بشروني عنك ما يدرون عني مادروا باللي شغل فكري وظني

Part 17

بدو كلهم يشيلو السفره اما خالد والجد اتجهو للمجلس تحت
اديم :- يمّه سيف ماراح اخليك تطلع وانت معصب انت وخواتك امانه برقبتي لين يرجع ابوك!
سيف يقبل راسها:- ماراح اطلع بصعد الدار بس ماابي احد يزعجني
هزت راسها اديم بالموافقه :- تطمن اكيد راجعين ماخذو معهم شي
تقدم يطلع لدورهم وصادف نياف :- تكفى دبر لي هربه الضيقه ماكلتني وعمتي وقفت بوجهي
نياف ربت على كتفه :- ماعاشت الضييقه وانا اخوك ازهلني
وقف بينهم هياف : و ش تقصد بهربه انت وهو ؟ سمعتكم ترى
سيف تنهد، كأنه يحاول يكتم شيء جواته:البيت هذا صار مثل قفص كبير ومحبوس جواته !
هياف بصوت حازم :القفص ذا ياسيف هو اللي بيحمينا لو كلنا عرفنا شلون نتعامل فيه
نياف بيغير جو : نكشت ؟
سيف :- تم بس اخر الليل
هياف : ابشرو فيها بس اصبرو الاوضاع تهدي
سيف مكمل طريقة : الليله اذا ماجيتو معي والله اروح بروحي
هياف التفت على نياف : نفس اسلوبك !
نياف لحقه :- كب الله من يكب خويه
ضحك هياف عليهم وتوجهه للملقط
فتح كسار الباب بهدوء يتلفت حوليه يدور على غرام يطمن قلبه ، شافها جالسة في المجلس الصغير وحولها البنات، واضح عليها علامات الإرهاق من ذبلان عيونها وبسمتها الخفيفة ، 
~المساء~
لحظة وصول مشاري نزل وضرب الباب بقوة واسرع كسار خطواته يشوف مين والبنات طلعو مصدومين، كان مشاري وجهه مشحون عصبية وخوف، اول مادخل شاف غرام عند باب المجلس
مشاري بصوت مبحوح : غرام انتِ بخير ؟
غرام:خالي مشاري
مشاري ضمها لصدره : قولي انش بخير
غرام:أنا هنا بس
مشاري ثبت راسها على صدره :- كابوس وانتهى اللي صار ما راح يكسرش مهما كان
غرام والغصة بحلقها : كنت أتمنى هالشي ... لكن اللي صار ما يروح بسهولة انا شفت ابوي يسلمني لمريض بيده ! يسمع صراخي ومارمشت عينه !
مشاري : انسسي اللي صار انا هنا أبوش، بنتتي انا وببس واللي يقول غير كذا جيبيه لي !
غلا :- لو سمحت ترى عندك بنتين غيرها وامي وينها ؟؟
ابتسمت غرام وسحبت نفسها وتقدمت لشريفة اول مادخلت حضنتها بدون ماتتكلم
شريفة :- الحمد لله على سلامتش ياروحي انتِ عددت على خير
ابتسمت غرام : عدت
طلعت لطيفة من المطبخ :- يمّه اشتققتت لش
حضنتها :- ياعييونني يالطووف انتِ لييت بعض الناس تتعلم ضمت ابوها ونست امها
غلا تقدمت تحضنها: وصلتني النحزة اسفين يالغاليه
مشاري :- وين سيف ؟
كسار : فوق من الصبح
مشاري :- روح ناده يجي المجلس
كسار :- ابشر
———-
دخلت شريفة مع البنات
اديم :- نوور البييت وين مشاري ؟
شريفة :- راح المجلس عند عمي ادرك مصيبته اكيد
مها :- وين اختفيتو الليله كلها !
شريفة :- لا تساليني خفت يرجع نفس اول ماتوفت خالتي الله يرحمها انهار علي
اديم :- الله يرحمها ومشاري كاتم بقلبه من اول ماجيتو وانفلت
مها : تاكدت الحين سيف على ابوه ١٠٠٪؜ اول مره اشوفه عصبي كذا
شريفة: ليت شفتوهم بالبيت اذا تناقشو اربط راسي ولا يخف الصداع
اديم :- ذي وراثة عندنا كلنا المهم الحين روحي ارتاحي وتعالي بعدها نتقهوى
شريفه : اعذريني ماني مشتهيه بكره على خير
~ وهي طالعه صادفت سيف
سيف قبل راس امه:- يمّه اخبارش ؟
شريفة :- انا بخير دامك انت وخواتك بخير
سيف :- بخير بوجودش ابوي شلونه ؟
شريفة :- بخير بس لا تتطاول معه اي شي يقوله تسويه
سيف :- ابشري لا تشيلين هم
_____
دخل المجلس وشاف الكل متواجد :- السلام عليكم
مشاري : وعليكم السلام ورحمة الله تعال عندي اشوف
تقدم سيف مستغرب :- امرني ؟
مشاري :- اعتذر من جدك على اللي قلته اليوم الصبح 
سيف :- بس ... انا
مشاري :- بدون ماتبسبس انا وجدك نعرف الموضوع من البدايه لنهاية لكن انا طلعت عن طوري
سيف :-ابشر بس اشوفه اعتذر منه
سعود :- ابوي بداره لا تطلع الا وانت مطيب خاطره وجاي معك
سيف :- ابشر
توجهه سيف لغرفة جده وطق الباب سمع جده يسلم دخل وهو ساكت جلس عند سجادته ينتظره يخلص ،
سيف :- جدي
ابو خالد :- اعرف وش بتقول ياولدي مايحتاج تكمل
سيف :- جدي اسمعني لنهاية تكفى
ابو خالد :- تكلم
سيف :- اعرف أني تطاولت معك واعتذر منك بس والله ماهان علي اشوف ابوي معصب وطالع وخواتي كاتمين البكيه
ابو خالد :- فاهم كل حرف تقوله ويشهد علي الله انك كبرت بعيني وقت شفت اهتمامك بخواتك كيف
سيف :- تسلم يبه بس لا تزعل مني والله اني غلطان ونادم
ابو خالد :- مقدر ازعل منك ولا من احد فيكم وانا ماجبتكم عندي الا من غلاكم
سيف :- الله يخلييك لنا ويديم لطفك علينا
ابو خالد :-اللهم امين يارب ومايفرق شملكم .
