طلع كسار يتمشى في الحارة لان المخبز قريب من بيت الجد فجأة تقترب منه سيارة مظللة
كسار التفتت لوراه :- من أنت؟
ما لحق يكمل جملته إلا وفتح الباب والطعن يغرس في جنبه بقوة! طاح كسار على الأرض والسيارة تختفي بنفس السرعة اللي جات فيها
التمو حوليه الرجال وتعرفو عليه ركض بزر لبيت الجد علي يطق الباب بقوه ، سمعته غرام وحطت عبياتها وطرحتها عليه وفتحت الباب شوي :- وش صاير ؟!!
الولد :- قولي لعمي خالد ولده انطعن
شهقت غرام وفتحت الباب كله :- كساار ؟؟؟
الولد :- ايه من عنده غيره بسرعه ناديه
طلعت غرام بدون شعور تركض لعند التجمع :- بعدوو فتحوو لي المجال
ابتعدو الرجال يصدون عنها وهي ارتمت بجنبه :- الجرح عمييق دقو على الاسعااف وش تنتظرون !!!!
سمعت صوت شايب :- يابنت ستري نفسچ ورجعي بيتكم ضفي نفسج
التفتت غرام :- شايفني طالعه بدون شي !!! اللي تشوفه قدامكك زوجيي وابو بنتيي وانتو مب جالسيين تسون شي بس تتفرجون عليه !!! حتى فيه واحد منكم لحق اللي طعنه ؟؟؟ طبعاً لا بس وقفتو تتفرجون عشان العصريه تسولفون فييه ! مب شايفين كيف جرحه ينزف محد فيهم حاول يوقفه حتى !!! لا تستشرف علي وتسوي فيها رجال وانت مب قادر تسوي ربع من اللي انا بسوي
شد كسار على عبايتها والتفتت بسرعه عليه وهي تهمس له :- سامححني سامحني
اغمى عليه من جديد وماتحملت غرام منظره شدت على ثوبه وكانت بتفصخ غطايتها واستوقفها شماغ ينرمي عليها خذته وضغطت على جرحهه بكل مافيها دقايق الا سعود كان راجع من مشواره ولمحها :- غرامم!!!
تعدى اللي واقفين يناظرون وقبل ماينطق بغرام شاف كسار وصرخ :- كسااار !!!!
رفعت راسها غرام :- خاليي كسار مايصححى
صرخ سعود يبعد الموجودين وضم غرام لصدره ويده الثانيه على جرحه وصلو الاسعاف وخذو كسار اما سعود كان يدخل غرام الصاله :- اصحححيييي غرام اصحييي
طلعو كلهم منصدمين من صراخهم
غرام بوسط انهيارها :-كييف اهدا وابو بنتتي مطعون ؟!!
صرخت مها :- اييش ؟؟!!
التفتت سعود :- مافييه شيي خذوه للمستشفى امسكو غرام لا يصير فيها شي وللي فبطنها
وقفت شريفه واديم يهدونها هي ومها
شريفه :- غراام فكرري باللي فبطنش
هزت راسها بتكرار :- ماابي كسارر اهم ودونني لكساار
سحبها مشاري لحضنه :- بوديك معي بس ذكري الله
صرخ عليه الجد :- شلونن بتوديها وهي بذي الحاله ولا تنسى سالفتها !
جمدت دموع غرام وتنهدت على صدر مشاري :- تكفى طلبتك يابوي ودني والله ماعاد اخاف لا تسمع له
شد عليها مشاري :- ابشري بس ذكري الله وتعالي
طلعو كلهم متوجهين للمستشفى وراهم
مامرت ربع ساعه الا واصلين وغرام تصرخ وتبكي عند باب الطوارئ وعيونها حمره من الخوف اول مادخلت شافت السرير اللي عليه كسار وحولينه دكاتره
غرام وهي تتمسك بيد كسار:-لا تخليني... لا تخلينا يا كسار!
كان كسار تارة يفتح وتارة يغمض والدكاترة يحاولون يبعدوها وبياخذون للعمليات بسرعة وعيونه تصارع إنها تظل مفتوحة نطق بهمس:-أنا بخير... لا تبكين
غرام وقفت تشوفهم يدخلوه للعمليات :- ماهو بخير والله
التمو حولها يحاولون يهدونها والجد ارتفع ضغطه وجلسوه يرتاح
بعد ساعات طلع الدكتور:-
الحمد لله تجاوز مرحلة الخطر بس يحتاج يظل بالملاحظة كم يوم
غرام تتهالك على الكرسي وتبكي بارتياح :- بكون معه تكفى
الدكتور :- بس شخص يقدر يدخل عنده لحد يصير بالغرفه العاديه
وقفت غرام :- انا بدخل
اديم :- يمه مب زين تتمين بالمستشفى واللي فيطنش!
