بشروني عنك ما يدرون عني مادروا باللي شغل فكري وظني

Part 15

- عند مركز الشرط
كسار :- بقدمم بلاغ خطف الان تنفذ العمليه
الضابط :- وش دليل خطفك ؟
كسار رمى جواله عليه :- شف الرسايل واسمع التسجيل والموقع قداامك بدوون الاسئله ذي وبعدها اسئل اللي بتسأل بس لازم انقذ غرام
امر الضابط المباشره بالحالة وتقدم معهم كسار
——-
اديم :- تكففوننن سوو شيي ينقذ غرام والله بموت مكانني بدونها
سعود :- راح كساار مارح يرجع الا وهي مععه
هياف :- نادوا لي رييوف الحيين
نياف :- اذكر ربك وش دخلها هي ؟
دخلت عليهم ريوف وهي ساكته تقدم لها هياف :- برفع قضية وابيش تمسكينها انتِ
انصدم نياف منه :- صاحي انت ؟؟ ماسمعت جدي وش يقول ؟؟
هياف بعصبية :- مالي دخل لا فيه ولا فيكم ماراح اجلس بدون مااسوي شي هنا الان نبدي سامعتنيي ؟؟
ريوف اول مره تشوف عصبيته عليها :- لكن نحتاج إجراءات قبل كلشيء
تقدم لها باندفاع :- كلشي تبينه بيكون تحت يدينش من فلوس من ادله من كلشي لو جثتي !
ريوف :- مابي لا فلوس ولا جثث احد ابي ملفها الصحي وكلشي عاشته من بعد وفاة عمتي للان
هياف :- امشي قدامي للمستشفى طلعي ملفها ونقدم البلاغ مره وحده
لكن سرعان ماجاهم اتصال من كسار :- حصلتها وراجع فيها
سيف :- كسار يقول حصل مكان غرام
اديم سجدت تشكر ربها والبنات يهدونها ، شريفه :- شفتي ذكري الله مافيها الا كل خير دامه بيجيبها معه
اديم :- خفت افقدها ماعندي الا هي بنيتي وقططعة مني
مها :- بترجع بحضنش بس انتظري مسافة الطرييق
_______
عند الشرطه وصلوا بيت متعب باشروا المهمه بسرية خوفاً من هروبهم او تهريب غرام بالتحديد وكسار كان بين ضابطين من تهوره
متعب :- بااي حق تداهمون بيتي عشان بنتي عندي !!
الضابط :- بلاغ بتهمة خطف وتعنيف وحبس بنتك
متعب :- قلتها بنتتي من حقي اخليها عندي
لكن كسار :- منن حقك تعوضها على السنين اللي تركتها فيهاا لكن الان ترجعها وتعنفها !
اما عمار اول ماحس بالمداهمه توجهه للغرفة اللي فيها غرام :- يابنت ال**** والله اخذ حقي منك قبل ياخذونك
غرام وهي ماسكه قزاز المرايه :- ماتمس شعره منيي لو على جثتي والله 
عمار سحب حزامه وبدا يضربها فيه:- بتشوفين كييف باخذ حقي منك وكييف بتعيشين حياتك كلها معي بجحييم  غصب عنك وباخذك احبسك مثثل الطير بدون جنحانن كل يوم بحرق قللبك اكثر
بدت غرام تصرخ منّ الوجع وسمعها كسار وبدا يركض بتجاه الصوت وشاف قسم منعزل تاكد انها فيه واول مادخل وشافه يضربها :- بععد يدك عنها يابن الكلب ، وقف عمار للحظة وسحبها من شعرها يناظر بعيونها :- ذا اللي تبينه وتموتين فيه لدرجه ماتبيني اقرب منك عشانه ؟ ، درفت دموع غرام بدون ماتتكلم سرعان ماشافت كسار مسرع حولها وسحبها لوراه وانهال بالضرب على عمار :- والله لا اندمك عيشتك كلهاا تحسب نفسك رجال كذا يالرخمه
تدخلوا الضباط يفكون عمار من بين كسار قبل مايخلص عليه وانتهت الليله بانه يكون عمار ومتعب بالسجن وغرام بالمستشفى ومعها كسار
_______
مها :- خالد اتصل على كسار من ساعتين ومايرد ليكون صار فيهم شي !
