بشروني عنك ما يدرون عني مادروا باللي شغل فكري وظني

20

صعد نياف عند غرام :- غرام يابوي انتِ انزلي خلاص
غرام :- ماابي
نياف :- وليه ! اللي صار صار انسي وانزلي هدت الاوضاع بينهم
غرام :- بس هياف للحين معصب مني
نياف :- اكيد لا ويعتذر منش ويوعدش مايعيد غلطته
غرام :- متاكد الكلام منه ؟
نياف :- اي والله وكسار بداره ماهو تحت انزلي وعيني من الله خير
غرام :- ابشر بس اضبط شكلي
نياف :- مايحتاج دامك اخت نياف حلوه بدون شي
غرام :- ياعيني على الثقه الزاييده
ضحك نياف :-انا اقول عجلي علينا
غرام :- انزل والحقك شويات بس
نسرع الاحداث شوي نزلت غرام للمطبخ تساعدهم وهي متوتره من نظرات ريوف لها كل شوي لكن قاطع حبل افكار صوت غلا :- الحين يجي واحد منهم ويقول السلطة مالحه بنتفه بسنوني
لطوف :- عاد انتِ عندك علاقه حب مع الملح
غلا:- قللته عشانكم كنكم تستاهلون !
ريوف :- الحين اول مانحط السفره ونجلس تبدا تقيم الاطباق الغثيثه
غرام :- تراهنوني خالي سعود و سيف اول من يتكلم ؟
ريوف :- طبعاً لا بيكون اولهم اخوش
غرام :- نشووف بس يلا قدامي لا تاخرونا وامي تسفل فيني انا
اديم :- سمعتش خلال ربع ساعه ماتكون السفره بالمجلس الكبير جاهزه ياويلكم !
تراكضو البنات بالترتيب وخلصو باقل من ربع ساعه والتمو كلهم حولين السفره
غلا :- نياف صب لي ماء من جنبك
نياف :- كم تدفعين ؟
غلا رفعت الملعقة بوجهه:-شوف عاد ماتعبت من قبل كثر تعب اليوم لا تخليني اطلع حرتي فيك
نياف :- اعوذ بالله ! خذي الماي كله وسكتي
غلا:- اي تادب
ضرب ابو خالد عصاته :- بس عاد اسكتو واحترمو النعمه
غلا:- ان شاء الله سكتت
ابتسم وناظر بكسار وشافه ماهو حولهم :- كسار يبه فيك شي ؟
كسار :- لا بس شبعان
سعود :- اممم من طابخ الايدام ؟
لطيفه :- انا ليه ؟
سعود :- احلفي ! تطورتي لكن باقي لك كثير توصلين لي
ريوف :- لمتى مصدق نفسك انك شيف ؟
سعود :- طرق من ورى خشمج
غلا:- اجل الغذا بكره عليكم احنا ماراح ندخل المطبخ
سيف :- ما يحتاج ندخل المطبخ عندنا شغلة اصعب
غرام :-وشهي ان شاء الله ؟
سيف بكل ثقه :-التذوق
غرام :-عشتو وش رايك يالمتذوق بسفرة اليوم ؟
سيف :- مقبوله
غرام :-كل ذا ومقبوله!!
كسار :- كلشي زين بس مايحمدون ربهم
التفتت غرام عليه ورجعت نظرها لصحنها قاطعت السكوت ريوف :- ليتهم نفسك !
