نزلو البنات كلهم متجهين للمجلس بيفطرون
الجد :- شرفتو ؟ صار الضحى وانتو توكم تفكرون تنزلون !
غرام :- سامحنا ياجدي ماحسينا بالوقت
اديم :- وانا اقول بنيتي السنعه بينهم اثرهم خربوش
غرام :- والله اني صاحيه من قبل الفجر وانتِ تدرين مارجعت نمت
اديم :- ادري انك صاحيه قبل الفجر بس مادري اذا رجعتي خمدتي وياهم ولا لا
غرام :- اسالي كسار بيقولك مانمت بعد الصلاه
فلصتها ريوف من جنبها تستوعب العيد اللي قالته :- الفجر نزلنا بنسوي الفطور وهو كان صاحي
خالد :- كلكم اليوم محرومين من الفطور دبرو عمركم
سيف غص بالتمر :- انا شدخلني !
سعود :- كلكم نفس الطبع انت لولا بطنك كان راقد وياهم
مشاري :- دام ابوي قال كلمته محد يقدر يردها بكره نشوف شطارتكم
مها :- واكيد غرام بتكون اول وحده صاحيه
غرام :- اكيد بعد ذا التسفيل بكرة من ثلاث انا جالسه وعشان محد يلومني
الجد :- انا اقول اتركو السوالف عنكم وافطرو وانتو طلعو بره
سيف :- كلله منكم روحتو علي وجبة الحين وش يصبرني
غلا :- حياتك كلها وجبات مسوي فيها مسكين الحين قوم وانت ساكت
غرام :- دام اننا مطرودين قومو السطح نفطر هناك ينزل
لكم فطور من يدينيي احسن من ذا
مشاري :- لا اله الا الله ! غرام الكلام ذا يطلع منش !
غرا :- مجبوره عشان ولدك ماينشب بحلقي اليوم كله
ضحك مشاري :- صدقيني ماراح تنفكين من لسانه الا تنزلين له ذبيحه
ريوف :- ذي بزواجها ان شاء الله الحين ماله الا بيض
ضحكت مها :- بيكسر عينكم ويجيبها قدامكم ياكل بروحه
لطيفة :- سيوف يسويها ماانصدم للحين مانسيت صحون الشاورما ماعطاني ولا حبه
ضحك سيف :- يالحقوده مرت على السالفه شهور وللحين بقلبش ؟
هزت راسها لطيفه بمعنى اي :- اخر الليل وتتوقع مني مااشتهي ؟
سيف :- ابشري فيها بس خليني اصيد مكانهم هنا
غرام :- خلصت انت وهي ؟ اخلصو جهزو الجلسه قبل مااهون
غلا :- لا تكفون طبخ غرام مايتفوت امش انت وهي بسرعه
ابتسمت غرام :- ينزلل لكم فطور بكلل حُبب
ريوف تهمس :- بكل حُب لنا ولا لكسار ؟
رفستها غرام :- امشي قدامي
كسار كان يناظر توترها منه انتبه هياف له :- كسار قم وش تنتظر ؟
كسار التفت له :- اسبقوني وبلحقكم بخلص كم شغله
نياف سحبه :- لا عيني بتقوم ويانا الحين ، همس باذنه :- شغلي معك بعدين بس تحرك الحين
لف عليه كسار :- وش صاير ؟
نياف :- انت تعرف زين
غرام بالمطبخ تجهز صينية الشاي :- انتِ ليه فضيحه كذا
ريوف :- انا فضيحه !
غرام وهي ترتب الصواني :- اي اقل شي ممكن اقوله عنش فضيحه
ريوف :- الحين انتِ ليش خايفه عشانش تحبينه ؟
غرام :- ريوف تدرين لو يسمعونا يخلصون علينا بلحظه وحده !
ريوف قربت منها بخبث :-عادي عندش من يحميش
غرام :-مااصدق انتِ مب طبيعيهه
هياف كان مار من عند المطبخ بدون نيه انه يدخل لكن شد انتباهه صوت ريوف ووقف صافن بصوتها .