خالد :- اذكروا الله لا تفاولون بالشر
و اديم انهارت بكاء من جديد عطوها مسكنات تنومها تخفف عنها ظلت لطوف بغرفتها جنبها والبنات بحالة انهيار اما سيف حاير بامره مابين سلطة جده عليه ومابين خوفه على كسار وغرام ومشاري للان يلوم ابوه على موافقته تروح معه وخالد يحاول يسكته لكن كل ماهدت الاوضاع شوي رجع يرمي اللوم ويبدا بالصراخ من جد وجديد
ابو خالد :- انا ماسمحت لها الا اني اعرف لو يجون الشرطه مستحيل بناخذها من جديد
مشاري :- كييف مستحيل عندنا كلشي يثبت ضدده
ابو خالد :- وصايية البنت تكون لابوها ماراح يرضى ناخذها بسهوله وكذا بتكون عنده طول الفتره
مشاري طلع وهو يشتم بالكل :- بطلع ولاني راجع الا بعد مااسمع صوت غرام بذا البيت لو على جثتي ماادخله بدونهاا
شريفه حاولت تمنعه :- اذا كنت بتروح بنروح معك كلنا
ابو خالد ضرب عصاته بالارض :- احفادي مايطلعون من ذا البيت
صنمت شريفه بمكانها لكن ماهان عليها يروح مشاري بذا الغضب بروحه :- انا بروح وانتوا خلكم هنا
سيف كان يحاول يروح مع ابوه لكن سلطة جده اقوى عليه اما غلا ماستوعبت اللي صار وركضت ورى المجلس لاحظ نياف طلعوها ولحقها شافها بوضع يرثى له منهاره تبكي وتحاول تتماسك تقدم نياف يسندها :- سمي بالله واهدي ماصار شي
غلا :- كيف ماصار شي والكل تفكك من ذا البيت حتى ابوي وامي تركوني هنا وغرام ماندري هي عايشه ولا
نياف قاطعها :- بيرجعون حتى غرام بترجع بس سكتي وهدي من روعتش كلهم بخير بنرجع نفس قبل وافضل ، كسر مخاوفه وضمها يمسح على راسها وهي تجمدت مكانها تفهم توترها وسحبها تدخل عندهم
——
كسار :- اقدر اخذها الحين ؟
الدكتوره :- اي لكن الصدمه اللي جتها اثرت عليها كثير وجسمها مليان كدمات ورضوض انتبهوا عليها
كسار :- تصرفين لها مسكنات ؟ ممكن تتالم اول مايخف المسكن منها
الدكتوره :- بصرف لها لكن لا تعطونها الا لضروره القسوة
كسار :- طيب ، احتاج تقرير بكل رضه لو انها بسيطه لو اثر احمرار بس تكتبينه الان
الدكتوره ابتسمت :- كلشي كتبته وبعطيك نسخه منه بعد ماتوقع اوراق الخروج ، تقدم يدخل كسار عند غرام واكتشف انها نامت بعد خصلات شعرها عن وجهها وفزت تتبعد ، كسار :- بسم الله عليش اهدي ذا انا كسار
غرام :- لا تقرب مني ماابي احد يقرب منيي
تبعد كسار متفهم وضعها :- اهدي الان وماراح اقرب تطمني جلس قبالها وانتظر تهدي شوي ، بعد دقايق مسك يدها وارتجفت تحاول تبعد لكن هو كان راص على يدها وتمسك فيها :- اسمعيني قبل تسحبين يدش ، هزرت راسها بخوف وكمل حديثه :- اول مانرجع ترتاحين ونكتب كتابنا رسمي
غرام انهارت تبكي :- بس انا ماابي ! ماني مستعده لشي كذا كيف تقرر عني وقدام الكل !
كسار :- بس نكتب كتابنا وماراح اقرب منك لو شهور الزواج على كيفش
نفت غرام :- ماابي لا عقد ولا زواج
كسار عدل جلسته :- بتزوجش عشان اسمش يكون تبع اسمي واقدر احميش حتى من ابوش! ماندري متى يطلع وايش يسوي بحميش منهم اوعدش اني اصونش ولا اتسبب باذيه لش لو على جثتي حتى مني مستحيل
سكتت غرام وهو قام يوقع اوراق خروجها وساعدتها الممرضه تمشي لسياره وركبها كسار كان السكوت غالب عليهم وبس يسمعون نفس بعض غرام قطعت السكوت :- موافقه
وقف كسار من الصدمه ولف عليها :- وش قلتي ؟؟
غرام :- اتوقع سمعت مايحتاج اعيد
كسار يتحايل:- سمعت موافقه بس على ايش ؟
غرام :- على زواجنا 
ابتسم من سمع " زواجنا " :- الليله قولي تم
غرام :- معصيه ورجعت غمضت عينها
ابتسم يكمل طريقه ، واول ماوصلوا البيت استقبلهم نياف وتقدم ينزل غرام اول ماشاف وضعها نزلت دموعه وبدا يسمي عليها وغرام تقدمت لحضنه وغمضت عيونها ، ركضت اديم وهي متاكده انهم كسار و غرام حضنتها بقوه وكانت تتأوه الم لكن ماحست لها من فرحتها فيها
كسار :- عمه انتبهي تراش تعورينها
تبعدت اديم للحظه وشافت اثر الضرب وانهارت تبكي:- سامحيني ماقدرت اكون حضن لش سامحيني يمّه ، درفت دموع غرام بدون ماتتكلم تقدم لها خالد يضمها :- اوعدش تكونين بين رمش عيونا ومحد يمسچ بمكروه اعتبري اللي صار نهاية كلشيء وابدي حياتك من ذي اللحظه ، اكتفت غرام بالصمت تحت تاثير الصدمه وبدت تتلفت حوليها فاقده هياف وجدها وبداخلها تدعي اذا كان حلم اللي صار لها تصحى منه باسرع وقت ممكن صعدها نياف واديم غرفتها وتجمعوا عليها البنات تطمنت اديم الكل حولها ودخلت مجلس غرام تجهزه عشان تغير نفسيتها فيه .
غلا :- كذا انتِ مرتاحه ؟ ، هزت راسها غرام بمعنى اي
لطوف :- كسر الله يدينه كيف ابو يسوي ببنته كذا !
ريوف :- هياف بيرفع القضيه وبندمه على كلشي سواه وكان مفكر يسويه
اخيراً غرام قطعت الصمت :- وين هياف ؟