اديم :- غرام قومي شوي ابيش
بلعت ريقها غرام وناظرت كسار :- طيب بلحقش
صعدت اديم لغرفة غرام وطلعت غرام صاعده وراها استوقفتها رسالة كسار "غرام قلبي لا تتوترين ولا تتضايقين اذا اضغطت عليش لش الحريه تقولين لها او لا بس انتبهي"
ابتسمت غرام وكملت تصعد اول مادخلت الغرفه تكلمت اديم :- صار بينكم شي ؟
غرام :- يمه مهدي لي الطريق على الاقل علطول كذا !
ابتسمت اديم :- يمه غرام كسار رجال وله الحق عليش ما تمنعينه
احمرت غرام :- ما منعته
مسكت اديم يدها :- يعني صار بينكم ؟
غرام هزت براسها :- بس ليلة
اديم :- اي وماصار شي ؟
غرام :- شي مثل وشو؟
مدت اديم يدها على بطن غرام :- ماراح يزيد عددكم ؟شهقت غرام قامت بتطلع :- سكري الموضوع خلاص
غمزت اديم :- انا اقول عجلي علينا
طلعت غرام بدون ماتلتفت عليها:- بنمشي ونرجع لكم بكره
اديم :- الحين عشان قلت لش احملي بتمشين !
ضحكت غرام :- طبعاً لا بس يحد على البيت من الطريق وجدي فجعه بموضوع عمرتكم
حضنتها اديم :- ما اتكلم الا عشان مصلحتش وعشان محد يتكلم عليش
غرام :- ادري انتِ ادعي لنا واذا الله كاتب بيصير
ابتسمت اديم وطبطبت عليها :- الله يرزقكم الذريه الصالحه... اصبرو تعشو معانا وبعد القهوة امشو
غرام :- امين ابشري بقول له
دخلت غرام غرفتها قبل ماتنزل وطلعت جوالها ترسل لكسار :- شوي وبنزل وبقولك نمشي بعد العشا وانت ارفض وخلنا نمشي الحين .
فتح كسار رسالتها :- صار شي ؟ عمتي ضغطت عليش ؟
غرام :- لا بس ابي ارتاح لا تبين لهم شي
نزل جواله كسار :- وين غرام ؟
سيف :- مداك تشتاق
ضربه بخفه على كتفه :- تعرف تبلع لسانك
ضحك سيف :- ابشر
كسار :- ريوف قومي ناديها بنمشي
مها :- وين تو الناس مشتاقين لكم
ابتسم كسار :-قلبي اميمتي بس والله عندي شغله بخلصها
غمزت ريوف :- شغله من دوامك ولا شغله مع غرام
مد عصاته الجد:-ريوف ساكت لش من مده صبري بيخلص
رفعت يدينها :- اتوب والله اتوب
ضحك هياف لاول مره منها :- اخيراً شفتها مستسلمه
رفعت صبعها تهدده فيه :- لو انه مُش جدي تحاججتت
ابتسم هياف :- زين مانسيتي انه جدش وماهددتيه بالقضايا
استند كسار على الباب :- الحين انا انتظركم ولا وش !!
دخلت اديم :- على وين كسار
كسار :- عذرينا بس بنمشي
اديم :- بس انا حسبت حسابكم
كسار :- ارميه على نياف وسيف ياكلون حقنا
ضحك سيف :- واللي مانقدر عليه غلا موجوده
كشرت غلا :- شقصدك ؟؟
سيف :- سلامتش بس اقول چنه زايده كيلو او نص كذا
وقفت قدامه وهي تمسك بطنه :- شف بطنك اول انت وخويك بعدين تكلم عني
انصدم نياف :- شدخلني انا ! بعدين ذا اسمه عضل مش كرش
تخصرت غلا :- اكذب على نفسك انت وهو
سحبتها شريفه :- اجلسي وطنشيهم
طلعت غلا:- ما ابي منكم شي الليله وانت بنادي لك غرام
كسار :- ذي حددت الجميع !