ريوف : انا اللي مبطبيعيه ولا انتِ من الفجر مب على بعضكك كل ذا عشان كسار كلمك ؟
وقف هياف يستوعب الكلام دفع الباب بقوه بصوت خفيف لكن مليان غضب : وش سمعت انا الحين ؟؟
غرام جمدت بمكانها وريوف تراجعت كم خطوه :- انا كنت امزح وياها مافيه شي
هياف صرخ بوجهه غرام :- كلميني وش مسويه معه ؟؟
غرام بهمس :- مو مثل اللي انت تفكر فيه
هياف ضرب الطاوله :- كيف يعني ! تتقابلين معه من ورانا وشي عادي تشوفينه ! ماكنتِ كذا بس ذي خربتك استوعبي
ريوف رفعت صبعها بوجهه :- اسمعني زين انا ماسويت لها شي ولا غيرتها واذا تشك فيها
قاطعها كسار :- نزلي صبعش قبل ماكسره لش ولو سمحتي طلعي بره
ريوف :- ماراح اطلع الا وهي معي
كسار تقدم بيسحبها بس قاطعته غرام:- ريوف اطلعي
ريوف ناظرتها وشافت اصرارها طلعت واتجهت لنياف مباشره:- نياف الحقق غرام بالمطبخ مع اخوك
نياف :- وش صاير ؟
ريوف :- عرف كلشي
ركض نياف عندهم واول مادخل شاف رجفتها :-هياف !
هياف :- تعال شوف اختك وش مسويه !
غرام :- والله ماسويت شي حتى انا ماكلمته
هياف :- انتِ لو مكلمته تدرين وش سويت فيش ؟
نياف سحب غرام بحضنه :- هياف خلاص اذا عندك شي تفاهم معه هو هي مالها ذنب !
هياف :- ذكرتني فيه الله يذكرك بالشهاده والله غير اندمه !
طلع من المطبخ وصادفه سحبه من كتفه للمجلس ولحقوه نياف وغرام، دفعه بكل قوته وتهجم على كسار :- وش نيتك انت ؟ تستغل ضعفها لمصالحك ؟؟
غرام لاول مره تحس هياف مايفهمها :- هياف كفايه !
هياف استوعب وجودها وابتعد عنه :- عندك لبكرة اذا ماتتقدم لها رسمي صدقني غير اندمك حياتك كلها
كسار :- اختك اشرف منها مافيه وانا كلمتها بس اطمنها فكر شوي انا قلت بعقد عليها وجدي قال زواج علطول تتوقع بتوافق وهي شافت واحد يحاول ياخذ منها اغلى مافيها ! فكرر ياهياف لو جيت واخذتها بدون مااكلمها كيف بيكون خوفها ؟؟
نزلت دموع غرام من كلامه ولفت على نياف تبكي بحضنه :-خلهم يسكتون خلاص ماابي اسمع صوت احد منهم
نياف طلعها وصعدها لغرفتها :- غرام تاكدي ماراح يصير غير المكتوب اهدي انتِ ولا تفكرين بكلامهم
غرام :- هياف شاك فيني !
نياف :- طبعاً لا بس انتِ تعرفين تفكيره كلنا نعرف ماسويتي الغلط
غرام :- عطني اي شي ينومني ماابي اكون صاحيه
نياف :- طبعاً لا تقدرين تقاومين بدونهم
غرام :- تكفى لو حبه وحده
نياف :- قلت لا يعني لا اجلسي شوي وانزلي عشان سيف مايجي ياكلش
غرام ضحكت بدون شعور :- نسيته !
نياف :- لا تشيلين همه انا ادور لنا مخرج من لسانه
غرام :- اي تكفى بيذلني دهر الحين
نياف :- لا تشيلين هم ارتاحي شوي ونزلي عند امي والبنات
هزت راسها غرام وطلع نياف متجهه لهم :- انت وهو انا ساكت لكم عشان غرام واحترامي لك لانك الكبير بس انكم تتكلمو عن غرام مافيه لا احترام لك ولا له غرام ماحد يشكك فيها لا بمشاعرها ولا تصرفاتها واذا فيه احد بيوقف بوجهها بتشوفوني انا قبالكم
هياف :- نياف اوزن كلامك
نياف :- ليه الحين اوزنه وانت ماوزنته وهي موجوده !
