بعد صلاة الفجر تجمعو على الفطور بس واضح على غرام وكسار حاجز بسيط
ريوف :- الحبيبه وشفيهم اليوم ؟
ضحكت لطيفه :- الظاهر عطيتيهم عين
ريوف مسكتت يد هياف ورفعتها :- ليه اعطيهم عين وانا عندي هيوفي ؟
تحمم هياف وسحب يدها وضحكت غرام :- هيوفي ! ما كنت ترضى اناديك فيه عندهم والحين ريوف تناديك قدام الكل هيوفيي
ابتسم سيف :- حياة المتزوجين حلوه حتى ذا تغير من زمان ماشفته معصب
كشر هياف وجهه :- مشتاق يعني للعصبيه تبيني اطلعها عليك ؟
غرام ضربته على كتفه :- لا تحاول تغيير الموضوع
ناظر هياف ريوف حاولت تتهرب من نظراته :- خلاص توبه بس لف وجهك عني يالمكشر ... وانتِ ماجاوبتي وشفيه اخوي ؟
تنهدت غرام :- سالفة السوق والقهوه للحين يعاتبني عليها اول مافتحت عيني سالني كيف طعم القهوه !
ضحكت ريوف :- اعرف حركاته ذي عطيه يومين ثلاث وبيرجع كسار الطبيعي
دخل كسار وضمها من وراها :- بس ذي مرتي من الان ارجع كسار اللي تعرفه
ابتسمت غرام بخجل وبعدت يدينه :- ياشين تمثيل الدلع
هياف :- هو واخته نفس الطبع شرايك نسوي انقلاب ؟
ركضت غرام تجلس جنبه قبل ريوف ومد يدينه هياف يضمها جنبه اما ريوف قامت تسحبها تبعد عن هياف فجاه وقفت غرام ماسكه بطنها :- بسس وخري عني ما ابيش لا انتِ ولا هياف ابي بنتي
وقفت ريوف :- وش صار بتولدين؟؟؟؟
ضحكت غرام :- خبله انتِ احد يولد قبل اوانه ؟
ريوف :- مدري عنش فزيتي احسب بتولدين !
غرام مسحت على بطنها :- جاني شد منش ماقصرتي الحين بنتي ضيعت طريقها داخل بطني
جت لطيفه ودخلت عليها بصحن فواكه :- وكلي حفيدتنا وكلي وياها وتركي المخبل عنش
كسار :- الحين اقد اامنها عند عمتي وامي ولطيفه
ابتسمت لطيفه :- توصيات امي من ماسمعت صوتها جهزت الفواكه واعشاب تقول زينه للحامل
غرام سكرت فمها :- مستحيل اعشاب لو اموت ماشربت
كسار :- القهوة شربتيها والاعشاب لا !
غرام :- بشربها بشربها بس انسى الموضوع !
ابتسم كسار :- خذيها قبل ماتطلعون لسوق وحدش ساعه
هياف :- انا ماني موديهم مكان وبعدها تشخصنها معاي
كسار :- احسن انا اوديهم
غرام :- وجرحك ؟ اليوم ما غيرنا الضماد !!!
كسار :- صرت ما احس فيها خلاص طبت
غرام قامت تسحبه :- الحقني وانت ساكت
همست ريوف :- ما يندرى ضماد حبهم ولا جرحه
لطيفه :- شرايش تتقلعين مع رجلش وتتركون لي المجلس ؟
ريوف :- افا !!! وش ذي الطرده؟
لطيفه :- احتريت من الطرحه وبسوي شعري طسي صعدو غرفتكم او اقول طيرو بيتكم فكه
شهقت ريوف :- هياف شف ذي تطردنا !!
ابتسمت لطيفه :- دعابه كبرت الموضوع
ريوف :- الا قلتي طسي...
قاطعتها لطيفه :- انطمي لا تكملين
ضحك هياف :- بما للحين محد صاحي نصعد
لطيفه :- قصدك مافيه احد بالبيت
انصدم هياف :- ليه وينهم فيه !
لطيفه :- تعرف عمتي من ماصحت خذتهم السوق تضبط الحجوزات لخطوبة وزواج سعود حددتهم على كيفها
هياف :- وليه محد تكلم !
لطيفه :- وش تتوقعون؟ عمتي بتجلس تنتظركم تفيقون من النوم!
ريوف :- كله مننك
رفع يدينه هياف بستسلام :- امشي نطلع تجهزي حتى انتِ
ريوف :- عرف يطلع نفسه
لطيفه :- طلعو قبل يجون ويسمعونكم محاضره
ريوف :- باخذ فستانين يمكن الدور الجاي عليش
لطيفه شهقت :- اعوذ بالله اي خشبه ضربيها بسرععه
ضحكت ريوف وطلعت مع هياف تقضي لنفسها اما ريوف كانت ترسل كل شوي بقروبهم تذكرهم بالحجوزات .
~
عند غرام جالسة على طرف السرير تتنفس بعمق وتحاول تجهز نفسها نفسيًا بيدها ضمادات وعيونها على الباب تنتظر كسار ، طلع بشعره المبلول وعلى وجهه علامات استغراب
ابتسمت غرام :- تعال خل نغير الضماد قبل لا تنشغل مع الحوسة
كسار جلس قدامها :- متاكده تقدرين ؟
اشرت له يسكت :- انسدح وماعليك
كسار :- انسدح ليه !