ريوف وهي تضحك :- الظاهر انعدت مني
نزلت غرام تودعهم وركبو السياره وغرام شوي كانت متضايقه فتحت النافذه شوي عشان نسمات الهوا تلامسها
كسار :- غرام تبين ناخذ شي من البقاله ماراح اوقف
هزت راسها بمعنى لا وكمل كسار :- قالت شي ضايقش؟
غرام :- لا بس ابي ارتاح اذا ماودك ارجع قبل ما نبعد
مسك يدها :- انا ماودي ؟ لو علي ضميتك بوسط صدري
التفتت غرام :- مضغوطه كسار
كسار شد على يدها :- وش قالت عمتي ؟
غرام بتلعثم :- كـ العاده بس المره ذي تبيني احمل بحجة ايش ؟ محد يتكلم علينا !
ضحك كسار وانفجرت غرام :- لا تضحك !! انا متضايقه منه وانت تضحك !
كسار :- خلاص ماضحكت ماضحكت بلعتها شفيش معصبه كذا !
نزلت دموع غرام :- عشانها تحسسني مقصره معك دايم ومنت مرتاح معي بختصار انت مجبور علي
كسار خطف نظره لها وقبل خدها :- غرام امي انتِ زوجتي وحبيبتي وقلبي اذا على سالفة الحمل حتى انا ماني مستعجل اضبط امور شغلي وانتِ تكملي دراسه وبعدها اذا الله كتب مانقول لا
جمدت غرام بدون اي حركة لكن ابتسامة الرضى بانت عليها :- تدري كنت متخوفه انك ماتفهمني لكن صدمتني وتثبت لي العكس وتفهمني اكثر من نفسي بعد
كسار بمزاح :- الكلام ذا سجليه عندش عشان لو غلطت صغيره ماتنكرين كل الكلام
ابتسمت غرام وسندت راسها تفكر بكل هدوء اما كسار كان كل شوي يغازلها متعمد يشوف خجلها .
~ سعود :- قومو جهزو لنا واحنا نشوي بالمخيم
الجد :- ذي الحزه ! مافيه روحه
ريوف :- جديي تكفى من زمان ما رحنا
الجد :- لا تكفى ولا غيرها اسدحو هبدكم بالحوش
ريوف :- بس بنسهر ولا بننام وانت ماراح تكلم
ضحك خالد :- ذي ما تحيلها
هياف :- تحيلها عصاته
غلا :-لا تجيب طاري العصا هي فقره ممتعه عنده الحين بيلطخنا كلنا
الجد يمثل العصبيه :- ماجربتوها على روسكم تبون اقوم !
غلا :- لا لا امزح تبشر والله محد فينا يطلع وبننام
نياف :- ذي طلعت خوافه
غلا بعصبيه :- انت الخواف يابزر
نياف :- وجع طبلة اذني انفجرت ! بعدين مين البزر هنا انتِ
سيف :- لا والله محد بزر هنا خيتي شيخة الشيخات
ضحكت غلا بدلع :- يالبى اخوي حبيبي
ابتسم نياف :- صرتوا ضدي يعني
اجتمعو كلهم بالحوش والشباب يشون والبنات يرتبون المكان وكلها ضحك وسوالف ومابين عصبية الجد عليهم وضحكهم
سيف وهو يرتب الحطب:- صدق كسار خاين خلص شهر العسل ولسا ناشب بغرام! فوقها استغل اسرع فرصه
ضحك نياف :- أجل تتوقع بيروح معنا ويتركها؟ عاد انت شوف كيف كانت ماسكته اول مادخلو ويوم ترفع الخاتم تقهرني جيت اصيح من القهر وقتها !
