عليها الحين ؟
مها :- اخوان البنت سمعتهم بالقاع الله يكفينا شرهم وهي ورى اختهم وش يقولون عنها اذا دروا الناس؟!!
وقفت ريوف بتصعد دارها :- الناس والناس قلتيها اخوانها اخوانها مب هيي البنت ماشفت منها الا كل طيب هي غير
ضرب الجد عصاته :- ارجعي مكانش وحذفي رقمها قدامنا
ريوف :- جدي!! البنت مالها ذنب باخوانها هي كارهتهم
مشاري :- لا تعاندين واسمعي الكلمه قبل مايصير ش
ي مايعجب احد
رمت ريوف جوالها عندهم:- خذوه وسوو اللي تبونه بس انا ابلكها بنفسي لا والف لا
طلعت ريوف دارها اما مها خذت جوال ريوف ومدته لهياف :- احظرها وانا خالتك ما اعرف لجوالها
اخذه هياف :- ابشري بس اهدو لا تطيحون علينا
خالد :- انت تدري اخوانها راعين حبوب وبنات وهي ماتفهم! حتى لو تدس شي بشنطتها ما حست
هياف شاف السجل بالنهاية كسار وفهم:- خلاص حظرتها والله يهديها ويبعدها عنها
خالد :- زين ماتسوي وانت طالع ارميه عندها نفس مارمته هنا
الجد علي:- من اليوم ورايح ياويلكم يقولون بنروح لفلانه وترضون
نياف :- خلاص اذكرو الله حصل خيير حظرها يعني مب تقدر تكلمها ولا توصل لها لا هي ولا اخوانها
الجد :- انا قايل لكم لا تتركون بناتكم على راحتهم هذي نهايتهم ترى البنات مايفهمون حجم المصيبه اللي هم فيها الشرهه عليكم انتم من البدايه ماحطيتو لهم حدود
مها :- والله من اول يوم عرفت سالفتهم منعتها بس شفت عنادها
هياف :- بس جدي سكر الموضوع ولا تعلقون فيه كل ماجت قومتوها ! حظرت الرقم وانتهت السالفه
ناظرت غلا نياف بستغراب واشرت :- وشفيه ؟
نياف اشر لها بمعنى :- مدري
طلع هياف صاعد لغرفته وبيده جوالها وقف بنص الدرج يدور على اسمها الكامل تعوذ من ابليس وطق بابها :- جوالش خذيه
فتحت ريوف الباب ومدت يدها :- حطه وروح ولا بعد تبي تكمل انت ؟
هياف :- لا بس تراني ماحظرتها
طلعت ريوف بسرعه :- احلف
هياف ابتسم بخفه :- والله
رفعت حاجبها :- ليش؟
هياف :- اعتبريها ارد لش معروف
هزت راسها :- فهمت بس بعد غريب !
هياف :- اكمل معروفي واقولش لا تنزلين اليوم كله
كشرت ريوف بوجهه :- بنزل
استند هياف :- حلو جدي يقوم بالمهمة عني وعنه
لاول مره ريوف تحس بخوف داخلها :- معصب مره ؟
ابتسم هياف وقلدها :- مره مره
كانت بتضربه على كتفه لكن مسك يدها :- واذا جينا للحق معه تصاحبين وحده اخوانها مصبنه! لو انتِ رايحه لها او هي جايتش وهم بياخذونها مافكرتي وش يصير فيش؟! وفوقها راعيين حبوبب! لو رافضه لها شي دست لش انتِ ولا اخوش شي بسياراتكم ماحسيتو لهم
انصدمت ريوف منه ورجعت غرفتها بدون ماتتكلم تدرك انها غلطانه فعلاً بدون تردد طلعت رقمها وحظرتها
بعد ساعه تقريباً اتصل كسار على جده ينامون العيال والبنات عندهم بحجة غرام تعبانه من الطريق وفعلاً وافق
غلا :- بصعد لريوف اكلمها شوي
مشاري :- روحي طيبي بخاطرها وخليها تنزل
طلعت غلا متجهه لغرفتها :- ريوف انا غلا ادخل ؟
سمعت صوت ريوف بصوت مبحوح شوي:-ايه تعالي...
