بالغرفه كانت غرام نايمه براحه وكسار يناظرها تقدم يبعد شعراتها عن وجهها قبلها بخفه ابتسمت شفتها وكمل :- وحشتيني
فتحت غرام عيونها :- وش صار ؟
جلس كسار بجنب السرير :- اللي صار انش واحشتني
غرام :- اتكلم جد والله
كسار :- يتغذا هناك مافيه الا العافيه
ابتسمت غرام :- الحمد لله الحين اقول وحشتني اكثر شيلني لغرفتنا
كسار :- ياعيني على الدلع المره ذي انا مع عمتي
غرام :- اجل قوم عني
قرب كسار جنبها اكثر :- مقدر واحشني كلشي حتى شعرش المتناثر على صدري
ابتسمت غرام :- كسار وخر لاحد يجي
غمز كسار :- انا محذرهم كيفهم
قرصته غرام بخفه :- والله ياويلك
طقت الباب ريوف :- اختنا بالله عجلي
كسار :- مرتي مخطوفه حالياً
شهقت غرام ودفته :- دخلي ريوف
فتحت الباب ريوف وهي تضحك :- تبين انادي امي ؟
قام كسار وهو يمثل العصبيه :- وانتِ علطول تطاوعينها ؟
ريوف كتمت ضحكتها :- اي يبّه ذي غروم
غمز كسار :- الغرام حقتي رايح وراجع وانتِ لا تخليني اشوف وجهش
هسترت ريوف ضحك :- مب صاحي والله قومي بس تبينا نجيش ولا تطلعين ويانا ؟
كسار :-شنها تستاهل بس لا تخيسون الغرفه سنديها معي
غرام :- خير انت وهي اقدر اقوم ترى
كسار استند :- يلا اشوف
قامت غرام تعدل طرحتها عند المرايه ومشت عناد بكل استقامتها رغم شوي الم ، ضحك كسار :- سوتها والله
ريوف :- لا تستهين فيها يلا تقلع هناك
بالمجلس الكبير
اول ماشافتها ملاذ فزت من مكانها :- جلسي هنا لا تتعبين
ابتسمت غرام :- ياحبي لش ملاذ
ملاذ :- روححيي انتِ
غلا :- خلصتو رومنسيتكم؟ نبي ناكل
ضحكت غرام :- امي وخالاتي وينهم ؟
ريوف وقفت فوقها :- هناك يقولون يبون العيال
غرام :- سلامات والله بحق
كسار طق الباب :- ريوف تعالي
فتحت ريوف الباب :- خير
سحب يدها وحط ادوية غرام :- بذمتش حطيتها ها خليها تبلعهم
ابتسمت ملاذ وهي تسمعهم:- تقدرون توكلوني المهمه
غرام :- خير والله مااخذ تتفقون علي
كسار :- انا اقول حطو على روسكم ولا طلعوها لي
ريوف :- ها وش تقولين تسلمين نفسچ ولا بالغصب
تاففتت غرام :- هاتيهم
ضحكت ملاذ وهي تراقبها :- مابلعتيها بلعيها بسرعه
غرام فتحت فمها :- هاا والحين
ابتسمت ملاذ :- تقدر تمشي
كسار :- يعطيك العافيه
سكرت ريوف الباب وجلست جنبهم تاكل اما كسار اول مادخل المجلس رحب فيه سيف :- ياهلاا حقك صار ببطني
كسار :- ماانصدم دب
ضحكت شريفه :- اذكر الله على ولدي
ابتسم كسار :- ما شاء الله عيني بارده لا تخافين
خالد :- اخبار غرام ؟
كسار :- بخير قامت تاكل وياهم
مها :- عسى خليتها تمشي !
هياف :- ما ينخاف على خيتي
كسار :- بالضبط عناد مشت وهي مستقيمه بعد
ضحك خالد :- احسن خلوها تقوي نفسها ولا من احد عليها
كسار :- يعني انا بمن عليها !!
خالد :- مايندرى عنك
ابو خالد :- اجلس اكل وانت ساكت
كسار :- لا انا اتوقع ذا البيت مسوي انقلاب علي
ضحك سيف :- الحمد لله انتقل مني لك
كسار:- ازح مناك خلني اكل
خلصو من الغذا والتمو كلهم بالمجلس
غرام :- بقول شي بس اللي بتعصب مني والله بخلي بنتي تكرهها
ضحكت ريوف :- افجعيني يلا
غرام وهي تلعب ببطنها :- متى ناوين تجهزون لبنتي ؟
ابتسمت اديم :- من الحين لو ودش
غرام :- اي ودي يلا قومو روحو ولا انا بروح بنفسي
كسار :- انثبري بارضش ثلاث مرات مب كفايه !
