اليوم ثاني العصر بعد ماجهزو البنات عشان يروحون الصالون يتزينون كانت غرام بغرفتها منسدحه محرصه اديم على كسار ماتقوم ، غرام :- على الاقل يجيبون لي وحده تضبطني !
كسار :- ليه يجيبون لش وحده وعندش كسار ؟
ضحكت غرام :- لا تقولها
سحب كسار شنطة ميكبها :- قلتها وخلصت
غرام وهي تضحك :- جيبه وانا احط لي
كسار :- حلفت عليش انا
غرام بلعت ضحكتها :- كسار تراه زواج ماهو لعبه
كسار :- ماعليش حطي ثقتش فيني
غرام :- طيب بالدرج فيه مرطبات طلعهم
كسار :- كل ذا بتحطينه !!
ابتسمت غرام :- احط ثقتي فيك ؟
تلعثم كسار :- الموضوع صعب شوي بس نجرب
غرام :- كدينا خير على قول سعود
ضحك كسار:- بتشوفين الحين بحط لش بس خفيف
غرام :- اخف شي حطه
كسار :- خلينا نتفق انتِ علميني وين يحطون وانا احط
غرام :- اي شي وهو بيطير بالنهايه
كسار :- والله لو تمسحيه نتهاوش
غرام :- طلع الفونديشن والكونسيلر والبلشر
كسار :- لحظه لحظه وش الشعوذه ذي ! طلعيهم انتِ انا وش عرفني
ضحكت غرام :- اعترفت يعني قوم وخلني اتمكيج براحتي
كسار :- انا احط وانتِ عدلي
استسلمت غرام وهي تضحك :- طيب امري لله !
بدا كسار يحط لها بتركيز وغرام كل شوي بعدت وجهها تضحك ، كسار :- بنت ثبتي اذا خرب قولي مني !
ضحكت غرام وثبتت جوالها تصور كسار كيف مركز ورفعت توريه :- تلومني ليه اضحك شوف وجهك كيف !
ضحكت كسار وياها :- ذا لاني مركز شوفي بالله مو حلو ؟
رفعت المرايه تشوف :- امم مقبول يبي له تعديل انتهى دورك وجاء دوري
كسار :- ترى وقت نفاسچ مافي غيري يمكيج فيش
ابتسمت غرام :- امزح مضبوط تفهم الدروس بسرعه بس هات الشنطه برسم حواجبي
كسار :- انا ارسمهم
غرام :- هونت ابيهم طبيعين ميكب نو ميكب بس جل
كسار :- الجل نفسه اللي نحطه بالشعر ؟
غرام :- افتحه وشوف يحطون بالطرف بس
كسار :- الموضوع سهل
غرام سحبته من يده :- جيب فستاني وثوبك ابخرهم وانتهت مهمتك
كسار :- زين ام حواجب
غرام رفعت القلم :- شوف عاد
كسار رفع يدينه :- امزح والله ببخرهم انا حتى
ضحكت غرام وكملت رسم حواجبها فتحت السناب وشافت البنات يصورون ستريك رسلت لهم مقطع كسار وهو يمكيجها وكتبت " ابو نوره يعوضني بدل خيانتكم "
فتحو البنات الستريك وانفجرو ضحك كل وحده ناظرت الثانيه وفهمو كتبت غلا :- اخيراً شفت احد وجهه يفهي اكثر مني
ريوف :-يبدو إن كسار طايح على وجهه وامي ماسمت عليه
غرام :- ولا جالس يبخر ثوبه وفستاني شفتو الدلع ؟
لطيفه :- شفنا بس لا تتعودين
ريوف :- ترى خلصنا شويات ونكون عندش
غرام :- اي تكفين تعبت وانا على ذا السرير اول ماتوصلون خذو عفشكم ونروح علطول
غلا :- تم نصور فلوقات وفعاليات