فتحت الباب ودخلت شافت ريوف جالسة على سريرها شعرها مفكوك وعيونها حمر واضح إنها كانت تبكي أو على الأقل تحاول تكتم شعورها
قعدت غلا جنبها:- تدرين؟ ما كنت أعرف انچ تنهارين كذا لهالدرجة على وحده! ... بس أحسچ خبله وماتفهمين مصلحتش ودايم الطيبين يصعب عليهم يتركون أحد حتى لو يعرفون إن علاقتهم فيها ضرر
ريوف ابتسمت:-هي أول بنت فتحت لي قلبها يوم كنت جديدة بالجامعه كنت ضايعة ولا عندي ولا صديقه وهي شافتني ودلتني وأخذت كل أسراري واخذت كل اسرارها ... ما توقعت يجي يوم أقطعها بهالشكل!
غلا حركت راسها بتفهم:-مو ذنبش ولا حتى ذنبها يمكن بس الناس اللي حولها مو ناس عاديين... وإنتِ كنتِ بيدش قرارش بس حنا بعد علينا نخاف عليش نحببش اووييي
ريوف :- اعرف خوفكم وفكرت بكلامكم صحيح ١٠٠٪ بس هي شذنبهاا وانا الحين معتبريني مسويه جريمه !!
غلا ضمت يدها وقالت:– عاد تصدقين ؟ هياف معاش ! دافع عنش بوسطهم
ريوف :- وش؟؟ هياف يدافع عني بوسطهم بعد ! فوقها يجي ويكلمني! خلاني افكر لين بلكتها انا !
غلا غمزت :- شفتيي بس شكله حب يوصلش الحقيقة بأسلوبه وماشاء الله عليه وصّلها صح شكله شفتي وش سويتي؟ حزنتي وصحتي وانتي بكبرش قررتي الشي الصح
مسحت ريوف دموعها :- قومي ننزل
غلا مسكت يدها :– أنا درعش البشري... يالله نقزنا!
نزلت ريوف وغلا مع بعض ريوف ماشية بخطوات مترددة وغلا ماسكة يدها كأنها تدعمها بدون كلام.
أول ما شافوهم لطيفه قامت من مكانها:–هلا بالزيين! تعالو تعالو حطيت لكم قهوة وحلا لا تقولون نسيتكم !
ريوف ابتسمت بخفه وجلست جنب لطيفه، وغلا جلست مقابلتهم
خالد رفع حاجبه وتكلم بنبرة هادية:-هلا والله...بالزعلانه ماتدرين من خوفنا عليج يا ريوف
ضحكت ريوف بخجل وهي ترد:- توبه والله توبه من اليوم ورايح ماعرف غير ذول
الجد التفت لها بنظرة حنونة:-ذي حفيدتي السنعه وشدي حيلش ترى الدنيا دروس والمواقف تعلم الواحد وش يسوى
هزت ريوف راسها ورفعت يدها:-سمعاً وطاعه جدي
ضحكو عليها وهياف مد دلة القهوة لها:- قهوة تراضي نشربها وننسى كل شي
ريوف أخذت الدله منه وضحكت:-مقبوله قهوتك يا طويل العمر
ضحكوا الشباب والبنات وانكسر جو التوتر اللي كان يغلفهم
مها التفتت تغرم لريوف :- جهزي نفسچ بتروحون بيت كسار
ريوف فتحت عيونها بصدمة :- اما جدي وافق بسرعه !!
الجد علي :- ليش كنتي تدرين يعني ؟
قاطعتهم غلا تتدارك الوضع:- أي وافق عشان تفرغين جنونش عليها تحتاجين ضحية
ريوف ضحكت وكأن الدنيا بدأت تصفى بعينها رجعت لهم روحها تدريجياً وهي بين أهلها وأحبابها
بعد صلاة الفجر تجمعوا الكل بالصالة الكل لابس لبس خفيف للسفر والجو مليان مشاعر متضاربة بين الفرح والدعوات
الجد كان واقف وعصاته بيده يوزع نظراته عليهم وكأن يحفظ ملامحهم بقلبه
خالد واقف جنبه مبتسم ومشاري يكلم شريفه بصوت خافت عن آخر الترتيبات وأديم وشريفة يشيكون على شنطهم وأغراضهم.
لطيفه وقفت قدامهم ودموعها تلمع بعينها:– الله يسهل عليكم ويكتب لكم أجر العمره يارب... لا تنسونا من دعواتكم.