كسار :- انا بتقدم لها رسمي وننهي كلشي
هياف :- اذا قالت لا تحلم تحوم حوليها
كسار :- بتقول اي وبتشوف
هياف :- وليه واثق من نفسك كذا !
نياف قاطعه :- هياف خلاص ! اعرف تفكيرك تذكر ذي غرام !
كسار :- اقسم لك اني مالمستها او لمسة شعره منها بس طمنتهاا عشان ماتخاف وتتبع احساسها بدون ضغط
نياف :- خلاص توكل انت وهياف اجلس هنا واستوعب كلامك اللي تقوله عن اختتك
كسار :- اذا ماسلمت من لسانه كيف بتسلم من لسان الناس ؟
نياف :- انت بعد لا تزودها وكمل طريقك
طلع كسار ووقف هياف حاير بين افكاره قاطعه نياف :- هياف كلنا نحب غرام ونخاف عليها بس اللي سويته اليوم وش !
هياف بشك :- انت متاكد انها ماغلطت ؟
نياف :- طبعاً غرام ماهي طفله وتعرف الصح من الغلط حتى لو كانت بوحدها
هياف :- افكاري توديني وتجيبي لو طلع كسار يتلاعب
نياف :- وقتها انا وانت نقلب عليه الدنيا ومافيها
هياف وقف :- انا بروح النادي شوي اهدي افكاري واذا شفت غرام ... قول لها اني غلطت يوم شكيت فيها وهي اختي
ابتسم نياف وربت على كتفه .
~بالحوش
الجد علي :- ماودكم نتغدا اليوم بره ؟
مشاري :- يبه اديم والبنات جهزو كلشي مبكر خلها مره ثانيه
سعود :- انا ادعم فكرتك يبه لهم ساعه البيت منقلب فوق تحت ماانصدم اذا حرقو الطبخه وخصوصاً شريفة كل شوي طلعت تهاوش البنات
مشاري :- لو شريفه تسمعك بتغسل شراعك
ضحك سعود :- دام السوسه ولدك ساكت ماراح يوصلها شي
سيف :- بسكت مب عشانك عشان امي ولا انت تستاهل الجلد
ضرب الجد علي عصاته :- احترم عمك ولا تقلل ادبك معه
سيف :- سم بس خله يسكت عن امي !
سعود :- سكتنا سكتنا المدافع القومي لمامته
سيف :- جدي شوفه !
مشاري :-بسك انت وهو قم انقلع عند نياف
سيف :-عنده سالفه مع اخوه
سعود شهق :- تم الطلاق بين نيوفي وسيوف
سيف بستهزاء :-الكلام ضايع معك ياعمي سعود اقوم للمطبخ احسن منك
سعود :- ذا قال عمي سعود ولا اذني فيها شي !
الجد علي :- ماتستاهل يقولونها لك بس قالها
خالد :- هو معطيهم وجهه لو يطنشنهم بيحترمونه
سعود :- انتو من قال لكم تعرسون وتجيبونهم كبري ! واحد كان معي بنفس المستشفى والثاني اذا طلعت معه يحسبني خويه
الجد علي :- هو انت بزر زيهم اركد عنهم والكل بيعرف انك عمهم
سعود :- يصير خير
ضحك مشاري:- اذا عقل سيف بيعقل سعود
دخل سيف المطبخ وشاف شريفه بيدها ملعقه خشب تهدد فيها :- غلاوي لا تكثرين الملح لو طلعت مالحه ذي بكسرها على ظهرش
غلا بتذمر :- يمه والله حطيت شوي !
شريفه :- اعرف اللي تقصدين كفش كامل
غلا :- يمه شدعوه ماتثقين فيني! كلها سلطة
ضحك سيف على اشكالهم :- ماشاءالله فيه حرب هنا وهناك !
اديم ابتسمت :- لو الرفلات يتسنعون ماراح تكون عندنا حرب
لطوف :- سيووف شرايك العشاء يكون شاورما ؟
سيف صفق بيدها :- فكرة البطلة كفو عليش !
لفت عليهم مها :- انتو سوو الغذا الحين وتالي فكرو بالعشاء !
سيف وهو طالع :- لطوف القمي انتِ انا محاضره ماابي
لطوف :- حقيير وخواف !
اديم :- احترمي اخوش وكملي شغلش
لطوف :- ابشري
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