سيف :-تبينا زي اخوش ياكل حتى المحروق ويقول لذيذ عشانكم ؟
ريوف :-اسمه جبرر خاطر
كسار :- جدي ابيك بموضوع
الجد علي ابو خالد:- خير ان شاء الله شعندك ؟
فهم نياف مقصده وابتسم متاكد من اللي بيقوله
كسار :-خير ياجدي خير ... انا قلت قدام الكل وارجع اقول اني اطلب يد غرام منك
كان كلامه صدمه للجميع وردات الفعل اختلفت ونظرات اديم لغرام متجمده مكانها من الصدمة
الجد علي ابو خالد :-والنعم فيك يا كسار ومافيه احسن منك لغرام لكن القرار مب بس لي انا عندك امها واخوانها
انتقلت نظرات الكل لـ اديم تكلمت بهدوء:-غرام بنتي وسعادتها اهم شي بالدنيا اذا هي موافقه فـ انا موافقه
غرام رفعت نظراتها لنياف حرك راسه بمعنى موافق ورجعت نظرها لهياف اللي ابتسم اول ماشاف نظرتها له تكلمت بتلعثم :- اللي يشوفه هياف انا موافقه عليه ، وطلعت مباشرة لغرفتها وهي متلخبطة المشاعر
غمز نياف لهياف :- كنت تتمنى اللحظه يا اخوي الكبير
ابتسم هياف :- الله يقدم اللي فيه الخير خلوني اجلس معاها وارد لكم الخبر
ابتسم كسار براحه وكانه شايل حمل ثقيل على ظهره
خالد :- دقيقه الحين ولدي اللي تكلم ولا اذوني فيها شي
ضحك مشاري :-ولدك ولدك خطب غرام قدامك بعد
استوعب كسار أنه مااعطى ابوه ولا امه علم :- يبه اعذرني
خالد:- معذور ياولدي دامها غرام بنت الغاليه
زفرت مها :-كنت شايله هم وانزاح غرام مافيه مثلها
ريوف :- اخييراً نطقتها ! بطييت كبدي
كسار ابتسم :- مستعجلين انتو واجد ماسمعنا ردها للحين اما انا استاذنكم بطلع لي كم يوم وراجع
الجد علي :- وين على الله ؟
كسار :- بروح لدوامي انقل لمنطقة اقرب من هنا
مشاري :- الله يوفقك ويفتحها بوجهك
كسار :- امين يارب
مها :- يمه تبي اسوي لك شي تاخذه معك ؟
كسار :- لا امشي اموري بخفايف
مها :- استودعتك الله
كسار نزل على ريوف :- ان وافقت ارسلي علي وفرحيني
ريوف لمته :- الله يقدم اللي فيه الخير طمني عليك لا تقطع عني
كسار :- ابشري ، مشى يسلم على جده ويودع الباقي
اما عند غرام ماصدقت اللي صار وقلبها كان بيطلع من خفقانها صعدو لها البنات
غلا :- وحليل اللي كبرو وانخطبو !
غرام :-سكتي للحين مااستوعبت انا
ريوف :-سمعيني ردك بسرعه
غرام :-ريوف كلشي صار من ورى راسچ لا توتريني اكثر
لطيفه مسحت عليها :-مافيه شي بيضغط عليش فكري على كيفش ماهو مستعجل بينشغل بدوامه
غرام :-دوامه ؟ ليه وين هو
غمرت ريوف :-شالت هم حبيب القلب
غرام :-سكتوها عني ذي بتجلطني
ابتسمت ريوف :- امزح معش عسكري ودوامه ماهو حولنا
غلا:-هو عسكري واحته محاميه ومرته دكتورة المستقبل الله على العايله الفنانه !
غرام:-طلعوو عني كلكم خلوني افكر
تمايعت ريوف وهي طالعه:-حبيب القلب يقول ردي عليه بسرعه ملهوف
عصبت غرام ورمت مخدتها تجاهها وتصادفت مع هياف :- شبلاكم مجننين خيتي ؟
ريوف :-خيتك بعد فتره بتصير حرمة اخوي
هياف :-ويمكن ماتصير انزلو بس
كشرت ريووف بوجهه :-فال الشر ذا
ابتسم وهو يسمع كلامها ودخل على غرام :- غرام فاضيه ؟
وقفت غرام :-اي سم امرني ؟
هياف :- ما يأمر عليك عدو بتكلم معك بموضوع
غرام :-هياف اللي تشوفه انا راضيه فيه
هياف :-غرام عيني سامحيني ماكنت المفروض اشك فيك لكن جنت جنوني
حضنت غرام هياف:- هيوف خلاص
هياف :- غرام تكفين سامحيني
غرام :- مسامحتك يانظر عيني انت ابوي قبل اخوي وشلون ازعل عليك ؟
نزلت دموع هياف :- بنيتي اللي كبرت وانخطبت وبتعرس قبلي
ضحكت غرام :- هيوف انت تصيح !
لف وجهه هياف :- انا ؟؟ لا حساسيتي
غرام :- حساسيتك اجل ؟
هياف :- ماهو وقته نرجع للجد انتِ تبين كسار ؟
غرام ابتعدت عن هياف وشبكت يدينها بتوتر :- معرف
هياف :- غرام عندك المده اللي تبينها تفكرين فيها صلي استخاره الليله وردي لي خبر قبل غيري
غرام :- ان شاء الله بس اتركني افكر قبل خلص دور البنات جاء دورك وبعدك امي ونياف ونرجع للبنات مستحيل تخلوني افكر
ضحك هياف :- لا تشيلين هم كسار خوش رجال ومايعيبه شي عشان ترفضينه بس كل شي قسمه و نصيب فكري قبل ماتاخذين قرارك وصلي مثل ماقلت لك
غرام :- ابشر دعواتك لي
هياف :-ربي يوفقك ويسعدك ويقدم لك اللي فيه الخير واشوف بناتك حلوين زيك
خجلت غرام :- هياف !!