ريوف طلعت قدام الكل :- دعواتكم لنا ولا تطولون علينا وقولو يارب اي شي تسويه ريوف او توني عليه يضبط
الجد مسك يدها بحنية :- ابشري تقرون عيوني يارب، وانتبهوا على أنفسكم زين ولا تزعجون كسار وغرام
شريفه سلمت على كل وحدة وحدة وغلا عانقتها بقوة:-تروحين وتردين بالسلامه يمه
لطيفة ضمت شريفة وضحكت:- ادعيلي بكل خير ها
ضحكت شريفة ومسحت على راسها:-أدعي لش من كل قلبي وانتي بس ادعي لنا بعد الله يسهلها
نياف وهياف وسيف كانوا واقفين مع بعض يودعون خالد ومشاري، وسيف سلم على جده:- توصينا كثير على البنات والبيت لا توصينا أكثر
ابتسم هياف:-استودعناكم الله اللي ما تضيع ودائعه، وتردون بالسلامه
كلهم صاروا يسلمون بعضهم البعض دموع هنا وضحكات هناك ودعوات من القلب
بعد ما ودعوهم طلعوا بسياراتهم رايحين بيت كسار وغرام
~ نسرع الوقت شوي
كسار كان واقف عند الباب يستقبلهم وهو يلوح لهم بيده:-يالله حيّهم حيّ الله من جانااا
غرام فتحت الباب وهي تضحك:-حاسه اليوم بيتنا فندق من كثر عفستكم !
كسار صفق :- اخيييراً قالتها قالت بييتناا سمعتوهاا؟؟
دخلوا البنات يضحكون على ردة فعله وريوف ماسكة يد غلا ولطيفة تمشي وراهم تحوس بالشنط وهياف ونياف وسيف يتوزعون وينزلون أغراضهم
كسار قال وهو يطالع الشباب:- شباب لا تنامون بنتعشى مندي على حساب هياف اليوم دامه جاء !
هياف التفت له باستغراب:–أنا؟! يا حبيبي اليوم الحساب عليك تحمد ربك ما سحبت عليكم!
مثلت غرام الزعل :- يعني بيت خيتك الوحييده وتسحب عليها!
هياف حس بصقعه جته :- اخسيي ! فطورش وغذاش وعشاش كله علي
ضحكوا كلهم ودخلوا جو بينهم والبيت صار مليان حيوية وضحك وحياة
بعد ما دخلوا وضبطوا العفش وقف كسار بالصالة وصفق بيده:-طيب الحين نرتب كل اثنين مع بعض والغرف كلها متساويه لا تتحججون
لطيفه :- ما شاء الله البيت الصراحه رهييب ! تتهنون فيه
غرام :- اخيراً احد عبر بيتي
صرخت ريوف :- اوووففف صار بيتي بعد بدل بيتنا
كسار :- يفدها البيت وراعيه
صفقت ريوف :- عاااشش اخوي الرومنسي
ابتسمت غرام :- الله يعينيي رجعت لي
هياف :- قدني قلت لش بتبتلشين بثنين ماصدقتيني
غلا رفعت يدها بسرعة:- بسكم عاد لا تبدون أنا مع ريوفف
ريوف ضحكت وسحبت يد غلا:-أنا وهي نختار أول غرفة يسار خلاص
هياف وهو يحط شنطته على الأرض:- طيب أنا عطوني مجلسكم الخارجي وصل الله وبارك
كسار رمى عليه مخده :- سلامات قطو !
كشرت غرام :- بديت احس انك ندمان على دخلتك هنا !
هياف :- عشان البنات ياخذون راحتهم بس
غرام :- البنات يندفسون بحجره لكن لا تحسسني انك ضيف !
هياف رفع يدينه :- استسلم خلاص عطيني اقرب غرفه لكم بعد
ضحكت غرام :- الحين رضيت عليك
سيف جلس على الكنبة وهو يتثاوب:- انا بنام على ذي الكنبه اذا مادليتوني الحين وين بنام
الكل ضحك وكمل كسار وهو يوزع الأدوار:
غرام دخلت وهي تحمل سلة فيها مناشف وعطور خفيفة:- لو سمحتو كل وحدة تاخذ لها منشفة وتعطر غرفتها لا أتحمل ريحة نعاسكم الكئيبة!
ريوف ضحكت وهي تأخذ منشفة:- والله انش قمر يا غرام مو بس زوجة كسار بعد مديرة فندق
ضحكت غرام وضربتها بخفه :- غربل الله بليسچ
غلا قربت لغرام وهمست:-الله يرزقكم ببنوته زيش تطلع ذويقه بالعطور مش زي عمتها
غرام احمر وجهها وقالت بخجل:-يا حبي لش كلها فداش واللهم آمين يارب
كلهم بدو ينزلون اغراضهم ويستقرون بغرفهم الموقته
أما كسار وغرام بعد ما تأكدوا ان الكل ارتاح جلسوا مع بعض بالمطبخ يحضرون فطور خفيف وقام كسار يخبص البيض بطريقته الخاصة وغرام تموت ضحك عليه وهو يحاول يكون شيف محترف لكن بكل مره يا يكبها او يحرقها
غرام حطت صينيتين ونادت بنص الصاله :- الفطووور جاهز!!"