غرام :- يمه لا تحاولين بدخل عنده
مشت تدخل عنده واول مادخلت الملاحظة حست ببرودة المكان مسكت يده تراقب تنفسه كأنه روحها ودموعها تندرف على كفه وقفت تقرا عليه وتمسح على راسه لحد ماخذاها التعب ورمت راسها عنده وغفت .
اما الباقي رجعهم سعود البيت غصب عنهم وهو كانت نيته يرجع عشان غرام
⸻
عند ريوف اللي كانت تدق على كل شخص بالبيت ومحد فيهم يرد
تافتت وهي تناظر هياف :- تصرف !!
هياف :- وش اتصرف انتِ مدركه ذي صباحيتنا ؟ واكيد هم للحين نايمين !
ريوف :- الساعه ١٠ افجعني وقول جدي ينام لذا الوقت ؟
هياف ناظر ساعته :- الوضع غريب شككتيني !
ريوف :- هياف تكفى خلنا نرجع قلبي ماهو متطمنن
هياف :- بكلم نياف يمكن وصل عندهم او كلمهم
ريوف :- سو اي شي بس بسرعه
اتصل هياف على نياف :- ارحب
نياف :- البقى امرني
هياف :- تدري بشي من امور البيت ؟
نياف :- لا ليه وش صاير
هياف :- ندق عليهم من الفجر محد براد
ابتسم نياف :- ماصحاني الا اتصالك... دقيقه جاني اتصال خلك على الخط
سكت هياف للحظه واول مافتح نياف المكالمه :- يابو سيف كسار منطعن بالمستشفى ووللحين ندور اللي طعنه
فز نياف وهياف شهق :- كسار !!
فزت ريوف :- وش فيه اخوي ؟؟؟؟
سكر جواله هياف :- البسي بسرعه راجعين
ريوف :-كسار شفييه ؟؟
صرخ هياف :- مافيه شي بس بنرجع اجهزي بسرعه
جمدت ريوف وهياف سحب عبايتها :- خلي كلشي مكانه وبعدين نرجع له
تمسكت ريوف بيدينه بكل قوتها وتحارب تفكير عقلها
نسرع الاحداث وصلو البيت وشرحو لهم اللي صار انهارت ريوف تبكي بحضن امها وابوها وتردد عليهم :- بسببي والله انا اعرف مين
خالدد:- بسببش؟!! تكلميي ميين !
كانت ريوف تردد بسببي ماقدر يتحملها هياف وسحبها بحضنه وشد عليها :- اهددي ياحبيبتي اهدي مافيه شي اسمه بسببش كلشي مقدر ومكتووب
ريوف ضربت على صدره :- هياف اكيد عمار ولا متعب اكييد !
مسك وجهها بكفينه يمسمح عليها :- بقدم شكوى بس انتِ اذكري الله
~ بالمستشفى عند غرام وكسار
فتح عيونه بصعوبه وشاف شعر غرام بكفه ابتسم وحاول يمسح عليها بس اول مارفع صبعه فزت وبكت:- كساار صحيت !! الحمد لله الحمد لله
ابتسم كسار :- تبيني اترككم لدنيا ؟
كشرت غرام وجهها :- لا تقول كذا تكفى والله قلبي طاح
وقفت تلمس جبهته تشوف حرارته وهو استغل الفرصه وقبلها :- الحين صرت بخير
ابتعدت غرام :- ياويلك تسوي شي وانت كذا
وطلعت تنادي الدكتور له ورفعت جوالها دقت على هياف :- هياف
هياف :- لبيه وش فيه صوتش !
غرام رجعت تبكي وصرخ عليها هياف :- كسار صار عليه شي؟؟
تنهدت غرام بصعوبه :- لا صحى صحى
هياف :- مسافة الطرييق بس
رجع هياف لريوف :- كسار صحى عطيني بشارتي
فزت ريوف تلبس غطايتها :- ودنني له وبشارتك ملحوق عليها
مشو كلهم بطريقهم له واول ماوصلو دلوهم على غرفة بقسم التنويم توجهو بيروحون للقسم اما سعود قرر ياخذ للبنات قهوه ويلحقهم اخر واحد
دخلوا الغرفة بصمت ثقيل...كان صوت الاجهزه هو الوحيد اللي يملأ المكان وكسار ممدد على السرير وجنبه غرام تسمي عليه وهو شاحب بس مبتسم
هياف أول من دخل قرب منه وضغط على يده:-
الحمد لله على السلامة يا وجه الخير... والله أفزعتنا !
