التفتت لها ريوف :- اخيراً طلع صوتش ياويلش تستسلميي انا بوقف وراش ومااحب البنات الضعاف الان ترتاحين واحذرش من الحين اذا تراجعتي للحظه بقطعها ، ابتسمت غرام :- نادي لي هياف وبعدين كملي التعليمات ، كشرت ريوف بوجهها وطلعت تدوره شافت غرفته السريه مردوده وتاكدت انه فيها فتحت الباب وانصدمت من مظهره بدون تيشرته ويضرب بكيس الملاكمه وقف اول ماشاف ريوف تناظره صدت عنه رمى القفاز من يده وشال تيشرته من الارض يلبسه :- لفي خلاص وش عندش؟
ريوف :- غرام بغرفتها تبيك
ابتسم اول ماسمع غرام وطلع بدون مايعطها اي كلمه
ريوف اسرعت توقف بوجهه :- انطر هنا البنات داخل
فتحت باب الغرفه شوي :- حطوا على روسكم جاء
دخلت ودخل وراها هياف مسرع لها سحبها لحضنه :- سامحيني ياامي انتِ جدي تغير ! ماقدرت اسوي شي
غرام انهارت تبكي بحضنه :- عورني جسمي كله يعورني
هياف ارخى يدينه عنها :- بسم الله عليش من كل آلم برووحي عنش اوعدش اني باخذ حقش واندمه على كل شي وعد بس سامحينيي
البنات كانوا منصدمين من حنيته عليها اما هو اشر لها يطلعون :- نادوا لي نياف بطريقكم
طلعوا البنات متوجهين لتحت عند العيال
لطوف :- انا تعبت مافيني طاقه اي احد يسالكم عني انا نايمه بس اذا رجعوا امي وابوي جلسوني.
ريوف :- حتى انا مالي نفس اشوف احد بدخل انام
غلا :- يعني تتركوني بروحي ! وحده تظل معي
ريوف :- نادي لهم نياف ودخلي معه
غلا:-مستحين امبوستر بينهم !
ضحكت لطوف :- ابعدي المصطلحات الغريبه ذي والباقي محلول
غلا:- بساعد بالمطبخ بس بكره عليكم وانا بخاوي غرام
ريوف :- اذا خلتش عمتي ذي معجزه
كشرت غرام بوجههم وتوجهت للحوش مكان جلسة العيال كان كسار يقص لهم وش صار من البدايه لنهايه وهي تسمع انفعال نياف وسيف شافتها اديم :- غلا ليه تركتي غرام لوحدها !
التفتوا كلهم لها وهي تلعثمت :- ماتركتها هياف عندها ويبي نياف
فز كسار :- ليه صار شي ؟
نفت غلا براسها :- بس تحتاج وجوده معها
دخلت بدون ماتسمع ردهم وتقدمت تصعد لحقها نياف :- البنات وين ؟
غلا :- دخلوا يناموا
نياف :- تعالي معي اجل
فتح نياف غرفة غرام ودفها معه :- ادخلي لا تستحي
عدل جلسته هياف وغرام بدت تمسح دموعها
غلا :- بروح انام خلكم مع بعض شوي
غمز نياف لغرام وفهمته ابتسمت :- خلش معي احتمال يخبلون فيني
ابتسمت غلا وجلسة على مكتبها وبدا نياف يحارش غرام مره يسحبها من هياف ويعصب عليه ومره يسحب لحافها ومره يلعب بغراضها وغلا تتاملهم وتشاركهم الضحك للحظه وقفت بتطلع وقاطعتها غرام :- وين بتروحين ماعرفتش تنامي وقت فجريه
غلا :- بروح اقرا رواية على مايأذن
نياف :- جيبي روايتك واقري لنا ... اقصد لغرام
ابتسمت تناظر غرام وهزت راسها بالموافقه
اول ماطلعت وقف هياف وتقدم لنياف ضربه بخفه
نياف :- وجع وشفيك جلدك يحكك؟
هياف :- والله انت اللي جلدك يحكك
نياف بستغباء :- ليه وش سويت انا !