_____
عند البنات بالمجلس
غرام :- الحين كسار من جد يبيني !
ضحكت لطوف :- انتقلت صفة الفهاوة من غلاوي لغرام
ريوف :- مالومها انا نسيت ! كيف كذا مابين لي حبه قبل ؟
غلا :- هذا وانتِ محاميه ماعرفتي له !
غرام :- يمكن مايحبني بس يبي يحل المشكلة اللي صارت يعني بس عشان يحميني بالاصح
ريوف :- اخوي كسار بكبره ياخذ وحده عشان يحميها بس !
غلا :- ماتكلم الا بوسط السالفه ذا توقع
ريوف :- مستحيل يحبها من وهم صغار بس اذا قلت له يسكتني طلع هاايم من وراي
لطوف :- اللي يفكر بوحده مثل غرام ياححظه جمال ودلع وكل شي زين فيها
ابتسمت غرام :- ماتوقع صدقيني عشان كذا
فزت ريوف :- تتحديني اجيب لش دليل على حبه لش ؟
غرام :- دليل ؟ دليل وش !
وقفت ريوف :- انتظريني بس
غلا بحماس :- شكلهاا بتجيب لش برق
لطوف :- ذا اللي نبييه
غرام وهي تحاول تخفي توترها :- لا تخليني اندم اني تكلمت وارجع لسكوتي !
ريوف بثقه :- تطمني ماحد بيدري انك انتِ اللي تكلمتي
غلا :- اصلاً واضح يحبها من بعد البقاله والسياره والعزبه ووقفته قدام الكل انه يبيها وهي باقي تنكر !
لطوف :- اول مره غلاوي تشغل مخهها هي فهمت وانتِ باقي !
غرام :- خلاص قومو عني بنام
ريوف ضحكت :- يااززييننن البنات اللي يستحوون ياناااس
رمتها غرام بالمنديل :- سكري الباب وراك .
ضحكو وطلعو يتجهون لتحت عند العيال
غرام :- انتو روحو المطبخ جهزو لنا فعاليات التحقيق وانا بروح للمتهم كسار
غلا :- بدت تنفذ مهنتها ههههههه
ريوف بتفاخر :- اكيد وبتشوفين
———
سعود يكلم بالجوال :- تعال بعد دوامك خل سهرتك اليوم عندنا
سلطان:- خوفي عمي يجلدنا كلنا
ضحك سعود :- تعال وماعليك ابوي تاركنا ذا الاسبوع على كيف كيفنا لو صوتنا يوصل لاخر حارة
سلطان :- بس جاييكم
سعود :- حياك الله وجب اختك معك ... يعني قصدي مع البنات
سلطان :- الله يحيك وعلى خير ان شاء الله
سعود:- فمان الله
صادفت ريوف هياف بالممر :- ناد لي كسار
هياف :- خدام عندش تامريني كذا !
ريوف :- لو سمحت ناده لي ابيه الحين
هياف :- ايه تعلمي الادب
ريوف :-نننن لين تتعلم انت
هياف :-ربي بلاني ببزر طسي هناك ويجيك
ريوف مسكتت خصرها واستندت على الجدار :-ماني متحركه قبل مايجي
هياف صد عنها :- استغفر الله ربي العظيم واتوب اليه الله يصبرنيي
ريوف بستهزاء :- امين ويصبرني على وجهك ٢٤س بوجهي
طنشها هياف ودخل المجلس :- كسار اختك تبيك بره
سيف :- الله يجيرنا من شرها
كسار رمى عليه سبحته :- احترم نفسك
سيف رفع يده :- اسفين حقك علينا
نياف :- جباان ذا الادمي يرمي كلمته ويسحبها
سيف :- تبي اوريك الجبان وش يسوي ؟
سعود :- بدييناا
نياف :- لا نمزح مع بعض
سعود :-ايه اكبر انت وهو
طلع كسار لريوف :- وش عندك من سالفه اليوم ؟
ريوف اشرت له بصبعها :- الحقني الغرفة
كسار :- اخذي طريق
ريوف:-مافيه احد بالمطبخ كلهم
كسار :- غرام تعبانه وش ينزلها المطبخ !
ريوف بغمزة:غرام نايمه وذا موضوعنا
كسار :- شقصدش؟
ريوف :- سكر الباب وراك واجلس مقابلني
كسار :- زودتيها تبين الكم وجهش
ريوف بجرأة:- انت تحب غرام صدق ؟
———
عطوني توقعاتكم للبارت الجديد🌚
انستا : @lv5_x3
تيك :- lv5_x3