وحضن غرام :- قرة عينش فيه بس كل الديره يتكلمو عن شجاعتش
كسار بابتسامة باهتة:- هياف قل للغبية ذيك اللي للحين مادخلت وتتسمع علينا لا تلوم نفسها... اللي صار ماحد له ذنب فيه
ريوف كانت واقفة عند الباب عيونها حمر ماقدرت تتحرك كأن رجولها تقيدت... غلا قربت منها ودفّتها بلطف:-روحي له يكفيش دموع
مشّت له ريوف بخطوات مترددة جلست عند طرف السرير ومسكت يده:– آسفة كسار... آسفة صدق أنا كنت أعرف إنهم ممكن يسوون شي بس ما توقعت يوصل فيهم الحقارة لهالحدّ توقعت فينيي ولا فيك
كسار رفع عينه فيها وبلع ريقه بصعوبة:-لو كان فيش ممكن يصير أسوأ بس الله لطف... والحين أبيش تشدين حيلش لأنهم ما ينهزمون بسهولة
مشاري اللي وقف عند الباب دخل وبيده ملف:-ما ينهزمون؟ الحين نقدر نقول انهزموا وبشرف بعد وصلتني توًا نسخة من حكم المحكمة... سجن مؤبد لمتعب واعدام لعمار تبين انه مب اول مره يسويها
صارت الغرفة لحظة صمت وبعدين ارتفع صوت شهقة من غرام وهي تحط يدها على فمها تبكي:- ليتهم يعدمونه هو بعد
ريوف صرخت:– الحمد لله... الحمد لله يا رب! ماراح يخلص منها حتى هو للان على التحقيق يارب يلحقه
أديم قربت وبكت وهي تحضن غرام من سمعت شهاقها يزيد :- كلنا حولش ومنتي محتاجه قربه
الجد علي رفع صوته:- وأنا أعلنها من اليوم ماعاد فيه خوف لا من ماضي ولا من ناس ماتستاهل حتى الذكر!
ضحك نياف من شاف غرام سكتت وابتسمت عارف تاثير جده عليها
اما غرام رجعت تمسك يد كسار وبنبره مرتجفه:– كلنا هنا... واللي راح ماعد له مكان بيننا الاهم احنا الثلاثه
كسار ابتسم وهو يطالع بطنها:- وأنا بعد اتخلى عن كلشي بالماضي... راحتي الحقيقية هنا
قاطع لحظتهم نياف :- انت كنت حاس غرام لاسنت مين ؟
كسار :- لا كنت بعالم ثاني بس اسمع صراخها
نياف :- ابو ناصر والحين كلهم يقولون محد يقدر يسكته كل هل سنين وحرم كسار سكتته
ضحك كسار بقوه ومسك جرحه بتألم :- ليتني وقتها شايف وجهه
ضربت غرام نياف بخفه :- لا تضحكه شوف كيف يتالم وبعدين ابو ناصر ذا لمتى حاطين له قدر قهرني !
ابتسمت اديم من شافت اهتمام غرام بكسار وتاكدت من علاقتها فيه اما نياف كمل طقطقته على ابو ناصر ويشرح له كيف الحين ماهو مشتهي حتى يمر من البيت ابتسمت غرام وبعدت تكمل سوالف مع البنات وتركت كسار معهم
بصالة الانتظار بالمستشفى بعد ماكان سعود ضايع يدور الة القهوه اللي كان ياخذ منها بعد ماغيرو مكانها كانت ملاذ واقفة قربها تعبي الكوب وتشيك على جوالها ملامحها هادية
لمحها سعود وتذكر مشاعره وريحة عطرها اللي تم ثابت بمخيلته لحظة و وقف وراها يضغط على زر الايقاف ناظرته كوبها ناظرته امتلى وسحبته بسرعه رفعت راسها تتوقع ممرضة أو سلطان... لكن صوته سبق ملامحه:-ما توقعت أشوفش هنا بس الحمد لله إنّي شفتش
سعود واقف قدامها بلُطف عيونه ما انفصلت عن عيونها ونبضه متراكم
ملاذ حاولت ترسم برود:- ليه تشوفني ؟ بعدين ماتوقعت نتصادف مره ثانيه
سعود:– وأنا تمنيت اللقاء يصير في أي مكان حتى لو قدام غرفة إنعاش وانا اللي ينعشوه
ارتبكت حركت يدها تغطي توترها:- بعيد الشر عنك شلونك؟
سعود :-– أحسن من أول... من يوم شفتش
ضحكت بهدوء وهي تبعد نظراتها عنه:– سعود...اذا عندك شي تعرف سلطان
قرب منها خطوة نبرته جادة وهادية:– أنا ما جيت اتلعب... أنا جاي أقول لش إني ابيش ما نسيتش لولا السوالف اللي صارت معانا... المهم لو اخطبش بتوافقين ؟
سكتت بخجل ولفت عنه قاطعها سعود :- بنام الليله مع كسار ردي علي لا تطولين
ابتسمت ملاذ :- شفتي اليوم مسائي حظك .