ابتسم هياف وتقدم بيطلع ، طلع هياف من عندها وهو متوقع موافقتها صادف ريوف نازله :- اقولش شي ؟ الله يعين غرام عليش
ريوف كشرت بوجهه :- اولاً ماسمحت لك تقول شي ثانياً غرام. بتفتك منك ومن تكبيرك لسوالف
هياف :- انا اكبر المواضيع! انا اهتم لها مثل بنتي قبل اختي
ريوف :- اهتمامك الزايد يخوفها منك
هياف :- هههههه مستحيل غرام تلجأ لي قبل لغيري ياويلش تخربينها بس تصير عندكم
ريوف وهي نازله :- الله يعيني انا عليكم !
غلا :- تكلمي من انتِ استخفيتي ؟
ريوف :- هياف الخبل فوق يتحارش معي
غلا :- متاكده هو اللي بدا ؟
ضحكت ريوف :- ذي المره صدق هو اللي بدا
لطوف :- اتركو عنكم هياف وكتبو وش تبون عشاء من بره
غلا :- الظاهر اثرتي بسيوف
لطوف:- مره والدليل هو اللي مرسل علي
دخلت اديم عليهم :- غرام ماهي معكم ؟
ريوف :- لا حبست نفسها تفكر بالحُب وتتغلى علينا
اديم :- ريوف ! استحي شوي
ريوف :- ابشري
لطيفة :- ياعمه هي مب قصدها شي بس تعرفين لسانها مفلوت
اديم :- اعرفها زين بس لاحد يسمعها
نسرع الاحداث شوي بعد العشاء تجمعو كلهم لكن غرام كانت شارده بعالم ثاني عنهم قاطع حبل افكارها خالد يمازح الموجودين :- لو تخلينا نهون على كسار تعب شغله بموافقتها وتفرح قلوبنا
التفتت غرام عليهم :- ها ! مين ؟
ضحك عليها خالد :- اقول وش ردك يابنتي ؟
غرام بتلعثم :- مدري
مشاري :- وشلون ماتدرين ؟
الجد علي :- لا تضغطون عليها وخلوها براحتها كسار مطول
ريوف :- جدي ! بس احنا نبي نفرح ونسوي لنا فعاليات
هياف :- الحين ذي وش يسكتها
ريوف :- عمه شوفي ولدش !
غرام فزت :-بصعد داري تامرون على شي ؟
ضحكت غلا :- هربت العروس
غرام رفعت صبعها تهددها وكملت طريقها ، الجد علي :-لا اشوف احد فيكم مجننها كم حرف تحدد مصيرها طول عمرها خلوها على راحتها
شريفه:-الله يوفقها ويكتب لها اللي فيه الخير
رد الكل بامين
سيف :- الحين غرام تتزوج وانتو لا يافشيلتي فيكم
هياف :- انا بزوجهم تالي بتزوج
ريوف :- عشتو انت من بترضى فيك
مها فلصتها :- بلعي لسانش
ريوف :- يمه !
مها :- معليك منها كل البنات تتمناك
ريوف :- انا مب من ضمنهم نقصي وحده
هياف :- انا ابي افهم على وش انتِ رافعه خشمچ ؟
خالد :- بس عاد انتو كل شوي تهاوشتو احترمو عمركم واللي حولكم
نياف :- ماعلينا بعد ماتتزوج غرام تبدون فيني اول واحد انا ابي اعرس
اديم :- انت اذا عقلت زوجتك مافيه امل السنه ذي
نياف :- يمه ! وش ناقصني
اديم :- ناقصك تمسك فلسك وتعقل
غلا :- يمسك فلوسه ممكن لكن يعقل مستحيل احنا عايله مكتوب علينا ذهاب العقل محشومين طبعاً انتو بس احفادكم مافيهم عقول وانا معهم
نياف :- عجبتيني انش اعترفتي مافيش عقل
الجد علي :- بسكم مناقره وقومو خمدو جت عشر
ريوف :- للحين نظام العسكر يمشي علينا ترى انا ريوف مب كسار
هياف :- لولا هل نظام انتهي منتهيه طول اليوم
ريوف :- تكلم نائب القائد والله هل بيت سجن كبير
هياف :- السجن ذا هو اللي حاميش وساتر عليش
الجد :- الخيزرانه للحين موجوده ترى
فز سيف :- والله للحين معلمه على ظهري بنام انا بالملقط
وقف نياف :- خذني معك مب ناقصني جدي وهياف اثنين على ظهري المسكين
ضحك مشاري عليهم :- والله صدقتي ياغلا مافيهم عقول
بدأت انوار البيت تنخفض والهدوء عم المكان كل واحد بغرفته يحاول ينام اما عند غرام اللي كانت متوضيه وفارشه سجادتها بتصلي استخاره وتردد :- يارب اذا كان لي خير بهذا الزواج تمم لي على خير ويكون لي خير الزوج واكون له خير الزوجة .