غرام :- ترى راعي الهوى مفضوح
التفتوا عليها مصدومين، هياف :- اشوف رجعتي لخبالتش معي يعني ماتريحوني يوم ! علطول كذا
كشرت غرام وجهها ونط قبالها نياف:- شقصدش انتِ
سحبه هياف :-لا تتهرب ان شفتك مقرب منها لا تلوم الا نفسك اضبط نفسك قبل ماحد يقفطك ولا تحط امال براسك ، سكت نياف وتمنى الارض تنشق وتبلعه
دخلت عليهم غلا وبيدها كتاب كانت تحبه غرام تقدمت تعطيها اياه وانسحب هياف للارض وجلست غلا جنب غرام :- جبت كتابش المفضل
غرام حضنتها :- يلومونيي فيش الان انتوا اطلعوا وخلوني مع غلاوي نقرا
نياف :- خلونا معكم نسمع
هياف سحبه من ثوبه :- ياوجه استح تطردك وترجع
ضحكت غلا :- جتكم طرده مبطنه الحمد لله فهمتوا
ضحكت غرام :- مايفهمون الا بالطرده العلنيه بس اليوم مدري وشفيهم وغمزت ، رفع يده نياف يهددها وهياف يسحبه يطلع معه وغلا كانت جاهله الموضوع
—-
توقف مشاري قدام فندق بعيد شوي عن القريه ونزل حجز غرفة لهم واشر على شريفه تلحقه ، شريفة كانت تتبعه وهي ساكته اول مادخل الغرفة انسدح على السرير تقدمت له لطيفه :- مشاري
مشاري :- لا تتكلمين بس تعالي جنبي
جلست شريفه جنبه ورمى راسه بحضنها وبدا يبكي بجنون ، شريفه :- بسم الله عليك لا تسوي بنفسك كذا غرام بخير متاكده انا
مشاري :- امي قبل ماتموت وصتني على نوره وبنتها شوفي كيف ماتت نوره وغرام تلحقها ومحد مسوي شي !
شريفة ضمت راسه بحضنها تمسح عليه : الله يشهد انك تسوي اللي تقدر عليه نورة الله يرحمها ذا يومها وغرام الان رجعوها اكيد
مشاري ينفي:- لو انا تكلمت بعد مادريت ماصار بنوره كذا كانت للان عايشه
شريفة:- لا تعترض على حكم الله ذا المكتوب انت مادريت الا بعد ماتازمت هي وبنتها
زاد بكاء مشاري وهو يستمع لمواساة شريفه حتى هدا وغفت عينه وشريفه ماابتعدت عنه طول الليلة تقرا عليه .
___
بغرفة الجد كان على سجادته يبكي ويستغفر ويفكر بينه وبين نفسه كيف يواجهه الكل ويشرح لهم موقفه اذن الفجر وطلع صادف العيال :- خلال خمس دقايق مااشوفكم بالصف الاول كل واحد فيكم بينجلد وقد جربتوا وطلع بدون مايسمع اي رد فيهم
سيف :- مستحيل ! امس كان شخص واليوم شخص ثاني
نياف :- امس متسلط علينا كلنا واليوم رجع الحنون
كسار :- لا تتكلمون قبل ماتعرفون كلشي بالتفاصيل
هياف :- انتوا اسبقوني وانا بتطمن على غرام والحقكم
نياف :- غلا نايمه عندها خلها لبعد مانرجع
سيف :- غلا اختي !
كسار :- انتقلت صفة الفهاوه اخت مين اجل
سيف :- لا بس انصدمت هي فهاوتها عاليه الان تلاقونها تبكي بدل غرام
نياف ضحك :- لا معليك مهتمه فيها وحاطتها بين رموشها لدرجه طردتنا
سيف :- ماعرفتها حنونه كذا بس حيي عينها عرفت كيف تادبك
ابتسم نياف يناظر بهياف ، طلعت اديم وشافتهم بيطلعون للمسجد :- ابوي طلع ؟
كسار :- ايه من شوي واحنا لاحقينه
اديم :-غرام شافته ؟
كسار :- لا ماطلع من امس توه الان لصلاه بس مب باين عليه شي
اديم :- خلاص تيسروا ومروا المخبز جيبوا الفطور منه
نياف :- ابشري كم ادومي انا عندي
ضربته اديم بخفه :- ابليسك ذا نيمه
ضحكوا وتوجهوا للمسجد و ريوف مع لطوف توجهوا لاديم
ريوف :-عمه تحتاجين شي ؟
ابتسمت مها :- عيوني فيها شي ولا ذي بنتي صدق !