رجعت تمشي للمصعد قلبها يدق بطريقة مختلفة وفيه رغبة لأول مرة إنها ما تهرب من مشاعرها
صعد سعود بالقهوه للبنات وقابلته غلا :- ماصارت ياسعودي قهوه !
انصدم سعود :- سعودي ! غيرو مكان المكينه وعلى ماشفتها نسيت طلباتكم
غرام :- لا تكفى لا تقول ماجبت لي كولمبي
سحبها كسار بدون ماتحس وفقدت توازنها طاحت جنبه وفزت :- غبيي انت ناسي جرحك ولا ايش !! لو اني طايحه عليك بكل مافيني فتحت عمليتك
سكتت لحظة تدرك انها جابت العيد ودمعت :- اسفه ما كان قصدي اقول اللي قلته بس انتو شفتو كيف طحت بجنبه خفت والله على جرحه !
ابتسم كسار :- مايحتاج تبررين بس ان كنتِ تبين ترضيني ماتشربين ذي وتضرين بنتي
ابتسمت غرام :- اوعدك ها بس الا زعلك!
سعود :- انتِ واضح تعبتي اليوم وماكلتي شي ارجعي البيت معهم وانا احرس لش اميرش
غرام :- لا بتم عنده واذا على الاكل ماني مشتهيه شي
سيف :- المره الثانيه بتغسلين فيه الارض امشي وخلينا وياه
ضحك كسار :- انا فداها خلها تقول اللي تقوله
تحمحم جده وهو يضحك :- ياولد اثقل لاحد من دوامك يسمعك
ضحكت غرام :- بمشي بشرط الصبح اكون هنا برتاح ومنها اجيب له ملابس
اديم :- زين مافكرتي خلاص كلنا نمشي ونترك سعود معه
طلعو وتركو سعود اللي ضيع الوقت مع كسار بضحك وطقطقه لحد ما نام وفي نهاية الشفت كانت ملاذ تمشي بالممر وتشيك على ملف أحد المرضى بس عقلها كلّه كان مشغول بشيء ثاني...سعود
وصلت قدام غرفة كسار فتحت الباب بهدوء لقت سعود واقف عند السرير يتأكد من وضعه ومن مغذياته ملامحه منهكة بس عيونه صامله
ملاذ بهمس:– سعود...
التفت لها بسرعة ناظرها من راسها لين أطراف أصابعها وكأنه يستأذن قلبه قبل لا يتكلم
لكنها سبقته:– وافقت
غمضت عيونه بذهول:– وش؟
ملاذ ابتسمت وبصوتها الهادئ:- لو لسا على كلامك فأنا موافقة...
سعود حس كأن كل التوتر اللي في جسده اختفى قرب منها وهمس:- قسم بالله ما أضيّعش ما راح أخليش تندمين، أنا بس كنت أنتظر هالكلمة
رفعت يدها بخفة تسكر ازرارها المتبقيه :-خل نطلع من هنا أول وخطبني بطريقة رسميّة تعرف رقم سلطان وتعرف اختك امي
ابتسم وقال:- وعد أول ما نطلع بكلم أديم
فتح عيونه كسار بصعوبه :- سعود ؟
التفت له :- شفتي دكتوره مافيه الا العافيه حتى عمي ماقال ! اذا قلت لش كتبي له خروج عجلي علينا
ضحكت ملاذ :- صحيناك كسار... كيف امورك الحين ؟
حاول يعتدل كسار لكن سنده سعود :- الحمد لله بخير اقدر اطلع ؟
ملاذ :- مقدر اعطيك كلمه قبل الصبح
كسار :- شوفي الساعه كم الحين الفجر خلاص واذا على الاكل ذا وكلني لين قلت بس
ملاذ :- عمك دكتور وفاهم دام يشوف امورك تمام وجرحك مافيه شي بكتب لك خروج لكن يا دكتور سعود علمه على تغيير الضماد
ابتسم سعود :- ابشري دكتوره ملاذ
طلعت ملاذ تخلص اوراق خروجه ولاحظ كسار ابتسامة سعود :- يا عمي العزيز ذي نفسها اللي كلمتني وقت جدي تعب ؟
تنهد سعود :- نفسها هي بشحمها ولحمها
رمى كسار عليه رموت :- اثقل يا سعود شوي وينشق حلجك !