غرام :- البنات بيوصلون بعد شوي وعلطول بنروح
كسار :- من قال بتروحين ؟ شايفه الساعه الحين خلش مرتاحه
غرام :- زهقت افهمنني
كسار :- بتنقص من ساعات الليل بعد الزفه علطول تمشين
تأففت غرام :- خلاص هونت
كسار :- اي خلش عاقله كذا بنزل اشوف تجهيزات العيال وراجع لا اشوفش هنا ولا هنا
غرام :- اطلع هنا وبنام هنا
طلع كسار للعيال وهي رجعت تكلم البنات بعد صلاة المغرب صعد عندها :- الحين قومي نروح
غرام :- اخييراً ماصارت
ابتسم كسار وحط عندها عبايتها واخذ شنطتها :- بنزلها قبل واجي اسندش لا تنزلين بروحش
غرام :- خلاص والله خف الالم بس اعدل ظهري
كسار :- لا
غرام :- طيب
كسار :- شاطره ولا تتعطرين متجمعين العيال كلهم عندنا تغطي مره وحده
غرام :- ابي اغراض من المطبخ
كسار :- مب تحصلينهم تلاقين يا عمتي شالتهم وياها ولا اخوش الدب بلعهم
غرام :- لا تقول عن نيافوه دب لو سمحت اضعف منك
ناظر كسار نفسه :- ذا انتفاخ من الطعنه
ضحكت غرام :- سبب غير مقنع
ضرب كسار بطنه :- الرجال هيبته ببطنه وبعد يقولون مرته توكله
ابتسمت غرام :- الاولى لا تصدقها الثانيه صدقها
ابتسم كسار وهو ينزل اغراضها ورجع يسندها تنزل صادفها نايف :- تبون معين
غرام :- كل ذا على شقفة نزيف لو اولد شبتسون ؟
نياف :- وطي صوتش فيه عيال هنا
تأففت غرام :- من ذول ؟
كسار :- لا تطولين المسافه بالكلام نزلي يلا
نياف :- كل الاوادم هنا
غرام :- مالي شغل فيكم نزلوني بسرعه ودوني ملييتت
مسك نياف جنبها الثاني يسندها :- انتبهي لنفسچ هناك ولا تطاوعين البنات تترقصين ترى نبي بنتنا سليمه بدون ارتجاج
ضحكت غرام :- لو فيني حيل والله رقصت وخلوها تجي مرجوجه
كسار :- استغفري ربش وياويلش تسوينها
رفعت يدها على بطنها :- مدري وقت نوروه غلط ولا زواج سعود !
ضحك كسار :- لا ذا ولا ذا جنونك الغلط
نياف :- اول مره اتفق مع ذا
طلعو لسياره وتوهقت غرام :- ماتحس سيارتك رفيعه شوي ؟
كسار :- ليه ؟
نياف :- يالفاهي ماهي قادره اخذ سيارتي وهات مفتاحك
كسار :- شرايكم نكنسل الروحه
غرام :- خلاص اقدر
كسار :- امزح صبري اجيبها بس
ابتسمت غرام :- من اول كذا
ضحك نياف وتاكد انها ركبت بسهوله :- اذا وصلتي رسلي علي
غرام :- من عيوني تم
كسار :- اخذ دوري ذا
ضحكت غرام :- هذا وهو مادرى وش قلت عنه
كسار :- سكتي بالله قبل م ياكلني
ضحكت غرام ووصلها القاعه ارسل على ريوف تاخذها من عند الباب خذتها ودخلتها غرفة تضبط نفسها للحظه وبس طلعت التمو عليها يمدحونها اما ريوف كانت منتبهه لها من كل النواحي ، لمحت اديم وراحت عندها :- شرايش يمه
ابتسمت اديم :- قممرررييي
ضحكت غرام :- بروح عند البنات بس الحريم واجد وش يسلم عليهم !