ريوف وهي تلعب بالجمر :- يازين العشاق صدق
غلا :- شعرفش مجربته ولا بس متاثره بغرام واخوش
غمزت ريوف :- انا لا بس بعض الناس يعيشونه
سيف :- تخسين وانتِ لفي علي وش تقصد ؟؟
قاطعتهم لطيفه :- اهجدو ماتعرف غلا يعني من روايه لروايه
سيف :- واذا يعني ؟؟ شدخل !
لطيفه :- مره ندخل عليها تصيح ومره تضحك وتعيش خيالاتها معهم وريوف تعايرها
زفر نياف براحه لكن سيف باقي عنده شك :- وليش هي انقلب وجهها كذا وانبلع لسانها!
غلا :- خفت احد يسمع وما تفهموني زين نفس ما انت تفكر حالياً
ابتسم سيف يمشي الامور :- لا تتكلمون كذا ومحد بيشك فيكم
غلا :- ابشر بس سكتو ذي عني
ابتسمت ريوف تستوعب النكبه :- انا اللي بقص لساني لا تحاتين
جاء عندهم سعود :- اكيد تحشون بغرام عاد فعلاً كسار لو نتكلم عليها الحين يمكن من السطح ينط بسلاحه
رن جوال ريوف شافته وابتسمت بخبث:- بنت الحلال عند ذكرها ، ياهلا بغرام وين حبيب القلب ؟ ولا طاردته مزعلش ؟
ضحكت غرام :- لا بس اطمنكم قربنا نوصل
ريوف بخبث :- ماتبون نزعجكم ولا ايش
انصدمت غرام وقاطعها كسار:- اسكتي اقول وش عندكم جلستو بالبيت ! طافتنا جلسة الحوش
ريوف نزلت جوالها وحطته على المكبر :- ليش عندك غرام وتبينا تلعبها على مين انت
صرخ سيف :- يا كسار اترك بنت عمتي شوي درينا انك متزوجها فارقها دقيقه وحده بس!
نياف :-الحين مب غرام اللي داقه ليش ذا يسولف اكثر منها... غروم اذا مخطوفه اصرخي
ضحك كسار :- الغرام تبي الفكه منكم
صرخت غرام :- كذاب وحشتننيي
ضحك نياف :- مستحيل اصدقه ذا المهم بس تفضين دقي على هياف ترى شايل عليش
غرام :- بروحيي عنه والله بس اوصل بكلمه
ابتسمت ريوف وهمست :- الشوي بيحترق روح
كسار :- وش تهبدين انتِ ؟
ضحكت غلا :- طلع مايفهم اعظم مني
استوعب كسار وسكره بوجههم وانفجرت ريوف ضحك
اديم :- انتو للحين ماجهزتو شي ؟؟؟
لطيفه :- انا الرز قده خلص بس مشاويهم للحين يلعبونه
مها :- يعني الحين الرز اللي يبي له شغل اكثر خلص وانتو باقي!
سيف :- خلصنا النص اذا مستعجلين خذوه واحنا ناكل بعدين
دخل هياف :- مستحيل عشان جدي يشخصنها صچ هو الحين ومعصب
اديم :- ليه وش صاير ؟
هياف :- ولا شي بس خلصو
اديم :- متاكد ما تخبي عني شي ؟؟
التفت نياف :- اكيد هيوف حبيب قلبش متى كذب عليش ؟
ابتسمت اديم :- بدت الغيره خلصو والحقوني
ربت هياف على نياف :- طلعتني من الورطه
ضحك نياف :- بتعلمني كلشي بالتفصيل
ريوف :- ان كنت بقضيه مستعده اكون محاميتك
هياف :- لا بس ممكن اي
رفع حاجبه نياف :- انت صادق ؟!
هياف :- اي
سيف :- بتتكلم ولا كيف !
هياف :- خلصو عشاكم واقول لكم مره وحده .
ريوف :- دام كذا عطونا النص ونسويهم بالمطبخ على الفرن
هياف :- اول مره تفيدين بشي خذي
أنت تقرأ
بشروني عنك ما يدرون عني مادروا باللي شغل فكري وظني
Poesíaاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