سعود لقفه ورجع يهدده :- احمد ربك انك مطعون ولا چان وريتك شغلك
كسار :- خايف علي ولا على يوم زياده هنا ؟
ابتسم سعود :- بخطبها اول مانطلع
كسار :- لا تكفى وانا شايف وضعي !!!
سعود :- بحطك بعربيه وبصفي بعد وش تامر فيه ؟
ضحك كسار وسحب جواله :- خلك بملاذك وانا بكلم غرامي اطمنها
سعود :- يعني بترد عليك هي ذي الحزه ؟
كسار :- تراهن انه من اول اتصال ؟
سعود :- اتحداك غرام اللي نومها ثقيل والحين مع الحمل اتحدداك
ابتسم كسار :- لو ترد بتخلي حرمتك تكتب لي شهرين زياده اجازه وفوقها بتعشيني
سعود كان واثق من عدم ردها :- تم تبشر فيها
رن كسار عليها ومن ثالث رنه ردت وانصفق وجهه سعود :- صباح الخير ام بنتي
ابتسمت غرام :- صباح النور يالخير كله
كسار :- سعود يسمعك سلمي عليه
ابتسمت بخجل :- سلام خال
سعود :- وعليكم السلام ورحمة الله خسرتيني تراش الله يغربل بليسچ
شهقت غرام :- شدخلني !!!
سعود :- كنت متراهن مع زوجش الزين ذا ماتردين عليه ونومش ثقيل
عصبت غرام :- يعني داقين علي الحين رهان !! مب عشاني ولا عشان بنتي يعني ماوحشناك يا كسار ؟!! سكرت بوجهه بعد ماخلصت كلامها
بلع ريقه كسار :- الله ينكبك ياسعود نفس مانكبتني
اتصل عليها مره ومرتين ماردت المره الثالثه ردت عليه وقبل ماتتكلم :- احبش يابنت الناس والله احبش وداق عشانش
سمعت ضحكت سعود وهمست:- حطه سبكر
استغرب من طلبها وحطه :- واناا اعشقك يارووح روحي انت وكنتت امزح معك عارفه ثقتي فييك طمني عنك وايش محتاج اجيب لك معك ؟ وسعود المزعج سوا لك شي؟؟
فز سعود يسحب الجوال منه :- بعد كل الشريط اللي هديتيه الحين تعشقينه وتموتين فييه ؟؟ تراه متراهن على شهرين اجازه
عبست غرام للحظه :- يعني الموضوع صدق ؟؟
رجع سعود الجوال لكسار وهو يضحك :- خذي وتفاهمي معه
كسار :- اسمعيني واتركيه عنش بيطلعوني اليوم مايجي الصبح ولا انا فاطر معكم والشهرين الاجازه بتفرغ فيها لش ولبنتنا بدون ازعاج الدوام تشوفينه شي غلط ؟ يحق لي اخذ راحتي
ابتسمت غرام :- يحق لك اللي مايحق لغيرك وتنور البيت وفطورك كله من تحت يديي
كشر سعود :- ياخي شلون بعد كل اللي حاولت اقوله مستمره معك !
ابتسم كسار :- لا تتعبين نفسچ وتتعبين بنتي معش ارتاحي والفطور انا بجيبه معي ماراح اخليه بخاطرش حتى بعد الطعنه ذي
ضحكت غرام :- ماعليك انا والبنات نتساعد بيجون من الصبح ومعي لطيفه وامي وخالاتي لا تشيل هم
سعود :- معاها البيت كله وين تتعب هي بس تنقص علينا اللقمه
غرام :- والله اليوم عناد فيك ياسعوده اني اكل عني وعن بنتي وعنك
ضحك كسار :- سعوده !!
ضرب سعود راسه :- لا ياغرام فضحتينا
ضحكت غرام :- عشان ما تتتسبب فيني والحين تصبحون على خير بعد كم ساعه الاذان نامو
ضحك كسار وودعها وسكر جواله يطقطق على سعوده🤣.
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