شريفه :- تعالي مسكي ريوف وانا وراش بسندش لين طاولتهم لو بغيتي شي طرشي لي غلا بس
فلصت غرام خدود شريفه بخفه :- على قلبييي خاله شروف
ضحكت شريفه :- امشي بس قدامي
اديم :- انتبهي لا تطيحين ولا تصدمين بوحده
غرام :- ماعليش دام معي خاله شروف الامور وانا تحت السيطره
ضحكت ريوف ومشوها عند طاولتهم وجلسو البنات يمدحون فيها ويسولفون للحظات وكل شوي تناظرها وحده وتجيها تسلم عليها او تسال فيها ، غلا :- الحين ذول كلهم يعرفونش !
غرام :- نسيتي اني بنت اديم ؟ وكل عصريه عندنا مرسبنين
ضحكت لطيفه :- الله يعينش صدق كيف يحشرون نفسهم ويتشرهون
ضحكت غرام :- ذا ولاشي صبرو يتجمعون ويحشون
ريوف :- خليهم يفكرون يتكلمون عن مرت اخوي بطير شعورهم
ضحكت غلا :- لايق عليش الدور
تذكرت غرام نياف :- غلوي جوالش معش ؟
غلا :- ايه ليه ؟
غرام :- دقي على نياف خليني اكلمه
غلا :- شعندكم من وراي ؟
غرام :- ابد اخوي وخايف علي بس جوالي مدري وينه
ريوف طلعته :- عندي ياحظي
غرام :- خلاص انا اكلمه من عندي
كشرت غلا :- احسن مب اخسر رصيدي
ريوف :- وانتِ مب لايق عليش دور الغيوره
ضحكت لطيفه :- ليت اسويكم فلم والله انجح
التفتت ريوف لها :- وانتِ متى تبين نفرح فيش ؟
لطيفه قامت :- بروح عند امي وخالاتي
ضحكت ريوف من تهربها :- مب طبيعيه ذي البنت
وقفت غلا:- قومو نرقص
فزت ريوف :- موافقه
غرام :- رقصي على الهادي مو نفس ذيك المره
ريوف :- توبه ذا بيكون خاص فينا ولجوجي
ضحكت غلا :- وصخهه
ريوف رفعت يدينها :- قلت الصدق
غرام :- روحي روحي الله يستر عليش انا بجلس مع بنتي نتصارع هنا
ضحكت ريوف واشرت على لطيفه ترجع :- جتش لطوف
جتهم لطيفه :- اقول نزلو ام ملاذ تقول بتزفها الحين عشان عماتها وراهم طريق
غلا :- الحين !!
لطيفه :- اي تقول سلطان ولدها بيتفاهم مع الرجال ويجيبون سعود وياها
ابتسمت غرام :- جيبو لي كولونيا بيغمى علي من الثنائي الجديد
ضحكت لطيفه :- على كلامها بتزف سعود وملاذ بنفس الوقت
ريوف :- اختصرت الليله كلها يلا احسن عشان نترقص بكيفنا
غرام :- لا مستحيل بروح اتفاهم وياها
ريوف :- هجدي اقول
غرام :- سعود المفروض خوالي والعيال يزفونه تالي يطلعون ويدخلون ملاذ شفيكم !
لطيفه :- معاش حق
غرام مدت يدها:- عاونيني لطيفوه
لطيفه :- اي صح تخيلي كل شوي يسالون ذي حملت ولا باقي !
