سعود :- السلام عليكم
فزت اديم ترحب فيهم :- ياهلا وغلا تو مانور البيت بعرسانا
ابتسمت ملاذ بخجل :- منور بوجودكم
سحبتها غلا :- تعالي جنبنا نتعرف اكثر
ضحكت مها :- شافو وحده من قدهم يدخلونها بالعصابه
ملاذ بستغراب :- عصابه ؟
ضحك سعود :- شفتي قلت لش عايلتنا دوامه تغوصين فيها
ابتسمت ملاذ وهي تجلس بوسطهم :- حبيت علاقتكم مع بعض حيل
لطيفه :- باقي ماشفتي شي
ملاذ :- بقول شي مدري اذا ينقال بس
سعود اشر على عيونه :- قبل ماتكملين تم
ابتسمت ملاذ بخجل :- ماودي اطلع من هنا ابد
اديم :- بس ؟ عين غطاء وعين فراش غرفة سعود باقي على حطتها
ضحك سعود :- عطوها شهر اذا مانحشوها بناتكم ما اكون سعود
شريفه :- وشفيك انت على البنات ترى كنت تلاحق فيهم وتجي تتشكى
تحمحم سعود :- شريفه بدون فضايح
ضحكت ملاذ :- الظاهر هو من افراد العصابه
لطيفه :- كلهمم محد عاقل هنا الا الكبار
سعود وقف بيطلع:- انا استاذنكم
ضحكت ريوف :-هرب هرب
ناظرها سعود :- الليله لا تمشين بروحش
ريوف :- يهدد بعد
ضحك سعود :- رفعي القضيه من الحين
تخصرت ريوف :- والله تم !
غلا :- اختنا بالله محاميه واي كلمه والثانيه بترفع قضيه
ابتسمت ملاذ :- ما شاء الله
اديم :- خلاص هجدوا طمنينا عنش
ملاذ :- الحمد لله بخير انتوا اخباركم
اديم :- دامكم بخير احنا بخير
لطيفه :- تشربين قهوه سعوديه ولا نحسبش ويانا ؟
ملاذ :- تسوين خير لو تحسبيني وياكم احتاج اصحصح
مها :- لا شافو من تعاونهم راحو البنات كلهم
ضحكت ملاذ :- كوب مايأثر ياخاله
مها :- نشوفكم متسدحين بس بنضحك عليكم
استمرت السوالف والضحك بينهم
غرام بالسياره وهي تناظر كسار :- هالك عيونك
كسار ابتسم :- ببعدش عني عجزت اذوق النوم
ابتسمت غرام :- واضح عليك مره
كسار :- ماعليش خلاص الحين تطمنت
تمددت غرام :- تعببانه ودي بس انام لا اكل لا اشرب لا امشي ولاشي
كسار :- سلامات فيه اكل وفيه شرب وفيه ادويه
تاففتت غرام :- مابي الا انام
كسار :- ترى الحين بس بحركه وحده ارجعش
غرام :- باقي اللفه ووصلنا
كسار :- عادي ارجع
غرام :- لا لا امزح
ابتسم كسار :- اوعديني يلا
غرام :- اوعدك بس غصب عني
كسار :- مايهم غصب ولا رضى المهم وعدتيني
ضحكت غرام :- تصدق بديت احس بحركتها ؟
كسار :- مين ؟
غرام :- نوره يعني مين
كسار :- ماتعودت عليها للحين
غرام :- اذا تحركت حط يدك وبتحس فيها
كسار :- جلسيها ولا باخذ مطب اخبص حياتها داخلش
ضحكت غرام :- وصلني بسرعه بس وبسلام
وقف كسار سيارته عند الباب ونزل حمل غرام :- خير نزلني لاحد يشوف
كسار :- خليهم يشوفون مرتي وبنتي
ضحكت غرام بخفه ودخل كسار فيها صادفه هياف :- سلامات بدينا بالدلع
غرام :- قول له ينزلني
قرب منها يقبل راسها :- خليه يوصلش للغرفه يلا ياخذ اختي ويتعبها ؟
ضحك كسار :- ابششرر ماطلبت شي
صرخت عرام :- نزلني لحظه بس
انصدم كسار ونزلها مسكتت يد هياف ورفعتها :- ذا وش !!!