غرام :- يعني عشان اخذ راحتي
كسار انسدح :- عزت الله رحت فيها
غرام رفعت المقص تهدده :- بنتي تسمع كل كلمه تقولها والله اخليها تكرهك
كسار :- لا اعوذ بالله ! خلاص انسدحت
ابتسمت غرام وبدأت تفتح الضماد بلطف وكانت تنفخ كل ما شافت جزء أحمر أو ملتئم نصه تتنهدت:-ليه تقاوم يا كسار كل ما أشوفه أحس بوجع غريب... كأنه أنا اللي منطعنه!
كسار :- بس عاد ما أطيق أشوفش متضايقه أنا بخير ووجودش جنبي يخلّي أي جرح يطيب
غرام رفعت عيونها تحاول تتمالك دمعتها:– تتكلم وانت ماشفت خوفي يومها ولا حسيت فيه كان بينك وبين الموت شععره كنت بتتركنا انا وبنتك اللي للحين ماجت !
كسار :- كنت داري بتنفجري انا اسف على اللي صار بس بالاخير هم نالو عقابهم واحنا نعيش تحت سقف واحد
غرام تنهدت وهي تخلص من تغيير الضماد شدّته ومسحت يدها بمنديل:- تكفى انتبه المره الثانيه
كسار قبل بطنها :-وعد... خلاص ما بقى إلا نفرح ببنتنا ونكمل العمر سوا
غرام ابتسمت رغم دموعها:-صرت احس انها بنت فعلاً
ابتسم كسار وهو يضمها لحضنه:– انا متاكد انها بنت وبنعيشها ببيت مليان حب وأمان... وعندها ام أحن قلب عرفته!
ابتسمت غرام وهي تستمع لنبض قلبه :- ابي بنتي تنافسني بمحبتك لا تكون قاسي عليها مثل ما كان...
مد صبعه يسكتها :- بخليها بعين وانتِ بعين لا تفكرين بالماضي وتربطينه فينا
نزلت دمعة غرام :- بحثت وعرفت النونو يسمع الكلام اللي حوله ابيها تسمع كل كلمه منك
كسار بمزح :- تسمع اني احب امها اكثر منها ؟
ميلت راسها :- تسمع
كسار قام يقبل غرام بكل حته بجسمها :- خليها تعرف اني ابوس امها اكثر منها
ضحكت غرام :- خلاص بعد وقوم ننزل
كسار :- تبين سيف يجدول علينا
اعتدلت غرام :- ماهو فيه تحت بس لطوف لا اتركها بوحدها
كسار :- انزلي عندها وانا بطلع اجيب كم غرض
غرام عند الباب :- لا تنسى اللي وصيتتك
نزلت غرام عند لطيفه وهي تشوف كمية الاوراق حولها :- بسم الله بدت جامعتك ولا وش !!
لطيفه :- لا بس ذي خطط سعود
ضحكت غرام :- خطط !!
لطيفة بدأت تستعرض الصفحات:– أولًا الليله حفلة الخطوبة بالليل بكرا الفجر نياف وغلا راح يسافرون للخبر يرجعون بنفس اليوم العصر ليش ؟ عشان موصين على توزيعات من الخبر تخيلي !!! بعدها يوم الجمعة ترتيبات تجهيز البوفيه وموقع المخيم... والسبت تجهيز الدبش والهدايا والاثنين العرس
غرام شهقت:– لااااا لا خلوني أرجع غرفتي ترى بنتي تنكمش من التوتر!
لطيفة ضحكت وهي ترجع الدفتر:– لا تحاتين كل شي محسوب له حساب انتِ عليش تهتمين ببنتنا
دخلت اديم وهي تمسك بكيس كبير بيدها:– تراي جبت لكم كم فستان انتو الثنتين اذا ماعجبكم وجعوه انتو
غرام :- يمهه مقاسي تغير اكيد ضيق علي !
شريفه :- ذي السوالف مب علينا نعرف مقاسچ بالنظر روحي لبسي وبتشوفين كيف مضبوط
ضحكت لطيفه :- تراها توسوس على الكيلو ذا من بداية الشهر
تاففتت غرام وخذته تشوفه عليها اما اديم جلست تستعرض الاغراض اللي شرتهم لملاذ وتوتر سعود اللي كان واضح عليه ومن تصرفاته وطقطقتهم عليه ، الجد طلع من غرفته:– وش ذا الحوسة؟ من اليوم وأنا أسمع سوالف وزعيق ماتخلون الواحد يغفي
ضحك سيف:– لا بس حنا نمشي على مخططات عمتي اديم وسعود للعرس الاعظم
الجد جلس بوسطهم يناظرهم بحنان:– أهم شي إنكم مع بعض لا مناسبه ولا ترتيب ينجح إذا قلوبكم مب متصافيه الله يحفظكم ويخليكم لبعض
ابتسمت غرام بدمعة ناعمة في عينها :- اهم شي انت موجود بينا يبه حتى نوره تتحرك ببطني تشارك اللحظه
ابتسمت اديم :- نوره ؟
درفت دمعتها غرام :- ايه نوره سمية امي وعشان تنور حياتنا
حضنتها اديم :- انشهد انها منوره حياتنا من الحين
وفي زاوية المجلس تكلم كسار:– دام البيت عايش بنتي بتولد وسط ناس تحبها قبل لا تشوفها... وهذا يكفيني
ابتسمت غرام وهي تشوف مها واديم يخططوون لهم وكيف نظرات الكل كانت على بطن غرام ورضاهم على الاسم حتى سعود عاش وياهم اللحظه .
أنت تقرأ
بشروني عنك ما يدرون عني مادروا باللي شغل فكري وظني
شِعراهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