كشرت غرام وجهها :- مين ؟
ضحكت غلا :- هذا وهو ماكبر بطنها كذا
لطيفه :- اللي بالبدايه جالسين اتوقع شفتيهم اول ماجيتي
غرام :- لا اشوفكم تقولون اني حامل لين يطلع بطني ويفهمون
ريوف :- واذا طلع بنشتكي مخلصه اكل البيت ودبه
ضحكت غرام :- تسوين خير
بعد نص ساعه زفو العيال سعود وتصورو مع بعض اما غرام من اول مادخل سعود وهي دموعها تنزل بدون شعور ، سعود :- جيبو لي الصياحه ذي
غرام :- ماني مصدقه احس مسرحية وبتخلص
ضحك سعود :- حسيتي بشعور لما تزوجتي وتركتي البيت؟
ضحكت غرام :- حسيت
ابتسم سعود وهو يشوف اديم ماخذه دور أمه فاطمه وماحسستته بنقص :- اميمتي ماتبين تباركين لي ؟
مسحت اديم دموعها :- الف مبرووك ياسعود والله يجعل ايامك كلها هنييه
سعود قبل راسها :- امين يارب اوعدش اول بنيه بتكون ادوم الصغيره
ضحكت غرام :- مستعجل
غلا :- بيصك الثلاثين خليه يلحق على نفسه
ابتسم سعود :- قلبي وجهش انتِ وهي ناسيه روحش ؟
اشرت غرام :- اسكت لا تفضحنا
ضحك سعود وكملو تصويرهم ولعب العيال معهم لدقايق وجاء وقت زفة ملاذ اشتغلت زفتها وابتدت بابيات شعريه
( اخترتك من الناس للقلب خلّه
يا حيثك مرادي وكيفي وذوقي
مارحت ادور كل زول تحلى
لولاك تسوى ماعطيتك خفوقي )
ابتسم سعود من سمع الابيات ، ملاذ كانت تنزل وهي ترجف ومتوتره كانها اول مره تعرفه وصلت لنص المسرح وماقدرت تكمل خطواتها تقدم لها سعود ورفع طرحتها قبلها على راسها وضمها ببشته لدرجة حست ضلوعها بتدخل بضلوعه انتبه سعود لرجفتها وهمس :- احبش
ابتسمت ملاذ بخفه :- خلاص اتركني الكل يناظر
سعود :- حلالي وكيفي
ضحكت ملاذ بخفه وابتعد سعود يكمل وياها للكوشه اول ماجلسو همس :- نخلص بسرعه ونتوكل
بلعت ملاذ ريقها وناظرت غرام اللي تدخلت من فهمت توترها :-ماصدق ملااذي صارت حرمة خالي !
ابتسمت ملاذ والتمو يباركون لهم لامها اللي كانت بحدها من بداية زفتها لنهايتها ملاذ بنتها الوحيدة الليله ليلتها
لطيفه فكرت تلطف جو وقفت مابين ام ملاذ وغرام وهي تغني لها :- يا ام العروس الله يتمم هناكي
ضحكت ام ملاذ معهم فجاه غرام حست بتعب وابتعدت شوي وجلست باول طاوله كانت تبتسم لكن ترتجف بخفه
لطيفة كانت تراقبها من بعيد حاولت تتجاهل بس القلق سيطر عليها راحت جنبها بخفه ببتسامه عشان محد يشك :-غرام؟ كل شي تمام؟ وش ذا الوجهه انقلب فجاه !
غرام بصوت مبحوح:-بطني يعورني شوي... بس ما أبغى أخرب عليهم يمكن من الوقفة
لطيفة عقدت حاجبها:- وقفه وش؟ أنتِ تعبانة قعدي وبكلم ابوي نطلع الحين
غرام :- بس للحين ماطلعوا
لطيفه :- المهم كنتِ موجوده باهم لحظه مافيه زعل الحين صحتك أهم
بعد دقايق...
كان مشاري واقف مع خالد مع معازيمهم
قاطعه اتصال لطيفة:-يبه غرام تعبت لازم نرجعها المستشفى أنا بروح وياها
مشاري :- طلعو جايكم الحين بالسياره
انفلت مشاري بهدوء من الزحمة واشر لكسار يجيه :- انت خلك لاحد يحس بتطمن عليها واعطيك العلم
كسار كان ناوي يعارض بس مشاري ماترك له فرصه ومشى
أنت تقرأ
بشروني عنك ما يدرون عني مادروا باللي شغل فكري وظني
شِعراهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