هياف :- وشو مااشوف
كسار لف يده :- منجرح بايش ؟ وكيف ماحسيت له يحتاج غرز ذا
ضحك هياف :- ياشين المبالغه ماحسيت بشي والله
رفعت غرام جوالها تصوره :- شوفه ياعمي شوفه
ابتسم هياف بخفه :- كنت متهاوش شكله منهم وماحسيت
فصخت غرام طرحتها وشدتها عليه :- غبي ياهياف غبي شلون ماحسيت !!
هياف ناظرها بعصبيه مستصنعها:- انا غبي ؟
غرام :- اي غبي احد يتهاوش مع ورعان فوقها ماتحس ماتشيك على نفسك !
هياف :- والله ماحسيت الا بحراره حسبتها من داخلي
كسار :- كيف محد انتبه منهم !
ضحك هياف وهو ياشر على جاكيته :- لابس ذاك
غرام :- غبي وكلمتي ماني ساحبتها وانت وده المستشفى
هياف :- مايحتاج شيلها وصلها داركم
غرام :- قلت لك وده ولا قسم اعصب
كسار :- بس ادخلش وارجع له
غرام :- لا بدخل من ذا الباب ومايحتاج شوفني اتحرك بمشي بشويش
هياف :- مايحتاج اروح الحين يوقف
صرخت غرام :- لا تجنننيي
هياف سد فمها :- خلاص بروح بس لا تعلمين احد حتى ريوف
غرام :- انقلع ومالت عليكم انتو الاثنين
سحبها كسار عند المدخل ورجع لهياف :- مب وقتك انت ابد
غمز هياف :- مشتاق ؟
ابتسم كسار :- امش لا افتح جرحك زود
ضحك هياف وطلع وكسار وراه :- وين متهاوش ؟
هياف :- بالبحر
ضحك كسار يحسبه يطقطق :- اهرج زين
هياف :- قسم بالله بالبحر اسال اختك
كسار :- شدخل ريوف ليكون هي ؟
ابتسم هياف :- اهبل انت شبكنا مع ورعان واحنا هناك
كسار :- يعني اللي افهمه سحبتها من بينا عشان البحر وفوقها دخلتو بهوشه !
هياف :- عليك نور لولا الورعان اللي جاو كان احلى مشوار
ضحك كسار :- خلاص لا تكمل وعرفنا الباقي
تافف هياف :- سوق بسرعه ممله سواقتك اعتبرني غرام تولد
ابتسم كسار وحط رجله :- تم ماطلبت شي
هياف :- بسم الله اشهد ان لا إله إلا الله
ضحك كسار وخفف سرعته :- كذا بتكون سواقتي
عند البنات اللي دخلت عليهم غرام من الباب الخارجي :- السلام عليكم
فزت اديم :- ياويلي تمشين بروحش وبدون صوت بعد !
غرام :- والله انتو تكبرون المواضيع
مها :- يابنتي انتِ الحين على الحاففه لو تطيحين رحتي فيها
جلست غرام على اول كنبه والتمو حولها البنات :- سلامات هجمتوا علي كذا ! وبعدين من وين بطيح كسار دخلني لنص الممرر
مها :- الخايس ذا يتركك ويروح ؟؟
ضحكت غرام :- يا خالتي والله ماقصر معيي انا خليته يروح مع هياف
ريوف :- ليه وين راح الثاني ذا بعد ؟
غرام:- بيجيبو كم شي لي
ريوف :- لو تكذبين ياويلش مني
وقف نياف وهو يتحمحم :- تسمحون اخطف خيتي منكم
غلا :- لا مانسمح
سحبها نياف :- لين استاذنت منكم انا
شهقت غلا :- خير !