ضحكت لطوف :- من بعد الكلام اللي نسمعه تحسسنا
اديم :- احسن خلكم سنعات باقي غلا وينها؟
ريوف :- نامت عند غرام عشان تساعدها
ابتسمت اديم :- الله لا يفرق بينكم
مها :- امينن خلكم سند لبعض دايم ، اصعدوا عندهم مافيه شي تسوونه
ركضوا وهم يحسون بشعور الانجاز ، مها :- ماصدقوا الا من الله
اديم :- خليهم جايهم الكرف بصعد عند غرام تعالي معي
مها :- شريفه ومشاري للحين مارجعوا
اديم :- بس يجي نياف اخليه يتبحث لي وينهم
~ نسرع الاحداث :- بعد الصلاه تجمع الكل على الفطور بمجلس غرام وطلعت اديم تجيب غرام واول مااقبلت شافت جدها وتراجعت لكن رحب فيها كالعاده وتقدمت تحب راسه الكل وهي ترجف والكل مستغرب من تصرفات الجد ومنهم غرام
غلا :- ابوي مارجع للحين ومايرد علي
ابو خالد بهدوء :- مثل ماطلع يرجع بنفسه ماهو مبعد
لطوف :- بس ابوي مايدري برجعة غرام للحين !
ابو خالد :- سكتي انتِ وهي وكملوا فطوركم متى مارجع رجع
بان دموع غلا بعيونها ووقفت بتطلع :- انا شبعت
ابو خالد :- ارجعي مكانش ولا تاكلي
نزلت دمعة غلا وكانت بترجع لكن تدخل سيف :- غلا و لطيفه اطلعوا وانا بجيكم ، طلعوا غلا ولطيفه عند باب المجلس والكل منصدم من التغير الجذري اللي صار
لسيف :- اذا كنت جايبنا هنا تفرض سيطرتك علينا انا مستعد اخذ خواتي واطلع من ذا البيت وماتشوف وجهنا لاخر يوم بذي الدنيا
خالد بعصبيه :- اقصر حسك لا تتكلم مع جدك كذا
سيف :- جدي لما كان مايبي يفرق بين احد ويبي الكل حوله كان جدي الحنون على حفيداته ومايرضى احد يزعلهم والان دموعهم تنزل بسبته شوف غرام وش صار فيها وشف امي وابوي وينهم الحيين فوق كذا رافض احد يكلمهم!
نياف يسحب سيف :- اهدى مب كذا قدام الكل
سحب يده :- ليه من وراهم ؟؟ بعدين الكل تاذى من ذي الليله والكل بداخله كلام خلنا نطلعه
غرام بصوت مرتجف:- بروح داري ماابي افطر معكم
هياف :- كلي لو شي خفيف يسترجع قوتش
سيف :- شفت كيف حفيدتك تتهرب منك ؟؟ حفيدتك المفضله صارت ماتبيي تجلس وياك
ابو خالد بنبرة هدوء تخفي خلفها صرامة: سيف انتهى الكلام هنا محد يطلع من هالمجلس قبل ما نخلص الفطور واذا عندك شي بتقوله لي قوله بس باحترام صوتك لا يعلى لا تنسى اني جدك وماتربيت على انك تعلي صوتك علي ! نياف يهديه : جدي صادق ترى احنا ما تربينا على رفع الصوت ولا التقليل من مقام جدي انتبهه
سيف بتنهد وضيق: جدّي، احنا مو ضدك ولا نبي نعاندك، لكن اللي صار فرقنا وحطم الكل ، كل واحد صار يحمل جرح بداخله وماحد قادر يواجه الثاني ! حتى غرام اللي كنت تعتبرها الأقرب لك ما عاد تحس بالأمان معك وبس تبي تتهرب منك !
ابو خالد نظر لغرام التي كانت جالسة بصمت وعيونها مليانه دموع وقال بحنان خافت: غرام، تعالي هنا جنبي
غرام ترددت للحظة، لكن الجميع كان يراقبها قامت بخطوات ثقيلة بمساعدة ريوف واقتربت منه
ابو خالد مد يده وربت على رأسها: ياغرومه اذا في شي بخاطرك قوليه لي انا ما عمري كنت أبي أكون سبب في دموعكم لكن أحيانا القرارات اللي ناخذها تكون قاسية مو لأننا نحب القسوة لكن لأننا نظن إنها الصح .