غرام :- انت خلك على جنب بيجي دورك
سيف :- اوف ذي مسويه تحديد للجميع
غرام :- بيتي اللي جلست فيه شهر بس برجع له
ابتسم كسار :- بذي موافق
نياف :- شفت ناس خفيفه بس زيك ماشفت
اديم :- بيت مافيه اذا قربت ولادتش روحي
غلا ؛- عكس الناس المفروض تروح الحين وناخذها اذا قربت ولادتها
غرام :- غرفة بنتي لازم تجهز مالي شغل وانت يا ابوها سلم بطاقتك ولا تسال عنها
ضحك كسار :- فداها
ابو خالد :- مافيه طلعه من البيت اهم يروحون ويجهزون كلشي
غرام مثلت الزعل :- ماابي غرفة بنتي المفروض انا وهو نجهزها بوثق كلشي بذاكرتي
بنص السوالف انتبهت ريوف على يد هياف :- شفيك ؟
هياف :- مافيني شي ليه ؟
رفعت ريوف يده :- عمتي شوفيي
اديم فزت تناظر يده :- سلامات !
هياف ابتسم :- جرح صغير بمسمار خيطته وجيت
ريوف :- وش مسماره ذا !!
كسار تدخل :- الباب وهو طالع يسند غرام معي
ناظرت ريوف غرام :- قلت لش لو فيه شي ثاني ياويلش تسكتين ليه !
غرام بلعت ريقها :- مالي دخل هو عندش
ريوف وقفت:- طلعي منها وانت قسم لو تعيدها وتسكتت
هياف سحبها من يدها جنبه:- جلسي مافيني شي والله ماهي مستاهله حتى ماحسيت فيه
جلست ريوف وهي مكشره وجههاا ، غرام :- ريوفوه الحلوه
ريوف :- هلا
غرام مدت جوالها :- شوفي غرفة بنتي
فزت ريوف جنبها :- وريني اشوف
مها :- الهبله مع الهبله الثانيه اجتمعو
ضحكت غرام :- مقدر على زعلها ذي رغم انها خايسه
ريوف :- بسوي نفسي ماسمعت اخر شي
ابو خالد :- اذا تبين ترجعين بيتش ما امنعش وتوكلي على الله بس انتبهي زين ولا تشتغلين ابد وتطمنينا كل شوي
غرام :- كنسل ابي بيت ابوي
ابتسم ابو خالد :- روحي ارتاحي ببيتش واحنا كل جمعه عندكم
غرام ابتسمت :- كذا تمم
سيف :- وين كل جمعه قول كل جمعتين اهون
كسار :- ذا لا اشوفه ببيتي
سيف :- من زين بيتكم
غرام ناظرته :- قدها ؟
ضحك سيف :- طبعاً لا
ملاذ :- وين بيتش انتِ ؟
غرام :- بالرياض قريب من مكان دوامه
كسار :- على طاري الدوام اسبوع وتخلص اجازتي
غرام :-مرت الشهور بسرعه كنسل روح بروحك
اديم :- بنت وشذا الكلام روحي مع زوجش واهتمي فيه
غرام :- اذا داوم وش اسوي انا !
غلا :- ماعليش بندق سناب ونطير الوقت عنش
كسار وقف :- كل الحلول تودينا الرياض يلا جهزي شنطتش
ريوف :- سلامات ! جهزها انت خلها هي ترتاح ويانا
اديم :- انا اجهز اغراضها
ابتسم كسار :- ارتاحي عمه كلهم كم شي انا احطه
ملاذ :- غرام على كذا تدلعي
غرام :- تم ماطلبتي شي
سعود :- لا تخربين بنت اختي انتِ
كشرت ملاذ وجهها :- غرام انا اخربش ؟
ابتسمت غرام :- لا وين التخريب ؟
صفق سعود كفيه :- لا بالله راحت ملاذ من بين يديني
ابتسم ابو خالد :- ياولدي خلها تندمج مع البنات تحس انها بين اهلها وناسها
سعود :- اسلم ياعلي صرت تقول كلام عشانها بعد
ابو خالد :- استح ياقليل الادب انا تناديني بعلي !!!
ضحكت ملاذ :- ياجدي انتوا اهلي فعلاً من اول ليلة تعرفت على البنات وهم خواتي
غلا :- اوفف جتنا وحده تحرك مشاعرنا العاطفيه
ابتسمت غرام وكمل ابو خالد :- اعتبري اديم امش الله يحفظها واعتبريني ابوش والباقي كلهم اخوتش لو احد فيهم يسوي شي اشتكيهم لنا
لطيفه :- حصلتي على حصانه كبرى
ابتسمت ملاذ :- الله يحفظكم لنا
غرام :- يلا دام ملاذ بتاخذ مكاني عادي
سعود :- انتِ مكانش العيون وملاذ القلب
غلا :- ذا صار يتغزل واجد حسبته جاف
غمز سعود لها :- جاف عندكم وفياض مشاعر عندها
خزه ابو خالد :- قم انقلع وخل ملاذ
سعود :- سلامات جوال هي تسحبها مني تراها حرمتي
ابو خالد :- كلكم تقلعو وخلو البنات هنا
كسار :- اصلاً انا صاعد تونس وياها نص ساعه وبخطفها
ابو خالد :- الله بلاني باحفاد وعيال مجنن نياف وسيف وينهم مختفين !
غلا :- اتوقع انهم مع امي وابوي
ابو خالد بستغراب :- ليش ؟
ضحكت غلا :- يقنعهم نياف يزوجون سيف
ضحكت غرام :- مب طبيعي ذا
ابو خالد :- انا قايل بلووه
أنت تقرأ
بشروني عنك ما يدرون عني مادروا باللي شغل فكري وظني
شِعراهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