واديم صرخت عليه :- انتبهه
ناظرتهم غرام مستفقده وجود شخص :- وين جدي وخالتي شريفه ؟
ضحك نياف :- جدي شاف محد بيروح مع للمقاضي سحبها وياه
ضحكت غرام :- خالتي خذت مكاني اشوف
نياف :- بالضبط ... يمه اي غرفه بتحطون فيها غروم؟
اديم :- اللي جنب ابوي
غرام :- مابي الا غرفتي
نياف :- اصص كلمة امي هي اللي تمشي
مثلت غرام زعلها :- اهلاً ببداية الحكم علي مؤبد
ضحك نياف :- غلاوي لحقينا
ابتسمت غلا :- مايقدر يتخلى عني شفتو
خزها نياف وضحكت :- امزح خلاص بمشي وراك ساكته
ابتسم نياف ولحقتهم للغرفه وهي تضبط الفراش لها :- كسرتي خاطري الحين بتسمعين كلشي بوضوح عشره على عشره
غرام :- ليه اقول ابي غرفتي عشان انام مرتاحه
نياف :- اجلس اليوم حارس لش اسكتهم كلهم
ضحكت غرام :- ماله داعي بعد التعب بنام بدون شعور
نياف جلس قبالها :- غرام فيه شي مضايقش ؟
ناظرته غرام :- لا ليه ؟
مسكت غلا يدها :- بس يسال كذا مشتاق لاخته وعلومها
ابتم نياف :- ترى انا للحين اخوش واغليش من بعد ماتزوجتي ماصرتي تتكلمين
غلا :- ترى انا اختش قبل ماتزوج نياف والحين صرتي اعز اخت بعد تكلمي لي لا تشيلين هم ولو ماتبين وجودي الحين بطلع وتكلمي مع نياف براحتش
شدت غرام على يدها :- لا خلش وانتِ تدرين اني اعزش وانتو خواتي قبل ماتصيرو بنات خوالي وخصوصاً انتِ
ابتسم نياف :- قطعو رومنسيتكم وجاوبيني فيه شي مكدر خاطرش ؟
غرام :- لا والله اموري تمام التمام لكن ضغط على نفسي زياده عن اللزوم عشان كذا
ابتسمت غلا وباست خدودها :- اختتيي حبيبتيي ياويلش اشوف ضاغطه على نفسچ مره ثاني وخلي بنتي تجي
ضحكت غرام :- بنتي !
غلا :- اي بنتي ولا عندش مانع ؟
غرام :- ابدد لاا
ناظرها نياف :- حبيتي خدها باقي خدودي ترى احلى منها
شهقت غرام :- قم انقلع وياها يالوسخ
غلا :- تركيه منش بجلس عندش الليله
غمز نياف :- اي يصير خير لحقيني بس
غرام :- قومي بس قومي خاوني انام بعد الصدمه ذي بعد بنام دبل
ضحك نياف :- انتِ عندش كسار الليله
صرخت غرام :- نيافووهه
كتم ضحكته نياف :- امزح امزح
بالمستشفى عند هياف بالطوارىء قابله صديقه محمد :- سلامات قلنا بتجي تداوم مب مصاب !
ضحك هياف :- ماعليك اسبوع واداوم معك
سمع ممرضات يتكلمو عنه وكمل :-تدري بعد الزواج واللويه فكرت وقررتت اداوم
ابتسم محمد فاهم مقصده :- ان شاء الله نشوف ولدك قريب
ابتسم هياف :- ان شاء الله
ناظرته وحده من الممرضات وهمست :- مب واضح عليه انه متزوج
كسار :- الظاهر تخطف الانظار هنا لو اعلم الاخت وش بتسوي فيك ؟
هياف :- بتنجلد ياكسار
ضحك كسار :- ستر وغطا ماعليك بس خل اشوف عيونك تطير
ابتسم محمد :- وخلصنا الغرز مايحتاج تراجع هم يطيحون بس غير الضماد
تذكر كسار جرحه :- محمد عندك وقت ؟
محمد :- امرني
كسار اشر على جرحه :- كنت مطعون هنا وسويت عمليه يمدي تشيك عليها ؟
ابتسم محمد :- جوي قم هياف
ناظره هياف :- للحين نفس الاطباع !
كسار ناظره بعدم فهم :- وش؟
هياف :- السايكو يعشق المناظر ذي
ابتسم كسار ورفع تيشرته :- هنا بالضبط
تافف محمد وهو يلمس حوليه :- يالمنظر البطل
ناظره كسار :- وش تهبد انت !
ضحك محمد :- اخذت راحتي بس امورك تمام ماعدى الاحمرار والتهيج بكتب لك مرهم حط حوليه بس مب عليه
كسار :- فهمت يعطيك العافيه
محمد :- الله يعافيك اما انت ياهياف بعطيك مسكن لو المك
هياف :- قسم بالله ماحسيت !
ضحك محمد :- من عضلتك ذي الحين دور لك مقاس
ابتسم هياف :- ماعليك فيه والحين نستاذنك زورنا ها
ابتسم محمد :- على خير يارب
طلع هياف مع كسار متجهه للبيت :- كسار واثق فيني ؟
ناظره كسار :- وش ؟
هياف :- يعني واثق ان ريوف بعيوني الثنتين ؟
ابتسم كسار من فهم مقصده :- ماني قايل شي
ضحك هياف :- الحين نروح البيت
كسار :- بس انتبه منهم واضحه نيتهم
هياف :- لا توصي حريص انت ناسي وش سويت فيك ؟
ضحك كسار :- صحيح ما حاسبتك كيف نسيت انا !