أول وحدة طبت عليهم كانت لطيفة شعرها منكوش وشكلها نص نايمة :-والله ما جابتنا إلا ريحة الخبز ذا متى جبتوه!
هياف :- ذا اكيد هي مسويته
غرام :- صحح علييك بيديني الثنتيين
نزلو غلا وريوف وكل وحدة تسحب الثانية من يدها وهي تضحك كأنهم متعاط_ين
سيف نزل متثاقل ويده ع راسه:من البارح ما نمت زين بالسياره هذره هنا هذره بكل مكان !
هياف اللي كان جالس :- تعال افطر واتركهم بحالهم
سيف :- اكل بيض وسوالفهم بيض كلشي بيض !
كسار دخل عليهم وهو يلبس مريول المطبخ ومسك مقلاة بيده:-تخيروا يا كرام بيض مقلي أو شكشوكة؟
طاحت ريوف من الضحك :- عسكري وعسكري اخرتك مريله !!!!
ضربها كسار بالمقلايه :- شب مرتي تستاهل الدلع كلله
ناظرته غرام :- الله لا يحرمنني
ريوف :- ياويلي! شكله مفعولي راح
ضحكت غلا :- الظاهر كذا
غرام :- ماعلينا انا مشتهيه شكشوكه
رمى كسار المغلايه ومسكها :- لعيوننش احلى شكشوكه
ضحكت غرام وهي تمد له الصحن جلسوا كلهم حول الطاولة وأجواءهم دافية الكل ياكل ويهرج ويضحك وطول الفطور كانوا يخططون وش بيسوون، سيف اقترح:-وش رايكم نطلع نكشت
غلا متحمسة:-اييي ونشب النار ونشوي مخابيز!
كسار وهو يشرب شايه:-تم.. بنطلع العصر جهزوا شنطكم ولا تنسون شي محد بيرجع
غرام ضحكت:- بس بوصيكم اللي يخرب علينا المزاج يتحمل عقابه تفهمون؟
هياف قعد يسوي فيها متضايق:-خلاص خلاص فهمنا مالي دخل بشي
قامت حضنته غرام :- امزح معك والله
سحبها تجلس جنبها :- تراضيني اذا تميتي جنبي مب جنبه
نياف:- سلامات وانا !!
وسعت غلا :- رجعت شلة الثلاثي المرح
ضحكوا وكملو فطورهم بعد ما خلصوا الفطور، سحبت ريوف غرام وغلا ولطيفة للزاوية ريوف :-اسمعوا.. طفشنا من سوالف الشباب وش رايكم نطلع كوفي قريب ونروق؟
غلا حطت يدها بحماس:- ايي قسم بالله نحتاج نسولف براحتنا من ماتزوجتي انتِ وماجلسنا مع بعض!!
لطيفة كانت تضحك وهي تسحب عبايتها :-بس ترا لو دروا عنّا بيقلبون الدنيا
غرام ترددت شوي:-بس شلون اطلع بدون علم كسار ؟!
غلا:- اوهه صار كسار بدل هياف
ابتسمت غرام بس سحبتها ريوف بدون تفكير :-بنرجع بسرعه وما بندخل بمكان زحمة كوفي قريب طلعته على السريع!
غرام ضحكت بخفه:- خلاص بس دقايق اجهز لهم كم شي
قاطعتها صوت كسار يناديها ،:-شفتو حس قلبه
ريوف :- روحي شوفي شيبي ولا تفضحينا
كسار :- بنطلع نجيب اغراض اخذو راحتكم وانتبهي
غرام ابتسمت من فهمت مقصده:- بعيوني لا تحاتي
بعد ماطلعو الشباب علطول البنات لبسو عبيهم
ركبوا السيارة وريوف تسوق فيهم اما غرام طول الطريق تحس بخوف خفيف لكنها تضحك مع البنات تحاول تهدي نفسها ، وصلوا الكوفي كان رايق وجوهه حلو جلسوا بطاولة على جنب طلبوا قهوة وحلى وجلسوا يسولفون بكل راحتهم
غرام ماسكة كوب القهوة تضحك مع لطيفة وريوف إلا فجأة لمحت شخص واقف عند الباب وسعت عيونها وهمست:-بسم الله... مو هذا كسار؟!
كلهم التفتوا بسرعه وإلا كسار مع نياف وهياف وسيف واقفين عند الباب يناظرونهم بنظرات شرر!
___
اعذروني عن القطعه ودعواتكم لي💕.
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