غرام رفعت رأسها بصوت متقطع: جدّي ، انا ما فهمت قرارك لكن اللي صار خلاني أخاف واتالم وانضرب وانهان!أنا تعبت
ابو خالد بحزن ظاهر: سامحيني يا غرام، وسامحوني كلكم يمكن أخطيت، لكن نيتي دايم كانت لمّ شملكم، مو تفرقكم ومتعب ذا لو اتصل على الشرطه والمحامي ماراح ترجعين لنا ابد
الجو صار ثقيل، لكن كلمات الجد بدت تفتح باباً صغيراً للتفاهم. سيف جلس مكانه بهدوء بعد ما شعر إنه وصل رسالته، وغرام رجعت جنب ريوف واستندت عليها تحاول تهدأ بحضنها ، سكت الكل يكمل اكلهم بدون مناقشات لان لأول مرة يشوفون جدهم يعترف بغلطه
وقف هياف وتقدم لغرام ونظارته على ريوف :- تساعديني نرجعها غرفتها ترتاح ؟
ريوف هزت راسها بهدوء بمعنى اي وحاولت معه يوقفون وسندها عليه :- لا تفكرين اللي صار بسببش
غمضت عينها غرام :- ماابي افكر ودني دار نياف واتركني بحالي ، وهي طالعه صادفت غلا تبكي ولطيفه ضامتها : كيف مالي دخل وهي تبكي وتقول مايدري برجوع غرام ؟
هياف:- هو عصب من جدي ليه سمح لش تروحين وترك البيت ومعه مرته بس جدي مارضى ياخذ عياله
غرام :- اتصل عليه وانا اكلمه
غلا سمعتهم وزادت بصياحها :- تحسبين ماجربت اتصل عليه جواله مسكره !
غرام :- جوال خالتي شريفة اكيد مفتوح ماتسكره هي
هياف :- جوالش عندش ؟
غرام : لا بداري
هياف :- تعالي معي
دخلت غرام دارها ووراها البنات
غلا :-حطيه اسبكرر بسمع صوتها تكفين
هياف :- اترككمم مع بعض لكن لا تهددون غرام
ريوف :- تقدر تحط ثقتك عندي
غلا بصوت متقطع: إذا امي ما ردت؟ وش بنسوي؟
لطيفة وهي تضم غلا من جديد وتسمح على راسها: اهدي ان شاء الله بترد واذا ماردت عندنا سيف ماراح يتركنا
هياف وهو واقف عند الباب: غرام أنتِ تعرفين كيف تتعاملين لا تعطين راسك فرصة يلومك على أي شيء انتِ مالك دخل ابداً
غرام: لا تخاف عليّ
غلا بصوت متلهف:غرام اتصلي عليها الحين! لا تخليني أنتظر أكثر !
غرام أخذت نفس عميق ومدّت يدها للجوال، بدأت تبحث عن الرقم وهي تحاول الحفاظ على صمودها ، ضغطت على زر الاتصال وحطت الجوال على مكبر الصوت ، رن الجوال فتره طويله وزاد بكاء غلا وبكت وياها لطيفه زاد توتر غرام للحظة الا ردت شريفة: غرام؟؟
غرام بصوت هادئ ولكن واضح: ايه انا بخير
شريفة : وش صار معك ووينك الحين ؟
غرام تحاول تهدئتها: خالتي، اسمعيني بس دقيقه
~ سمعت صوت خالها مشاري ~
غرام :- تكفين قولي لخالي رجعت انا البيت من امس ارجعو الحين والباقي مايهم الموضوع مهم،
غلا صرخت: يمّه اشتقتت لك ولابوي مانمت الليل كلله افكر فيكم
شريفة تنهدت بعمق: بروحي عنك حبيبتي غلاوي احنا بخير وبس اقول لابوش ، بنرجع عطينا ساعه بس واحنا عندكم عطيني لطوف اكلمها
نطقت لطيفه :- انا بخير يمه لا تحاتين بسس تعالي شيلي الطفله ذي عني تعبتني
ضحكو وردت شريفه : مسافة الطريق وراجعين انتبهو لبعض
تقدمت لطيفه تحضن غرام :- مدري كيف راحت عن بالي اتصل عليها ماقصرتتي
هياف دخل الغرفة مرة أخرى: ردت عليكم ؟
غرام وهي تنهض نفسها: ردت بس مسافة الطريق
هياف :- الحمد لله قلت لكم مافيهم شي بس يحتاجون وقت بعد اللي صار كلنا نحتاج
________
اعتذر عن القطعه🥹 و تعالو انستا : @lv5_x3
وتيك :- lv5_x3
أنت تقرأ
بشروني عنك ما يدرون عني مادروا باللي شغل فكري وظني
Poesiaاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