هياف :- بس الحين مافيه حسابات
كسار :- بفكر بالموضوع
ناظره هياف وهو يضحك :- لا تفكر
ابتسم كسار :- زين
بعد نص ساعه وصلوا البيت وشافو الكل متجمع ، هياف :- السلام عليكم
نياف :- وعليكم السلام ورحمة الله اخيراً شرفتو الغذاعشا لنا ساعه ناطرينه عشانكم
ضحكت غلا :- لا تشبكهم فيه غذا وفيه عشا
ابو خالد :- اكلو الغذا وشكرو الله
سيف :- جدي شفت غذا الساعه خمس ؟؟
ابو خالد :- مب عاجبك طس اي مطعم
تربع سيف :- والله مب بس عاجبني الا اروح فداه
ضحكت شريفه :- ولدي صار بطيني على نياف
كشر وجهه نياف :- خير يا خالتي اشوف قلبتي علي!
غلا كتمت ضحكتها :- ماعليكم من زوجي خلوه ياكل
شهقت شريفه :- شف النذله كيف سحبت علي !
ضمها نياف جنبه :- خلاص صارت حلالي انسوها
خزه مشاري :- شرايك انسيك اياها ؟
دفها نياف بخفه :- امزح وياكم !
ضحكت غلا :- اقول اليوم نبي غذانا بجهه وغذاكم بجهه
خزها ابو خالد :- ليه ان شاء الله ؟
غلا :- جدي بالعشا بنكون وياكم بس نبي نحش ناكل بكيفنا اي شي
سعود :- ياعيني على التفكك الاسري
غلا تأففت:- لا تخرب نبي ناكل بالغرفه عند غرام حولها ماتحس بوحده
كسار :- سلامات زوجتي ترى
غلا :- زوجتك بعدين الحين كيفنا
ريوف :- نفس ماهربتو الظهر كله القمو
هياف :- جدي لا توافق
غلا راحت تحبه راسه :- جدديي طالبتك عشان غرومتك حبيبتك !
ابتسم ابو خالد :- موافق شسوي جابتها على الجرح
ضحكت ريوف بانتصار :- يلا روحو عنا بنحط غذانا وحطو غذاكم
سيف :- زودوها ترى
ضحكت اديم :- انا انشب لكم ماعليكم منها
لطيفه :- رايحه اشوف غروم اذا صاحيه
سبقها كسار :- خلش انا رايح بتاخذونها على الغذا وفوقها الحين
سيف :- اقول لكمم زوجوننييي
ضحكت شريفه :- حط الوظيفه وبنزوجك
سيف لف على مشاري :- يبه شغلني بمحل جدي والله راضي
مشاري :- ابوي قبالك تكلم وياه
ضحك نياف :- بيسوي المستحيل
همست ملاذ لغلا :- ذا اخوش ؟
ابتسمت غلا :- اي بعد لطيفه وانا اخر العنقود
ابو خالد :- اذا شفتك تصلي بالمسجد شهر كامل بوظفك
سيف :- تبيني اكنس المسجد بعد راضي
ابتسمت ملاذ :- مستعجل على رزقه
ريوف :-كان خوي نياف بعد ماتزوج لف على سعود والحين محد صفى له
ملاذ :- سيف توظف وعروستك علي
لف سيف عليها :- عااششتتت مرت العم البطله
ضحكت ملاذ :- تعيش
ناظرها سعود بستغراب:- سلامات متزوج خطابه انا !
ابتسمت ملاذ :- هو ولطيفه زواجهم علي
ابو خالد :- لطيفه موافقين بس سيف خليه يعقل قبل
تحمحم سيف :- اعدائي كثار
ضربه ابو خالد بالعصا:- والله اذا مابلعت لسانك الحين بتشوف تعليم ماصار
اشر سيف على فمه :- سكتت
ملاذ :- ناجل من شهر لثلاث شهور
نادتهم اديم :- الغذا صار جاهز العيال المجلس الكبير والبنات الصغير يلا
ريوف :- سلامات المفروض العكس
أنت تقرأ
بشروني عنك ما يدرون عني مادروا باللي شغل فكري وظني
شِعراهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
